|
نوبة نخوة و وطنية مفاجئة
شو قصة النوبة الوطنية المفاجئة يلي نزلت على الشباب والصباية فجئة
صرت ملاحظ أكتر من نص المشتركين حاطين أعلام سوريا بدل من الصور يلي كانت محطوطة تحت أسمائهون شو نوبة وطنية مفاجئة ولا شو القصة ودمتم لنضال:7asheesh: |
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :D |
اي متل ما قالتلك ليلى
يا عمي ليلى مافي منها سريعة |
حب الوطن ما بيجي نوبات
بس بيظهر بوقت اكتر من وقت ونحنا هلاء بالوقت الصعب بس طول الوقت منحب وطنا وعلى قولة فيروز وماتنسوا وطنكون سوريا تضامنوا لاجل سوريا - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
تضامنوا من اجل سوريا
لكن لا تخونوا انفسكم تضامنوا ..... تضامنوا عن وعي تضامنوا في كل لحظة الآن و إلى الابد تضامنوا عن وعي و لا تكونوا بوقاُ لأحد تضامنوا ....... و افهموا كيف تتضامنون تضامنوا ......و اعلموا ان الظلم سيزول لا محالة و ان الحرية قريباً في سوريا |
اقتباس:
بس فيك تقلي شو لازم نعمل يعني انت بدك الحرية تجي بنفس الحرية تبع العراق؟؟ |
شو المشكلة ابو النسيم ازا حطينا علم البلد.. انا غير هيك ما فيني اعمل حاليا..
حسيت البلد مسكينة... مجروحة ... مكسورة .. عن جد ما حسيت بهيك شي من قبل .. بس و الله زعلت و انقهرت .. و قررت حط علم سوريا.. و حبيت الكل يشارك .. غلط .. يلي حبو اهلا و سهلا و يلي ما عجبو كمان اهلا و سهلا و دام الوطن :D |
يا مجود أنت بتعرفي أني ما بدي بيض وطنيات على حدى وأن ما بحب نضر على حدى
بس عني رجاء أنو علم سوريا رمز إلي ولوطني وشرفي ما بدي هل الرمز يصير موضة أو صرعة أو سلبة جديدة لمدة معينة وبعدين ينسى هدى العلم اقدس شغلة بقيانة عنى أصلا هي الشغلة الوحيدة يلي عم ترفع راسنا لما بدنا نشوفه أنا الرجاء الوحيد من كل قلبي أنو هل العلم ما يكون موضة أو صرعة جديدة لبسناها اليوم وشلحناها بكر الرجاء كل الرجاء بدو |
انت اكيد تؤمن بالحريات الشخصية.. و انو الانسان حقو يعبر عن يلي ببالو ..
انا قصدي البلد و شعبها و انت بتعرف انو مو مشان شي تاني .. وضعي للعلم كان تعبير عن سخط و غضب .. بيجوز انت ما عجبتك الفكرة.. بس انا بهديك اللحظة حسيت انو لازم ساوي هيك...انا بحترم قدسية هالرمز... و قدسية هالبلد... |
اقتباس:
يا ابو النسيم كيف يعني موضة اكيد نحنا كلنا بدنا شي واحد الخير لسوريا وهاد شي بيجمعنا بس ما وصلت ليصير هالشي موضة وبعمرنا ما منساه وانا عندي شعار تضامنوا لاجل سوريا وبس وبس تضامنوا لاجل سوريا |
اقتباس:
أنا عندي حرية الرئي والتعبير مقدسة جدا وما بسمح لحدى حتى لو كنت أنا أنو دايق أي شخص مهمى كان بس في شوية أستثنائات بتعريفها أنا يلي قصدو من كل هل الموضوع أنو مابدي يصير العلم السوري متل العلم البناني مع شديد الأحترام لبنان وطني الثاني أنا ما بدي شوف العلم بس لحضة الأزمات والمسيرات متل اللبنانية بأحداث 14 أذار كان العلم اللبناني معبي الدنية هلق بعد ما خلصت الأحداث رجعوا الشباب اللبنانية على صور هيفا ومروى والعلاك المصدي تبعون بعرف أنو هي حرية شخصية وهي مقدسة بس الناس يلي بيتخدمو العلم للحظة وبعدين بينسو هدول مو خرج يحملو هل الرمز الغالي و الرجاء ما حدى يفهمني غلط أو يحاول يقول أني عم لمح لفلان أو علتان وبحيكي يا مجود على هل الفتة الرائعة ودمتم ودامت سوريا حرة أبية بس من دون البعث:7asheesh: |
آآآآآآآآآآآآآآآآآآآآآآآآآ آآآآآآآه عليكي يا سوريا
تضامنوا من اجل سوريا
تضامنوا لكي لا يزيد هذا النظام من غباءه ...و يخرجنا عن مظلة المجتمع الدولية تضامنوا ....لأن ألف من أمثال : ماهر او آصف أو الشرع .....يجب ان يخضعوا للمجتمع الدولي و يثبت او لا يثبت تورطهم .....رغم ان هذا النظام متورط حتى اذنيه في جرائم اخرى تضامنوا ....لكي لا نصبح مثل العراق تضامنوا حتى "نلحق الكذاب لورا الباب " أن كان سيقولها احدكم تضامنوا من اجل سوريا اليوم و كل يوم سوريا .....تناديكم فلبوا النداء سوريا ....إن وفرت الحماية لأشخاص مشبوه بهم .....فيها في على شفا هاوية ...... لماذا ...نسعى لحماية عدة اشخاص و لا نسعى لحماية شعب كامل لماذا من اجل ثلاثة او اربعة ....سننهي سعادة و آمان 20 مليون شخص تذكروا ماذا حل بالعراق .....و تذكروا ......تذكروا ..... فلينقلع عنا هذا النظام هو و من جرنا لهذه اللحظة تضامنوا اذكركم بما اصبح عليه العراق اليوم النظام يمر بنفس المواقف هذه الصور بشعة ...انصح و بشدة عدم مشاهدتها من اصحاب القلوب الضعيفة : صورة اصغر شهيد عراقي ....8 اشهر قتل في بطن امه معها :           هل تريدون ذلك !!!!!!!!!!!!!!!!!!!!!!!!!!!!!!!!! هذا النظام يريد ذلك !!!!!!!!!!!!!!!!!!!!!! ارجو ان يخيب طني الايام القادمة ستخبرنا و تخبركم لا نريد ان تكون سوريا عراقاً أخر كل قوى المعارضة رفضت ذلك .......... لكن ....و ارجو ان يخيب ظني .....النظام في سوريا ....يجرنا الى حرب نحن وحدنا من سيدفع ثمنها كل ما نطلبه هو الانصياع للمجتمع الدولي يا جماعة لم يبقى احد من صفنا !!!! كل الدول ....حتى العربية هجرتنا !!!!!!! و بتنا كمن يصرخ لوحده ....آآآآآآآآآآآآآآآآآآآآآآآ آآآآآآآآآه عليكي يا سوريا |
ليش ما عندكن ردود هون يا جماعة السلطة ..
افحمونا.. اقنعونا.. ما في مجال للنقاش الوضع ظاهر للعيان.. لما قلت انو وقت الجد .. نحنا رح ناكل العصي.. و في ناس رح تعدها بس من بعيد كتير بعد ما تكون دبرت حالها.. رددو علي الشباب .. انو نحنا ما مناكل العصي .. يعني هنن .. طبعا مو انتو .. انتو رح تعدوها.متلكن متل هدنك .. و بتمنى انو ما تصحلكن هالفرصة و تعددو طارق الصور عن جد قهرتني .. شكرا عالفكرة يلي طرحتها.. ابو النسيم الوطن دايمن بالبال .. ما نسيناه بس في لحظات و مواقف بحس فيها الانسان انو لازم يطلع يلي جواه انو بيجوز حطينا العلم هلأ و بعدين منشيلو بس هاد ما بيعني انو نسينا او احترامنا له انفقد ... علمنا قبل ما يكون بالعلن هو بقلوبنا كلنا .. بس كل فترة و فترة لازم يطلع و يتنفس هوا .. هيك اعتبرها و تحياتي.. |
أين أنتم يا زمامير البعث ويا أبواق العصابة الأسدية هل تملكون الرد
|
يا جماعة خلينا الصور لأنو في تحذير صريح قبل طرحها اولا و لأنها مأخودة اغلبها من قنوات تلفزيونية عربية تانيا
ازا الصور شايفينها مزعجة ممكن انو نحذفها ... بس رجاءا ابعتولي اعتراضاتكم ع الصور بر.خ و ما تحطوا اعتراضاتكم بالموضوع ... و اي اعتراض ع الصور بالموضوع رح يتم حذفو و دمتم :7asheesh: |
أبو النسم: خليك عالصورة اللي تحت اسمك، منيحة بهيك ظروف ..:ok:
وبالنسبة لكلامك زمامير وأبواق وطنبرجية...وما بعرف شو... هاد أسلوب وضيع للحوار وأخذ الرأي.. وإذا كنت بتعتبر وضع الصورة نوبة نخوة ووطنية .. فأنت أكيد حسب فهمك ###### لازم تعتبر الجندي اللي بيحمل سلاحو بالمعركة إجتو نوبة شجاعة....والدكتور اللي بالمشفى إجتو نوبة إنسانية ...وخود إنت وخيالك الخصب..:lol: وحبيبي شلون بدك يانا نتضامن ... وشو الصور اللي بتقترحها حضرتك...؟؟؟ شو رأيك "تشي غيفارا)..:ok: بيكفي شعارات فاضية...لأجل سورية... وتضامنوا.... النصر لنا...الحرية:gem: :gem: يعني كل هاد بيجي هيك ..؟؟ والله بشتهي شوف شي مفيد...:waa3: وبصراحة والله مليت ########### ... يعني حاطين صور ... طيب ما بدكن تسأل حالكن مين اللي ساوى هاد الشي ، يعني بدك تنسى أنو أميركا ساوت هيك ... وبدك تحط الحق على صدام اللي جاب الويلات لشعبو... :jakoush: :jakoush: يا أخي بتكره البعث وبتكره بشار الأسد...أنت حر...بس تجي تقول أنو هيك بدن يساوو بسوريا...بصراحة ما بعرف شو بدي سمي هاد...:waa3: :waa3: |
عدم الرد أفصضل من الرد عليك يا سيد للأسف ما لحطلع معي لأنو غاندي مثال لشرف
مو .......................................... لا تعليق |
سيد كريم... يبدو أنك الخصم والحكم في كيفية تعاملك مع الكتابات وفيما تضع من أسباب لتعديلها ... :aah::aah::aah:
ويا عزيزي يا أبو النسم يعني خلص انسى اسمي... وما بدك ترد انت حر... :7asheesh: بس كلامك كان بيحتاج مني لهيك رد... يعني عطيني كلام منطقي ... بعطيك كلام منطقي... أما في حال غير هيك...اللي بيدق الباب بيسمع الجواب..:blow::blow: |
| الساعة بإيدك هلق يا سيدي 00:20 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون