|
up up up
|
احلى شعب الشراكس وعلى راسن (الداغستان)
حابب اتعرف ع الشراكس في المنتدى ........ابو يلدار........ من حمص الي عندو صور بليز يبعتلي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :clap: :clap: :clap: |
أهلين أبو يلدار أهلين فيك أنا من القنيطرة :hashish:
|
مشكلة ,....
مرحبا للجميع ...
أول شي أنا جديد بالأخوية , و اللي شدني ألها الموضوع عن الشراكس ... أنا مو شركسي بس بحب بنت شركسية و هي بتحبني ..المشكلة أنو أهلها مو موافقين بنوب لأني مو شركسي .. مع أني الحمد لله أنا أموري ميسورة و أنا مهندس ...بس أهلها ردو بشكل غريب كتير على الموضوع و بشدة و بحزم ... و مانهن موافقين بنوب ... و البنت ضايعة كتير كتير ... من جهة أهلها و من جهة تانية نحن و حياتنا و مستأبلنا ... أنا بحبها كتير و هي كمان ...و حكيت مع أهلها و ألتلهن أنو جاهز للخطبة ... بس مافي أمل ... حبيت أحكي شوي أنو راح طق من هالمشكلة و بدي ريح البنت كمان لأنو عندها دراسة .... مابعرف إذا في حدا عندو أي اقتراح ممكن بساعدني فيه بكون ممنون ..... و السلام |
حلو والله :o
مشكورة :D |
عفوا بس عم تألي ألي مشكورة ؟؟؟ أنا شب سيد إيهاب إذا كان ألي الرد و شكرا
|
هق بظن مشكورة " لاوديسا " كاتبة الموضوع
هلق بالنسبة لمشكلتك .. و الله يا حبيب في عائلات ما عندا مشكلة ... بس في عائلات متشددة أو متعصبة ... هلأ ازا كانت البنت أصغر من 23 أو هيك شي.. غالبا الأهل هنن أصحاب القرار بهيك قضية انها تتجوز غير شركسي .. اما ازا كانت أكبر بيتركوها على حريتا طبعا هاد ما بيمنع انو يصير زعل و من هل حكي الفاضي ... تحياتي و موفق :D |
أحم إحم
خيو متل ما حكا سيزار صحيح أنا إمي شركسية وفيني شرش |
يسلمو كتير عالرد ...
هنن أهلها هددوها أنو بيزعلو منها ز مابعودو يحكوها إذا بتروح معي ... و هي أكبر من 23 ... و ماتركوها على حريتها ... يعني قالولا ياها "أنو ما بتتزوجي إلا شركسي" و حاج تفكري فيه (يعني أنا) ... و نحن متفقين أنو ماآخدها خطيفة لأنو كمان بضلو أهلها و أنا مابدي كون أناني و آخدها هيك ... يعني أنا رايد أنو أهلها يوافقو و آخدها برضاتن مو غصب عنن و هنن معندين كتير .... و بصراحة نحن محتاين لسه كيف بدنا نظبط الموضوع ...يعني بموافقتن ...و ماني عرفان كيف بدي أقنعن .. لأنو أبوها ماخلاني أحكي معو و ألي الموضوع منتهي وقت زرتو ... و أنا ألتلن إذا في شي غير هالسبب أنا بنسحب من الموضوع لأني وقتها ماني شخص مناسب لبنتهن .. بس للأسف مافي غير هالسبب ... وعلى كل مشكورين عالرد و بتمنى محدا يبخل علي بأي نصيحة أو حل للموضوع .... سلام |
خيو أنا ما بعرف بدك تستنى سيزار أنا لما تجوزي أهلين عملو عرسين واحد عربي واحد شركسي مشان ما حد يزعل
|
هي المشكلة مو بالعرس أو شي تاني .... هنن رافضيين الفكرة تماما أنو آخدها .. و أنا ألتلن أنو اللي بدكن ياه بصير يعني ماعندي مشكلة أبدا بالموضوع ...و منعمل عرسين مو قضية بس هنن يوافقو ...
|
طيب طيب شو بدي قلك خيو يعني والله ما بعرف شو بدي إحكيلك ستنى ليرد عليك سيزار وأنا اسف لأنو ما قددرت فيدك
|
عم عذبك معي و على الرد بعرف هالشي ... بس بتعرف أجاني هالموقع (الأخوية) من الله لأحكي فيه ...
بس بتعرف إذا في مجال أنو تسأل أهلك كيف أخدو بعض ... أنو كانو معارضين أهلها أو لاء ؟؟ وشو عمل أبوك إذا كانو معارضين ... طبعا إذا بتأدر تألن أو تحكيهن بهالموضوع ... و مشكور سلف أخي |
أيه تكرم عينك بكرة بحكيلون
وليش حتى ما أقدر أحكيلون يعني |
على راسي أخي ...
|
خيو طول ما بتحبو بعض ضلك بعات جاهات و واسطات و حاول خلي حدا من أقاربا يقتنع أو ازا ممكن يساعد ...
هوي بالنهاية رح يصير في ثغرة ... بس مو قطيعة ... برجع بقلك موفق |
يسلمو كتير سيزار ,أنا هلأ لشفت الرد تبعك ... و هو أنا راح ضل روح لعندن مشان أقنعن ...و كنت عم فكر إني شوف حدا بيأربها و يقتنع معي ...بس بصراحة لهلأ عم دور على حدا ممكن يساعدنا ...
|
مابعرف كنت حاسس أنو راح تساعدوني أكت بالموضوع أو عندكن اقتراحات كون في منكن شراكس ...بتمنى محدا يبخل علي بأي نصيحة أو اقتراح و يسلمو مرة تانية ...
|
| الساعة بإيدك هلق يا سيدي 21:20 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون