|
أنا مش عارف أتغير
غنية تامر حسني بالألبوم اللي نزل برمضان الماضي (أنا مش عارف اتغير) لفتلي نظري كتير بسبب موضوعها الجديد واللي بيعبر عن حالة معظم الناس.
كل واحد فينا في شي بحياته او بشخصيته بيكرهه او بيحب يحسنه بس كلما حاول يبدل هالشي بيلاقي حالو مو قدران. وقد ما وعد حاله انه رح يتغير بيصير شي معه بيخلي يضل على ماهو عليه. فياريت كل واحد منكن يحكيلنا شو هو الشي اللي بدكن تغيروه وماعم تقدروا تغيروه وليش بدكن تغيروه ولشو بدكن تغيروه وشو صار معكن وماخلاكن تغيروه وهيك منعرف شي جديد عن بعض |
الحياة
سألتُ صديقاً حبيباً على قلبي أن نتبادلَ الأعمارَ فرفض!
سألتُه من جديد وقلتُ له: أريدُ عمرَك فأنا أكرُه عمري... وبرغم المودّة التي تجمعنا رفض ولم يجبني إلى طلبي. كنتُ أريدُ تغييرَ زمني فما استطعتُ، والرّجل الذي التجأتُ إليه منعني، فماذا أفعل؟!!! |
اقتباس:
أنا بعتبر نفسي فاشله بسب هالشي حاولت كتير اتغير لكن فاشله صدقنى اختى الكبيره قالتلى مش هتعرفى تعيشي معانا انتى مولوده لزمن تانى ولازمى تتغيرى لتناسبى زمنا وعصرنا بس وحياتك مفيش فايده منى ولا بتغير المهم هالشي هو الطيبه يمكن انا ما بعتبرها عيب بس كتير اصبحت عيب بهالعصر صدقنى يعنى كل الناس فى وجهة نظرى كويسين لأن ببساطه مفيش مبرر مقنع لعقلى يجعلهم العكس حسن النيه هو أكبر فشل بحياتى دائما ظنى خير أختى بتقول لازم نفترض سوء النيه لحين يثبت العكس لكنى دائما أفعل العكس لما أحاول تغيير ذلك الشيء في ربما لأن الكثير يستغلها وقد يعيب علي البعض بسببها وأقسم لكى لطالما تعبت بسببها وأظن أن أمامى الكثير من التعب فطول التفكير فى مبررات البعض إيزاء البعض الآخر يرهقنى ويشل عقلى ورغم هذا مازلت أحاول ومازلت أفشل لكنى سأحاول لا أخفيكي سرا أخاف دوما على طفلة داخلى أخنقها فتقتلنى الحياة شي يخجل :oops: صح؟! |
اقتباس:
حبيبة قلبي ياربيع الأحزان طيبة قلبك مو المشكلة المشكلة هي الزمن لانه طيبة القلب صاير عيب بهالزمن و انا مارح قلك متل ماقلتلك اختك انه لازم تفترضي الأسوء حتى يثبت العكس رح قلك ماتعطي اي شخص اعمق اسرارك بدون ماتجربيه و تعرفيه منيح لأنه اكيد لسه في ناس منيحين بالدنيا بس لازم ندور عليهون بحذر. اوعك تخسري طيبة قلبك لأنه بعدها رح تلاقي صعوبة بتقبل القسوة اللي رح تحل محل هالطيبة بس كوني حذرة والله يوفقك يا طيوبة :D |
اقتباس:
على اعتبار صاحبة الموضوع لم تجبك لأسباب قد تكون متعلقةً بقوة لغتك أو مضمون خطابك أو صعوبة الإجابة على سؤالك أو كل هذه الأسباب مجتمعه... لكني آثرت أن لا يمر هذا الخطاب مرور الكرام.... هل لك أن تحدد ما الذي تريده؟؟ يا من تتصيد أخطائنا عادةً... صدناك الآن!!! هل تريد تبديل عمرك مع عمر صديقك؟ أم تريد نغيير زمنك؟؟ والفرق بينهما شاسعٌ كما تعرف... فتبديل الأعمار بمعنى تبديل عدد السنين أو تبديل الأماكن بينك وبين صديقك... أما تغير زمنك هو بمعنى أنك تريد تبديل العالم من حولك... ماذا تريد؟؟ علّنا نساعدك يا قرصاننا. |
اقتباس:
الموضوع مو هيك بس مشكلته بتتطلب مني تفكير مو رد عابر وحبيت اخد وقتي بالرد |
اقتباس:
|
اقتباس:
بقصد اني ما رديت مو اهمال بالعكس زيادة اهتمام |
ما رح توصلوا لشي;) هي شغلة مابيحلا غير الزمن
ليك-قرصان- مين أكبر انت ولا رفيقك..;) |
كتير مبسوطة بحالي هيك... ما بدي غير شي... بس ازا بتمنى شي لحالي فبتمنى انو ضل دايما انمى فكريا واقوى نفسيا... يعني يكونو هلأشيا دايما بحالة تصاعدية...
|
آه!
سلامٌ عليكم وعلى محفلكم الألذّ... أمّا بعد
عزيزتي القطّة الثامنة والعشرين لا تهتمّي فصديقنا فيفا سيريا أحبَّ أن يحرِّكَ حطبَ جهنّم لبرهة، فغضّي الطّرفَ عن أقوالي، فإن أجبتِ أو لم تجيبي فأنا أشكرك على سؤالِك القيّم هذا... التغييرُ في الإنسان منبع نموّ وارتقاء، وهذا يختلفُ نسبةً إلى مادّة التغيير، فهل أريدُ، على سبيل المثالِ، تغييرَ الحياة أم جانبٍ منها، أم شيئاً من أخلاقي وسلوكي، أم مظهراً من مظاهرِ جسدي، أم حالةً من أحوالي (الثقافيّة أو الاجتماعيّة أو الاقتصاديّة... إلخ)؟!!! وأنتِ أردتِ أن يكونَ حديثُنا منصبّاً على الحياة أو الشخصيّة... فنقلتُ ما أردتُ يوماً ليس بعيداً ولم يُسعفْني أحد في الإجابة إلى طلبي... بقصد اني ما رديت مو اهمال بالعكس زيادة اهتمام وأنا أقدّم لك شكري الجزيل على هذا الاهتمام :sosweet:. لا تنسي أن تسلّمي على القطط السبعة والعشرين السّابقة :p. لكني آثرت أن لا يمر هذا الخطاب مرور الكرام.... حالما قرأتُ هذه الكلمات، رأيتُني واقفاً على منبرٍ عالٍ وعلى رأسي عمامة قطرها قطرُ خصري أو أكثر ملفوفةٌ من الحرير، وفي يدي صولجان برج العقرب ألوّح به وأشيرُ إليكَ بهتاف وضجيج: جهنّم وبئسَ المصير!!! يا من تتصيد أخطائنا عادةً... صدناك الآن!!! "أخطاءَنا" مفعول به منصوب ومن حقّ الهمزة فيها أن تقع على السّطرِ مفتوحةً لا على كرسيّ الياء المجرور :yahoo:. ليش لتجيب الدبّ لكرمك، لييييييييييييييش؟!!!!! :lol:. (العمى طلعت دبّ بعد هالمثل). أسعى دوماً في اصطيادِ جمالكم وإذا ما تعثّرتُ بأخطائكم فلا أغفل عن معالجتها على قدر معرفتي القاصرة، وهذا لا يعني أبداً أنَّ الحفنة التي أشارككم فيها سليمة، فهي أيضاً تعجُّ بالأخطاءِ اللغويّة والأغلاط المعنويّة، وجلَّ من لا يخطئ. هل لك أن تحدد ما الذي تريده؟؟ هل تريد تبديل عمرك مع عمر صديقك؟ أم تريد نغيير زمنك؟؟ أردتُ أن آخذَ عمره الذي يحسبه قصيراً لأمنحه عمري الذي أراه طويلاً... لكنّه رفضَ حتّى أن يقولَ نعم! لأنّه يحبّني وأنا لا أحبّني... فأمّا عن الفرق بين الاثنين فسيأتيك في التّالي: والفرق بينهما شاسعٌ كما تعرف... فتبديل الأعمار بمعنى تبديل عدد السنين أو تبديل الأماكن بينك وبين صديقك... أما تغير زمنك هو بمعنى أنك تريد تبديل العالم من حولك... أنتَ قرأتَ الزّمنَ بمفهومِه العام، وأنا عنيتُ به هنا ضمن مفهومٍ ضيّق خاصّ، فلكلّ منّا زمنٌ يحيا به والعمرُ هو امتداده... الزّمن أوسع من العمر، فأمّا إن أردتُ تغييرَ العمرِ فلابُدَّ حينها من تغيّر الزّمن المرتبط به. الزّمن هو تاريخُك الممتدّ على مدى حياتك الدّنيا بكلّ ما فيه من برهات وساعات وأيّام وأشهر وفصول وسنين... فأمّا العمرُ فهو مجموعُها وعدّادُها!!! كنتُ أريدَ كسرَ هذا العداد وإيقاف ساعة الزّمن التي تدور فيه. ليك-قرصان- مين أكبر انت ولا رفيقك.. عزيزي achelious هو أكبرُ مني بقليل... مودّتي :hart:. |
قرصان دلني على طريق الإنسحاب :larg:
|
فيفا سيريا إنت مو على أساس بطلت من المنتدى وخلص حردت وما عاد بدك ترجع شايفتك رجعان والمياه رجعت لمجاريها
يلا أهلين فيك بالنسبة إلي بحس حالي إنو بيطلع بأيدي كون أحسن من اللي أنا فيه حالياً كتير وبمراحل بحس حالي عم ضيع وقتي كتير عالفاضي ، متل قعدتي هلأ عالنت يا ريتني فيني نظم وقتي وعبيه بشي ينفعني أو حقق المشاريع والدراسة يلي عليي متل ما بتوقعها لازم تكون بس للأسف دائماً بوقع بنفس المشكلة بقدر كون أحسن من هيك ومو طالع بايدي لأني جدبة وهبولة وبسسسسسسسسسس |
ما بدي اتغير
وعمري هلئ 21 سنة الا كم شهر ولو بيرجع فيني الزمن 21 سنة الا كم شهر رح كون متل ما انا قال اتغير قال انا هيك عاجبني وضعي ما بدي اتغير بعد هيك انت وياه عمقلك ما رح اتغير لك عليي الطلاق ما رح اتغير لا ما رح طلق بس ما رح اتغير خلص لفها بقا :o |
والنّعم!
أبو الفيف ليش لتهرب؟ إذا مروة خايفة من الصورة فأنت شو دخلك؟ لك تعا... إي تعا أنا ماني بعبع!
ميدو... عراسي حارتك! |
اقتباس:
لوليانا القعدة ع النت فيها تكون تضيع وقت وفيها تكون مثمرة حسب انتي لشو عم تستخدمي النت فيكي تتسلي ةتستفيدي بنفس الوقت وانتي مانك جدبة ولا هبولة بس لازمك قعدة بينك وبين حالك لتقرري اولياتك بهالحياة وتعرفي شلون تستفيدي من وقتك بتحقيق هالأولويات نورتي وشكرا ع تضييعك الوقت في قراءة موضوعي بس ماضيعتيه ع الفاضي لأنك كسبتي بفرحتي بمرورك حسنة |
اقتباس:
ولك خيو لاتتغير كرمال الله بس كمان ماتطلق المراة خطي وخلص التوبة ماعاد نقلك تغير منيح |
أنا آسفة ما كان قصدي أنو عم ضيع وقتي على قراءة مواضيعك
بس اكيد الواحد بيفكر كتير أنو ليش عايش وكيف لازم يكون وكيف لازم يستفيد من طاقاتو وإمكاناتو بأحسن شكل أنا بلاقي عندي كتير إمكانيات بس ما بيطلع بايدي استخدمهون صح لأني كسلانة أو لأني ما بعرف قيمة حالي أو شو بدي بتشكرك كتير على موضوعك وياريت فينا نعرف كل واحد فينا شو لازمو ليشتغلو أحسن ما يضل عطال بطال |
| الساعة بإيدك هلق يا سيدي 07:19 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون