|
اقتباس:
حبيبتي هي كيميائية ولا طبيعية لانو انا بتعامل بس بالطبيعي بقا ممكن تكون منيحة حسب الشركة وسمعتا لانوكل بلد الها شركات الاجنبية الي بيستوردو منها اذ بدك للتقشير حطي حليب مجفف وشوية ماء ورد وخلطيون لبين ما يصيرو سميكة شوي ( لا عجيبة ولا كتير سايبة متل المي وسط) ويعدين حطي شوية سكر او ملح واذا عندك اله تبعيت التقشير بيكون افضل اذا ماعندك بايدك بيصير اهما شي الملح او السكر بتحطيه اخر شي وبتعملي تقشير طبعا بعد ماتكوني عملتي بخار ماء بتعملي نقشير وكل مانشفت الماسك الي حطيتيه رجعي عملي بخار للترطيب شي 10 دقايق او 8 وغسلي وجك وبعدين اذا بشرتك ناشفة حطي صفار البيض خفقية وحطي عاوجك اذا بشرتك دهنية بياض البيض الزلال يعني حطية عابشرتك جربية وشوفي ورح تدعيلي نشالله وخبريني بالنتائج ماشي |
اقتباس:
حبيبتي الزيوان مابيروح قد ماروحتي ما بيروح لانو هدول افرازات دهنية من الجسم المهم بدك كل فترة 20 يوم تنظفي بشرتك يعني حسب درجه دهنية بشرتك حسب ماتحتاج كل شهر ونص كل شهر كل 15 يوم بعدين بعد ماتنظفي وشك في ماسك بينحط واليي هو ملعقة نشا او طحين مع بياض بيض خفقيون وحطيون عابشرتك بيسكر المسام |
يسلموو بنوته بس بدي اسألك انو تنظيف بشرتي اعملهاا عند صالوون ولاا كيف ؟
|
سلام بنوته حلب الظاهر ما شفتي تعليقي بس طيب ح اسألك انا المشكلة كلما بعصب بصير بطلعلي حب صغير على كتافي واحيانا بوشي بس ماعم اعرف شلون بدي اخلص من اثاروا لان بروح بس بصفى اثروا مشكورة
|
اقتباس:
يعني مسكي محرمة وعصري المسامات واذا ما بتعرفي فا بالصالون احسنلك اقتباس:
عنجد كتييييييييير سوري حبيبتي فعلا ما انتبهت بس بعتلك رساله عالخاص هلاء بعد ما تروقي تروقي تمام بيروح الحب و لاما بيروح :D ومبدايا كل ما تعصبي اغلي نعناع اخضر وشربيلك فنجان ونامي بعدا ونشالله بيروح مبدائيا جربيها وخبريني بالنتائج |
شكرا بنوتة على الرد وهلق انا كمان شفته بس طبعا على الخاص رديت وشفت وعنجد مشكورة من قلبي نور
|
اقتباس:
العفوا عيوني اهلا وسهلا فيكي ايا وقت كان |
طيب سؤال صغير مع انو الموضوع مابخصنا (الشباب)
شلون الواحد فيو يروح السواد اللي تحت العينين :D |
اقتباس:
شلون ما بيخصكون بيخصكون كمان يا استاذ حسون السواد بتروحوا عن طريق خلط هالشغلتين قشر بطاطا وعصرها بعصارة الجزر بعدين عصور خيارة كمان وخلطون مع بعض وبعدين عميل كمادات بالخليط وفيك تضيف نصف ليمونة واذا بدم اسهل يعني حط شريحة من البطاطا على عيونك او خيارة ومعا معا بيروح السواد هلاء السواد سببو اما وراثيا او تعب او سهر اذا وراثيا يمكن ما يروح واذا تعب بدك تشرب بابونج او نعناع قبل ما تنام اوكي |
اقتباس:
اي مع انو بدنا نشتغل شغلة بالعصر بس للازمتني ضروري .. هلأ مشان هالشغلات مثلا لما بدي حطي شريحة البطاطا مثلا حطا ع العين ولا ع مكان السواد بالضبط ؟ وقديش بدو السواد ليروح مدة ؟ |
اقتباس:
طبعا على مكان السواد بس اذا كان خلطة البطاطا والخيار والليمون بيبين فرق بسيط فورا بس اكيد بدك تشوف السبب الرئيسي وتعالجو اذا كان ارهاق او سهر اووو الخ مع الخلطة ومدتا حسب كل واحد وبشرتو بس يعني شغلة اسبوع لا 10 ايام وممكن اكتر بشوي وحسب العمر كمان |
أول شيئ الله يعطيكي العافية
وتاني شيئ حضرتك بازلة جهود عظيمة ليست عادية سؤال: الفطريات التي بين أصابع القدم أذا ممكن تعطيني فكرة عن الوقاية منها و من ثم العلاج و يسلمو على الموضوع بنتظار الرد و بدي أجمع البنات الحولاي و النساوين و أشتغلك أسئلة و بس لحئي و مشكورة كتير كتير :D |
مرحبا
سؤالي عن البرونزاج الصناعي (بجهاز الاشعة )يعني مو طبيعي تحت الشمس هل له مضار و اثار سلبية و بتنصحي به او لا؟ مع ايضاح الاسباب بشكل علمي مشكوره |
اقتباس:
اقتباس:
البرونزاج الصناعي ما بنصح فيو لا نو الو سلبيات اول شي بيعمل تصبغات بالبشرة يعني هاد البرونزاج الو فترة محددة وبيخف شوي شوي اللون وبيصير على صفار ويمكن يترك بقع صفراء او بنيه حسب كل نوع بشرة ويمكن الي عم يشتغل على الجهاز ما بيعرف يشتغل علية منيح ووقتا بيسبب حروقات لا البشرة وازا كان في شامات نافرة او النمشات الموجودة بالظهر او الصدر الناتجة من اشعه الشمس بتعرضا لا اشعه الجهاز ممكن تسبب سرطان للجلد ( لا سمح الله ) وكلنا منعرف انو الشامات يمكن يكون منها سرطان حميد ونتيجة تعرضها لا هل اشعه بيصير خبيث او حتى ازا في كتلة دهنية تحت الجلد ممكن تكبر وتورم وتلتهب علهامش ( مرة نصحتا لا رفيقتي وما سمعتلي كلمة قالتلي لالالا مو معقول وفعلا صار هالشي وعملت عملية بكتفا طلعولا الكتلة الدهنية هيه كانت موجودة من قبل بس واقفة على حد معين وبعد تعرضا لا الاشعه صارت تورم ) ومنعرف انو البرونزاج الصناعي ما بيكفي جلسة وحدة وكل ماكانت البشرة افتح كل ماعدد الجلسات بيزيد وكل ماكانت اغمق فا اكتساب اللون بيكون اسرع بس بشكل عام لا انصح به بتاااااااتا واي استفسار تاني انا جاهزة :D |
اقتباس:
يا اهلين عمو حلبي كلك زووق وشكرا على هالاطراء اول شي رح نعرف شو هيه الفطريات فطريات القدم: هي عبارة عن التهاب فطري جلدي، يظهر على شكل حلقات دائرية، ويمكن أن ينتقل بسهولة من شخص لآخر. تصيب الفطريات الرجال والنساء، لكنها أكثر شيوعا لدى الرجال، وربما يعود ذلك إلى ممارستهم الرياضة، فالأرجل ترتفع حرارتها وتزيدة رطوبتها في أحذية الرياضة والتدريب. وهذا هو الجو الملائم لنموها وتكاثرها.( نمو الفطريات يعني ) واكتر شي يعني اكتر اماكن بتتواجد فيها الفطريات هي • بين أصابع القدمين. • بين الفخذين. • تحت الثديين. والجو المثالي للفطريات هو فصل الصيف يعني لما منلبس احذيه مغلقة وجرابات ومنعمل مجهود وحرارة الصيف بيصير في رطوبة والفطريات روووووح قلبون الرطوبة :lol::lol: اما الاصابات بالعدوى فا بتصير بعدة اسباب ومنها المشي حافي بي ارض المسابح او بالغرف العموية لتغيير الملابس بالمحلات اللبس يعني استعمال منشفة او بابوج مسكر لشخص تاني مصاب وعدم العناية بالقدمين ( من غسل وتعقيم وووالخ ) او ممكن عن طريق حيوان مصاب بالفطريات اما السبب العلمي كيف تحدث الفطريات فا هو : كيف تحدث الفطريات: 1. عند إصابة الجلد بالفطريات يعمل الجلد جاهدا للتخلص منها، وأولى دفاعاته تتمثل بفصل طبقته السطحية. 2. لكن إذا لم يتخلص الجلد منها ووجدت الفطريات بيئتها المناسبةــ كالجلد الرطب مثلاــ يبدأ الجسم بتشغيل نظام المناعة لديه فيرسل أسرابا من الخلايا لمحاربة هذه الفطريات، فتظهر بعض الأعراض على المنطقة المصابة كالحكة والحرقة. 3. وتحدث الالتهابات وتظهر أعراضها باحمرار وتورم للمنطقة المصابة. 4. ويصبح لون الجلد أبيض ذا قشور، خاصة إذا بقيت القدم رطبة أو حشرت في حذاء ضيق وهنا تنمو البكتيريا. 5. وتبدأ رائحة القدمين السيئة بالإنتشار. ويمكن للفطريات التي تسبب هذه الإصابة أن تنتشر إلى إصبع القدم أو الأظافر، وهنا لا بد من الفحص الطبي. . سبل الوقاية: • غسل القدمين يوميا مع تخليل الماء بين الأصابع للوقاية من التعرق الذي يؤدي إلى تكاثر الفطريات. • تجفيف القدمين وما بين الأصابع بفوطة قطنية وبشكل جيد بعد غسلهما. • استعمال مناشف نظيفة لتجفيف القدمين. • ارتداء الأحذية المريحة المفتوحة في الصيف، أو الأحذية المصنوعة من المواد الطبيعية، مثل الجلد أو القماش. • ارتداء الجوارب القطنية التي تمتص الرطوبة فتحول دون تعرق القدمين. • المشي حافيا في البيت. • المحافظة على نظافة البيت خاصة أرضية الحمام وحول حمامات السباحة. علاج فطريات القدم: عليك أن تعي العوامل التي أدت لإصابتك بالفطريات، وأن تمنع انتشار هذه الالتهابات على القدمين، لئلا تصيب بها أشخاصا أخرين..، وتجنب كذلك إصابتك بالعدوى مرة أخرى. ويعمل العلاج المستخدم بشكل مباشرعلى إبطاء وإيقاف نمو الفطريات، كذلك فإن العلاج المتبع في علاج معظم حالات فطريات القدم لا يحتاج لوصفة طبية، لأنه في أغلب الحالات تستخدم العلاجات المضادة للفطريات المتوفرة على شكل مراهم أو بخاخات أو بودرة في الصيدليات، حيث يدهن مكان الإصابة بين الأصابع حسب التعليمات، كذلك ترش في الحذاء.لكن الأهم عند استعمال الدواء ضرورة المداومة عليه لمدة أسبوعين لإيقاف نمو فطريات القدم، وننصحك بمراجعة الطبيب إذا لم تتحسن الحالة. وفي النهاية نذكرك بضرورة المحافظة غلى نظافة القدمين دائما، وخاصة بعد ممارسة الأنشطة الرياضية. |
اولا بشكرك على الموضوع بس انا بدي اسأل عن كيفية جعل لون البشرة اسمر او برونز
|
اقتباس:
هلاء لا اكتساب اللون البرونزي هو لما تروح على البحر او المسبح احسن شي على اشعه الشمس بس بعد الساعه 4 لانو قبل هيك بتكون الاشعه كتيييييير ضاره والي بيسموها اشعه الفوق البنفسجية ( ب ) فا بعد الساعه 4 بتخف حدة الشمس وبتصير اشعه ( ج ) وقتا فيك تدهن زيت الشمس الي بيكسب الجسم لون برونزي ( اكيد زيت خاص بيكسب اللون البرونزي لا البشرة وبيكون فيو عامل حماية للبشرة ) |
شكرا على المجهودات الجبارة، والله أنت كثير كريمة
لو سمحت فيني أسألك أنا بشرتي سمراء قمحية، عندي سواد تحت الإبط منظر مش مليح كيف أعمل شو معنتها بذرة الكتان أنا من المغرب العربي، ولا أعرف ما هي بالنسبة للتفزرات البيضاء، إحنا في تونس ما فيه مراكز الليزر ما في طريقة، علشان نتخلص منهم عندي حب في وجه بس مو حب شبابحب نتيجة العرق أيضا في صدري شو أعمل كيف نتخلص من الإخضرار في منطقة فوق الفم في طريقة طبيعية كي نتخلص من السمنة، خاصة في منطقة البطن و الفخذين، و القوام أنا تعبت كثير بالأسئلة بس أنت مثل غريق و وجد قشة شكرا و أتمنى لك النجاح في دراستك |
| الساعة بإيدك هلق يا سيدي 15:40 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون