أخوية - الى كل ام في الدنيا

الى أمّي

عم يركض جايي آذار يرقص بي عيدك امّي

عالرقصة جهلو الازهار وجنّو تالعطر تشمّي

********

الوردة بتضحك مع حالا من الاحمر لبست شالا

عم يركض معها خيالا تيضموا حضنك ضمّي

********

دخلك يا الله بدّي تخليلي أمّي حدّي

تحميني بوقت الشدّي واشكي لقلبا همّي

*********

ليلية بسهر وبنادي وبضرع للربّ الفادي

تربيلي انت ولادي ويطول عمرك يا امّي

********

كرمالك كبرو الاجيال وصارو عا ديّكي أبطال

والعمر يغنّي موال يرجّف بالكلمي تمّي

********

قلبي وروحي وعيوني وبهديكي حتى جنوني

عا عمري وحدك بتموني وكرمالك بهدر دمّي

*********

الشاعر انطون سعيد العشي (لبنان)