النظافة العامة موضوع كتير مهم
 

فكرت شي مرة انت وماشي بالشارع وقبل ما تكب الورقة او المحرمة او كيس البطاطا الفاضي او علبة الكولا او .. او.. الخ انك تحملها شي 50 متر لاقرب حاوية او سلة نفايات ؟
خطر ببالك شي مرة انو عامل النظافة يلي عم بيكنس الشارع بشر متلك متلو وانو اذا طرنب الزلمة وحرد و بطل يشتغل لانو نحنا لا نمت للبشر بصلة شو يلي رح يصير فينا ؟
طلع معك شي مرة انو كيس الزبالة المنزلي لازم يكون كتيم و ما بيخرق سوائل منشان ما يطلع ريحة بالشارع ؟
يا ترى انت لما بتكون بالبيت و بدك تكب شي شغلة بتروح تكبا بالسلة ولا بتشلحا علارض محل مانك قاعد ؟
انا ماني احسن منك بس الشغلة اخدت حيز مهم من تفكيري لما اجا قرايبي من اميركا ( صرلو خمسين سنة مهاجر) وقال اكتر شي زعجو بالبلد هو منظر الوسخ بالشارع:?
هلق انا بحضر افلام اجنبية كتير وبدقق على هيك شغلات بس يكون الفلم مصور خارج الاستديوهات ولاحظت انو الموضوع نسبي يعني عندون شوارع فعلاً نظيفة وعندن كمان شوارع اضرب من عنا ان كان من ناحية الزفت وان كان من ناحية الوسخ بالشارع بس الفرق انو عندن موضوع حاويات الزبالة و سلات القمامة العامة موزعة بشكل مدروس
بس عنا محلات ومحلات يعني مطرح اللي ممكن يتواجد فيه سواح او مسؤولين بيركزو عالنظافة العامة بس غير محلات معدومة او شبه
شو رأيك واحدنا يبلش من حالو ... بتظبط ولا ما بتظبط :humm:

كلامك صح و انت مبلش من حالك و منظف اول واحد " ع الصفر " :lol::lol:

مع اعتذاري :D

موقصة أنو بشر
يعني حتى لو يللي عم ينظف روبوت ..... الشغلة شغلة مبدأ
لازم تصير هيك أمور عادة من عاداتنا ....
يعني ما في داعي تفكر بكل هالامور ... لحتى تعرف أنو ما بصير توسخ الشارع

والله حكيك صح وانا هالشغلة شاغلتلي بالي يعني العالم شو خسارنين إذا عافوها شوي بايدون لبين ما يشوفوا سلة الزبالة وكمان متل ما بتعرفوا انو أبطىء شي بالتحلل هو البلاستيك وأغلب يللي نكبو بالشارع هو بلاستيك يللي بيضل شي 100 سنة ليتحلل! (هيك بظن ماني متاكد بس هيك شي يعني) فحرام الواحد بيكب يعني منظر مو حضاري وغير انو بيخرب البيئة
وانا من ناحيتي لما بيكون معي وسخ بالشارع بحطوا بيجيبي لبين ما شوف زبالة واذا ما شفت لبين ما اوصل عالبيت وبكبا بالزبالة
وشكرا كتير يا (مابعرف) على الموضوع الحلو و المهم

صحيح هي شغلة مبدأ بس مو عند كل العالم يعني لو صارت الشغلة مبدأ ل 90% من المجتمع و الكل صار ينتبه لحالو رح تضل تلاقي بعض الناس ينتهزوا فرصة ( ما حدا شايفني ... او ماحدا بيعرفني ) و على فكرة هي مو بموضوع النظافة العامة بس لانو في كتير تصرفات بيغيب عنها الرادع الاخلاقي و ما في شي بيمنعها غير موضوع التعييب;-):larg:

فعلا موضوع كتير مهم، للأسف مو بالنسبة للجميع
المشكلة انو نحنا بنهتم بنضافة البيت من جوا وبس، ( عم احكي عن الغالبية)يعني بتلاقي الحارة مزبلة، بس البيوت جوا كتير نظيفة ومرتبة،والسبب هو انو المواطن بيعتبر انو هو بيمتلك بس البيت اللي هو ساكنو ، بالاضافة لكم متر حوله، هدول بس اللي بيهتم بنظافتهم، اما الشارع العادي اللي بعيد عن بيتو، فهذا ما بيهمو وما بتفرق معو نضف ولا توسخ، نفس الشي بالنسبة للي عندو سيارة، بتلاقيها عم تضوي، ونفس الشخص بس يطلع بسرفيس او بوسيلة نقل عامة، ممكن بكل لامبالاه يرمي قشر البزر او بقايا الطعام او اي قمامة تحت الكراسي بس لأنو مابيعتبر انو هالسرفيس الو
انا موجود بألمانيا، هون الطفل بيضل حامل ورقة الشوكولا او اي شغلة للكب لحتى يلاقي سلة المهملات،واذا اي واحد بالغلط وقعت منو محرمة او ورقة او بقايا تفاحة ، بتلاقيه مابيخجل وهو عم يشيلها عن الارض ويرميها بمكانها المخصص(طبعا لا يخلو الامر من بعض المخالفات) بس عم احكي بشكل عام ، بينما نحنا بنعتبر هالشي عيب.
ببساطة النظافة بيتعلموها بالبيت قبل المدرسة، وهني بيتصرفو هيك لأنو هالشي صار عادة بالنسبة الهن.
عقبالنا
تحياتي:D

لك حجييييييييييي
هلأ اذا الواحد في وسخة بايدو
والزبالة بعيدة
او كنت بالسيارة

الواحد وين بدو يروح بحالو ..

بدي اضل شايلة هييييييييييييييييييييييك لوقت ما اوصل ع زبالة :?
ولا بدي اضل حاطا جنبي بالسيارة هييييييييك لوقت ما الاقي شي زبالة


ياخي بكل بساطة زتا بالارض او لحشا بشي زيق هيك يعني عادية خدا حبية ومنا لحلا مع الزمن يابطير اذا كان في هوا وبتروح ع الزبالة لحالا
يا اما بطير كمان واذا ماراحت ع الزبالة بتروح ع شي مكان فلا هيك ومابتعود بتأثر عليك
يا اما اذا لاهيك ولا هيك بجي الزبال بشيلاو خلص


وبهالطريقة بتكون لا انت عزبتك حالك وضلييييييت ساعة تعب حالك ودور ع زبالة
ولا ازيت العالم بالزبالة
وكلو بصير تمام التمام واخر رواققققق

يعني اكيد ماكل جبلة متل هالشارع متل هالشارع ولا 90 بالمية حتى يعني هادا بكون نادر
عنا بحلب شارع انضف من هادا السارع وعبلمع لمعان

وبس مجرد الشارع بس ع طولو وانتي تطلعي منو بتلاقي الزبالة مكوكمة تكويم وحاللللللللللللللة


يعني ماكل الشوارع هيك ولا هيك بس

سودت وشنا ....و بهدلتنا بين الخلق :sick:

صدقني ماعبمزح

يعني لما بكون معي ورقة مابروح بكبا بالزبالة ليش الكذب بصراحة بتكاسل اضرب خط من هون للزبالة
بكبا بالارض وخصمة بزرة :larg:

:lol::lol::lol:

يعني اكزب عليكن واقلكن اني بكب الوسخ بالزبالة :lol:


اخي الكذب حرام

يعني الوساخة هي الحلال !! :shock:

يابو سمرا يا ابو سمرا يا ابو سمرا


خدا حبية يعني ماتاخدا بنية سيئة قلنالك منكبة ع الزيق بشي حشرة بشي شغلة مامنكبا بنص الشارع
يعني هي بالشارع بس جنب دولاب شي سيارة شي شغلة


وبعدين وضحنالك شو بدو يكون مصيرة بالاخر بالرد اللي فوق
بقى عاااااااااادية ابو شريك خدا حبية :larg:

يعطيك العافة
 

:shock::shock:هلق شيلك من المزح
بيجوز الشغلة فيها معاناة ما بنكر هالشي :nono:
بس لو كل خمسين متر في سلة زبالة.... لك يا سيدي كل 100 متر رووووووووووح
بتكبا بالزبالة ولا لاء
بعدين تخيل حالك ماشي عالاتوستراد وفجأة ما شفت غير علبة كولا فاضية عبت بالبلور :shock:
اكيد كتير رح تكون مبسوط وما رح تسب ابداً و ما رح تتناول سلالة العائلة الكريمة للشخص اللي رماها :o
وفي شغلة تانية يعني هي متل اقتراح بس حيث انكم لستم من المسؤولين في هذا البلد العتيد (للاسف يعني)
و ما فيكن تعملو شي بخصوصا بس منتناقش فيها معكون
موضوع رمي السيكارة بالشارع ( هلق بتقولوا تخنتا)
يا سيدي ما فيك تحطا بسلة الزبالة منشان ما تعمل حريقة
يعني كمان لو بيحطو من هي النفاضات المعدنية يلي فيها رمل هي لا بتكلف مصاري وما بتحتاج اكتر من غربال
بقى شو رأيكم سيدنا:yahoo::deal::gem::ss::larg:

يا معلم أنا قصدي انو تصير النظافة من طقوسنا اليومية و عادة من عاداتنا
يعني مثلاً
اذا كنت ماشي بآخر الليل ...و شفت الاشارة حمرا ... بس مافي سيارات و مافي شرطي و مافي كاميرا
هل ياترى بتوقف و لا بتطنش الاشارة و بتمشي بما أنو مافي سيارات ..؟؟