|
اعتذار ... 199 شهيداً
اعتذار .........199 شهيداً  رون آراد، إيهود غولدفيسر ، الداد ريغيف، وجلعاد شاليت. هل تعرفون هذه الاسماء؟ لكثرة ما استحضروا في الإعلام العالمي، وإعلامنا، فقد غرسوا في وعينا بارادتنا او رغما عنا، وصارت غالبية اللبنانيين تعرفهم. وباستثناء شاليت، فان البقية في عداد الموتى، او هكذا يبدو حتى الآن. لنجرب تمرينا ذهنيا آخر. هناك 199 شهيداً ستعود جثامينهم الى لبنان. حاول تسمية اربعة اسماء منهم فقط؟ غالب الظن ان كل واحد منا سيواجه صعوبة شاقة في القيام بذلك. لماذا؟! معان كثيرة لفشلنا في التفسير، كلها مخجلة. فاما اننا لم نكن نعلم اصلا بوجود تلك الجثامين، وإما اننا لا نعلم شيئاً عن استشهاد هؤلاء، او اننا كنا نعلم، لكننا اسقطناهم من ذاكرتنا، او اننا كنا نرفض ان نعلم من الاساس، ففي نهاية الامر، مات هؤلاء من اجل ارض او قضية، »غريبة« عنا ! لم تكن، تلك الارض او القضية، شغلنا الشاغل. لم تكن في اولويات ايامنا العادية، ولا خلال احترابنا الاهلي. كان محور قصقص مثلاً، يختزل كل حضورنا. اما هناك، في الجنوب، أو في اقصى اقصى الجنوب، في فلسطين، فانها قضية »الغرباء«، و»حرب الآخرين على أرضنا«. ولهذا ربما، فإن هذه الجثامين كانت لا تعنينا. قلة من اللبنانيين كانت تهتم. لا بل ان الأكثر إثارة للاشمئزاز، ان البعض منا ساهم في موتهم، مباشرة، او عبر التآمر عليهم، قبل ان يكتبوا قصتهم الأخيرة. هؤلاء، الذين يفترض انهم اشقاء واقارب وجيران من كل بقاع الوطن، كان يمكن أن يظلوا صوراً قديمة على جدران عائلاتهم فقط، فيما نحن، لا نعلم من هم، ولا أين ماتوا، وعلى أي تلة وفي أي واد، نزفوا، وأين نصبوا رايات صعودهم. وها هم، يباغتوننا الآن في عودتهم، مثلما باغتونا في حكايات رحليهم. خليل حرب - السفير |
نعتذر من كل شهيد .. تم نسيانه او تناسيه ...
نعتذر من كل شهيد تم محوه من ذاكرتنا ومن ذاكرة كل انسان مؤمن بالقضية ...... نعتذر من كل شهيد نسيناه هناك كمجرد " رقم " وانا نحن الارقام وليس هم .... نعتذر من كل عائلة بذلت اولادها شهداء في سبيل وطنها الذي \\تناسى\\ ابنها مفقوداً لا يفقهون عنه شيئاً ... نعتذر ونعتذر ونعتذر ...... اما الآن فهاهم يعودون الى ارض وطنهم مرفوعي الرأس معززين مكرمين ..... عائدون بأسمائهم لا كـ \\ أرقام \\... ميرسي كتيييير ابو سمرا على نقل المقال المؤثر :D |
للأسف اعلامنا منبر لتأليه الحكام و"انجازاتهن" وماعندو وقت للقضايا القومية الحقيقية ولا عندو وقت لهموم الشعب ومشاكلهن.. شوبدنا نتوقع من هيك اعلام مسيّر على السراط المستقيم..أساساً بيخافوا يناقشو شي قضية متل موضوع الأسرى أو الشهداء.. بلكي السلطة موجاية على بالها تفتح هيك بواب.
|
حذاري من امةٍ لا تنسى شهدائها، وبوركت امةٌ لن تنسى شهدائها
الي بيسمع هيك مقولة لازم يتحسّر لما بيقرا المقال المؤثر الي نقلتو....! شكراً |
صحيح .. ما بعرف ليش كأنة اليهودي اهم من العربي ..
يعني مقابل جثتين .. طلعوا 199 جثة .. و5 احياء .. ما بعرف ليش اليهودي في زمانا حياتة اغلى من العربي .. حرب تموز بلشت بس لتحرير 2 اسرى .. والسجون الاسرائيلية فيها 11 الف اسير .. ما في الهم اي اهمية .. وجلعاد شاليط قامت الدنيا .. وحرية جلعاد شاليط .. بحرية 1000 فلسطيني !! لهلدرجة رخيص الدم العربي !! |
دائما ننسى المطلوب ...
دائما نركز على السياسة دون التأكيد على البشر .... صار العرب ارقام مجرد ارقام تستشهد هنا و هناك ... بلا رحمة تذكر |
عجز اعلامي رهيب... الأرقام لا تحرّك المشاعر.. لكن الأسماء و الأعمار و الصور تفعل
|
اي لانو تعو شوفو شو الاعلام الاسرائيلي بيعمل هون... صرعوا ربنا فيهن... يعني ما بيمرق اسبوع وما بتمرق جريدة وما بتمرق نشرة اخبار او عيد او اي احتفال... الا ما يذكروهن ويندبوا عليهن... الاعلام العربي شو عمل؟؟!!! والدولة شو عملت؟؟؟ يعني المسؤولية لكبيرة تقع عليها... لو كانت اهتمت بشي كان الاعلام غطى...
|
ما بدنا نتذكر الاسماء... بس خلونا نتذكر انو ليش استشهدو ... كان يوما ما في قضية اسمها فلسطين .. كان يوما ما في شي اسمو نضال ومقاومة .. كان في شي اسمو شرف .. خلونا بس نتذكر هيك كلمات صارت من اللغة الخشبية بنظر محبي الحياة ومحبي الاعتدال العربي ..
عند الصهاينة ما اتغير شي... لساتون بعتبروا انو عندون قضية وانو ايا شخص بقدم شي لهالقضية شي مهم لهيك بطبلوا الدنيا فيهون.. عنا صارت هيك شغلات مغامرات طائشة ويجب محاصرتها من قبل جميع الانظمة المحبة بالحياة .. وهيدون مجرد يا قتلة يا مقتولين حسب مين عم يحكي |
اقتباس:
بدك يا اخ مين ضل عندو مشاعر من شان يتاثر ... بعض الناس صارت ما بتحب مناظر القتل الا بالسينما لانو الواقع بضر بنظرتها المحبة بالحياة |
خليل حرب .. عم يضـرب ع الذواكـــر |
[.
. اقتباس:
mou bikoulou elhey abka mnelmeyt |
اعلامنا اكل حق كتير من الشهداء مو شاطر الا بباب الحارة ونور وسنوات الضياع والاغاني والمسخرة
معلومة يمكن ماكتير عالم بتعرفا انو سناء محيدلي جثمانا موجود من بين الجثامين يلي اجت بعملية التبادل تخيلو المعلومة انزكرت بالعبطة مرة وحدة وبعدا ما انجاب سيرتا انو لهل درجة الشهداء عنا حرف ساقط ومجرد ارقام !!! |
مع الأسف إعلامنا صارت توجهاته معروفـة
صار اللي مابسوى بصله يصير أشهر من نار على علم واللي عنده انجازات وبستاهل التخليد مانسمع باسمه إلا بعد مايموت بس يتكرّم بشي مهرجـان هاد حالنا ومابظن ينصلح ! |
| الساعة بإيدك هلق يا سيدي 18:45 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون