|
من أشجع حواء أم آدم ?!!!!.......
هذا ليس سؤالاً عامّاً ، بل إنه يُسأل في حالة واحدة وهي: من أشجع الفتاة أم الشاب بالمبادرة بإبداء المشاعر ؟
في أغلب الأحيان الشاب أسرع في الإفصاح تُجاه الفتاة حتى و لو كانت هذه الفتاة لا ترى في هذا الشاب سوى صديق (وهو غير منتبه لهذا الأمر) فأغلب الشباب يسرعون في إبداء إعجابهم الصريح بإحدى الفتيات في وقت لم يكن يبدو على هذه الفتاة أنها شعرت بوجود هذا الشاب " أو حتى تذكرت اسمه " ... و المشكلة هنا هي أن الفتيات عندما يشعرن بشعور ما نحو أحد الشبان، لا يبادرونه بهذا الشعور مباشرة بل " ينامون على السيرة " و كأن شيئاً لم يكن، لمــاذا ؟ ؟ لأن الفتاة يُفترض بها أن تكون جامدة الشعور، باردة ، منعدمة العواطف في مجتمعاتنا الشرقية المتحفظة وإلا .......، و إلا كانت " قليلة أدب " أو هناك نقص واضح في تربيتها و يجب تأديبها إما بحسبها في المنزل أو صفعها حتى تتأدب و تصبح " مثل العالم و الناس " ..... بالله عليكم دعوا الفتيات يقلن ما في قلوبهن ، دعوهن يفرحن بمشاعرهن الخاصة الجياشة بالحب و العواطف النبيلة، حتى لا تضطر الفتاة العاشقة والتي تخاف من إبداء رأيها الصريح و ما يترتب على ذلك من النظر إليها نظرة دونية بأنها تجاوزت حدود الأدب و الطاعة و اعتبارها مجرد " بنت شوارع " كل هذا لا يولد سوى الكبت و الكبت و من ثم الـكـبـت .......... ، كل هذا الكبت له طريقة واحدة لينتهي هي الانفجار و الخروج صراحةً و علناً عن التقاليد والعادات الاجتماعية الشرقية و لو بطريقة غير سليمة ........ الفتيات أحرار في إبداء مشاعرهن تُجاه أحد الأشخاص ، و لكن علينا بالإضافة إلى توعية الأهل المحافظين ، توعية الشباب الناهض حالياً بأن يتقبل أي مبادرة من الفتيات و اعتبارها من حقها تماماً كما هي من حقه هو ، و لو كان هذا على حساب رجولته التي قد يهددها " في نظر بعض الشباب " مبادرة فتاة جميلة بإبداء مشاعر الحب و الإعجاب.... ، دعوهن يفصحن بالله عليكم ، و دعوهن يبدين كل آراءهن حتى لا يأتي يوم تندمون فيه على تلك اللحظات.... إنها شجاعة حقاً من الفتاة أن تفصح عن مشاعرها ، صدقونــي................. بقلم : إبراهيم رزق |
اقتباس:
اي ها هادا الحكي اللي بيطعمي خبز صرنا ايام عم نتقاتل مشان هالموضوع هون وما حدا يقنع التاني مشكور خيو :D |
اقتباس:
شكرا على المرور.....:D:D |
طيب اذا في شب وبنت ورفقة كتير والبنت صريحة زيادة وواضحة وخاطرت وقالت للشب أنو هي بدها أكتر من رفقة (وهادا عكس الحالة العادية انو بالعادة الشب يلي بحب رفيقتو) المهم وهوي كانت ردت فعلو انو ما معجب فيها لحد يحبها وبيفضل الصداقة الحلوة بيناتون تضل بس معاملتو معها تغيرت تماما شو بتكون استفادت هي هون؟ خسرت رفيق كتير منيح معها؟ بقا ليه بدك البنت تتجرأ وتصارحو؟
|
اقتباس:
وبيني وبينك بزمانا صارت معي ... :o :o فبعد عذاب وصراع نفسي مرير :lover: :lover: ......قررت حط نهاية للموضوع وصارحها :adal: :adal: .....بس هي طلعت ما شايفة الوضع متل ما كنت انا شايفو :waa3: :waa3: ....... البنت ضلت صديقة وصديقة عزيزة كتير بس حسينا تنيناتنا انو شي انكسر....:cry: :cry: بالنهاية بقلك انو ما في حسابات في الحب الصادق لانو هو شعور بيسيطر عليك لدرجة انك بتبلشي تنسي انك تتنفسي .... وميرسي على مرورك.... :D :D |
اقتباس:
في شغلة اسم لغة العيون يعني العيون بتحكي مع بعضا;-) والبنت مو عيب اذا حكت مشاعرها واحاسيسها بس تعرف لمين تحكي واذا بيستاهل او بيفهم عليها وقبل ما البنت تحب تدرس الشب كتير:D |
اعتقد ان الامر يرتبط بالشخص بغض النظر ان كان شابا ام فتاة وبالظروف كذالك.
|
اقتباس:
ذكرتني بايام اخويه الجميله انا رح ابكي هلا :cry: والله احلى ايام اخويه اول شهرين الي :cry: |
انا مع انو الشخص يكون صريح بعواطفو خصوصا لما بتكون صادقة وعميقة سواء كان شب اوبنت طبعا مع دراسة صحيحة للطرف التاني
ومشان خسارة الصديق بظن انو مجرد كان في حب من طرف واحد مارح تكون الصداقة صداقة وبس يعني رح يضل احساس الحب هوي الغالب من طرف العاشق او العاشقة عالاقل....... واذا توضحت الامور متل ماهيي بيكون افضل بكتير ومرسي عالموضوع :D |
اقتباس:
|
ميرسي كتير عالموضوع :D
و انا برأي انو البنت ما لازم كتير تصارح بمشاعرها لانها بهداك الوقت بيعتبروها الناس فلتانة و ما بعرف شو لانو مجتمعنا ما بيتقبل هالفكرة طاول :( |
اقتباس:
بنات كل واحده فيكن تذكر أسم الشب اللي بتحبو وانا راح ابدأ انا بحب زوجي من أول يوم شفتو فيه :sosweet: :sosweet: :yahoo: :yahoo: :yahoo: :yahoo: :yahoo: :yahoo: |
وشو مشان الشباب؟؟؟؟؟؟؟؟؟؟؟:(
|
اقتباس:
|
اي لنشوفها قبل:oops:
بعدين انا من ناحيتي الحب ما بيخلص عندي:D :D وانا برجي القوس ومعروفة صفاتي:hart: (حب بلا هوادة):hart: |
اقتباس:
بس صرلي بحب شخص رائع من ست سنين ولسه مع بعض حتى تفرج ونرتبط. وبهالمناسبة حابة قلو بحبك يا احلى واطيب واروع شب بالعالم. |
اقتباس:
اكيد لانو الحب ما بيخلص وبدعيلك من قلبي الله يوفقكم:D :D |
انا مافي مين يحبني ................:( :( :(
مين من الصبايا تتبرع وتحبني....................:hart: :hart: :hart: :sosweet: |
| الساعة بإيدك هلق يا سيدي 17:07 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون