|
هلأ صار الوقت بعتقد وهالمرة عنجد
أهلين كلكن...
انا صار لازم اترك وماتفكروا اني عم اعمل متل الصيفية الماضية( اذا حدا متذكر ) ومافي داعي ارجع اذكر القصة من جديد تبع الصيف الماضي بس حبيت قلكن انو انا رح اطلع عنجد هالمرة وصار وقتي ومابدي حدا يقول اني طلعت بس مشان حكيتوا عن لعبتي بموضوع ماد ماكس >>أخوية top5 مو يعني حكيتوا ..يعني انذكر اسم اللعبة فيو ..وانا مابدي كون محط مسخرة ان كان انا او ان كان لعبتي وهالشي انا بيعنيلي كتير ومن هاللحظة اعتبروني اطلعت وماراح ارجع مو اعتبروني خلص انا اخدت قراري هالمرة ومابدي حدا يقلي " الله معك.." أو " الله معك...سكر الباب وراك .." متل ماكنتوا تقولوا لناس غيري سابقاً... يعني الحمدلله قضيت سنتين وكانوا حلوين ...مع الشـآم وأهلها وحسيت حالي مو غريبة بيناتكن...حسيت حالي اخت معكن...بس زاد الوضع عن حدّو و وراح اطلع من دون اهانات او تجريحات اذا سمحتوا واعتبروني مريت مرور الكرام هي (((إذا كنت شي بالنسبة إلكن)))..! بصراحة وفي كلمة بقلبي مدايقة منها من زمان وجعبالي هلأ قلكن ياها وبصراحة... كنت بحس ومازلت حس انو عم نمثل على بعض بأخوية... مابعرف ليش هيك بحس او ليش هيك عم حس او اذا احساسي بمحلو ولا لأ...!؟مدري ليش حاسة انو عم تمثلوا على بعض او يمكن انا لاني مو شايفة حدا منكن عالحقيقة ( حدا منكن ...بقصد الاعضاء ككل ..ماحدا محدد ) او يمكن مو متعرفة ع كل واحد منكن متل موعاملين انتو بتعرفوا بعض وبتشوفوا بعض ( خليني فوت بالتفاصيل شوي) وبتسهروا سوا كلكن...وبتتعرفوا ع بعض .... مو هون الموضوع .،،، الموضوع انو خــلص أنا طقيت وقولوا لي ياها انكن طقيتو مني ولا حدا يقلي اذا سمحتوا " ابقي هون " أو " ضلي هون " لأنو اذا ضليت رح تصير سنة تالتة من الأوهام والأكاذيب ...! ومابدي حدا يجي يخانقني او يعلّمني ...أو يقلي " بيباي مع السلامة سكري الباب وراكي منيح " انا رح قلكن ياها من عندي .. بيباي:) |
اقتباس:
|
صحيح شو نئولك يعني
..:? يعني تروحي وتتركينا |
اقتباس:
رح روح واتركن |
الخيار إلك وعلى راحتك ... بس أظن انك كبيرة كفاية ومفروض ما تاخدي المواضيع بتحسس بهل الطريقة
|
ع التشريفات
|
بظن الحديث بموضوع ماد ماكس
كان عن اهتمامات الاعضاء مش عن المواضيع الي انذكرت وهو قال انها ضرورية بس في شي تاني ضروري كمان انا هيك فهمت ولو كنت بمطرحك ما بزعل لان هو ما قصدني الي هو حكى عن الاعضاء الي عم يركزو على مواضيع معينة ويتركو الباقي بس عموما القرار قرارك ( بس بيني وبينك الامور ما ببتاخد بهاد الشكل ) :D:D:D:D |
لا
تدعي كل ما تريه يخدعك فالعين ترا الكثير ولا يبقى مما نراه الا الذكريات والكلمة الطيبة فتذكري الوفاء كلما رأيت عباراتي every thing fades away in this...... life :deal: :deal: :deal: |
مع اني ما بعرفك كتير وما كنت موجودة الصيفية الماضية
بس بحب ائلك القرار راجعلك انتي والله يوفقك شوما اختريتي بس ابئي تزكرينا وتزكري الايام الحلوة باخوية ودمت ودامت اخوية |
بدي احكي شغلتين
اولا بالنسبة ل التوب فايف تبعون ماد ماكس هاد رأيو الشخصي بس ونص اللي ردو عالموضوع ما بدي احكي كلهم مش فاهمين اشي بس بيردوا مشان ماد ماكس اللي حط الموضوع تانيا وهو الاهم يعني شو العيب لو الواحد اشترك بهالمواضيع وهاي المواضيع بالذات هي اللي بتعرف الاشخاص على بعض وانا منهم وكمان ازا في حدا حابب يحكي لواحد شي ممكن عن طريق هالمواضيع يحكيلو هالشي بشكل مباشر او غير مباشر يعني هالشي وين بدو يصير ((بالمكتبة ولا بالادب يعني)) ثالثا الله يسامحك ست Yaso>>;) |
| الساعة بإيدك هلق يا سيدي 20:32 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون