أخوية - ما هو السؤال الذي لاتحب أن يسألك به أحد ؟؟

الصفحة 4 من 5

عرض 40 مشاركة من هذا الموضوع في صفحة واحدة

أخوية (http://www.akhawia.net/forum.php)

- الصـــــــــــالون (http://www.akhawia.net/forumdisplay.php?f=11)

- - ما هو السؤال الذي لاتحب أن يسألك به أحد ؟؟ (http://www.akhawia.net/showthread.php?t=118805)

saman

10/03/2009 18:51

اقتباس:

و في كمان سؤال تاني مرتبط فيه نوعاً ما : من وين إنت ؟؟؟!!!!!!!!!!

اي هاد منشان التمويه .. يعني ازا عرف المنطقة انو على اساس بيعرف دينك :pos:

عطر المغرب

10/03/2009 19:16

نورتووووو المشااااااااااااااااااااا اركة والله
بس هي حشرية بالعالم بحبو يعرفو كل شي
بس بدكم الصراحة انا ما بياخدو مني لا حق ولا باطل
:p :p:p:p

a7la lolo

10/03/2009 20:01

هههه .انا هيك .. بس حدا يسألني شي سؤال حشري ومالي نفس رد عليه .. بقلو إنتْ شكووووو .. شكو بالكويتي يعني شو دخلك ..
فلما بحكيها بياخدوها عأنها مزحة وبيبطلو سالو عن السبب :p

بنوتة حلب

11/03/2009 00:38

هلاء في نقطة انو ممكن هالحشري يكون عم يخلق حديث ليحكي وهو بيطبعو
انو مابيحب بسكت وبيحب يحكي
فا مابيكون قاصد تدخل او شي

البعض من العالم مو الكل

توم و جيري

11/03/2009 01:12

مين بكره ومين بحب ..

أبو السييم العظيم

11/03/2009 12:29

اقتباس:

كاتب النص الأصلي : saman (مشاركة 1233266)

اي هاد منشان التمويه .. يعني ازا عرف المنطقة انو على اساس بيعرف دينك :pos:

لك معلم و ما في أكتر منون هدول ..

أو إنو إذا ما عرف دينك فخلص رسم بذهنو صفات عامة على أهل هالمنطقة ..

مثلاً قللو إنك من السويداء ... خلص مبينة يا درزي يا أما باحتمال قليل مسيحي :shock:

قللو إنك من الجولان أو من القنيطرة ... خلص صرت نازح :p

قللو إنك من إدلب خلص صرت ........ دمك حامي !! شو فكرتو ..! :p مو هيك بقولو عن الأدالبة إنو دمون حامي و دغري بيعصبو ..بس عراسي والله كل أهل إدلب .!! و كل السوريين بلا تخصيص

و هكذا ...... :larg:

nour333

11/03/2009 13:21

اقتباس:

كاتب النص الأصلي : saman (مشاركة 1233266)

اي هاد منشان التمويه .. يعني ازا عرف المنطقة انو على اساس بيعرف دينك :pos:

هاي الشغلة موجوده بس بسوريا ولبنان على حد معلوماتي يعني من المنطقه بتعرف مسلم ام مسيحي شيعي ام سني(العراق)
بس بقية الدول العربية لأ
بس متلا المناطق الها دلالات عنا مرات مدينة او جهة معروف اهلها بالبخل او اللؤم فوقت بيسألو لحتى يعرفو مع مين بتعاملو

حلم طفلة

11/03/2009 13:23

لما اكون بالبيت وحدا بيدق لي على تلفون البيت ويسالني
شو وينك ؟؟

يعني هاد اغبى سؤال بينرفز :frown:

الاء النور

15/03/2009 03:31

انا لما كنت بسوريا كنت بجن من سؤال

وينك وين رايحة شو عاملة من وين انت شو ديانتك مين احلى هون ولا الجزائر

والله طققتوني

قرصان الأدرياتيك

15/03/2009 04:29

أنا ما بحب أي سؤال يتعلق بحياتي الجنسيّة، وإذا كان السؤال من شخص مقرب جداً بجاوب بالعموميات بس بصعوبة بالغة، وإذا كان من شخص مو كتير قريب مني فما عندي لف أو دوران بجاوب بكل بساطة وصراحة أنو اهتمّ بأمورك أحسنلك!
كل الأسئلة يلي انطرحت من قبل الأصدقاء مزعجة بشكل كبير وخاصّة أسئلة تتعلق بالخصوصيات الراهنة: لوين رايح؟ مع مين كنت عم تحكي؟ مين بعتلك الميسيج؟ إيمتا راجع مالسفر؟ شو في عندك هونيك؟ ليش هالسفرة؟ مين هالشخص اللي سلم عليك؟... إلخ. غالباً ما جاوب، بس أحياناً بكون تعبان أو معصّب من شغلة فجوابي يجي ناشف جداً وكأني رح عضّو للسائل، فيتعلم أنو هي آخر مرة يسألني هيك سؤال!
والسلام عليكم ورحمة الله وكل أنعامه وبركاته :D.

satoman

15/03/2009 04:54

شو الاخبار؟

ritka

15/03/2009 05:52

شو احسن روسيا ولا الاسلام؟:? العمى كيف يتقارن دولة بدين؟ يلعن هيك غباء مستفحل
او شو الاحلى هون و لا كندا ؟:krimbow::waa3:بيعقدني هاد السؤال تضربو ع هيك اسئلة

sweetbaby

15/03/2009 05:56

ممم وين ناوية تستقري بسوريا ولا باميركا؟
وين احلى هون ولا اميركا؟؟
حبيتك شي حدا اميركي؟؟

اي سؤال من هالقافية..

flower bomb

15/03/2009 06:41

اكثر الاسئلة المزعجة جدا بالنسبة لي..الأسئلة الغبية من نمط:
ليش ما اشتغلتي؟؟؟:aah:شو رأيك؟لقيت شغل مناسب وحلو وباختصاصي والدوام مناسب بس ما اشتغلت :pos:
ليش اعده لحالك ؟ايييييييييف
والسؤال السوبر نكد:
لما بكون دارسة مع حدا من الكي جي 1 وبعد سبعين سنة بتسألني :أنت من وين؟:?من بلاد الواق واق أو من الفضاء (اختاري) هففف

Ultimat_Ya

15/03/2009 12:24

الزوجة او اسم الزوجة والراتب
تقبل مروري

sandra

15/03/2009 15:42

اقتباس:

كاتب النص الأصلي : sweetbaby (مشاركة 1235867)

حبيتك شي حدا اميركي؟؟

..

اي اي شيلي اميركي وحطي فرنسي
هالسؤال معقدني

همس الياسمين

15/03/2009 17:25

هنن سؤالين بيزعجوني كتير
ليش اسمك همس الياسمين ؟؟؟؟
ج _ليش يعني مايكون همس الياسمين...:pos:
ليش الياسمين بيهمس ؟؟؟
ج _اي بيهمس بس قليل كتير يلي بيقدر يسمع ويفهم :frown:وشكلك منهم ..:pos:

Abo_rafea

15/03/2009 17:38

أي سؤال مو بمحلو ..

مثلا:
بكون قرفان هدومي والكآبة عم تشرشر من وجهي متل اللبن المسكوب...بيجي فهمان بيسألني كيفك؟؟؟؟؟؟؟؟؟؟؟؟

الساعة بإيدك هلق يا سيدي 14:13 (بحسب عمك غرينتش الكبير +3)

الصفحة 4 من 5

عرض 40 مشاركة من هذا الموضوع في صفحة واحدة

Page generated in 0.03411 seconds with 11 queries