خبر كان رح يجلطني بس مابعرف اذا صح
 

بعد مرور أكثر من ساعتين وطلاب الشهادة الثانوية منهمكين بحل "إبداعات وطلاسم" وزارة التربية في مادة الرياضيات.....قامت الوزارة مشكورة بكشف مفاجأتها للطلاب ومدرسي المادة " بأن أحد أسئلة الامتحان خطأ..اشطبوه".
اليوم خرج آلاف طلاب الشهادة الثانوية في الفرع العلمي عبر القطر باكين من قاعات الامتحان ومنهم من انهارت أعصابه داخل قاعة الامتحان، والسبب "خطأ" في سؤال..إذ أن وزارة التربية ومعدو أسئلة مادة الرياضيات طالبت اليوم طلاب الفرع العلمي بإثبات " أن (ta) تقابل وأوجد مصفوفة تقابله العكسي"، وبديهي في عالم الرياضيات الواسع أنه "سؤال خاطئ" وغير "وراد أبدا في العلوم الرياضية"، والمضحك المبكي في القصة أن وزارة التربية اكتشفت أنها ارتكبت خطأ بعد ساعتين على مرور..وبدأت اتصالاتها "لإعلان خطأها" وكان أن دخل مديرو المراكز على الطلاب ليقولوا لهم أن "هذا الطلب خطا اشطبوه.."، علما أن مدة فحص الرياضيات ثلاث ساعات ونصف.


"سيريا نيوز اتصلت بأساتذة رياضيات " لمعرفة مدى تأثير مثل هذا الخطأ على الطلاب رغم أنه "طلب صغير في مسألة" والكل أجمع على أنه "خطأ لا يغتفر" لأن الطلاب "ضيعوا وقتهم فيه، كما أنه أثر على سوية أدائهم خاصة بالنسبة للطلاب المجدين" وأعرب الأساتذة عن "استغرابهم كيف لا يقوم واضعو الأسئلة بتدقيقها أكثر من مرة" مضيفين "نحن على مستوى صف نعيدها مرتين وثلاثة، فكيف بأسئلة على مستوى سوريا ".


وطالب الأساتذة "الوزارة " أن "تراعي عند وضع سلم تصحيح مادة الرياضيات هذه المشكلة، لأن الطلاب لا ذنب لهم".

أنا طالب باكالوريا متل ما بتعرفي ومريت باللي عم تحكيه ورح خبرك شو القصة
أولا القصة صرلها اسبوع بالضبط ( مو اليوم متل مو مفكرة )
اللي صار إنو جابو سؤال ( أثبت أن تا تقابل وأوجد تقابله العكسي )
هاد السؤال وارد في العلوم الرياضية وهو من منهاجنا وشي طبيعي إنو يسألوه بس االمشكلة إنو لما بدك تأثبتي هالشي ( والمفروض خلال الحل تحسبي الدلتا وتطلع أي شي غير الصفر) قام سبحان الله ما كانت تطلع غير صفر والسبب طبعا إنو هالتابع تا بالأصل مو تقابل وهي هي كل القصة
طبعا مجلس الشعب طالب بإعادة الفحص مرة تانية بس الوزير رفض واعتبر إنو السؤال عليه بس علامة ( مع إنو المفروض عالأقل يكون عليه تلات علامات ) وقال إنو رح يصلحو الوراق وبعدين يعطو علامة علامة عالماشي لكل الطلاب
بصراحة السؤال أثر كتييير عالطلاب لإنو الطلاب لما كان يطلع معهن الدلتا صفر فكرو إنو الحل تبعهن غلط فصارو يعيدو المسألة من أولها ( المسألة كبيرة وعليها 12 علامة ) وهيك ضيعو وقتهن عليها واللي أصلا يادوب كان يكفي
أنا أول الطلاب انسحبت من الفحص بعد الرياضيات لإنو ما عاد يطلعلي ولا هندسة (في سؤالين من الأسئلة ما لحقتهن)
مشكورة عالاهتمام وان شاء الله تكون الصورة وضحت

شكرا كتير يائيل عالتوضيح:D

بس انا فعلا متفاجأة :? :shock: وماعم استوعب انو الامتحان النهائي لشهادة يصير فيه هيك غلط:jakoush:

عن جد الله يعينكن عاللي صار..... لانو المشكلة اكيد مو مشكلة علامة او تلات علامات تبع السؤال وبس..... المشكلة انو هيك غلط رح يزيد من توتر الطالب فوق مانو متوتر ومتل ماقلت كمان ضيعلو وقت من وقت الامتحان اللي بيكون بالاصل محسوب عليه بالدقيقة:cry: يعني اكيد ضرب عالمسألة كلها وعلى الاسئلة التانية كمان

بكل الاحوال موفق وطالما نسحبت مافيي قلك غير انو نشاله السنة الجايي بتجيب العلامات اللي ببالك:D

ببقى شي مرة تانية بقلك ( بيني وبينك ) شو السبب بوضع هيك أسئلة هالسنة ( برأيي ) بس هلق مضطر روح جيب أغراض لأمي ( بتعرفي شو ممكن تعمل فيني إذا ما جبتهن :jakoush: )
على فكرة بشكل عام عندنا بس يقولو لأستاذ بدنا ياك تحطلنا أسئلة الباكالوريا بفكر إنو عم يتحدوه فببلش بدو يثبت قدراته وذكاؤه وإنو هو يا لطيف أشطر واحد بين الأساتذة ولازم يجيب أسئلة ما حدا غيره جابها وبنفس الوقت يجيب سؤال بيشمل كل أبحاث الكتاب ( سبحان الله مدري كيف ولو بيطلع بإيده بجيب سؤال واحد بس بيشمل كل الكتب )
وبالنتيجة ما بتروح غير عالطلاب والوزير بيعتبر إنو إعادة الأمتحان ( متل ما قال الوزير السنة ) وسمة عار عالدولة وشي مرفوض أساسا وبصير السؤال الغلط عليه بس علامة والحق كلله عالطلاب

رياضيـات ..
 

شو بدو الواحد يحكي كلمالون عم يصعبوا الاسئلة وهالطلاب عم تنجح بزيادة العمى
صعبوا سلم التصحيح ماكان يمشي الحال
الطلاب المتفوقة معبية البلد والطب مولع رح يوصل للعلامة التامة عالشوي
والجامعات عم تطف طلاب
بقى لا تستغربوا هيك حركة نص كم قال سؤال غلط قال

شكراً إلك غزول ....إنت باكالوريا كمان ؟ كيف كان الفحص

اي سمعنا هيك شي
بس على الحكي يلي اسمعتو انو مو غلط بالسؤال غلط بانو السؤال غير موجود في المنهاج

لا عيني الغلط بالسؤال

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

ها ها انا ادبي:yahoo:

يعني بصراحة أنا بالرياضيات دخلت من الباب طلعب من الشباك

يعني في طلب كان " اثبت أن التابع تقابل وأوجد تقابله العكسي " مع العلم أنه الحاطط الأسئلة ما بيقدر يبرهن انه تابل لأنه بكل بساطة التابع غير تقابل .
بعدين في سؤال على المؤثر الخطي مع العلم أنه كلمة مؤثر خطي مذكورة بالكتاب كله مرة وحدة بس وهيك علىالبيعة يعني ما في الها معنى .:jakoush: :jakoush: :jakoush: :jakoush: :jakoush: