أخوية

أخوية (http://www.akhawia.net/forum.php)
-   سينما و أفلام (http://www.akhawia.net/forumdisplay.php?f=42)
-   -   الفاتيكان يمنع تصوير "ملائكة وشياطين" في كنائسه (http://www.akhawia.net/showthread.php?t=102603)

زوربا 18/06/2008 13:30

الفاتيكان يمنع تصوير "ملائكة وشياطين" في كنائسه
 
منع الفاتيكان الممثل الاميركي "توم هانكس"، وفريق عمل فيلم "ملائكة وشياطين Angels and demons" بالتصوير داخل أي من الكنائس الرومانية أو دخول دولة مدينة الفاتيكان، التي تضم كنيسة القديس بطرس العريقة.


وكان عشرة رجال دين كاثوليك قد أقاموا دعوىً قضائية ضد فيلم " شيفرة دافنشي" الذي أثار جدلاً واسعاً عند عرضه ,حيث اتهموا في دعواهم 10 أشخاص من بينهم المؤلف "دان براون" والمخرج "رون هوارد" بما اعتبروه "عملا فاحشا" في حق المسيحية ,
ونقلت مجلة "سوريسي إي كانتزوني" الإيطالية عن المتحدث باسم أسقفية روما الأب "ماركو فيبي" قوله : "قرأنا السيناريو كما جرت العادة، لكن هذه المرة لم يكن الأمر ضروريا لأن اسم دان براون كان كافيا".
وأضاف الأب "ماركو فيبي": "غالبا ما نسمح للأفلام التي تراعي الشعور الديني بالتصوير داخل كنائسنا، لكننا لا يمكن أن نسمح بذلك لفيلم يحمل قدرا من الخيال يؤذي المشاعر الدينية".
وأشار : "إنه فيلم يتناول مسائل دينية بطريقة تتعارض مع الأعراف الدينية الشائعة.. كنا سنساعدهم بالتأكيد في عمل فيلم جيد، لكن في الوقت نفسه لا يتعارض مع أرائنا".
وتدور معظم أحداث "ملائكة وشياطين" والذي يتناول مؤامرة بالفاتيكان خلال اجتماع سري لاختيار بابا جديد في روما، كما يلعب النجم الأمريكي توم هانكس دور روبرت لانجدون خبير الرموز في جامعة هارفارد، وهي نفس الشخصية التي جسدها في "شفرة دافنشي".
من جانبها، شركة "سوني" منتجة الفيلم أو مخرج العمل رون هوارد أو بطله هانكس لم يعلقوا على قرار الكنيسة الكاثوليكية في روما.
ومع ذلك، فما زال بإمكان الفيلم الذي بدأ تصويره في روما منذ الخامس من شهر يونيو/حزيران الجاري استكمال مشاهده الخارجية في المناطق المفتوحة بروما، وتصوير كنيستي القديستين من الخارج، طالما لم تطأ كاميراته أرض الفاتيكان.
وسيقتصر التصوير الذي سيجري بالكنيستين بالإضافة إلى كاتدرائية القديس بطرس على المشاهد الخارجية فقط، بينما ذكرت تقارير إخبارية إيطالية أن المشاهد الداخلية ستصور داخل ديكورات تقام داخل استوديوهات هوليوود.
تجدر الإشارة إلى أن فيلم "ملائكة وشياطين" مأخوذ عن رواية بالاسم نفسه للكاتب "دان براون" قبل كتابته رواية "شفرة دافنشي" المأخوذ عنها الفيلم، والتي أثارت جدلاً كبيراً.
كما أن فيلم "شفرة دافنشي" عرض في عام 2006، وتدور أحداث الفيلم والرواية حول عالم رموز أمريكي يتم استدعاؤه إلى موقع جريمة في العاصمة الفرنسية باريس للمساعدة في حل جريمة قتل غامضة، ولكن تحرياته تقوده إلى بحث أكثر خطورة يكشف له عن أسرار دفينة في تاريخ الديانة المسيحية.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -


souriana 18/06/2008 14:26

وين الحرية و مابعرف شو اللي بنادو فيها

بس شاطرين بشغلة الرسوم المسيئة يقولوا هاي حرية :x

على كل نحنا كمان مامنرضى تنهان اي ديانة

saman 18/06/2008 14:30

اقتباس:


وين الحرية و مابعرف شو اللي بنادو فيها

بس شاطرين بشغلة الرسوم المسيئة يقولوا هاي حرية

على كل نحنا كمان مامنرضى تنهان اي ديانة
لأ يا سوريانا معهن حق وكل الحق وانا بوقف معهن بهالقصة ....

لانو متل ما عملو رسوم مسيئة عالنبي محمد (ص) عملوا أفلام متل " شيفرة دافنشي " بتسيئ ليسوع المسيح (ع) يعني لازم يوقفوا ضد هالقصة ...شي اكيد .....:pos:

مافي حدا بيقلك انو الحرية هي انك تتعدى على حرية غيرك .... وهنن تعدوا على حرية غيرهن من اسلام ومن مسيحية ........ولازم يقفوا لهون وبس يعني :jakoush:

:D

souriana 18/06/2008 14:39

اقتباس:

كاتب النص الأصلي : M.E.e.R.O (مشاركة 1028182)
لأ يا سوريانا معهن حق وكل الحق وانا بوقف معهن بهالقصة ....

لانو متل ما عملو رسوم مسيئة عالنبي محمد (ص) عملوا أفلام متل " شيفرة دافنشي " بتسيئ ليسوع المسيح (ع) يعني لازم يوقفوا ضد هالقصة ...شي اكيد .....:pos:

مافي حدا بيقلك انو الحرية هي انك تتعدى على حرية غيرك .... وهنن تعدوا على حرية غيرهن من اسلام ومن مسيحية ........ولازم يقفوا لهون وبس يعني :jakoush:

:D

وهاد ان قصدي انو لازم نوقف ضد اي شي مسيء
فكرتك بتفهم

Abu ToNi 18/06/2008 14:55

اقتباس:

كاتب النص الأصلي : souriana (مشاركة 1028175)
وين الحرية و مابعرف شو اللي بنادو فيها

بس شاطرين بشغلة الرسوم المسيئة يقولوا هاي حرية :x

على كل نحنا كمان مامنرضى تنهان اي ديانة

هنن ما قاموا بالحروب وحرق السفارات هنن قدموا دعوى رسمية انا هيك فهمت من الخبر :?

بعدين هنن ما عبقولوا ممنوع يتصور الفيلم بشكل قطعي هنن منعوا تصويره بالفاتيكان وداخل اكبر كنائسها وهاد من حقهم الطبيعي يعني بدهم يمثلوا فيلم الفاتيكان مانها مجبرة ترعاه للفيلم ومانها مجبرة تسمح لهم يمثلوه بكنائسها وهاد كمان من حقها .

Abu ToNi 18/06/2008 14:57

اقتباس:

لا يمكن أن نسمح بذلك لفيلم يحمل قدرا من الخيال يؤذي المشاعر الدينية
واضحة كتير الجملة ما هيك !!

بس شو اله علاقة الخبر بالسينما والتصوير ؟!

BL@CK 18/06/2008 16:09

اقتباس:

كاتب النص الأصلي : souriana (مشاركة 1028175)
وين الحرية و مابعرف شو اللي بنادو فيها

بس شاطرين بشغلة الرسوم المسيئة يقولوا هاي حرية :x


مين هود اللي عم تحكي عنوّن ؟!

زوربا 18/06/2008 16:22

ملائكة وشياطين ما فيها إساءة..لك أصلا ما فيها سيرة السيد المسيح...
بيحكي عن فساد أشخاص بالكنيسة..وهادا شي وارد جدا

زوربا 18/06/2008 16:31

اقتباس:

كاتب النص الأصلي : gabriel (مشاركة 1028214)
واضحة كتير الجملة ما هيك !!

بس شو اله علاقة الخبر بالسينما والتصوير ؟!

أنو الفاتيكان ما رح تسمحلون يصيورو ضمن الكنائس تبعيتون

زوربا 18/06/2008 16:32

اقتباس:

كاتب النص الأصلي : M.E.e.R.O (مشاركة 1028182)
لأ يا سوريانا معهن حق وكل الحق وانا بوقف معهن بهالقصة ....

لانو متل ما عملو رسوم مسيئة عالنبي محمد (ص) عملوا أفلام متل " شيفرة دافنشي " بتسيئ ليسوع المسيح (ع) يعني لازم يوقفوا ضد هالقصة ...شي اكيد .....:pos:

مافي حدا بيقلك انو الحرية هي انك تتعدى على حرية غيرك .... وهنن تعدوا على حرية غيرهن من اسلام ومن مسيحية ........ولازم يقفوا لهون وبس يعني :jakoush:

:D

موضوع الفلم ما فيه إساءة لشخص المسيح ..

sandra 18/06/2008 16:43

اقتباس:

Angels and demons
اسم الفيلم بيشبه اسم بارفان :lol:

هلا منرجع لموضوع الخبر
الفاتيكان حرة بكنايسها وما حدا بيجبرها أنو يتم التصوير داخل الكنيسة إذا هالشي مو موافقة عليه أو رح يتم اساءة الها من خلالو
يعني تصور أنو مسلسل رح يحكي عن شخص ما معروف ولنفترض شاعر بس بطريقة سلبية وطلبت شركة الإنتاج انو يتم التصوير ببيت هالشاعر الحقيقي
من حق العيلة طبعاً أنها ترفض التصوير طالما القصة فيها اساءة وما حدا فيو يجبرها
يعني أنا شايفة انو رفض طلب التصوير شي منطقي
:larg:

suryoyo 18/06/2008 16:50

طبعا ما ننسى انها من نفس سلسلة دافنشي كود !

و نفس بطل الرواية السابقة !



يبقى من حق الفاتيكان الاعتراض على تصوير الفيلم في الكنيسة ...

Marooshe 18/06/2008 17:05

هوي الفاتيكان حقو انو يمنع التصوير....
بس انا شخصياً ما بشوف انو فيها شي اذا تصور الفيلم بداخل الكنائس... ما حدا فيو ينكر الفساد الي عامم بين رجال الدين ببعض الكنائس وبين بعض رجال الدين عامة...
تعو شوفو هون باسرائيل كيف كانو بعض رجال الدين اليونانيين راح يروحونا بشربة مي مشان يبيعو اراضي الكنيسة لليهود...
لهيك انا ما بشوف اصلا انو فيها شي ازا بينعمل هيك فيلم....

Abu ToNi 18/06/2008 20:17

اقتباس:

بس انا شخصياً ما بشوف انو فيها شي اذا تصور الفيلم بداخل الكنائس... ما حدا فيو ينكر الفساد الي عامم بين رجال الدين ببعض الكنائس وبين بعض رجال الدين عامة...
انا بأيد هاد الحكي لكن الكنيسة بترفضه لأن من واجبها ترفضه للاسف

يعني انا بزماني التقيت مع ابونا انا كتير صحبة معه وسألته على قصة دافنشي قال لي كانسان بحب الروايات بقول لك ( قصة ) دافنشي ( قصة ) كتير حلوة بيكفي انها بتشد الانسان بعكس اغلبية الروايات البوليسية الحالية .

لكن كأبونا بقول لك انا برفضها كونها عبتشكك بتاريخ الكنيسة اللي بين ايدينا ادلة قاطعة بتنفي الشي اللي قال فنحن مافينا نمدح فيها مع انها رواية حلوة لأن منكون عمنطعن بحالنا وبمصداقية الاوراق اللي بين ايدينا وهاد شي منطقيا ما بصير وما فينا نقدر نثني عليها مع انها رواية حلوة كرواية جيدة جدا كحقائق ولد صغير بيعرف انه مافي شي من اللي قال وكلها عبارة عن فكرة كتابية .

TheLight 18/06/2008 21:40

رأي شخصي...

من حق أي فنان...أي رسام...أي أديب..أي شاعر...أو أي انسان ان يتناول أي دين..أي نبي...الانجيل...القرأن...التو اة...بعمل أدبي...

بما...

يكون ضمن اطار النقد الموضوعي المستند الى اسس ودلائل علمية....أو ضمن اطار عمل فني غير مسيء..

مثال...ما في شي بيمنع فنان يحاول يرسم وجه الرسول...أو الامام علي مثلا...
كمان ما في شي بيمنع ان يكتب شاعر ما قصيدة بيتخيل فيها حوار غاضب بين المسيح والله...

(علما...أن كلمة التجريح أو المساس كلمة مطاطة كتير...تختلف من شخص لأخر...بالنسبة لشخص x إذا قلت الرسول بدون ما قول (صلى الله عليه وسلم) ممكن هالشخص x يعتبر ما قلته تجريح واساءة لدينه مثلا)..

لكن...غلط وكتير غلط...
مثلا...يتم قرن الرسول ورسمته بقنبلة على رأسه (كما رسم الرسام الدانماركي)
أو مثلا...يتم تصوير المسيح كرجل قد تجوز وانجب ولازالت سلالته تعيش حتى اليوم (كما في فيلم دافنشي كود)
دون وجود دليل علمي او حقائق (أن الرسول دعا للارهاب مثلا) أو أن (المسيح قد تجوز وانجب)...لما في المثالين مساس بجوهر العقيدة...وهو أمر مرفضو طالما لا توجد دلائل او حقائق موثقة وغير قابلة للنقاش...

وعليه...
الفن...الرسم..الادب...السينما ..أو حتى التفكير...غير محرم عليه الخوض بتناول الاديان....ضمن اطار فني أدبي...لكنه مطالب بتقديم ادلة وحقائق قبل تناول جوهر العقيدة...


بما يتعلق بالخبر..كوني قرأت من احد الردود أن فيلم ملائكة وشياطين يتناول الفساد داخل الكنيسة...فرفض الكنيسة السماح بالتصوير داخل كنائسها هو نابع عن رفض مؤسساتي قد تتبناه أي مؤسسة في حال وجود محاولة لاظهار الفساد بداخلها...


رأي شخصي لا يلزم غير كاتبه بتبنيه...

Abu ToNi 19/06/2008 00:08

اقتباس:

كاتب النص الأصلي : TheLight (مشاركة 1028813)

من حق أي فنان...أي رسام...أي أديب..أي شاعر...أو أي انسان ان يتناول أي دين..أي نبي...الانجيل...القرأن.........ب مل أدبي...

انا مع هي المقولة حتى الموت
وما بعتقد في حدا لازم يعارض هي الفكرة حتى الفاتيكان حاليا ( لان بتفرق كتير عن سابقا ) ما بعتقد طالبت بمنع انتشار الرواية بقد ما طالبت بمنع نشر الافكار المقدمة على شكل حقائق ، حتى بتذكر اني قريت الطلب اللي قدمته كان بنص على وضع ملصق على كتاب دافنشي كود مفاده بان الكتاب عبارة عن رواية وفكرته فقط فكرة روائية .

انا بصراحة كتير عجبني موقفها ( الحالي ) لأن بعبر عن تقديس للحريات وبدل على التحسن الكبير اللي شهدته الكنيسة الكاثوليكية بالعصور الأخير يعني في فرق بين وقت كانت اتطالب العالم تتراجع عن كلامها متل ما صار مع غاليليو وبين انها اتطالب بالدفاع عن الامور التاريخية حتى ما تصيل ملعبة خصوصا انه بين ايدين الفاتيكان وثائق باكد صحة افكارها خصوصا عن المجمع النيقاوي الاول عام 325 اللي من بعد رواية دافنشي صار اقبال عليه غريب من نوعه يعني بس لأن الرواية وضعت بعض الاستفهامات حولها او بالأحرى وضعت بعض النظريات منها وانطلقت لشي اكبر من هيك .

انا ضد فكرة منع الفيلم وانا اول مين بده يشتريه وان شاء الله ما يطلع بالسخافة اللي طلع فيها فيلم دافنشي كود لأن اللي بيقرا الرواية فعلا بيقرف الفيلم اذا شافه لا بل بيبدا بحس انه الرواية سخيفة كمان فخوفي احس انه رواية الملائكة والشياطين سخيفة اذا كان الفيلم سخيف .


الساعة بإيدك هلق يا سيدي 14:41 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.03206 seconds with 11 queries