|
نهــاية موسم طويل ..
انتهى موسمنا الكروي منذ ايام قليلة بمباراة ختامية كانت مسك الختام بين الاتحاد والكرامة على نهائي كأس سوريا .. وانتهت بفوز للكرامة بهدف سجلة جهاد الحسبن .. بعد سيطرة للاتحاد ع معظم المباراة .. لكن الحظ لم لكن حليفه وساند الكرامة .. وتمكن من خطف المباراة بهدف لجهاد الحسين بعد ماعندت الحظ للاتحاد ..
وبهذه المباراة انتهى موسمنا الكروي الطويل والجميل في اوقات .. والسئ في اوقات والمبكي في اوقات والمفرح في اوقات .. موسم طويل شهد تتويج الكرامة بطل للدوري .. والمجد وصيفا .. والاتحاد ثالثا .. والكرامة بطلا لكأس الجمهورية .. والاتحاد وصيفا موسم طويل شهد صراعات ونزاعات طويلة على الصدارة مالبثت ان اصبحت بحوزت الكرامة في وقت مبكر من الدوري واستلامه زمام الامور .. مع مطاردة شديدة من الاتحاد والطليعة .. موسم شهد اجابياتن عديدة .. وسلبياتن عصفت بموسمنا الكروي ومن اهم هذه الظواهر السلبية المشاكل الجاهيرة التي عصفت ببعض مبارياتنا واعمال الشغب التي شهدتها عدة مباريات .. كمباراة الكرامة والطليعة , والاتحاد والوحدة .. وهذه الاعمال اودت بحياة اثنين من جماهير كرتنا . واصبات عديدة كانت بصمة عار بوجه كرتنا .. ومن ظواهره السلبية والمحزنة لموسمنا الخروج المحزن لمنتخبنا الكروي من تصفيات كأس العالم بعد ان بننينا عليه امالا كبيرة فاقت كل التوقعات .. واصبحت قلوب جميع السوريين متجهة لهذا المنتخب ومع حشد الدعم المادي والمعنوي اللي قدم لمنتخبنا .. واستلام الكابتن ابو شاكر زمام التدريب لمنتخبنا .. خلفا لفجر ابراهيم .. كان الخروج المحزن والحارق للقلب للمنتخبنا بعد اداء كان رائع في اول واخر المشوار وشهد هبوط في مستوانا في منتصف المشوار الاسيوي .. وخرجنا خروجا محزننا بسبب هدف واحد حالا مع عدم تأهلنا .. بعد اداء اكثر من رائع قدمناها في ملعب القطارة في الامارات .. ولكن الحظ عادندنا وتوفيق الله ابتعد عنا فكان خروجا محزنا مع حرقة قلب كبيرة للجماهير السورية بكل اطيافها .. وموسم شهد استمرار الكرامة بتألقه الاسيوي وتأهله للدوري الربع النهائي لملاقاة جامبا اوساكا الياباني وموسم شهد تخبطاتن كبيرة في اتحادنا العظيم .. الذي ادت تخبطاته وقرارته العشوائية التي لاتمد لاتحاد محترم بالعالم باي صلة .. وعصفت بمنتخبنا الوطني .. وبعدة اندية .. بقلوب فئة كبيرة بجماهيرنا العاشقة بمختلف اطيافها وموسم شهد هبوط نادي الحرية العريق الى دوري المظاليم وضربة موجعة للرياضة الحلبية بهبوط الحرية وعفرين الى دوري الدرجة التانية واستمرار الاتحاد بالجفاف والبعد عن الالقاب والبطولات موسم طويل شهد العديد والعديد من الاحداث .. التي امتعتنا احيانا .. واحزنتنا احيانا .. واتعبت قلوبنا احيانا ولكن يبقى دورينا وموسمنا الكروي .. ممتعنا الوحيد الذي تتجه اليه قلوب جميع السوريين العاشقين للكرة السورية .. ومع تمنيات هذه الجماهير العاشق بتحسسن افضل وافضل بالمواسم القادمة وباتحاد رياضي يكون على قدر من المسؤولية باتجاه كرتنا السورية ودورينا .. جماهيرنا العريضة العاشقة .. :D |
اقتباس:
ما تفاجأت بهالنتيجة :p |
اقتباس:
:sly::sly::sly: انخطفت خطف المباراة .. والكرامة اكبر محظوظ بتاريخ الكرة السورية والمباراة كانت كلا النا .. بس يلا وفرنا عزيمة :p |
اقتباس:
يمكن أقل نادي بحبو أو يجذبني بكل الرياضة السورية... بس نادي عريق و بعدة ألعاب... و حرام يهبط.. هاد دليل مرض رياضي فعلا رووووووووح عالمقالات بالفصحى :gem: |
ما عم بعرفو لوجيه شويكي :p
اي اي .. مبروك للشليفة .. وخلص .. مشي حالكم عطيناكم وقت كتير .. وهلّا رجع من الموسم الجاية حتشوفو الجيش .. :gem: |
مبروك للكرامة و ألف مبروك
مبروك للمجد وصيف الدوري و مبروك للاتحاد وصيف الكاس بعتقد الاتحاد كان احق بكاس الجمهورية و لو أخدو كان في شوية عدل إلهي لتوزيع البطولات .. الاتحاد قدم موسم كبير بس ما أخد ولا بطولة الي بيزعل هو هبوط الحرية للدرجة التانية النادي صاحب التاريخ الكبير و الاسماء الكبيرة الي طلعت من هالنادي و الي دعمت صفوف المنتخب لسنين طويلة عبد اللطيف الحلو .. وليد الناصر ... علي الشيخ ديب ... و خالد الظاهر .. بالتوفيق و الامنيات بالعودة سريعا للدرجة الاولى حلب بمستواها بكرة القدم بتستاهل يكون عندها أكتر من فريق الاتحاد بالدرجة الاولى .. بذكر من سنين كان في أربع فرق من حلب بالدوري أنا فيي قسم الدوري السوري لتلات اقسام منافس ... مراوح ... هارب المنافس : هنن الفرق الي عم تحاول الحصول على بطولة الدوري و عم تنافس عليه المراوح : هنن فرق الوسط و الي كل سنة بيكونوا بنفس المطان ( أي وسيلة لحصول الفرق على البطولة و سبب في هبوط البعض الأخر ) شلون هالجملة بالفصحى و الله عجبتني حسيت حالي البجيرمي الهارب : هنن نفس مجموعة الفرق الي بتحاول كل سنة الهروب من شبح الهبوط لترجع السنة الي بعدها لنفس الازمة بتمنى التوفيق للكرة اللاذقانية :cry: كانت أفضل من هيك و على الخصوص جبلة الي كل سنة عم يكون مهدد و برجع بطالب باستقالة ومحاكمة اتحاد كرة القدم السورية |
اقتباس:
|
شو مشان مين جاب سيرة الوحدة .. تف من تمك يا زلمة :p
|
اقتباس:
بس متل ماقلت مافينا ننكر انو هبوطو نكسة للكرة الحلبية .. وخاصة بتاريخو العريق وعلى ما ازكر الحرية الو دورين (ازا مالي غلطان) .. بس مع هيك هو عمل بحالو هيك .. ماحدا عملا فيه كل مين بايدو الله يزيدو .. بعكس الفريق المجتهد عفرين اللي كان هبوطو بصراحة محزن كتير .. وكتير زعلت عليه ومشان الفصحى تلبكت كتير وانا عبكتبا وحسيت حالي كتير ركيك .. مشان هيك كتبت لهون وبس مع انو عندي كلام اكتر بس ما استهضمت حالي اكتر :p ع الهامش ** مامبين عندك ايمت بدنا نشوف الشباب الرقاوي باندية الدرجة الاولى ؟ من لما وعيت ع الدوري مشتهي اشوف فريق عبيلعب باسم الرقة لو :shock: اقتباس:
والكرامة مصيرو نفس الشي تقريبا .. رح تخلص هبتو ورح يصير متل الجيش .. ويبقى الاهلي زعيم ومدرسة الكرة السورية .. والكبير كبير :gem: |
اقتباس:
اتحاد طليعة كرامة جيش مجد عبنافسو ع الصدارة بدرجات متفاوتة وفرق الساحل عبتنافس بمنطقة الوسط .. والمهم تكون بعيدة ع الخطر وبتشوف متذيلين الترتيت الشرطة والوحدة والحرية احيانا + الفريقين اللي بكون صاعدين من الموسم الاول عبنافسو ع الهبوط .. وهالوضع شوي ع بيعطي مللل للدوري + شغلة انو الكرامة ع بينهي الدوري قبل اسبوعين او تلاتة من وقتو عبيقتل الدوري بارضو |
اقتباس:
صعب كتير بالنسبة للقدم لأنو بصراحة لا في جمهور و لافي تاريخ و لا في اهتمام... الرقة فيها كرة اليد عريقة و صاحبة تاريخ... ما حدا يلعب فوتبول على مستوى يعني.. بينما بكرة اليد الشغلة تصير تراث عائلة و في لعيبة كتير طلعو من الرقة ان كان من نادي الفرات أو من نادي الشباب.. و أول رياضي سوري بالتاريخ يحترف خارج سوريا كان لاعب يد رقاوي.. و هنن أول ناس طلعو و راحو ع كل الدول ..في واحد بايطاليا, 2 باليونان, واحد بالسويد (هدول اللي بعرفهون مزبوط) و الباقي عندك نص الرقة بقطر (خصوصا بيت الحاج.. هدول عندهون زلمة كبير اسمو عبد الله الموسى الحاج كان لاعب منتخب سوريا بالسبعينات و بعدين درّب الجيش و الشرطة و طلع بعدا على قطر و أخد معو كل العيلة كون كلهون يلعبو (عنا بالرقة حتى كرة اليد تراث عائلة و عشيرة :lol:) |
اقتباس:
لك شو مشانك انت :shock: مزبوط مزبوط .. كانك قاعد عنا يازلمة بنص البلد :shock: انا كنت جاي ازكر هالحكي اللي زكرتو بس انت سبقتني فعلا الشباب معروف بكرة اليد من زمان .. واكتر الشي ماشية عندكن كرة اليد انتو + الشعلة الدرعاوي بس بحس تاريخو احسن من الشعلة (مع اني مابتابع كتير يد بس من رفقاتي اللي بلعبو وهيك) وبالنسبة للمحترفين عنجد كل الرقاوية اللي بقطر لعيبة يد :shock: او حتى اللي بشتغلو وظائف تانية كان اصل طلعتن ع قطر كرة اليد اجو ك محترفين طلبون الاندية القطرية وبعدين منن كمل منن انتقل لشغل تاني ومشان عيلة الحاج مزبوط حكيك 100%.. لعيبة اليد الرقاوية رفقاتنا اللي بينا وبينن معرفة كلن رقاوية من عيلة الحاج .. وفي واحد كمان كتير مقرب منا كتير وهو رفيق ابوي وهيك .. والزلمة طلع اول طلعتو ع قطر لعيب يد طلبو نادي قطري بعدين اعتزل وصاير يشتغل بالاسعاف .. وببيع معدات كرة يد وهيك للنوادي والزلمة مافي منو سكرة الله يزكرو بالخير ... وعندو قرايبين كتير كمان كلن هو مطالعن عبيلعبو يد .. و بزماني سالت ابوي انو ليش هالشلة الرقاوية كلن باليد قلي كمان انو مدري قريب الن طلع اول الشي والباقي لحقو وصارو يطالعو بعضن .. وهيك بس انو كتير الجماعة حبابيت وكلن كتافن عراض وجثث :lol: والن كلمتن عند جماعة كرة اليد بقطر لانو صلن زمان .. ومتل ماقلت محترفين كرة اليد اكترن بقطر بجيبنون من الرقة .. ومن عيلة الحاج اكتر الشي وهدول اللي منعرفن اغلبن هيك |
اقتباس:
نحنا عن نحضّر حالياً فريقين واحد للروغبي ...و التاني للكريكيت و بإذن الله رح يكون الدوري إلنا :gem: |
اقتباس:
هو العريق و التاريخي بالرقة نادي الفرات .. مو لأنو النادي اللي بحبو بس عندو ألقاب أضعاف نادي الشباب (نادي الشباب السنة الماضية لربح الدوري و خسّروه الكاس عينك عينك بمسرحية مخجلة.. لازم اعترف بهالشي رغم اني فراتي) نادي الفرات عندو 3 دوريات و خمس كؤوس جمهورية و كأس العرب مرتين و بدورة المتوسط اللي فازت فيها سوريا بالـ 88 كان في 7 لعيبة من الفرات... انت بتسمع بالشباب لأنو أغلب اللي راحو على قطر (عدا حازم الكبة و واحد تاني ما متزكر اسمو) شبابية... لعيبة الفرات أكتر شي طلعو عاليونان و على ألمانيا و على مصر بالنسبة لعيلة الحاج... عرفت اللي عم تحكي عنو منيح... هو و أخوه بقطر, و ولاد أخوه.. بعرف العيلة منيح منيح.. ابنو للي عم تحكي عنو أو ابن أخوه (لأنو ماني متأكد مين منهون اللي اشتغل بالاسعاف) اسمو أكرم.. صاحبي و ابن صفي اقتباس:
هاي صورة للكورلينغ  :lol: |
اقتباس:
لسا ما صرنا معاليق لهالدرجة يحرق اختا من بين الرياضات قال طنجرة الجليد قال  |
اقتباس:
هلآ يحرق اختا ما اختلفنا... أول ما تشوفا تقول يلعن دينا شو معتّة هالرياضة ... بس بعد عدة جلسات اجبارية (اجبارية يعني الأحد المسا مجبور تقعد بالبيت لأنو برا كابسة مطر و الدنيا باردة و ملل فظيع و مافي شي بالتلفزيون و تحط عاليورو سبورت و مطالعيلك مباراة كورلينغ... آخرها تنسجم.. تصير تشجّع كمان.. هلأ لا يغرك المظهر و جليد و منتخبات و مدري شو.. الله وكيلك قوانينا نفس قوانين لعبة "الحاح" عنا (مين يعرف يلعب حاح؟ :lol: |
اقتباس:
اسمو ياسر الحاج (اب عمار) .. امس تأكدت من ابوي منو .. لانو انا بعرفو وع طول منشوفو .. وازا لزمنا شي الزلمة كتير سكرة مافي منو بدبرلنا ياه .. وتأكدت منو هو بيت الحاج .. لانو شكيت فكرتو من بيت تاني بس طلع من بيت الحاج هو وباقي الجماعة متل ماحكيت انت .. وكان ساكن قريب منا كتير بس انتقل من شهرين |
اقتباس:
|
| الساعة بإيدك هلق يا سيدي 20:35 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
