|
من برأيك افضل المخرجين السوريين؟
مع تزاحم الأعمال الدرامية السورية وكثرة طرق الأخراج وعمليات التصوير والمونتاج
ومن قراءة لبعض المواضيع عن تفوق الدراما السورية على الدراما المصرية التي احتلت العرش لعشرات السنين الطويلة لمن برايك يعود الفضل برفع مستوى الأعمال السورية ؟ من برايك المخرج الأفضل والأروع الذي رفع الأعمال السورية 100 سنة ضوئية للأمام وسوف اكتفي بألمع واشهر عشرة اسماء :D |
انا صوتت ل الليث حجو (لأنو مخرج ضيعة ضايعة):p
|
أنا بصراحة عندي نقاط كتيرة حول هالموضوع
كل المخرجين يلي انذكروا سابقا الهم بصمة واضحة بالدراما السورية بالأخص يوسف رزق:shock::o وبالذات باسل الخطيب ونجدت انزو يلي اعمالهم كانت الانطلاقة للوطن العربي اهم المسلسلات الجوارح , ايام الغضب, اخوة التراب..الخ لكن كل مخرج له طريقة عرض وتصوير واهم من هاد كله طريقة لعرض القصة وحبكها انا بفضل مخرجين هنن حاتم علي والليث حجو وحابة ضيف شغلة عن المخرج المتميز الليث حجو أنو هو بيتمتع بشخصية كتير حلوة ولطيفة ونفسيته وروحه حلوة وطريقة معاملته مع المعجبين وأي شخص كان كتير أخلاقيه أنا التقيت فيه اكتر من مرة :larg: وهو فعلا من المخرجين المتميزين بس كأخراج بروفيشنال ولامع وكطريقة واقعية ملموسة ومحسوسة وكأخراج بخليك تحس أنك كمان بطل من ابطال هي القصة وروح عايشة داخل قصة المسلسل ومع الأبطال هو حاتم علي صحيح هو تلميذ هيثم حقي لكن صدق المثل علمناهم الشحاده سبقونا على البواب:lol: ((مثل سوقي)) وأكيد صوتي بيروح إله.:D |
انا بصوت لحاتم علي .. صح تاريخو ما بيتقارن متل تاري مخرجين سابقين
بس بصمتو كانت رائعة بس انو وين اسم مايسترو هون؟؟؟؟؟:jakoush: ما هوي كمان مخرج:frown: ولا لساتو مشروع مخرج:o |
بآخر عشر سنين حضرت بس مسلسل باب الحارة وضيعة ضايعة و تقريباً 60 بالميّة من حلقات بقعة ضوء وشي نص حلقات الزير سالم وشوية طراطيش "حلقات" من كم مسلسل تاني :lol:
يبدو (هيك طلع معي بعد البحبشة بالكووكل) انو الليث حجو أخرج أغلب المسلسلات الي حضرتا فرح صوتلو :o روح جخ يا حج... |
انا صوتت للمخرج ليث حجو كمان لانو كتير بشفلو مسلسلات ناجحة من اخراجو....
بالمناسبة ليش ما نزلتي اسم بسام الملا اكيد حيحصل على -100 من الاصوات لانو فاشل ونفسية :p |
للصراحة انا فعلا نسيت بسام الملا
بس مافي مشكلة ولا دايقت اني نسيتو لاني مابحبو ومسلسل باب الحارة حلو بس اخراجو عادي الضرب على القصة |
بعد فصولو الناقصة للي عملها وشوفت حالو البشعة ما طقتو منوب:x
|
احم احم..وين اسمي صحي؟ توقعتو يكون براس القائمة..:pos:
كبيرة يا سونا متذكرتيني:cry: هلق انا وقعت بحيرة بين رشا شربتجي وحاتم علي... بس بما انو حاتم فات عالسينما ورشا لسا ولكذا شغلة تانية فاخترت حاتم..ولو كنت بقدر صوت لتنين سوا كنت صوتت لالها ميرسي وايتروز لانك اهتميتي فينا :D |
يعني انا برأي أنو حاتم علي هو فعلا ألمع مخرج عنو
لان المسلسلات يلي عم يسويها بتمس الواقع و بتعالجوا |
انا صوتت لحاتم علي
بيعجني اخراجو وخاصة الملك فاروق |
مخرج باب الحاره
هو الافضل |
من الصالون :D
|
حاتم علي
لانو شخص بيحترم حالو بالأخراج :D |
حاتم علي فنان مميز جداً بكلشي بيعملو وحجز لنفسو مكانة كتير مختلفة رغم أنو في غير مخرجين تميزتلون أعمال بس عدد قليل اللي بيقدر يحافظ على مكانته.
هلأ أكيد يوسف رزق أحسن منو بكتير بس معليش مانو بحاجة لشهادتنا :cry: |
بس كمان يا شباب في هيثم حقي
شخص لامع جدا جدا يعي في فلم لهيثم حقي و لحاتم علي لك إي أخد الجائزة الدهبية بمهرجان صار من فترة نسيان شو أسمو يعني الفيلم بيحكي عن السجون السياسية بسوريا الفلم هو كتابه هيثم حقي و إخراج حاتم علي لك الفيلم قالوا عنو أنو كتير حلووووووووووووووووووووووو و و نحن منستنى انو نشوفوا عنا يعني منشان هيك انا كمان بمنح صوتي لهيثم حقي لان فعلا بيستاهل --------------------------------------------------------- هاموش : بما انو الواح ما فيو يصوت أكتر من صوت واحد فأفترضوا انو انا صوتت لهيثم حقي :lol: |
الفيلم اسمو الليل الطويل
|
اقتباس:
اذا مابيرجع الادعشري بدي قوصو يعني بدي قوصو:x |
| الساعة بإيدك هلق يا سيدي 14:15 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون