|
* أكاذيب ونصدقها *
* أكاذيب ونصدقها *
للأسف هنالك بعض الأخبار المنشورة تكون نموذج سئ لبعض المواضيع اللي تطلع علينا بين الحين والحين , بعض الشباب -والله اعلم بنياتهم- يقومون بتحذير وتخويف الناس من المعاصي بهذه الطريقة فنقوم بارسالها لبعضنا البعض عبر الإيميل ووضعها بالمنتديات ثم نكتشف بعد فترة أنها كانت كذباً في كذب ولكن بعد أن يكون قد ضحك منا أعداؤنا وشبعوا ضحكاً وقد قرأت في احدى الصحف أن هناك جمعية من العلمانيين هدفها نشر مثل هذه الخزعبلات وسط الشباب لصرفهم عن الدين الصحيح وفيما يلي امثلة من هذه الأخبارالتي ثبت كذبها جميعاً الكذبة الأولى : قصة الفتاة العمانية التي تحولت لعنزة مشوهة لانها استهترت بقراءة القرآن الحقيقة : الصورة لعمل فني تخيلي بالشمع لأناس مستنسخين الكذبة الثانية : قصة الشاب الذي فتحوا قبره بعد 3 ساعات فوجدوه متفحما من اثر عذاب القبر ونشرت صوره الحقيقة : الجثة لفتاة سعودية احترقت في حادث الكذبة الثالثة : قصة الأصوات التي صدرت من الأشجار في الغابة ويدعي الخبر ان أحد العلماء صمم جهازاً لفك شفرة الأصوات ومن ثم وجد أنها تنطق بكلمة 'الله' فأسلم بعدها الحقيقة: الخبر مفبرك من موقع يسمى 'الليبراليين العرب ' بغرض السخرية من المسلمين الكذبة الرابعة : قصة نيل ارمسترونغ وسماعه الاذان من على سطح القمر والقصة المثيرة لاسلامه بعد عودته الى الارض الحقيقة: كذب مكتب ارمسترونغ هذا الخبر جملة وتفصيلا, كما عقد شخصيا مؤتمرا صحفيا بالهند لنفي هذه الشائعة بعد انتشارها في جميع أنحاء العالم الكذبة الخامسة : صورة الجني الذي قام شاب اماراتي بتصويره في كهف ومات الشاب مباشرة بعد تصويره الحقيقة : الجني عبارة عن مجسم منحوت متقن في احد الكهوف وعيونه متصلة بمفتاح كهربائي لاضاءة العينين باللون الاحمر الكذبة السادسة : في احد المستشفيات الامريكية جهاز رسم القلب لأحد المرضى يرسم كلمة الله الحقيقة : منتدى علماني قذر هو مؤلف ومروج هذه الاشاعة ليضحك منا كما سترون لاحقا الكذبة السابعة : صورة لحديقة بالمانيا وقد كونت جذوع الاشجار على الجانبين شهادة التوحيد مع الادعاء ان المانيا قد اغلقت الحديقة الحقيقة : الصورة هي لوحة لفنان مصري وقد تم حذف توقيعه من عليها الكذبة الثامنة : اسلام مايكل جاكسون الحقيقة : مايكل جاكسون يعلن احترامه للإسلام ولكنه ينفي بشدة الدخول فيه الكذبة التاسعة : إسلام تشيلسي إبنة بيل كلينتون الحقيقة: نفت تشيلسي هذه الشائعة وأضافت بأنها مهتمة بالدين الاسلامي ولديها نسخة مترجمة من القرآن الكريم الكذبة العاشرة : صورة الحرمين المكي والمدني تظهر مضيئة ليلاً في صور إلتقطتها الأقمار الصناعية الحقيقة : الصورة ملفقة بالفوتوشوب حيث أنها التقطت نهارا وتم تغميق المباني المحيطة بالحرمين للايحاء انها التقطت في الظلام (بيوت الله مضيئة بالمصلين الركع السجود وليست بحاجة لفوتوشوب) الكذبة الحادية عشر : الأخبار حول احتراق جثة الرسام الدنماركي المستهزئ بالمصطفى صلى الله عليه وسلم وتكتم الحكومة الدنماركية على الخبر الحقيقة: ظهر الرجل لعنه ويظهر مرات عديدة في وسائل الاعلام, ومن ذا الذي يحتاج احتراق الرجل حتى يثبت ضلاله الكذبة الثانية عشر : خروج نافورة رملية من الارض في السعودية ، وبعض الجهّال يرمزون للآية (وأخرجت الأرض أثقالها) وانها من علامات قيام الساعة الحقيقة: إنفجار أنبوب غاز تحت الارض (مدفون) تابع لشركة أرامكو وتم التعامل مع المشكلة فوراً من قبل الشركة الكذبة الثالثة عشر : صورة الشيطان في أحداث 11 سبتمبر الحقيقة: تعديل للدخان ببرنامج الفوتوشوب تحياتي للجميع |
اقتباس:
دكتور ابو نجبو شفلنا شو الوضع هون.. تحمولة او مو تحمولة؟ :larg: |
اقتباس:
لاتصلح للاستهلاك البشري ... ممكن نستفيد منها بانتاج الطاقة الكهربائية... أو بالصناعات التحويلية |
اقتباس:
جزالك الله خيرا دكتور ابو نجبو.. |
شباب ومن بعد اذنكن يعني
الموضوع فعلا دارج و منتشر و بطريقة بشعة يمكن و اكيد مو بالطريقة يلي ذكرتها صاحبة الموضوع و على سبيل المثال يعني لا الحصر زميلنا السابق باخوية سيكيولار \ روحة بلا رجعة انشالله \ يعني فيه استخفاف لعقول الشعب المعتر البسيط يلي للاسف بكتير احيان بيصدق هالخزعبلات و برأيي يلي عم ينشر هالمواضيع يا اما شخص غبي كذب كذبة و صدق حالو فيها يا اما شخص او مجموعة اشخاص حاقدين عامية قلوبن الاحقاد و الكراهية للاخر |
طيب ليش أنا ما بيجيني هيك ميلات :pos:
|
اقتباس:
:o:o:o:o:o:o |
اقتباس:
|
هلأ...............كل اللي بيعتلي هيك ايميل ..........بردلو............مشااان الله لا تعيدا ..............لانو الحكي فيها كلو علااااااااااااااااااااااا اااااااااااااااااااك و بيهوي
وشغلة مزبووطة هي الشاااائعات............ بس يمكن مو علمااااانين ........ يمكن ناااس فاضييييييييييييين مو اكتر |
اي شو بدك بالحكي.. هالعلمانيين هي شغلتهون ...............كل اللي بيعتلي هيك ايميل بردلو مشااان الله لا تعيدا
|
كتير من البشر ما بتميّز بين العلمانية و الالحاد ...
وبين الالحاد و الصهيونية وبيفكّرو انو كل شي علماني هو ملحد صهيوني عميل حاقد ...الخ -------- العلمانية هي فصل الدين عن قانون الدولة و دستورها ....مو شرط انو العلماني يكون غير مؤمن أو ملحد |
اقتباس:
يا جماعة العلمانية مختلفة عن اللادينية.. واللادينية مختلفة عن الالحاد.. يمكن صار لازم ننزل موضوع حول هي القصة.. مشان التوضيح |
يعني مافي حل وسط
ياهجوم عالاسلاميين يا هجوم عالعلمانيين بعدين ليش مثلا ما بنقول انو الاسلاميين اكتشفو حماقتون وسهولة الضحك عليون وقامو لبسو القصة للعلمانيين ياستي الله يعين كل واحد على عقلو |
اقتباس:
هي قصة التهم عالعلمانيين صارت معي شخصيا ببيروت وهالبنت يلي كنت عم احكي معا نازلة سب وضرب بالعلمانيين على اساس انون كفرة وعم يحاولو ضرب الدين ولما سالتا شو بتعرفي عن العلمانية قالتلي مابعرف ولابدي اعرف:pos: فوصلا لشوف اذا فيك توصلا هالفكرة |
اقتباس:
فلان قال هدول مو مناح ...خلص مو مناح معناها .... طيب ابحث ...شوف ...استطلع ...بحبش عن هالحكي صح و لا غلط ! عبث.. |
اقتباس:
|
وعالسيرة ...
اجاني من فترة هاد الايميل الحلو اقتباس:
ولسوء الحظ انو انا عندي خلفية بسيطة عن هالهرمون ..مرّة تناقشنا أنا و أخي الطبيب عن بعض الشغلات المبهمة بالنسبة الي ... فـ قمت ردّيت على صاحب الرسالة اقتباس:
الزلمة رجع بعتلي ردّ ..بستحي حطّو هون :lol:....بهدلني فيه ....وبما معناه بتصرّف....فوق مالي متذكّرك و ببعتلك ايميلات ...الحق مو عليك الحق عالحمار اللي بعتلك ..ولا بقى تفرجيني وشّك ..الخ الخ بس أنا مازعلت منّو ...رجعت خبرّتو و أخدناو عطينا ...ومشي الحال و بصراحة انا حسّيت بسعادة ..قدرت أثّر على هالشخص ..وخليه يغير عادتو ..ويحاول يتقصّى و يبحث أكتر |
اهلين جوجو
نورتي |
| الساعة بإيدك هلق يا سيدي 22:12 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون