|
فقت الصبح لقيت حالي هون !!
مرحبا يا قوم...
هادا يا سادة يا كرام محسوبكن قاعد عم يقلب بهالصطلاي, من محطة لمحطة وشي بيديق الخلق.. مافي شي خرج ينشاف... والدنيا شوووووووووووب, وكل ما اشعل المكيف, ينط أخي ويجعر بخلقتي: اطفيه بلا غلاظة زنطرنا !! شه شه قلت يحالي يا ولد يا سوووون قوم سلخلك دوش رطب امورك.. والله سلخنا دوش مرتب, ورطبنا واصطهجنا عالاربعاوعشرين, وعملنا كاسة شاي سيكند ايديشن (ببقا بحكيلكن عنها وقت اخد وش مو هلأ).. وفتحت هالكومبيوتر وعم اتسلى عالنت... مو اتاريلكن هالانترنت متل الصطلاي بفرد شكل !! شي بيملل تمام, وبيديق الخلق.. قام قلت يحالي (مرة تانية غير هديك) انو يا ولد قوم نام احسن شي, من يوم يومها الحجة بتقلي قوم نام احسنلك, نوم الظالمين عبادة !! قمت عبطت هالمخدة وحطيت راسي ونمت... وفقت الصبح قام لقيت حالي هون, شلون لا تسألوني... في ترحيب لما ازحط ؟؟؟ تعا لهون شايفك SooooN |
خايف عليك تنام تلاقي حالك برا ... :o
ميت أهلا :D |
بس ما تصحى من النوم الصبح تلاقي حالك بمنتدى تاني:frown:
|
اهلا اهلا... وحياتك لينعدم طولك قريبا هدي شوي:lol:
اهلا اهلا:D |
اهلا وسهلا معلللللللم
نورت المنتدى :akh: |
دخلك شو سعر دوا السعلة هالايام؟؟؟
لك اهلين فيك :D |
اقتباس:
اقتباس:
أهلين فيروزة والله سلميلي أمانة على مرجانة اقتباس:
بعدين انت آخر واحد بتحكي عن الطول لك زمك :D اقتباس:
اهلين فيك والله بس شو هالاسم هاد ؟؟ مزبوط ولا خطأ مطبعي ؟؟ اقتباس:
وعلى سيرة دوا السعلة, بأديش اليندورة اليوم ؟؟ مو خضرجي حضرتك ؟؟ عحارتي راسك يا معلم مشكورين عالترحيب المجأجأ SooooN |
اهلاو سهلا فيك نورت المنتدى :D
|
حق القنينة 56 ليرة و 40 قرش على تسعيرة الصحة, وفي منو للكبار حبوب حق المشط 24 حبة 25 ليرة..
وعلى سيرة دوا السعلة, بأديش اليندورة اليوم ؟؟ مو خضرجي حضرتك ؟؟ عحارتي راسك يا معلم مشكورين عالترحيب المجأجأ لاعمي انا عرباتي خريج صنايع يحرق ديبك شو مابينمزح معك :frown: |
هااااي سوووووون
اهلاا فيك ببيتك .. يعني اكيد ما المروض تسأل لي فقت الصبح ولاقيت حالك هون كرمال ما هيدا بيتك واكيد رح تكون موجود فيه بس ليك ها ما تنسة تخبرنا شو هو ال سيكند ايديشن ودخلك شو هو الصطلاي ..( اكيد الستالايت متل ما فهمت ) ههههههههههههه |
اقتباس:
خلص خلص الك عندي بونبونة, ضحاك لشوف اي هيك ها ضحاك خلي صف هاللولي يبين اقتباس:
السيكند ايديشن هو الاصدار الثاني المحدث من الشاي السوووني بحكيلك ببقا عنو عن طريقة تحضيره.. والصطلاي هو الستلايت اي نعم صحيح, بتربح معنا اصطرمبيشة هدية, ولا تقلي ما بتعرف شو هي الصطرمبيشة بزعل منك ها |
| الساعة بإيدك هلق يا سيدي 05:05 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون