|
لو لم تكن اخوية
 تعالو نفترض لو لم يكن هنالك انترنت ولو لم يكن هنالك كمبيوتر اصلا يا ترى هل كانت اخوية لتكون . . . ما رأيك هل كانت اخوية لتكون من غير انترنت. . . وماذا سيكون شكلها هل كانت لتنجح في ايصال الافكار والذي ربما هو الهدف . . . بشكل فعال اكثر ام انها كانت لتموت منذ طلعتها ترى هل انت ذاتك ونفسك. . وراء ذاك الحاسب دون تصنع ام انك مجرد شبح يجلس ويناقش . . . جريء يطرح افكار جريئة ويؤيد الافكار الجريئة وعندما يخرج من تلك الصفحة (اخوية) في اول موقف يحصل معه ربما في منزله. . يناقض كل ما كان يوهم نفسه او غيره به عندما كان هنا او حتى ينسى ما ذكر ربما كانت اخوية لتكون عبارة عن التقاء بعض الاصدقاء في منزل قديم متواضع جدا في وسط الليل الجو حميمي والمدفئة موقدة ولهيب الافكار يتطاير من فكرة مجنونة الى فكرة جريئة الى فكرة هدافة . . . ايهما اجمل الانترنت ام تلك الجلسة ايهما اكثر تأثيرا . . . ما هي سلبيات وايجابيات كلا من الفكرتين. . . |
هلأ انتي طرحت كتير اسئلة .. رح بلش فيها وحدة وحدة
اقتباس:
هلأ بالنسبة لاخوية .. اخوية موجودة فينا .. بكل واحد فينا . بالطبيعة بتترجم .. فينا .. بس انو اخوية من دون انترنت .. صعبة شوي .. لأنو المجتمع ما بيتقبل .. فكرة انو جماعة شباب قاعدين من كتير طوايف .. وعم يتناقشو بشغلات .. ما فينو المجتمع يتناقش فيها .. وفي شغلة المسافات البعيدة .. هلا انا بخمس دقايق فيني اتناقش .. مع ابو ويليام .. مع انو ابو ويليام بالشام .. وفينا نقعد كمان بنفس الخمس دقايق انا وابو طوني وابو ويليام .. وواحد حمصي .. وواحد حلبي ... وواحد شامي .. يعني في شغلة بالانترنت اختصار المسافات .. ت اقتباس:
اقتباس:
هلا هدول الفكرتين كتير قريبين لبعض .. كتير كتاب بيكتبو غير اللي بيساووه .. وكتير نقاد .. بينقدو شي .. يمكن هني الاساس تبعو بس كمان فينا .. نكون بهالغرفة .. و نحكي حكي .. نطلع من الغرفة .. نطبق شي غير حكينا .. يتبع.. |
اقتباس:
هلأ انا .. من جهتي .. بفضل انو .. تكون اخوية عالانترنت بهالغرفة .. الحميمة اكتر .. بس يمكن عالنت .. منشوف عالم .. مستحيل يقدرو يفوتو على هالغرفة .. يمكن خوف .. خوف من المجهول .. هلأ يمكن يطلعو من الشباك .. بس ما رح يشوفو ويفهمو الحكي متل ما بيفهمو وقت بيشوفو .. بيسمعو كل الحكي .. كامل من دون اي نقصان .. هلأ مثلا كنا قاعدين عم نحشش جوا .. بالغرفة .. رح يشوفو عالم عم تضحك .. بس وقت بيشوفو حكينا .. وبيشوفو الكلمات تبعيتنا .. انو طالعة من قلب محروق .. انو يمكن تحشيشة طالعة .. لتنقد شي اجتماعي .. هني يكونو عايشين فيه .. فانو .. هيكي .. موضوع حلو .. يستحق النقاش .. ________________ فاعول .. من كتر الموضوع ما حلو .. اول مرة بحياتي بكتب رد هالطول طولو حسيت حالي اب انطون:o |
اعتقد انّو طالما في هدف فرح يوصل بطريقه او باخرى و صدفت بجيلنا انّو كان الانترنت هوّ الوسيله بجيل سابق يمكن كانت قعده القهوه و بجيل لاحق يمكن يكون الليزر الفضائي - مثلا :? - لذلك طالما الهدف موجود فدائما في اخويه و بكل زمان و طريقه متواجده ..
هلئ الانترنت بخلّي الامور اسهل بالنسبه لمبارح و بجوز اصعب بالنسبه لبكرى لهيك بالنسبه لليوم فماشي الحال .. اقتباس:
** هامش .. اقتباس:
|
اقتباس:
في متل .. بيقول .. كل يغني على ليلاهو .. .. يمكن رديتي عالموضوع كلياتو مشان الصورة عالهامش :: نانانانانا عم بعمل سباااااام :p |
أظن انو في كتير من هدول اللي عمقلت عنن أنو بعد مايتركو أخوي بيناقضو حالن باالشي اللي قالوه جوا أخوية أو بالنت بشكل عام
حتى أنو هنن نسبة كبيرة كتير وممكن عمم هالشغلة اذا رح ندقق بأصغر التفاصيل بيطلع الكل ممكن انو يناقضوحالن وارائن برا اخوية عن اخوية مابعرف ليش بس عندي قناعة انو الانسان ورا شاشة الكومبيوتر حالتو النفسية والعقلية اكيد مارح تكون متل ماهو ماشي بالشارع |
اقتباس:
|
عزيزي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - اذا ايجابيات الانترنت انه يقربنا من بعضنا بشكل اسرع وفعال اكثر الانترنت يمنحنا مساحة اكبر من الحرية وابداء الرئي الانترنت يسهل علينا تكوين اصدقاء لديهم نفس الافكار او الطموحات بسهولة اكبر الانترنت يمنحنا سهولة نشر الافكار ومناقشة اشياء صعب مناشقتها في الخارج (اظن تلك اهم نقطة) مم يتيح لنا فرصة اكبر في مناقشة قضايا في المجتمع بشكل فعلي وهداف .. خصوصا ان اخوية لها انتشار جميل ليس للانترنت علاقة بالتصنع التصنع يمكن ان يكون حتى في الغرفة هلأ بهي النقطة اسمحلي يعني لو فرضنا ان عائلة اخوية تلتقي كل يوم في مكان محدد هل سيكلف احد عناء تكوين صداقة . . . يأخذ وقت طويل ويدخل بينكم فقط كي يتصنع . . لا اظن اما على الانترنت فالامر ابسط بكثير يمكن لأي احد التصنع وبكل بساطة هلأ اوك. . فليتصونعوا احنا ما دخلنا . بس كمان ذلك له تأثير مع الوقت على الموقع ككل من وجهة نظري طبعا . . . اذا فرضنا ان المتصنعين كثر . . واكثر رمبا من . . الحقيقين اذا صح التعبير الذين يناقشون بشكل فعلي ولديهم حرقة لتغيير شئ لديهم هدف يجب ان لا نستخف بالانترنت انه فعلا له تأثير قوي بالنهاية انا اتفق معاك في معظم وجهات النظر شكرا على تفاعلك مع الموضوع تحياتي |
اقتباس:
اقتباس:
ولكن متل ما فهمت منك ان الانترنت افضل وسيلة حاليا ولكن لا اظن ان هنالك وقت محدد لتلك الاشياء اللوحة جميلة فعلا. . . لها تفسيرات كثيرة |
اقتباس:
هي الفكرة كتير حلوة طبعا هذا يتعلق بشخصية الشخص اهدافه طريقة حياته طريقة تقبله للعالم من حوله ولكن صدقني. . ان كانت لديك قضية على سبيل المثال مؤمن بها . . فستكون نفسك في الشارع او وراء الشاشة وهنا دخلنا بالتصنع هنا الهدف الاكبر الشخص الذي يدخل متصنع . . ان يخرج مؤمن بتصنعه مع الوقت اي ان يتأثر فعلا ويبدأ بتغير شئ من نفسه شكرا لمرورك |
انا اشوف فكرة حلوة بالموضوع .....
يمكن أخوية هي اروع مجتمع افتراضي .. و نجحت هذا النجاح لانها مجتمع افتراضي ... لكثير اسباب برأيي أخوية قدرت تغير اشحاص كثيرين ... خلت الناس منفتحين اكثر و يمكن لو ضلينا نحكي على قهوة نفس هذا الكلام ...... ما ان كان غيرت نفس الاشخاص بنفس الطريقة... و لذلك تبقى اخوية اساسا هي مجتمع افتراضي ممكن و بكل سهولة ان يكون واقعي |
اقتباس:
فهي ليست بعالم افتراضي فالافتراضي اصبح واقعي وعملي لأن تأثيرها كبير . . . تحياتي |
مدخل اخوية يشبه هذا المدخل في مخيلتي  |
أخوية ... !!!؟
اقتباس:
بتقصد .. كتجمع او حركة .. إذا هيك ممكن .. بس أكيد مارح تاخد نفس الشعبية اللي آخدتها هلأ .. أو حتى نفس عدد الأعضاء اللي فيها هلأ .. يعني أخوية .. بتقرب المسافات .. بتقرب الأفكار .. بتجمعها بقالب واحد .. بتحسنها ... بتضيف عليها .. متل أم العيلة .. بتجمع عيلتها ... بتحاول تحسنا .. بتحاول ترتقي بمستواهن .. بتنبه عالخطأ والصح .. هي أخوية .. أخوية مو بس مواضيع وتعليقات .. أخوية هيي جسد ... ونحنا الدم .. والمشرفين هني الروح .. وصاحب أخوية هوي القلب .. وطالما القلب عم ينبض .. الدم عم يتحرك .. والروح حاضنة الجسد .. وأي عنصر من هدول لما بيختفي .. مابقى في معنى للجسد .. انشالله بتبقى أخوية .. انشالله بيبقى الدم يمشي .. رغم قساوة الشرايين .. رغم تجلد الأوردة .. اقتباس:
هلأ إيصال الأفكار .. ممكن .. بس موبنفس الحرية .. وحتى مو بنفس الطريقة .. يعني في شغلة مو منتبهين عليها يمكن ... هلأ لنعتبر انو اجتمعنا بقعدة مباشرة .. من دون نت .. مثلا حكينا حديث .. اوكي .. انحلت مشكلة .. حتبقى المشكلة وحلها .. محصور بالجماعة اللي حضرت الإجتماع .. أما هون بأخوية .. وبواسطة النت .. الكلمة اللي بتنقال .. بتبقى .. بنتحفر بالصخر .. بتنحفر بالقلب .. وبتنزرع بالعقل .. يعني بالمختصر .. هون التأثير دائم .. وأعم ..بالإضافة إلى أنه سهل ومختصر وواضح .. عوضا عن وجود مواضيع لايمكن ان تتخيل نفسك تلقيها ضمن أي جلسة أو محضر .. إما لأنك لاتملك الجرأة .. أو لاتملك الخبرة والمعرفة اللازمة لسرد المعلومات بالطريقة السهلة والواضحة .. او حتى ضمن القالب الذي نراه بأخوية .. اقتباس:
هلأ بالنسبة إلي .. أي انا هوي الشخص .. بالأفكار وبالتطلعات .. بنقاشاتي وبجرأتي .. بجديتي .. وحتى بمشاعري تجاه بقية الأعضاء .. أما شكلي وطريقتي : مابتبين اللا للي بيعرفني من الحياة العادية أو من رفقاتي المقربين على النت .. . . وخارج النت ... كمان هادا أنا .. نفس الأفكار .. بحب غير .. بحاول أعمل شي .. بس للأسف بلاقي المجتمع اللي حواليي سخيف .. صعب تقعد تقللو .. لازم نعمل هيك .. والمستقبل كذا كذا .. يعني صعب نقعد نفتل بين العالم لنلاقي مين يسمعنا أو يتناسب عقلو مع عقلنا .. أما هون بأخوية .. ف في فرصة للتغيير .. لأن لمن بطرح موضوع .. أكيد مارح يفوت عالموضوع غير اللي مهتم فيه .. وهيك بكون حققت الفائدة المرجوة .. وبكون عرفت انو في مين عم يسمع .. مين عم يقدر .. مين عم يساعد .. لنقدر نتصور المستقبل .. مستقبل كتير منحلم انو يكون متل مامنتصور .. مستقبل اللي بشوفو من ورا الأخوية .. . . . هلأ بالنسبة لغيري .. حتى لوماكان فكرو ونقاشو ومواضيعو بتعبر عنو وعن شخصيتو .. يعني مثلا كان عم ينزل موضوع أكبر من تفكيرو ليبين صورة حلوة عنو .. مانا شغلة سيئة .. انما خطوة نحو تطوير التفكير إلى الأفضل يعني حاول يعمل تغيير بفكرو .. ولو انو ماهيك بيفكر .. بس بيحاول يقنع الآخرين انو هيك تفكيرو .. وبعدها تلقائيا .. بتصير هوي نفسو يقنع حالو .. انو عنجد هيك انا بحب قكر .. وهيك بحب كون .. اقتباس:
هلأ متل ماسبق وقلت .. الجلسة .. بتقدر تعبر فيها عن وجهة نظرك بطريقة مباشرة .. بس لوقت مؤقت .. يعني الأفكار والمناقشات بتبقى محتجزة ضمن إطار الإجتماع والجلسة .. مابتستمر لبعدين إلا على صعيد هالكم فرد اللي حضرو الجلسة .. بس إيجابياتها ..انو لمن بتنحكى كلمة .. بتنفهم صح .. يعني مثلا لو قلت هلأ : يالله .. موضوع غير شكل .. فرضا .. انتا كيف حتفهمني هلأ .. هل أنا عم اتمسخر .. هل عم امدح الموضوع .. هل عم ذمو .. هون الفرق .. بس النت بيعوض عن هالشغلة .. بشغلة السمايلات .. واللي بأغلب الحالات بتوصل الفكرة .. . . . دمتم ودامت أخوية :D THE,unforgiven " ,,, |
لو لم تكن أخوية ، كنت أنا:larg:
|
بس لشوف شغلة هالمجتمع الافتراضي عما يتحول لمجتمع حقيقي
متل ايا شي هلق مثلا يعني انا بدي اطلع على حلب معقول ما حاكي غابي و شوفو و انا بحكي معو باليوم اكتر من ابي |
مش قادره افهم السؤال يا جمااااااااااااااااااااااا اااااعه حد يفهمنى:jakoush:
|
| الساعة بإيدك هلق يا سيدي 04:41 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون