|
فيلم مخموخة
مرحبتين يسعد لي هالصباااااااح ما أحلاه :o <<< بصراحة عنجد عنجد هوي العكس يعني أنا ملانة كتير ودايق خلقي ومابعرف منوين بدي بلش بالموضوع وكيف :shock: :cry: معليش تحملوني شوي بس بدّي إطلب طلب كتير زغير بس إنو تلبيتو بتوقع صعبة كتير :pos: :cry: بدّي الفلم تبع مخموخة المنتدى :sosweet: للأسف وقت سجلت كنت جدبا ومابعرف إنو بمجرد تفعيل العضوية بيختفي الفيلم تبع مخموخة ولما تفعلت عضويتي اختفى الفيلم :cry: وأنا هلق بدّي إياه فيآريت في حدآ بيقدر يجيبو .. بكون ممنونتو :cry: بليييييييييز بلييييييييز :cry::cry: |
ليش مخموخه الها فيلم ؟؟
:? |
اقتباس:
لتكوني ماشفتيه :shock: ؟؟ الفيلم يلي في اتنين بيزتو حالون عن البلكون :lol: وفيو ملعب ومابعرف شو :p بليييييز إذا حدآ بيقدر يجيبو بكون ممنونتو :cry: |
يا ريت تختارو عناوين للمواضيع بتعبر عن المحتوى ... هالعناوين غير مسموح بيها باخوية ... واذا بنقرا القوانين بيكون مفيد للصحه كمان
|
اقتباس:
ريم ؟؟ انو في فيلم عن جد ؟؟ |
اقتباس:
برأيك شو يلي بيناسب :D ؟؟ |
اقتباس:
ليش ربك فهمان عليها :lol: |
اقتباس:
بلكي إنتي تفعلت عضويتك من غير ماتشوفيه للفيلم :p |
اقتباس:
|
ولك لا ما بنعرف:p
قليلنا وسامحينا نحنا ختايره هون يعني انا هون من تلت سنين بدك اياني اتذكر :shock: |
اقتباس:
لما بتفتحي ع الصفحة الرئيسية للمنتدى :cry: بيطلع معك هيك مربعة بيضآ :cry: وفيّا قصة طويلة :cry: وبتحكيها مخموخة المنتدى :sosweet: تذكرتيها :gem: ؟ |
:na3san: |
بأخوية ؟
|
شوفو هي ممكن تذكركن فيها :cry:
 |
اقتباس:
|
اقتباس:
جيبيلي الفيلم بطريقك .. مع اني كنت ناطره فيلم تاني .. بس يالله منشوف  |
اقتباس:
أنا هلق بدّي حدآ يجيبلي إياه ومآحدآ جايبو :cry: بالله شلون بجيبو لإلك :cry: ؟ ------- هالصورة لاطشتا من موضوع بالتشريفات :p بس للأسف هوي مامنزل الفيلم تبع مخموخة المنتدى كامل :cry: |
مرحبا!بحب أولا عرفك بحالي,انا مخموخة مخخخخخ الموقع الزكي .. قول منتعرف على بعض لاحقا عن كثب يعني . اسمو حتلاقيني دوم لاطيتلك! لمن يصير معك مشاكل او تحس حالك ضايع و بين الزحام أدوب .. وأرحل بين الدروب ..
أما بعد،كيف ملاقيلي حالك بعد ما سجلت بأخويّة ..وملطوع مستني تفعيل إشتراكك هلق؟ .. اي خيو هذا عم نسمع شوية إشاعات (مغرضة ) ، بتقول انو في صعوبة مع بعض الأعضاء بتفعيل إشتراكهم ، و إسمو بعدو إشتراكك ما إتفعل فإليك الزبدة .. (المختصر المفيد - يعني من غير لف ودوران انت محسوب علينا صرت -عرفت كيف- ، وانا مالي مصلح خاوز معك.. فركز معي ..) هذا يا سيدي بعض مزودات الإميل (يعني شيت ياهو ، جوجل ، جي ميل .. والشباب) .. اوقات بيودو اميلاتنا (شغلات تفعيل العضوية و مراسلات المنتدى والذي منّو) .. نيح الجنك ميل او البلك ميل .. او على حسب عاد شو اسمها عندك .. بحسب وين إميلك يعني .. عند أيتها شركة .. فإذا رحت على إميلك هلق و ما لقيت رسالة من اخوية بخصوص التفعيل ، ميّل نيح الجنك ميل، غالبا بتلاقيها بالجنك ميل .. طبعا بعد ما تدخل ع الرسالي الي مبعوتي من طرفنا لتفعيل اشتراكك ، بتلاقي رابط تفعيل ، بتتكى عليه هيك (بتفقش) بيقوم بيتفعل اشتراكك وبيصير كلو تماما ، او في بعض الأحيان بيلزم تنسخ الرابط و تلصقو بشريط العنوان فوق .. نيح بتكتب www وهيك .. هلق رح بجي معك وقلك انو في بعض الشركات (الله يجلّ مقدارك و هالحكي ما بيطلع من تحت صباطك ترى ..) اي .. في بعض الشركات ولادين *** .. زعران خيو .. شو بك تعمل !! بيلحشو اميلات المنتدى شيتنا بالسبامينغ او ما بيقبلوها او ما بعرف شو دين ربون بيطرشقوها يمين وشمال .. المهم خيو بهيك حالي، يعني بحالة انو رحت هلق على الإميل تبعك وما لقيت لا بالإنبوكس (صندوق الوارد) ولا بالجنك ميل .. إميل تفعيل عضويّة جاييك من أخويّة .. فبتتكى (بس ما تلقي كل تقلك ، يعني بحنيّ) ، اي بتتكى هون على "إرسال بريد تنشيط العضوية مجددا" .. بيسألك عن شو اميلك ، (ما تنسى تحط الإميل الي سجلت فيه ها .. ) اي بيقوم بيبعتلك كود التفعيل مجددا -بالميل يعني -، حلو .. هلق من الإميل الي بيوصلك متل ما أسلفنا معلم في رابط للتفعيل بتكبسو بيتفعل اشتراكك مباشرة، و بنفس الإميل في بالآخر بتلاقي شي اسمو "كود التفعيل" في حال مثلا انو الرابط ما اشتغل او خاوز معك المتصفح او كيف بدي قلك ما مشي الحال لأيتها سبب (بس انو كان واصلك ميل مننا بخصوص التفعيل) . فبتروح هون على "تفعيل و تنشيط الحساب بإستخدام كود التفعيل" اي بتحط إميلك (الي سجلت فيه طبعا و بتحط كود التفعيل) وبتقلو رووووح شايفلك .. ايوا .. هلق منجي للخيار الأخير، في حال يعني انو عملت كل الشغلات الي فوق .. ولا كان يجيك كود التفعيل ، فبتروح يا معلم على قسم "بريد المنتدى" و ع الحارك بتحط طلب انو يا شباب ترى انا لهلق ما إتفعل إشتراكي و اسم المستخدم شيتي كذا ، و الميل كذا...و انا ع الحارك بفعلك إشتراكك اول ما طل نيح قسم "بريد المنتدى" .. _________________________________اي حبيب شد حالك.. (ما حدش بياكلـــــها بالسّــــــــــــــــــاه ل ) الشباب(س) و الصبايا(ز) جوا ترى مستنايينك ، -في كذا حدن سألني انو وينو - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ، وانا قلتلون هلق بس عم يقضي مشوار صغير و راجع .. فما اتّطوّل ترى ليك في واحد طوّل قام رجع ما لقى حدى !!..(عم قلك انا منشان ما تجي تقلي بعدين وين الشباب وما بعرف شو ، هاي خبّرتك و حطيتك بالصورة كلها .. و صار الكرة بملعبك..الكرة والحارس والحكم و الجمهور.. اي لك حتى الجمهور صار بملعبك ، عشوي في تنين قاعدين عالبلكوني هديك رح يدبو حالون ينزلو ب ملعبك .. اي اي ..- بتصير عادي يعني! ليش مستغرب من هدول التنين و ما مستغرب انو الجمهور والحكم بملعبك ! عادي حبيب كلو عادي .. ما تستغرب ولا يكون على بالك .. عادي كتير واقل من عادي .. وانا كذا مرة صايرة معي و سمعان عن كذا واحد صايرة معو هاي الشغلي .. (نفسها هاي بتصير مع كتير ناس ، واذا بدك بتصير مع اكتر الناس ..بس هني جوانيين و كتومين هيك ما بيحبو يحكو عن هاي الشغلي .. ) -.. معلم كلو بملعبك صار .. هلق .. هالحظات .. وفي هذه الأثناء .. مدير النادي بيدخل على ملعبك .. اي والله ... -وجايب مرتو التانيي و ابنو الصغير بالحفوضة و امو ماسكي النونية .. بعدو عم بيدحبي الله يكون بعونو ..-المحافظ ، المحــــــــافظ شخصي ناتع كرشو . (كل كرشو ما تراك ولا شقفي!) ونزل بهال الأثناء على ملعبك .. البترك !.. البترك مشنغل مفتي الديار بضهر أمين الشرطة ونازلين على ملعبك... رئيس الفرع .. -الفرع هداك الي بتعدي نيحو لمن بتواعد صاحبتك وبتبقى بس بدك تظمت- .. شخصيا .. صار بملعبك ..الوزيـــــــــــر .. الوزيـــــر.. معو شغلي كبيري ... شغلي كبيرة وتقيلي كتيييييير.. اوف .. الوزير بذاتو .. ناتع دماغــــو وجاي على ملعبك .. لعمش .. (هاي سابقا فريدي من نوعا ..-لك انو جاي مو انو دماغو ناتعا او انو كبيري..شبنا يوووه ).. ..سيارات مفيمي.. جيبات ، رانجات ، شبحات ، اوف.. شبيّحة .. لعمش .. في في حدن تخين بهال الأثناء يبدو نازل على ملعبك كمان و كمان .. اوف .. سيارة اسود X اسود خافسي كتير.. على الأرض ولا شحطة .. يبدو انو كتـــــير تخين هذا الي جوا ... شخصية تخيني من المقاس التخين (وتخين لا تعني بغل!! حاول كون دقيق بمصطلحاتك )بتتقدم هلق نحو ملعبك .. ايوا .. .. يا ساتر يا رب .. بهال الأثناء انت بتسلحب من الملعب و بتقرر تنتحر !! .. ما رح احرقلك التاريخ .. خليك تكتشف الأحداث لوحدك (و لحالك و تتعلم تعتمد ع حالك بإكتشاف وصنع الأحداث)،بس انو كهينت معلم ، بتزكر هدوليك التنين الي كان رح بيدبو حالون عن البلكون(اي ما دبو حالون ضلو عم بيتفرجو عليك من فوق) اي هدول شافوك ترى عم بتحاول تنتحر .. اي .. ف....... .. يا سيدي انت تسالي.. والله لنكيّف يا - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
جبلك ياها hashtnasht
انا اول ما اشتركت.. قبل ما تتفعل العضوية قريتها... حبيتها :p اقتباس:
|
:shock::shock::shock::shock:
شوفي هون |
اى والله انا حضرتو كتير هالفيلم
بس نسيتو انا كمان يلا بنحضرو مرة تانية معك |
في عندكن هاي كمان:o :
اقتباس:
|
كيف يعني يسجل اعجابو بشخص؟
يعني وين بدو يسجل اعجابو :? |
اقتباس:
|
اقتباس:
ليه معصب :? اي كلو سؤال :pos: |
يعني كل شي على ايامنا بينقرض
شووووووووووووووو هاد :jakoush::jakoush::jakoush::jakoush: انا كمان عصبت |
اقتباس:
اصلاً ماني معصب منوب ...ليش عم تقوليلي معصب !!:? بس انو بالزمنات ...من زمان يعني ..زمان كتير كان في اوبشنات راحت ....الله وكيلك مثلأ هاد تبع الاعجاب ...كان في زر بالبروفايل للتسالي ايد بايد ..انقرض كان الواحد فينو يفوت مخفي ...طاقية الاخفا كان اسمها...هيك مراق يعني ...خصوصية ..بدو يفوت يقرا المنتدى بدون ما حدا يبلش يندجلو ع المسنجر او يبعتلو رسائل خاصة انو ...ليك انا ع الخط !!!...اي ما انا شايفك ع الخط ...و فايت اوقلاين ع المسنجر بس كرمالك ...و بالاخر بتبعتلي انك ع الخط !!!:frown: حالياً هاي الميزة صارت لناس و ناس ...يعني لناس جون كتير ناس ...لانو التقسيم بقول انو في عالم بسمنة و عالم بزيت ..عرفتي كيف ؟ كان في عندك كمان هيك لينك صغير بالبروفايل ...انو مني مر نيح البروفايل ...بتشوفي منو مين شيك ع بروفايلك و بتعرفي مين عم يبحبش وراكي :p كان في خيار انك تعملي بلوك لشخص ...بالمنتدي يعني ...الله وكيلك ...بصير شو ما كتب ما بيطلع عندك .....يعني ولا كأنو موجود...هادا كان فخامة عالاخر :gem: اي يعني ...هالايام مافي رفاهية ...هالتضخم و اسعار النفط هلكت الدنيا ...صارت حدا المنتديات مضطرة تختصر :pos: بس هيك يعني :D |
اقتباس:
يلا منيح تزحطت.. بلا فضايح يعني:lol: وبالنسبة للبلوك.. يا ريت هالشغلة لساتها..انو ليه ما عادت موجودة؟ هيكي كنا عملنا بلوك لـ يللي ما بدنا نشوف ولا رد منه يا حوينة هالخيار.. وين راح |
اقتباس:
هلأ شيكت و لقيتا لساتا موجودة ......هه حتى شغلة مين بمر نيح ابروفايل لساتا موجودة بس للعالم اللي بسمنة , العالم اللي بزيت ما بيطلع عندن هاد الخيار ;) ع السيرة ...بزمناتو كانت تجي الرسائل الاوتماتيكية من سوسو الامورة على ما اذكر ..بعدين صارت تجي من ليلى .من عضوية ليلى يعني اوتوماتيك ..متل هي يعني : اقتباس:
|
اقتباس:
هلأ شغلة انو ادا ما بدنا نشوف ردود حدا.. على علمي في انو نضيفو لقائمة التجاهل.. والشغلة التانية انو ملف مين عم تشوف.. بعرف انو المشرفين والمنسقين ، بيقدروا يشوفوا ملف مين عم تشوف بس الاعضاء ما بيقدروا يشوفوا هالشي... يمكن المشرفين والمنسقين حتى البرايفت بيقدروا يشوفوا لمين عم ينبعت .. صح؟ بالنسبة لـ سوسو .. فـ يابا بعد مخموخة ما في .. :lol: |
اقتباس:
اي هي مخموخة يللي منعرفا فوتونا بالحيط الله وكيلك |
اقتباس:
مآلي مسدقة وأخيررررراً :o يسلمو يسلمو عن جد مآلي عرفآنة كيف بدّي أشكرك :clap: لو كان زر الإعجاب مابعرف شو لساتو موجود كنت هلق عم اكبس عليييييه <<< منيح :p لك تقبشني أحلى مخموخة بالدونيا :yahoo::hart: وينو روئ وريمو تعو تابعو الفلم تبع مخموخة مخ الموقع الزكي :sosweet::clap: |
اقتباس:
العنوان مغيّر .. بس العنوان لما بتشوفوا بقائمة السقيفة مو مغيّر فهمت قصدي؟؟؟ اي ومبروك.. كبران فيك حرف :lol: |
اقتباس:
بس بالنسبة للرسائل الخاصة ما بتصور ...يعني ما بكفي الواحد يكون بسمنة ليقدر يعمل هيك قصص ...ولا حتى بلية يعني ما بيمشي الحال :lol: هاي بتنتهك انتهالك يعني ...سياسة الخصوصية تبع المنتدى... :pos: ابو سمرا .....حكيلنا....كم ماتش عامل ع ايام مخموخة و الاعجاب السري ...بعرفك جغل :larg: |
اقتباس:
تقبرني أنا هالمخموخة هي :sosweet: |
اقتباس:
بس بعدين لما فسرتي شو بتقصدي.. فهمت قصدك.. انو بينقلو فلم هاد؟.. ما بظن .. لهيك الصبايا يمكن ما فهموا قصدك |
اقتباس:
<<< يالطيف ع الأكشن :o |
اقتباس:
|
اقتباس:
ادا عملت بلوك لحدا .. بيعرف هالحدا انو نعملو بلوك؟ شنو ادا ما بيعرف.. بنخبرو :lol:.. |
اقتباس:
لك شغلة المجاهيل لساتا موجودة بس إنو بدك تحط إسم العضو يلي مابتحبو بقائمة الماتهضمون وبيمشي الحال :o |
| الساعة بإيدك هلق يا سيدي 06:03 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
