>جاك: الله يخليلك اللي جنبك تشتري
>الرجل امسك بتلابيب جاك (تلابيب مش عارف شو بالزبط بس اكيد قبة القميص
>و قال: مجنون انت..وك مجنون..هاي مرتي بتدعي علي
>و اراد الرجل ان يوسعه ضربا و رفشا (يترفشة يعني
>تدخلت المراة:مالك يا عقلة..سيب الصبي
>و اخرجت تلات حبات فول من الكيس الذي كان بحوزتها و كانت تقرقط فيه
>و اعطتهم لجاك و اخذو البقرة السمرة
>عاد جاك الى المنزل مفعم بالسعادة
>(مفعم يعني مش مصدق حاله
>
>سألته امه: بعت البقرة يما
>جاك:اه يما و هاي ثلاث حبات فول حقها
>امه: يعدمني اياك شو اهبل
>وكمان اوسعته ضربا و رفشا (ملطشة هالجاك)
>
>و رمت حبات الفول من الشباك
>و نام جاك و هو يلعن سنسفيل البيع على الاشارات
>امطرت السماء في الليل
>و فتحت ام جاك الشباك لترى شجرة فول ضخمة و قد نمت ووصلت الغيوم
>ام جاك:الله يوخذك..ما عرفتش تجيب بدال الفول اكم حبة لحمة بدنا نضل منفوخين
>طول عمرنا
>و شاتته شلوتا اوصله الى قمة الشجرة
>
>و هناك وجد جاك و في اعلى الشجرة قصرا كبيرا لمارد ضخم مخيف
>دخل القصر و اختبأ و جاء المارد:
>مم مم همم همم ...شامم ريحة ولد زغيييير
>جاك لنفسه: عاد انا متحمم من شهرين
>اكل المارد 3 خرفان و 12 جاجة و نام
>رأى جاك ان المارد يملك اوزة تبيض ذهبا فلطشها و هرب
>لحق به المارد و حاول ان يمسكه
>لكن جاك سبقه و قطع ساق الشجرة
>ووقع المارد و طج على الارض و طبعا مات مبينة ما بدها ذكا
>(يعني جاك حرامي و قاتل و اهبل
>و اخذ جاك الاوزة و اعطاها لامه التي فرحت بابنها الحرامي فرحا شديدا
>و باعوا البيض بسوق الصاغة بالصويفية و عاشو سعيدين
>و اشتروا قصرا في عمان الغربية و 3 سيارات
>و جابو الرجل اللي ضربه بأول القصة شغلوه شوفير و مرته اشتغلت طباخة
>و توته توته خلصت الحدوتة
>و هيك يا اطفال منتعلم انه السرقة من المارد مش حرام و انه الفول مفيد للعظام


بس في رواية اخرى بتقول انو امو ما عرفت انو الاوزة سحرية
وذبحتها واكلتها هي ومختار الحارة