لماذا يا حماس؟
هل شاهدتم ما حدث اليوم في فلسطين
كان اليوم هناك تجمع لأبناء فتح بمناسبة الذكرى الثالثه لوفاة الزعيم القائد وكان تجمعا سلميا لم يقوموا بأي شيئ يسيئ لحماس لكن حماس رفضت ان تترك افراد فتح بأمان فهجمت عليهم وقتلت وجرحت وألقت بقنابل الغاز فما هذا انا عجزت عن وصف هؤلاء الوحوش تقتلون مسلما . . . لما وظهرت الأحداث امامكم على وسائل الأعلان وشاهدتم بأعينكم فلماذا هذا يا حماس أليس عار عليكي ان تأخذي اوامركي من إيران وتضعين الحواجز لأيقاف السيارات التي تقل افراد فتح وتضربهم ووصلت بهم الى الأعتقال والقتل الله أكبر ما دينهم |
هلا عمي
!!!! بداية اللي صار مقرف وبيخزي :) اما بالنسبة لسؤال لماذا يا حماس فهو سؤال عبيط صراحة " مش معناتها انو انت عبيط " لأن هاي صارت موضة اسم الله حوالينا حماس بغزة نازلة تفظع بالناس وفتح بالضفة نازلة تعتقل اي حد حمساوي والدنيا صارت سلطة ! النا الله :D |
حماس تقوم بأعتقال وأعدام الناس بدون سبب
أما فتح فأنا ما شفت منها ألا القليل بالنسبه لحماس حماس قامت اليوم بتجميع الناس بالمساجد وبدأت تضرب بيهم وين حرمة بيت الله صدق من قال : الله يلعن اليوم اللي بدنا ننحكم فيه للخونه |
صدق الوضع مش كتير بيختلف
كل ما هنالك انو فتح ما معها مجال تعبر عن شعورها هون بس بتحاول يعني اعتقالات ع شوية قمع وكل الأمور بتمشي بالضفة ! |
هو انا سمعت بالخبر واستغربت كتير من هالتصرف
هو كل واحد بتفشش بالتاني لانو مو طالع بايدهم شي |
أي ضفه يا بنت الحلال
ما هو أصلا حماس مش قادره تفوت على الضفه لأنها تحت أيد الكدش الكبير إسرائيل فكيف حماس بدها تثبت وجودها بتحاول تسيطر على قطاع غزه عن طريق الميليشيات والعصابات |
سميه وأنتي الصادقه قصدك حماس عم تتفشش بفتح
لأن حماس معها سلاح الله يخليلها إيران وفتح الله يعينها حاربوهم اليوم بالحجار لك بتصدقي واحد من حماس ماسك ار بي جي يحرق حريشه |
اقتباس:
هو يعني بدل مايخبو طاقاتهم لشي مفيد بتفششو ببعض والعالم رايحين بيناتهم الله يهديهم |
انا برأي لازم يوضع حد لحماس
وحتى لو احتجنا تدخل اجنبي هدول ما بتربوا ألا بقوة السلاح |
اقتباس:
انا عايشة بالضفة من لمما الله خلقني وبعرف ومتأكدة انو حماس الها شعبية ! حماس حصلت على تأييد فظيع بالضفة وفاز أغلب نوابها حتى بالمناطق اللي غالبيتها مسيحية :) وشايفة فتح شو بتعمل بالحمساوية اللي هون وكيف بتتعامل معهم وكيف قامعتهم ولاعنة سنسفيلهم :) عشان الجوز وجهين لكندرة وحدة !ّ |
اقتباس:
مش عن فلسطيني زيك زيو !! مش عن ناس يمكن يكونلهم اخو شهيد أو اسير انا من رأيي يا بتحكي حكي ينفهم وينهضم يا تسكت مش شوي نرفزتني بهالجملة الغبية كتييييييييييييييييييييييي ييييييييييييييييييييييييي ييييييير ! شو السلاح الاجنبي اللي بدك تجيبو ؟ سلاح أمريكي ؟ يا ترى من انو نوع اللي دبحنا قبل ولا نوع فتاك ؟! ولا سلاح عربي ما انحكاش عنو بالمقاومة وبدو بكل وقاحة ينحكى عنو لمما الموضوع بيتعلق بحرب أهلية ؟! DAMN ! |
مشكوره سميه
والله ما في حدا مرتاح غير إسرائيل شو بدها أحسن من هيك الشعب الفلسطيني عم بقتل ببعضوا وهي قاعده بتضحك على جهلنا أو بالأحرى غبائنا وعنصريتنا |
اقتباس:
وهاي أمثلة على عنصريتنا اقتباس:
اقتباس:
اقتباس:
العيب انو نشوف بعين وحدة ونشوف الطرفين اللي غلطانين واحد خروف وواحد ديب وال 2 ا!@#%% من بعض ّ! |
يعني شو بدك نعملك نضل نطلع على ميليشيات حماس وهي عم تقتل شباب فتح
ولا شو الفتحاوي مش فلسطيني حلال دمه بعدين أنتي دائما بتفهمي غلط انا قصدي بالتدخل الأجنبي مو نستورد سلاح انا قصدي بالمحاورات والضغوطات وأذا لزمنا السلاح بنستخدمه وطبعا مكرهين |
لاموش الحقيقه صارت عنصريه
يعني مش لازم يكون في ظالم ومظلوم هاد قانون الحياه وبرأي حماس الظالم فكانت حماس ترد على اصوات الهتافات بأصوات طلقات الرصاص والتفرقه على عدم وجود اللحيه هذا شو بتسميه |
اقتباس:
بعدين هون من زمان واحنا متوقعين تنعمل دولتين وحدة بغزة ووحدة بالضفة وأكيد موصلناش للي وصلنالو لأن حماس لحالها اللي غلط ! لأن الكارثة هاي بدها طرفين :) تنساش انو دحلان عجّب كتير مش شوي بغزة يعني الفتحاوية ما قصرو وزي ما دم الفتحاوي حرام دم الحمساوي حرام واستنتجت هالشي من قاعدة انو دم الفلسطيني حرام اما بالنسبة لفهمي الغلط ف معك حق عشان الجملة هاي في مجال افهمها غلط اقتباس:
|
اقتباس:
حماس الظالمة وفتح كمان ظالمة لمما بيعتقلو استاز مدرسة عشان حمساوي ؟ او طالب جامعي لأنو بيشتغل بالكتلة الاسلامية اللي تابعة لحماس بالجامعات ولمما بيسكرو كتير جمعيات لخدمة المجتمع لأنها حماس ولمما بينمنع اي اشي بيتعلق بحماس بالضفة شو اسمو هاد ؟! مش عنصرية ؟ مش تفرقة ؟ مش قلة حيا ؟؟! انا ما بدافع عن حماس لأن ولا مرة ممكن ادافع عن حدا بيمثللي اجرام بس ظلم تحكي انو في مجرم واحد والتاني بريء |
عندما يرغب احد ان يكون الشخص المحاور له خاطئا وينتظره على أقل غلط
هذا لا يسمى حوار |
الساعة بإيدك هلق يا سيدي 11:21 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون