|
عامان مرا وتستمر الرحلة
مرحبا
من سنتين وبمتل هيك اوقات راحوا من هني ؟ رفقات الكون وزملاء الي ومقربين منكون واولاد لعالم وين راحوا؟ لوراء القضبان ليش راحو؟ ما بعرف ومش بوارد اني اعرف انا بقول راحوا لشي وغيري بيقول راحوا لشي وتعددت الاسباب بس هني مش معنا اوقات كتير بكون عم بسال حالي ياترى شو بيكونوا عم يعملوا هلا ؟ بوقت كنا مسقعين بالبرد وهني باشد مناطق سوريا برد ياترى صحتون منيحة ؟ معنوياتون كيف؟ شو عم بيصير معون؟ اشتقنالون يمكن كتار يستغربوا اني انا اللي عم بكتب الموضوع وانحكى الكتير عنون ورح ينحكى الاكتر بس هالكم يوم بتمرق ذكرى غيابون(مابحب قول اعتقال) اليوم مابدي احكي ليش راحوا ومشان شو ونبدى نقول عملاء الخارج والبعث والمخبرين والفساد ونعلق من جديد ونصير نحكي والله حسام كان مع هدول وطارق مع هدنك وياسين معاهون وعابد ضدون و مين حسام ؟ مين عابد ؟ مين طارق؟ مين ...............................؟ مش كلنا ولاد هالبلد ؟ بيجوز اختلف معون بالشي اللي صار وعم يصير وبيجوز اتلاقى معون بس من القلب اشتقنالون الى كل اعضاء اخوية اللي غابوا عنا اشتقنالكون وبعد سنيتن على غيابكون انتوا بقلوبنا وناطرينكون لنكفي سوا رحلة سوريا |
مهما غابت الشمس وطال غيابها لا بد من بزوغ فجر جديد فجر يبعث الامل
واملنا برجوعكن طارق علي, حسام, دياب, عمر, كريم ما رح ينقطع رح تضلو بقلوبنا وبذاكرتنا مهما طال الغياب phoenixbird اصيل حبيب:D |
عالموضوع لا تعليق
بالنسبة للشباب.... الحرية الهون و لأمثالهون و ياريت اليوم قبل بكرا يرجعو سالمين غانمين لأهلهون و احبابهون و لبلدهون و ينسو هالكابوس كمان يرجعو يسكتو المزايدين و موزعي شهادات الوطنية و الخيانة.... العلاكين بشكل عام الحرية لحسام ملحم الحرية لطارق غوراني الحرية لدياب سرية الحرية لماهر أسبر الحرية لعلام فاخوري الحرية لعمر العبدالله الحرية لكريم عربجي الحرية لأسرى الضمير في سوريا |
اقتباس:
|
خيو مصيرن يرجعوا بالسلامة
عاجلا ام اجلا :D |
بيعجبني كتير انو لما نحكي عن هالأشخاص نحكي بمنطق ....
نقول لحنا طموحنا الأوسع انهن يطلعوا ما بدنا لا نقول هيدول خونة ومرتزقة وطابور ثالث ولا بدنا نقول هيدوليك فاسدين لإنو ..افضل كلمة نقولها بنحب انهن يطلعوا يشاركونا متل ما كانوا يشاركونا قبل وتحية لهم اينما كانو .... تحياتي الحارة ظل جيفارا |
اقتباس:
|
الحرية لحسام ملحم :D الحرية لطارق غوراني :D الحرية لدياب سرية :D الحرية لماهر أسبر :D الحرية لعلام فاخوري :D الحرية لعمر العبدالله :D الحرية لكريم عربجي :D الحرية لأسرى الضمير في سوريا :D:D:D الحرية لسوريا ارضا وشعبا ... ان سوريا كانت وستظل رغما عن انف كل من يزعجه الامر لجميع مواطنيها |
اقتباس:
بتمنى انو نرجع نشوف هالشباب كلها قريبا :D |
| الساعة بإيدك هلق يا سيدي 03:36 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون