|
انقلاب الحركة التسليحية
بما انو شغلة الانتخابات ما عجبتني فاصدرت البيان التالي
ايها الاخوة الاخويون والاخويات شغلة الاتنخابات مانها حل لانو بينخلط فيها الحابل بالنابل لذلك قررت اني اعمل انقلاب على الاخوية واترأس الزعامة هون وكون الزعيم انا كوستا واطمنو انا قلبي رقيق ما رح دك الحكيم بالحبس ولا رح حطو بالاقامة الجبرية رح انفي خارج الاخوية وابعتو على غير منتدى وهيك ساعتها يلي بدو يوقف معو بكون عم يعمل معارضة وانا ماني ضد المعارضة بس كمان رح انفي كوني انسان ديموقراطي....اي ليش مستغربين بعدين تأمم كافة الاقسام لصالح الشعب الاخوي وبما انو انا من الشعب الاخوي رح تكون الي ورح اختار مساعدين الي كمان يساعدوني بشؤون الادارة التشليحية(من فعل شلحو المصاري) والاعضاء القدامى امثال كريمبو و هاني داغر و ويللي رح يتسرحو من القيادة ونبني قيادة جديدة برئاستي طبعا كوستا واول شغلة بدي ساويها هي غير عملة الاخوية شنو ما عجبتني وعم تتراجع باسواق البورصات بالمنتديات ورح اطبع عليها صورتي انا كوستا ورح تكون من فئتين نقديتين هنن 10كوستايات و5000كوستاية.....اي مشان يكون الها قيمة العملة ولا تفكرو كيف بدنا يكون في معنا فراطة او كيف بدنا نصرف ال 5000 كوستاية لانو ما رح تشوفوها وبعدين رح حط دستور جديد يضمن حقوق الكل وقوانين جائرة بحق الكل وما حدا بيقدر يعترض على القوانين لاني انا رح كون المشرع فيها واطمنو من ناحية القضاء لانو القضاة رح يكون نزيهين جدا وبلا ضمير واخلاق وانا رح بوقع على تنفيذ الاحكام اما السياسة الخارجية رح تكون على الشكل التالي ابرام الاتفاقيات مع الاعداء على حساب مصلحة الشعب والتطبيع معو والموافقة دائما على الحروب والدعم لها واستخدام الفيتو الكوستاوي في سبيل قمع الحريات السياسة الداخلية كمان متلها وهي خلي الشعب يهتف دايما بالروح بالدم نفديك يا كوستا ويلي بعارض يا ويلو وعقابو هو بساط الريح والسواليل (هي اذا ما بتعرفوهاقولو ) وبما ان الشعب عندنا من المفكرين رح انفي خارج الاخوية وخلي دايما العقول المفكرة متلي يلي بهمها مصلحة جيبتها واخيرا على كل من يريد الانضمام الى الانقلاب العظيم الذي سيغير وجه التاريخ الاخوي يقدم طلب وعليه طابع بقيمة 20000 كوستاوية لكتى ضمو معي ويكون ايدي الشمال بالانقرب لانو ايدي اليمين مو فاضية عم دخن دمتم ودامت اخوية كوستا (لانو بدي ورتها لابني بكرا)ما حدا احسن من حدا |
لك يحرق......
شو هالاستبداد والديكتاتورية هي؟؟؟العمى شو انك قاسي يا كوستا هاد الشي مو لمصلحة المنتدى ابدا هيك بدك تولعهاوتخربها بس قلك شغلة بما انو انا انبطاحي وانتهازي وحابب اوصل فأنا مستعد كون ايدك الشمال هلق صحي ما ني من ضيعتك وماني ابن خالتك او صهرك او اخوك بس بحميك اكتر من اخوك والخلود لكوستاويتنا |
صحي معلم نسيت قلك انو في كم واحد عم يقروا المبيان وبلشوا يفكروا بينهن وبين حالهن انو الحكي مو عاجبهن
شو قولتك بنعفطهم قبل ما يبلشو يحكوا؟؟؟؟ بعدين لسه ما جربنا بساط الريح معلم لساتو خلنج |
اقتباس:
حتى لو ما بتقربني اي شو ما عندي دمئراتية الخلود لرسالتنا:gem: |
اقتباس:
مشان نعفطون ونجرب بساط الريح ويلي ما بيعرف السواليل بيتعرف عليها الخلود لرسالتنا:gem: |
معلم
انا سمعت انو افضل طريقة (كي لا ينقلب الكرسي) انو نطوع بعض الاعضاء (دبل فيس=double face) منشان يوصلولنا كل الاخبار والحكي يللي بيصير بالمنتدى وبنسميهم امن المنتدى وبتختلف التسمية حسب الاقسام يللي بيشتغلو فيها مثلا الامن الصالوني=هاد منشان الصالون الامن البريدي=هاد تبع البريد الامن الروحي=تبع حوار الروح وهيك انت وماشي شو رأيك؟؟؟؟؟ |
اقتباس:
بدي روح شوف وضع الجيش وقواتنا الاخوية الكوستاوية الباسلة الخلود لرسالتنا:gem: |
معلم
الوضع ترتب والشباب انعفطو بس سؤال معلم في مجال تدبرلي شي شغلة صغيرة لابني؟؟؟ يعني شي مدير عام شي مسؤوول وهك كمان تحت ايدك متل ما بتريدو |
ما شاء الله كوستا ديموقراطي من الدرجة الاولي بس من آخر الكشف ههههههههههههههههههههههههه
|
بالروح بالدم نفديك يا كوستا، حلك يا الله حلك تحط كوستا محلك.:yahoo: :clap: :king:
مو تمسيح جوخ ها، هي من قلبي طالعة، و إلى الأبد يا حافـ.. عفوا يا كوستا.:oops: آسف، شنو لساني آخد عليها.:oops: معلم حابب نبهك عشغلة، ترى the light عميل، و دير بالك منو، هادا جاسوس، حطني أنا إيدك الشمال بلا هوي، و ترى ابنو عميل متل حكايتو، أما ابني أنا فبحبك من قلبوا، هوي بيستحق أكتر يكون مدير عام او شي مسؤول، عراسي يا معلم. |
اقتباس:
هاد المطلوب لأنو هيك زعيم لازم يكونو كل حاشيتو عملاء هي بموزمبيق ستان ومدغشقر ستان,الوضع نفس الشي ونحن بكوستا ستان كمان هيك الوضع بس ع كل ما في مشكلة ابو طريق بندبرلك شغلة راح تكون ايدي اليمين يعني الايد اليمين للايد الشمال تبع المعلم منصب مرتب مو هيك؟؟فيك تقول غير هيك؟؟ |
اقتباس:
|
احسن شي نرفع الموضوع للمعلم وهو بيقرر
بس ما حلوة بحقك انو كل ما بدو المعلم يدخن يشليك ويحطك ع جنب ويبدلك بالسيجارة يعني ما حلوة بنوب ولا شو قولتك؟؟؟ |
اقتباس:
بعدين أنا ما بجبلوا إلا الدخان الكوبي الأصلي، و ما بخليه يمسك سيجارة إلا بعد ما أعملها ميت مليون فحص و فحص، لحتى اتأكد من سلامتها و إنو مو مسمومة، المعلم مو فاضي كل ما بدو يشرب سيجارة يروح يفحصها، عندو مشاغل اهم. و على أية حال أنا معك، لازم نرفع الموضوع للمعلم و هوي ببت فيه.:gem: |
مدري وين المعلم
بلكي سهران بشي محل اليوم؟؟ |
البيان الاول
احم احم....ايها الاخوة الكوستاويون صدر البيان التالي
تمت السيطرة على مناطق القوات المعادية لنا والحاقدة على رسالتنا وتمت مصادرة كافة الاراضي الزراعية والبعليةوالانهار والمستنقعات لاجل استصلاحها وبناء على ذلك سيتم ما يلي انشاء السدود على الانهار بالتعاون مع المنتديات الشقيقة وتسمية السد الكبير بسد كوستا والبحيرة ايضا ببحيرة كوستا ...اي شبكون رح جبلون احسن سمك فيها من كافة انواع السردين تحويل مياه الشرب الى المنتديات الشقيقة والصديقة وبيع تلك المياه وعمركن ما تشربو ....عيشو بعل انشاءالمدارس الرسمية لتعليم طلابكم وتسميتها باسماء ابنائي (مثلا يعني مدرسة ابو كوستا وهيك) تم الاتفاق على تعمير مدن جديدة وايضا تسميتها بضواحي كوستا (مثلا ضاحية كوستا الشمالية ...ضاحية كوستا الشرقية...) وايضا قمت بالاتفاق مع شركات السيارات الكبيرة لاستيراد سيارات للاخوية ومن احدث الموديلات ....ويلي بحط صورتي على السيارة بسلمو وحدة والبنزين ببلاش سيتم انشاء اذاعة وطنية تبث على مدى ساعة واحدة في 24ساعة وبرنامج واحد هو مع الاخوة الكوستاويين ....الا في حالات الخطابات سوف تعرض الاغاني الكوستاوية انتهى نص البيان الاول ريثما ياتي البيان التاني والخلود لرسالتنا:gem: |
لك يا ذي لايت ......يا ابوطريق ....شبكون:jakoush:
هيك بتركون ساعتين برجع بلاقيكون متخانقين على المناصب:x كونو متل الاخوة عنا عدو خارجي بدنا نواجهو:gem: بعدين يا ابو طريق وين السيجار:? |
الله يوفق لنصفق:clap:
|
| الساعة بإيدك هلق يا سيدي 04:13 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون