الزواج المبكر
 

شو رايكم شباب بالزواج المبكر

فاشل لانو من طبيعة الانسان الملل من اي روتين وكل ما كان الزواج مبكر كل ما انجبرتي تتحملي الشريك لمدة اطول من الزمن و تتحملي التغييرات ييلي بتصير وبعدين شوفي مجتمعك وشو عم يصير فيه من هيك شغلات

و الله كل حكيك مزبوط و انا ضد الزواج المبكر مية بالمية

انا برأيي انه انسب سن للزواج بالنسبه للفتاه من سن 20 فما فوق اما قبل ذلك برايي غلط لانه الفتاه ما بتكون اكتملت النمو العقلي والجسدي

الزواج المبكر يمكن انه ينجح وممكن ان يفشل بيختلف من شخص لآخر

شكرا على الموضوع
تحياااااااتي

لك تسلملي عينك مية بالمية

ايا ساعة يعني ؟؟؟؟؟ قبل العشرة الصبح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مو منيح لأنو لازم الواحد يشوف حياتو صح؟ :king:

زواج مبكر:shock: مو منييييييييح شو بدنا بوجعة هالراس:pos:

حدا بيكون اخد حريتو وبيروح بيتزوج :pos: على السجن الابدي فوريا:pos:

كتير مضر بالصحه :p :p

كلام جميل ....

ولي شو زواج مبكر !!!! شو بدنا بوجع هالراس ؟؟؟ :pos:

انو كلمة زواج مبكر غامضة كتير
لانو في ناس بيعتبرو انو الزواج بحدود العشرين مبكر وفي ناس بيعتبرو انو الزواج قبل ال18 وبس هوي المبكر وفي ناس بيعتبرو الزواج قبل ال25 مبكر..... والموضوع مو محدد اي عمر برأيك هوي المبكر

بس بشكل عام انا من انصار الزواج اللي اغلبكن رح يعتبروه متأخر شوي يعني مو قبل 28 لحتى يكونو الطرفين نضجو عاطفيا ويكونو قادرين على اتخاذ القرار بعقلانية مو بس بالعاطفة ويكونو اسسو حياتون كمان بشكل صح

وطبعا بيضل في حالات غير انو ممكن الزواج يكون ابكر من هيك ومع ذلك يكون ناجح بحال كان الطرفين واعيين تماما

:سوريا:

ممكن تحددي أكتر يعني اي عمر يلي عم تحكي عنو مشان نعرف شوبدنا نحكي .

أنا بشوف انو لو تنين بحبو بعض وتزوجوا بكير ما في مشكلة غير هيك لأ

هلق موضوع الزواج مسألة نسبية
بس من ناحية اللي قالو أنو مو صحي لاء هوي صحي بس الخوف من الملل بعدين
لأنو ممكن تتغير أفكارن ونظرتن للحياة بعد ما ينضجو أكتر

بس فيه شغلة مفيدة بالزواج هوي الطلاق يعني ليش لما الواحد بدو يتزوج بيحط ببالو أنو للعمر وإذا تركو بعد كم سنة شو بيصير عالبشرية يعني!!
خدو الأمر بسلاسة بس لازم يكون للطرفين نفس الرأي بهالمسألة وإلا مشكلة

لا تعليق

:shock: ليكون صدك انحرقت الطيخة اللي عم تطبخها المخلوقة:o

هلق بتاكل المخلوقة بهدلة:clap:

أول شي العمر المناسب للزواج هو للشب ما بعد سن 27 الى 33 سنة هادا عزو .
اما البنت فالعمر المناسب للزواج هو بين 25 الى 30 سنة كمان هادا عزها.

ليش ؟

لأنو الشب قبل 27 يادوبو بلش يشق طريقو يعني اذا كان داخل جامعة من جماعة 4 سنين بدو 6 سنين حتى يخلص وبعدها بيجيه الجيش وبعدها بدو شغلة يشتغلها مشان يقدر يفتح بيت لأنو كمان البنت يلي بدو يتجوزها بنت خلئ وعالم ومارح تجي تاخد مصروفها من أبوه أو امو متل ما بيعمل الشب اذا ما كان عم يشتغل ,وفوق كل هاد ما بكون اكتمل نموه الفكري لأنو الزواج مو بس (يلا ايمتى بدنا نام وخلافو ..........) الزواج مسؤلية كبيرة .

وكمان البنت قبل 25 سنة ما بتكون خلصت جامعة لأنو الشهادة الجامعية سلاح بيد البنت اذا جار عليها الزمن لا سمح الله وبعدين لازم البنت تشتغل متل الشب حتى تحس بمسؤولية وتكون عم تعمل شي مفيد بالمجتمع مو والله اخدنا الشهادة وضبيناها بالخزانة, يا فرحتي بهالحكي .

يعني الزواج المبكر = طميمة بالبيت + ملل بعد فترة + خيانة زوجية من جهة الشب لأنو بعد فترة يعني بالنصف التاني من العشرينات رح يعيد حساباتو ويشوف انو ما شاف دنيا هو وعي على الدنيا وكانت مرتو حدو وحتى ولو كان الزواج ناتج عن قصة حب .

طبعا مافيني عمم بس هي النسبة الكبيرة .

الفائدة الوحيدة من الزواج المبكر انو الأولاد بصير صحبة (مجايلة ) مع الأهل .