أخوية
الصفحة 1 من 2 1 2 >
عرض 40 مشاركة من هذا الموضوع في صفحة واحدة

أخوية (http://www.akhawia.net/forum.php)
-   السقيفة (http://www.akhawia.net/forumdisplay.php?f=58)
-   -   ^^^^^فكرة موضوع جديد^^^^^ (http://www.akhawia.net/showthread.php?t=129899)

حنين. 02/10/2009 05:49
^^^^^فكرة موضوع جديد^^^^^
 

مرحبا

بتمر اوقات بيخطرلنا اكتر من فكرة لموضوع جديد
ونتحمسلها
بس ما نقدر نعملهم كلهم فرد مرة
فنعمل وحدة او اتنين
ولما يمر وقت ونحب نعمل شيء جديد
يطيرو الافكار

حبيت يكون هاد الموضوع متل اجندة جماعية
اللي خطرتلو فكرة ومو قدران ينفذها حاليا
يحطها هون
ان اهتم حدا غيرو وعملها
بيصير متل تنافس شريف طبعا
ما ممكن غير انو يفيد في اثراء الموضوع

وهيك اللي عندو وقت وماخطرتلو افكار يستفيد
ويفيد
وحتى صاحب الفكرة الاصلي
ممكن يعدلها ويطورها من خلال النقاش
ورايين احسن من راي واحد

بتمنى ما تبخلوا علينا
بوقتكم وبافكاركم
:D

حنين. 02/10/2009 05:59
رح ابدا انا اول وحدة

من زمان ببالي اعمل موضوع بقسم الصحة بيحتوي على اهم الاسعافات الاولية يلي بتعرفو كتير ضرورية وممكن تساهم في انقاذ حياتك او حياة غيرك

مثلا الاسعافات الاولية في حالات الحروق او الكسور او الازمات التنفسية معروفة عند فئة قليلة من العامة ومجهولة عند الباقي
وفي امراض كتير اخرى ممكن تصادفنا ونحنا بالشارع او باي مكان وما نعرف كيف نتصرف متل ازمات الصرع والازمات القلبية

الفكرة امامكم ومابدكم عزيمة
:D

حنين. 02/10/2009 06:12
الفكرة التانية كمان بالصحة
مسابقة طبية
بنجمعلها لجنة تحكيم من اطباء وطلبة طب
ونترك باقي الاعضاء يطرحو تساؤلاتهم يعني اي سؤال واي استفسار ممكن يخطرلهم
والي بيعرف جواب بيجاوب واللجنة تتدخل في حال انحطت معلومة غلط

الهدف هو زيادة الثقافة الطبية اللي بايامنا صارت دات اهمية قصوى خصوصي مع انتشار اللامبالاة والتساهل وكثرة الاخطاء الطبية بعالمنا العربي خصوصا
يمكن بهالطريقة نقدر نتفادى اخد دواء بسبب تشخيص طبي خاطئ
او التساهل مع الاعراض الخطيرة
وتضخيم الاعراض البسيطة وغيرو
اليكم االحط :ss:

حنين. 02/10/2009 13:41
فكرة تالتة بس مابعرف ادا ممكن تضبط
مواضيع لتعليم واخرى تساعد على استرجاع اللغات الاحنبية الي كنا نعرفها ونسيناها مو بالضرورة بس دروس
يعني برامج نصائح مفيدة
ترجمة لعبارات او حكم وغيرها
هاد الاقتراح لاني حاسة ان اخوية ظالمتنا من هذه الناحية من ناحية انها تشدنا كتير للغة العربية وتبعدنا عن غيرها

قرصان الأدرياتيك 02/10/2009 15:39
والله يا هدهودي إذا القصّة أفكار ومشاريع وملفات فمليان ملي...
هلا عندي مشروع مهم جداً إذا حدا بينفذوا بدالي: سفرة عالهند وزيارة توثيقيّة... مين طالع عَ بالو ينفذها بدالي بيريحني ويرتاح :larg:.
بالنسبة للمشاريع الداخليّة المحليّة، في أفكار عن ترجمات الآداب العالميّة للغة العربيّة، إذا حدا طالع عَ بالو يقترح مشروع ترجمة عن الإيطاليّة أو الفرنسيّة أو السريانيّة... فميت هلا بيشيل كتف وأنا مستعدّ لتنقيح الترجمة وصياغة العربيّة... شو؟! :D.

marochka 02/10/2009 16:00
اقتباس:
كاتب النص الأصلي : قرصان الأدرياتيك (مشاركة 1342845)
والله يا هدهودي إذا القصّة أفكار ومشاريع وملفات فمليان ملي...
هلا عندي مشروع مهم جداً إذا حدا بينفذوا بدالي: سفرة عالهند وزيارة توثيقيّة... مين طالع عَ بالو ينفذها بدالي بيريحني ويرتاح :larg:.
بالنسبة للمشاريع الداخليّة المحليّة، في أفكار عن ترجمات الآداب العالميّة للغة العربيّة، إذا حدا طالع عَ بالو يقترح مشروع ترجمة عن الإيطاليّة أو الفرنسيّة أو السريانيّة... فميت هلا بيشيل كتف وأنا مستعدّ لتنقيح الترجمة وصياغة العربيّة... شو؟! :D.
والله هي فكرة، أنا من زمان عم فكربالترجمة لأنو بدي اشتغل بالبيت، بس بدي مين ينقحّلي الترجمة، واللغات اللي عم فكر فيها هي الإيطالية والفرنسية والإنكليزية، بس بعد ما عم أعرف نقي شو بدي ترجم!! والطباعة والتسويق في مين يساعد فيهون.

قرصان الأدرياتيك 02/10/2009 19:13
اقتباس:
كاتب النص الأصلي : marochka (مشاركة 1342852)
والله هي فكرة، أنا من زمان عم فكربالترجمة لأنو بدي اشتغل بالبيت، بس بدي مين ينقحّلي الترجمة، واللغات اللي عم فكر فيها هي الإيطالية والفرنسية والإنكليزية، بس بعد ما عم أعرف نقي شو بدي ترجم!! والطباعة والتسويق في مين يساعد فيهون.
هلا والله حي الله إي والله... الله لا يسامحك يالـ نمس!
المهمّ بالنسبة للتنقيح الأوّل والصياغة العربيّة فهلا والله هالرقبة سدّادة (مع صعوبة لفظ السين)!
وإذا أنتِ عم تفكري باللغات المذكورة أعلاه، فشو رأيك تبلشي بالإيطالية؟! وإذا ما بتعرفي تختاري في عندي حتّة دين كتاب ممكن نرزق من وراه وممكن لأ! قصدي عندي أكتر من كتاب... كتب علمية ممكن يكون من وراها مردود مادي لا بأس به، وكتب أدبيّة للدخول بعالم الأدب والكتابة! وللصراحة العمياء أنا مبلش بكتاب في من وراه دينارو شنّو مفلّس وبحاجة هالدينارو الملعون!
أختارلك الكتاب؟! :D.

قرصان الأدرياتيك 02/10/2009 19:16
صحي مروشكا نسيت أسألك شو رأيك بمشروع الهند؟! :p.

عطر المغرب 02/10/2009 19:30
مشكورة على الموضوع الحلو تسلم ايدك
وانشاء الله لما تكون عندي فكرة بقترحها

حنين. 02/10/2009 21:28
اقتباس:
كاتب النص الأصلي : قرصان الأدرياتيك (مشاركة 1342845)
والله يا هدهودي إذا القصّة أفكار ومشاريع وملفات فمليان ملي...
هلا عندي مشروع مهم جداً إذا حدا بينفذوا بدالي: سفرة عالهند وزيارة توثيقيّة... مين طالع عَ بالو ينفذها بدالي بيريحني ويرتاح :larg:.
بالنسبة للمشاريع الداخليّة المحليّة، في أفكار عن ترجمات الآداب العالميّة للغة العربيّة، إذا حدا طالع عَ بالو يقترح مشروع ترجمة عن الإيطاليّة أو الفرنسيّة أو السريانيّة... فميت هلا بيشيل كتف وأنا مستعدّ لتنقيح الترجمة وصياغة العربيّة... شو؟! :D.
هلا بالقرصان:D
سفرة عالهند انا لها بروح بدالك بس امتى الله اعلم بدك تصبر كتييييييييير ومن هون لوقتها بتكون علمتني كيف اعمل زيارة توثيقية:p
هو فعلا ابتديت تجربة ترجمة بتعرف انت من اي لغة هي وحدة ومافي غيرها وناطرة رايك فيها مع انها مو ترجمة ادبية ابدا بس محتاجة خبرتك:D بتحب تشوفها هلق ولا تستنى لتخلص تعرف اني ببطئ السلاحف:lol:
وعلى هالاقتراح ال:Dعظيم رح يصير عندك زبائن كتار
مرسي ابو القراصنة وابو الافكار:gem:

marochka 02/10/2009 21:33
اقتباس:
كاتب النص الأصلي : قرصان الأدرياتيك (مشاركة 1342903)
صحي مروشكا نسيت أسألك شو رأيك بمشروع الهند؟! :p.
هاد أحلى مشروع، بس بدك تأجلي ياه شي 15 سنة ليكبرو ولاد ويخلصو مدارس.
أما الترجمة فَ يللا نقي الكتاب ومنبلش وإذا بدك أول كتاب خود الدينارو كلو على اعتبار أنو بعدني عم جرب عضلاتي بالترجمة، بعدين أنا ملاقية مين يصرف عليي :p.

حنين. 02/10/2009 21:43
اقتباس:
كاتب النص الأصلي : marochka (مشاركة 1342852)
والله هي فكرة، أنا من زمان عم فكربالترجمة لأنو بدي اشتغل بالبيت، بس بدي مين ينقحّلي الترجمة، واللغات اللي عم فكر فيها هي الإيطالية والفرنسية والإنكليزية، بس بعد ما عم أعرف نقي شو بدي ترجم!! والطباعة والتسويق في مين يساعد فيهون.
فكرة حلوة كتير وبتمنالك النجاح
بالنسبة للاختيار هاد راجع الك ولميولك ولقيمة الكتاب الي بدك ترجميه وادا مترجم من قبل او لا
انا بس عم جرب حالي بالترجمة يعني لسا مابعرف ادا ماشي حالي او لا خصوصي ان تكويني ابعد مايكون عن اللغات والاداب
يعني ادا شايفة اني ممكن انفعك بشيء اي شيء لغتي التانية فرنسية وانا بالخدمة
نورتي مروشكا:D

قرصان الأدرياتيك 03/10/2009 02:22
اقتباس:
كاتب النص الأصلي : حنين. (مشاركة 1342933)
هلا بالقرصان:D
سفرة عالهند انا لها بروح بدالك بس امتى الله اعلم بدك تصبر كتييييييييير ومن هون لوقتها بتكون علمتني كيف اعمل زيارة توثيقية :p
هو فعلا ابتديت تجربة ترجمة بتعرف انت من اي لغة هي وحدة ومافي غيرها وناطرة رايك فيها مع انها مو ترجمة ادبية ابدا بس محتاجة خبرتك:D بتحب تشوفها هلق ولا تستنى لتخلص تعرف اني ببطئ السلاحف:lol:
وعلى هالاقتراح ال:Dعظيم رح يصير عندك زبائن كتار
مرسي ابو القراصنة وابو الافكار:gem:
سنة 2010 حضري حالك، وبالنسبة للتوثيق سهلة جداً دفتر وقلم وكاميرا ومجموعة كتب بتحكي عن الهند وكترة أسئلة من يوم ما تدخليها ليوم ما تطلعي منها!
إذا اللغة بعرفها أهلا وسهلا وبكل الأحوال بقدر ساعدك بصياغة الترجمة... وأهلا بالزباين إذا كانوا متلك :D.

اقتباس:
كاتب النص الأصلي : marochka (مشاركة 1342934)
هاد أحلى مشروع، بس بدك تأجلي ياه شي 15 سنة ليكبرو ولاد ويخلصو مدارس.
أما الترجمة فَ يللا نقي الكتاب ومنبلش وإذا بدك أول كتاب خود الدينارو كلو على اعتبار أنو بعدني عم جرب عضلاتي بالترجمة، بعدين أنا ملاقية مين يصرف عليي :p.
شو رأيك بالكاتب اليهودي الإيطالي Primo Levi؟ عندو مذكرات se questo è un uomo من أروع ما كتب باللغة الإيطاليّة! رائع لدرجة النشوة... إذا وافقتِ لنبلّش! وإذا ما قدرتِ تحصلي عليه بدبرو أنا... وإذا ما عجبك بنقي غيرو!
:D.

saman 03/10/2009 02:35
بما اني بحب الصحافة .. فا كان ببالي عدة مواضيع اجتماعية خرج الطرح ... :pos:

الأطفال المشردين ... أو الأطفال الموظفين في مهنة التسوّل ... هي كنت حابب اعمل فيها تحقيق مع صور وقصص ... بس ما صحلي وقت ... ولسا الفكرة ببالي ...:cry:

الفكرة التانية ... في ختيارة ضريرة بعرفها من اول ما وعيت عالدنية ... بتروح من بيتها الكائن بحي القيمرية وبتجي ع باب توما ... لتبيع خبز كل يوم ... وع حسب ما عرفت انو هالشغلة عم تشتغلها صرلها اكتر من عشرين سنة فيها... وبطبيعتي الصحفية الحشرية ... كنت حابب اعمل معها تحقيق واعرف عن حياتها اكتر وكمان لهلأ ما صحتلي فرصة ... :cry:

هي خلصت من المواضيع الاجتماعية يلي ببالي هلأ ... :pos:

في موضوع موسيقى ... كنت حابب ساويه واسمو مساحات شرقية ... في البومات لموسيقيين شرقيين من عدة بلدان شرقية متل تركيا , ايران , آذربيجان , أرمينيا ... وهيك ... انو الموضوع عبارة عن هالالبومات ولمحة عن الموسيقي ... وعن الابومات ... وهيك ... بس كمان ما صحلي فرصة ... لأنو نص الالبومات يلي عندي مستعارين من قبل بعض الاصدقاء ( بيعرفو حالهن :p) ...

فا انو ترقبوا بهالخمسين سنة اللي جايين ينزلو هالمواضيع يلي حكيت عنهن :lol:


:D

حنين. 03/10/2009 10:22
اقتباس:
كاتب النص الأصلي : عطر المغرب (مشاركة 1342905)
مشكورة على الموضوع الحلو تسلم ايدك
وانشاء الله لما تكون عندي فكرة بقترحها
هلا بعطر المغرب:D
مو ضروري نحط بس افكار هاد الموضوع افكارو معروضة للسرقة
اللي بيسرق فكرة بيكون مشكور من القلب واكتر من صاحب الفكرة

حنين. 03/10/2009 10:37
سامان افكارك انسانية وبتستاهل نستناها لانو مافيني اسرقها واعمل تحقيقات:p:D

marochka 03/10/2009 11:16
اقتباس:
كاتب النص الأصلي : قرصان الأدرياتيك (مشاركة 1343024)
سنة 2010 حضري حالك، وبالنسبة للتوثيق سهلة جداً دفتر وقلم وكاميرا ومجموعة كتب بتحكي عن الهند وكترة أسئلة من يوم ما تدخليها ليوم ما تطلعي منها!
إذا اللغة بعرفها أهلا وسهلا وبكل الأحوال بقدر ساعدك بصياغة الترجمة... وأهلا بالزباين إذا كانوا متلك :D.


شو رأيك بالكاتب اليهودي الإيطالي Primo Levi؟ عندو مذكرات se questo è un uomo من أروع ما كتب باللغة الإيطاليّة! رائع لدرجة النشوة... إذا وافقتِ لنبلّش! وإذا ما قدرتِ تحصلي عليه بدبرو أنا... وإذا ما عجبك بنقي غيرو!
:D.
أنا من يوم الاتنين بقدر بلش، بيكون العزا اللي عنا خلص والولاد بيكونو بلشو مدرسة مظبوط، الكتاب بدي جرب لاقيه، عالأنترنت يمكن في نسخ تورنت، وأنا فايتة بالحيط بالتورنت، وفيني أطلب نسخة ورقية من مكتبة أنطوان. بس إذا فيك تأمنو Pdf بيكون منيح وأسرع.

saman 03/10/2009 22:12
اقتباس:
مو ضروري نحط بس افكار هاد الموضوع افكارو معروضة للسرقة
اللي بيسرق فكرة بيكون مشكور من القلب واكتر من صاحب الفكرة
اقتباس:
كاتب النص الأصلي : حنين. (مشاركة 1343096)
سامان افكارك انسانية وبتستاهل نستناها لانو مافيني اسرقها واعمل تحقيقات:p:D
صحيح حنين .. لازم تعطي لكل واحد بيحط فكرة او افكارو بهالموضوع .. براءة افتكار ...:pos:
شو الشغلة سايبة :jakoush:
:p


الساعة بإيدك هلق يا سيدي 10:31 (بحسب عمك غرينتش الكبير +3)
الصفحة 1 من 2 1 2 >
عرض 40 مشاركة من هذا الموضوع في صفحة واحدة

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.04288 seconds with 11 queries