|
مظاهر الاحتفال برمضان
شكرا على القسم واتمني الشباب والصبايا ما يستغلو هالقسم في المشاجرات والسباب متل باقي الاقسام ومبارك الشهر على الجميع انا بدي نستغل هالقسم في شئ جيد ممكن كل واحد فينا يحط اكتر المظاهر وضوحا في بلدة يعني في مصر مثلا بيتلم الاهل كلهم عالافطار وبتتعمل الكنافة والقطايف وهيك شغلات وبيسمنو كتييييييييييييييير السيدات كمان عندنا في الفوانيس والزينة في الشوارع والزحاااااااااااااااااااا ام في الاسواق "وكأن العالم ما بياكلو غير برمضان" من مظاهر رمضان كمان انو المساجد بتتزين مش بس بالاضواء والتعاليق ولكن بتتزين بالمصليين الي بيتجهو لصلاة القيام آخر مظهر من مظاهر رمضان عندنا هي الخيمة الرمضانية واللي بتتملي بالاركيلة والمطربين والراقصات:yahoo: واكيد اكيد مش بس المسلمين بيستمتعو بهالشهر انا عندي اصدقاء مسيحيين كتار بيستمتعو بالخيمة الرمضانية وبلمة الاصحاب والعايلة واكيد بنتلم بيوم من الشهر سوا كلنا مسلمين ومسيحيين على الافطار ها كل واحد فيكون يكتب شو ما بده عن مظاهر رمضان شكرا مرة تانية على القسم ورمضان كريم عالكل |
اي مظاهر رمضان عنا شوربة رمضان
بس شوفها على الصفرة بعرف اجا رمضان |
اقتباس:
|
كل عام وانتم بالف خير
ياسلام على خيمة رمضان
عنجد احلى خيمة برمضان انا بستناها كتير وخصوصا انو مسموح الي بشرب الاركيلة برمضان لما بنروح الخيمة وبس يخلص رمضان استوب مافي لا اركيلة ولا حتى اشمها شم حتى بس منيح في عندي 30 يوم اشرب اركيلة فيهم هههههههه وماحدا بيقلي مافي خلا ال30 يوم بس نفسهم يقولو بس انا بعمل نفسي ما شايفتهم بطنش يعني المهم والشوربا طبعا لايعلى عليها والتبولي طبعا وكل ما بتزكر شي بقلوكم عليها يسلمو على القسم كتير حلو و وكل عام والجميع بلف خير تحياتي |
كيفك منوشة أشتقتلك كتير
ينعاد عليكي الشهر بالخير والصحة والعافية |
كل سنة وانتي طيبة منوشة ورمضان كريم على الكل انشا الله.من مظاهر رمضان عندنا بالمغرب.اول شي بنتسحر قبل صلاة الفجر.وبعدين كل حدا بيعمل شي قبل اذان الفجر .اللي بيقرا القرءان .واللي بيتفرج على شي مسلسل.انا قبل سنتين بتذكر كنت بتسحر وعلى ما يأذن الفجر.بتفرج عالسنافر:o والله الفرجة حلوة بالليل:lol: بس هلء بقرا القرءان8) بعدين بصلي الفجر.وارجع انام لغاية الساعة عشرة بما انو لسا ما بلشت عندي الدراسة.بعدين بساعد بشغل البيت.وعن جد الجو كتير حلو بيكون.ما بتحسي بالجوع او التعب سبحان الله.بييجي وقت الظهر برجع اقرا القرءان.واصلي.واروح للريموت كنترول.ما برحمها لغاية ما حط رحالي على شي مسلسل:pos: بس لغاية هلء ما بانلي مسلسلات حلوة.متابعة مسلسل كويتي بس.ومسلسل سوري بس ضيعت توقيتو اليوم:pos: بعدين الوقت بيستمر بين الصلاة والفرجة لغاية اذان المغرب.بيجتمعو الاهل وبيبلش الافطار.مع برنامج مغربي فكاهي.والسهر بيحلى مع الاهل او صلة الرحم.او الخروج مع الاصدقاء والاحباب.
:hart: ورمضان كريم للجميع وميرسييييييي منوشة:hart: ملحوظة===بين الساعة تلاتة واربعة بيبلش عندي الجوع:pos: بس بيروح:clap: وبيرجع:pos: ويروح:clap: وهكذا:pos: |
منوووووووووووووووووووشه
كل سنه وانتي طيبه اختي العزيزه مشكوره كتير على الموضوع الحلو شهر رمضان حلو بكل شي وخاصه الجو يلي بيعملو بالعيله واكتر شي بيعجبني لما يجي المسحراتي ويدق على الطبله ويفيقنا بس انا بكون سهران وناطرو ليجي بس هلئ ماني حاسس بجو رمضان مع اني بدوله اسلاميه بس هيك الواحد متود على جو معين ما بيقدر يغير |
ينعاد عليكو كلكو إن شاء الله وانتو بألف خير
عيون الحب: بتمنالك وقت ممتع مع الاركيلة والله يخلي كل السنة رمضان منشان نشرب اركيلة :yahoo: فيروزة: بحسك ما بتقري من الموضوع غير العنوان والقارئ بس منشان تولي شكرا وكيفك يا فلان هههههههههههه بمزح حبيبتي بس ياريت تقوليلنا شو بيعنيلك رمضان واي مظهر من مظاهر رمضان بتفضلي كازيتا حبيبة قلبي: الله لا يحرمك من الريموت ويطول بعمر البطارية اللي بتنهري طول الشهر من الكبس على الريموت ... بقلك احسن تستعملي انرجيزر بتعيش 6 مرات اكتر من البطاريات العادية :lol: تك تك تك ابو سليمان: انت بس ابقي بالبيت مع ام سليمان وما تروح عالحقلة وانت تحس بجو رمضان الله يردك لبلدك سالم إن شاء الله وما تستعجل على مظاهر رمضان لسه الشهر بأوله يمكن بيظهر المسحراتي بكرا :o مرة تانية ينعاد عليكو كلكو بألف خير يا رب وتكونو منورين أخوية وشكرا للكل على المرور |
منوشه هون بالخيمه مش معقول انا متفاجىء:o رمضان كريم منوشه ونشاالله بينعاد عليكي وعلى العرب والمسيحيين والمسلمين بألف الف خير وتكونوا رتحتوا من حسني بيه وماما سوزان وجمال وشلة الحيتان تحياتي لمصر سكره ام الدنياااااااااااااااااااا ااااااا :yahoo: :D |
يا منوشة رمضان اللو طعم خاص ومختلف
مافي احلا من لما بتتجمع الناس على الأفطار ولما الناس بتعزم بغضا ولا وقت صلاة التراويح الناس كلياتا بتتجمع عنجد موقف يعني ماعبقدرو اوصفو :D :D :D |
اقتباس:
هووووووووووووو هووووووووووووووو الله يعنيك انت لساتك جديد بالبلد مشان هيك مارح تحس بطعم رمضان ونحن اول ماجينا لهون هيك بس بعدين بس تتعود على البلد رح تحبوا كتيررررررررررر والله بعين :D :D :D |
اقتباس:
ولوووووووووووووووووو وهي الخيمة تحلي من دون منوشه 8) 8) 8) شكرا على التعليق والله يسمع منك علشان شكله ما بدو يموت هالرجال :cry: :cry: شو رأيكو ندعو الله يريحو من الدنيا وبلاويها واحنا بنفطر كل يوم يمكن ربنا يسهل ونلاقيلنا شي رئيس جديد ههههههههههههههههههههههههه ههه عم امزح يالا البلد دي احسن من غيرها ورمضان كريم اقتباس:
|
اقتباس:
بسألك |
اقتباس:
انا في انتظار الوصفة بس ما تتأخر علي علشان اعملها برمضان :yahoo: سلملي على الماما الي عمتعملها;-) |
| الساعة بإيدك هلق يا سيدي 06:45 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون