|
صيفيه و حرارة غراميه
......بالصيف بترتفع الحرارة و بيصير في شوب و هالحكي مثبت علميا و في عالم كتير بحسوا بارتفاع درجة الحرارة و خصوصا لي عندهن مكيفات يعني الله يساعدهن ع ارتفاع الحرارة و خصوصا لما بتنقطع الكهرباء الضهر يعني كيف بدهن يناموا بهالشوب؟؟؟ كمان في نوع تاني من ارتفاع الحرارة لي بيحس فيه البعض مثلا من حرارة الشوق ما فيهن يناموا أو لما بيكون الواحد عشقان و حرارتوا مرتفعه, يمكن صابيتوا حمى أو يمكن حرارة الحب منعيتوا من النوم ,.:cry: هون في عندي ربط صغير بين الحرارتين ولي هوي كالتالي : خلال أيام الصيفية و الشوب أغلب البشر بحاولوا يهربوا من الشوب و اللجوء للأماكن الأقل شوبا , مثلا لي عندوا قدرة إنو يروح ع الجبل و ع شي مصيف أو يشتري مكيف و يشغلوا بوقت الشوب بدون ما يحسب اشقد رح تكون فاتورة الكهرباء و الهاتف(الهاتف هون لطشه ع الفواتير) ما بدنا نحكي عليهن , لي بدنا نحكي عليهن الفئة التانية لي بتهرب من الشوب ليقعدوا بالبرية أو بالحديقة أو ع طرف شي طريق أو لي عندو سطح خاص فيه بيقعد ع السطح و بيجهز للسهرة و تأمل النجوم . خلينا نفترض إنو في شخصين بيحبوا بعض (بعيدا عن التماثل) و من حرارة الحب دايبيين ع بعض وما فيك تبعدهن عن يعض و صدف هالحب بالصيفية و بهالشوب , شو بتتوقع تشوف من هالتنين؟؟ أنا بعتقد انو كل ما زاد الشوب رح يزداد حبهن و رح يتمنوا انو هالشوب لو انو بالشتوية حتى المشاعر اضل متأججه و ما تبرد العواطف , أما لي ما ألو علاقة بهالحالة يمكن اذا سمع هالحكي يحترق و يطق , يعني شو هالشاعرية و خصوصا بهيك جو!!! منرجع للسطح و السهرة و انو نحنا سهرانين ومعنا هالعشاق , نحنا منحكي ارتفاع الحرارة و ارتفاع الاسعار وهدوك بيحكوا عن حرارة الحب و حلاوة هالحب و اخ لو تنقطع الكهربا شي ربع ساعه لحتى يفوتوا بالجو أكتر يمكن اذا اسالت : شو رأيكن بالجو؟ رح جاوبوك أحلى جو لانو سهرانين مع بعض و خصوصا انو هيك سهرة حميمة ما بتجي بالسهل , أما لي مشوب و عندو بق ع السطح بيقلك : اليوم تحممت مرتين أو تلاتة و قاعد تحت المروحة و هالصيفية ما مرت متلها من 50 سنة ووو ......:pos: فمعقول اذا كلنا حبينا بعض و حسينا بحاجتنا لبعض منسى الشوب؟ و بيصير بدنا بس نقعد مع بعض ؟ حتى لو كانت البقة (الناموسة) بحجم البقرة ؟ .......:shock: |
ولوووو ....في فرق بين حرارة الشوب وحرارة الحب :hart:
حرارة الشوب بتأدي للشعور بالقرف :sick: واللفطسان أما حرارة الحب بتدفي الفلوب :sosweet: |
اقتباس:
انو بتدفي الفلوب ؟؟ ما اعرفتهاااااااااا هههه شكرا لرردك |
فمعقول اذا كلنا حبينا بعض و حسينا بحاجتنا لبعض منسى الشوب؟ و بيصير بدنا بس نقعد مع بعض ؟ حتى لو كانت البقة (الناموسة) بحجم البقرة ؟ .......
 و الله و عرفت تربط :lol: |
خليهن يستفيدو من هالحرارة بالشتوية
احسن ما يشترو مازوت ..إن وجد .. |
اقتباس:
قصدنا القلوب :hart: بس ما عندي كيبورد عربي فمعذورة :pos: |
اقتباس:
:larg: |
اقتباس:
و انا هيك عم قول :larg: |
اقتباس:
وبالنسبة لاخر تساؤل ولو الناموسة بحجم الفيل الاحباب بينسوا كل الكون كرمال يقعدو سوا..وعلى رأي الرافعي...وان المحبوب عندما يجلس الى محبوبه ليشعر انه في الجنة...يعني مو بهالنص بس بهالمعنى:D |
اهاااااااااا
من اولها بينت يا وشم حسد و ضيقة عام :frown::jakoush:
|
اقتباس:
لا .. بس يزيد عدد الاشخاص بالشوب .. بتزيد العجأة .. وبالتالي بتنعجئ القعدة..وبالتالي بيزيد الشوب .. وبالتالي بنعوف حالنا .. وبالتالي:o بنصير بدنا نجيب الهوا لحالنا .. يا بايدينا يا بـ تحريك تيابنا يا بـ مكيف يا بمروحة .. عاد ع حسب ميزانيتو الويحد .. الخلاصة .. شو هي ادا حبينا بعض بننسى الشوب .. بعدين ما انت بحالك بتقول : اقتباس:
يعني لما يحبو بعض بتزيد الحرارة .. يعني بعز الصيفية.. وزيادة حب وحرارة .. اي بيفحموا :lol: يعني بكل الاحوال بيزيد الشوب .. مو بينسوه :p اقتباس:
|
اها
لا .. بس يزيد عدد الاشخاص بالشوب .. بتزيد العجأة .. وبالتالي بتنعجئ القعدة..وبالتالي بيزيد الشوب .. وبالتالي بنعوف حالنا .. وبالتالي
 بنصير بدنا نجيب الهوا لحالنا .. يا بايدينا يا بـ تحريك تيابنا يا بـ مكيف يا بمروحة .. عاد ع حسب ميزانيتو الويحد .. الخلاصة .. شو هي ادا حبينا بعض بننسى الشوب .. هدا رايك اما راي فانا قلتوا :larg: |
يعني مافي خلاف الشوب بضل اسمو شوب وين ماكان ومع مين ماكان
|
انا موافق
|
اي شي اكيد
يعني بشوب او اي شي تاني مزعج..لماتكون مع حبيبك بتنسى هاد كلو.....:oops: بس ولييييييييي لما تبرد حرارة هالحب..شوبصير؟؟؟؟؟؟؟؟:larg:;) |
انا بقلك .................................................. .....
اقتباس:
|
و انا كمان
اقتباس:
و انا متلك موافق بالاجماع :D |
هدا ...
اقتباس:
هدا رايك ياخي و انا بحترم رايك و عراسي حارتك :D هلاااااااااااا :larg: |
| الساعة بإيدك هلق يا سيدي 13:02 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون