|
اليوم الدولي للســكان الاصليين بالعالم ..
هلأ لاقيت بالاخوية من شوي انو اليوم بيصدف للــ اليوم الدولي للسكان الاصلين بالعالم ..
فانو بعد التهنئات وخلافو للسكان الاصليين بكل مكان ازا ضلل كتير يعني :p ومنقلن هابي بيرثداي تو يو .. وهالشغلات وهيك .. بس انو صراحة والله وضع مو كتير مستحب .. يعني هلأ ازا منجي للحكي الجد هالقصة كتير مزعجة انو السكان الاصليين بكتير دول تقريبا صاروا اقلية ومافي مبالغة بهالحكي طاول .. انو عنجد عنا اقرب مثال الشام .. الشام الشوام الاصليين تقريبا فيا ماعاد بينو الشام تلت رباع سكانا من الريف ومن ضيع مجاورة ومن باقي المحافظات سواءا من الجزيرة او حلب او حمص او خلافو .. ومستوطنين بالشام .. نفس الحكي بنطبق ع الشام .. وكمان شوي ع حلب بس بدرجة اقل والمأسات بدول الخليج .. وخصوصي بالامارات مثلا بحيث انو الاماراتيين ماعاد يشكلو نسبة 20 بالمية ووازا بدك تنزل ع شي مول او شي مكان عام .. فانو صار من الصعوبة جدا انك تلاقي عيلة اماراتية مثلا او شخص اماراتي .. وحتى لو لاقيت فانو بكون غريب .. والحكي بنطبق ع كل دول الخليج بدرجات متفاوتة .. يعني انو بالنسبة للسكان الاصليين للبلد فانو كتير صعبة تلاقي حالك غريب ببلدك .. او مميز مثلا !! او انو قليل ماتسمع لهجتك واللي هي لهجة البلد الاصلية .. |
هلا انو اي في هيك شي .. كمان بالاردن لو بتشوف .. بتلاقي نسبة شي 60% من الشعب اصلو فلسطيني يعني ما طبيعي عندي بالجامعة .. لك انو نادرا ما تلاقي اردني ماشي بالجامعة يا زلمة ! ..
انو مو طبيعي الوضع .. بس انو شو بدك تسواي كلو محل ما ترزق الزق خيو .. العالم بدا تعيش لك حسون ما عاد حدا دور انا من هون وانا من هنيك .. عطيه رغيف هالخبز ببيع حالو وبيطلع .. اقتباس:
|
اي كل سنة وانت سالم
انت عم تحكي انو صعب تلائي عيلة اماراتية لازم نقول صعب تلائي عيلة عربية ونحنا بوسط العاصمة التانية للهند |
اهم شي اني سكان اصليين:lol:
|
اقتباس:
هلأ انا يازلمة صلي بقطر شي 10 سنين ومعلومك قطر كلا اردنيين .. ومن بين كل الاردنيين اللي عرفتن واللي هني كتار كتير .. يازلمة ماعرفتلك غير تلاتة اردنيين اصليين بس !! حتى واحد امو مو اردنية فلسطنية مشان تكمل :p تقريبا متل ماقلت .. الاردن اكتر من60 بالمية مو اردنيين حتى بيحكولي يازلمة انو حارات كاملة يادوب فيا عيلة اردنية وحدة واحلى يمونة :D |
اقتباس:
اقتباس:
بركي مالك اصليين بدك تتاكدي من اعلقصة :p |
اقتباس:
mazbot walla p.s: halla GOV ana skan asleen walla chou? |
كل عام ولحنا بخير :pos:
بدي بس أفصل شوي بين مثال الأماراتيين والشوام الاماراتيين ماعاد بينو . بس هنن الطبقة العليا الغنية المستفيدة الخ الخ . يعني هنن استفادو من الغرباء يلي عندهم بعكس الشوام يلي الغرباء حرموهم من السكن والعمل وكتير شغلات . فصار الغريب بالشام والشامي مهاجر برات بلدو |
اقتباس:
في شوية شوائب :p |
ال
اقتباس:
طبعا هون موضوع تاني يازلمة ازا بدنا نعد نحكي فيه بدو يحترق قلبنا بقى خليا لربك .. اكلين ع الطرفين يازلمة متل ماقلت ازا واحد اقلية بس انو معوض من الطرف التاني كان نص مصيبة .. بس صار عنا بسوريا متل اللي بالع الموس ع الحدين |
اقتباس:
|
هلأ للتنويه ..
نحن اللي عمنحكي هون مو لتحقير اي شعب او اي اصل او اي عرق .. او محاولة التنزيل من شأنو بالعكس كل الخلق خير وبركة .. وع العين والراس من وين ماكانو .. نحن عمنحكي هون ع قصة تضائل السكان الاصليين ك فكرة .. وكمناسبة فقط .. ووجب التنويه :D |
اقتباس:
جدو لجدي اتاكد من الموضوع:lol: |
اي تحية لكل السكان الاصليين :D
|
نفس الشيء عندنا بالمغرب فالسكان الاصليون هم الامازيغ ولكن العرب هم الاكثرية وتعتبر العربية هي اللغة الرسمية بينما الامازيغية مهمشة ولكن هناك صراع كبير بين الامازيغ والعرب وبما اني نصف عربية ونصف امازيغية اجد نفسي وسط صراع وتمييز عنصري حتى داخل عائلتي.
|
| الساعة بإيدك هلق يا سيدي 02:54 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون