أخوية - شرح برنامج نسخ rm على cd

العالم كل ماذا قامت تصيح تبغي برامج تحول
و ان لقوا برامج تحول ... من جد تاخذ وقت انك تحول كل ملف RAM الى Wav او MP3 و من تالي تسويها على سيدي ... يعني مشوار
بس الله يخلي ال REal ONE قال الله من الدجه في روسنا ورانا نتعب زباينا
خل نخليهم يسوون سيديات بامتادات الريل اللي هي امتداداتنا
بس مايبيلهم الا يكون عندهم سيدي رايتر (برنر)
و خلاص مانبي منهم الا انهم يسوون Add (اضافه) ل Plug-in صغير هذا اذا موب عندهم في الاصل
.... جمع ملفات rm و خلها متبطحه عندك و رح و افتح لي ال Real One
خله يفتح لك الريل الكبير ذاك اللي تقول تلفزيون
همن تبي تلقى زر يقاله Devices شفني حاط عليه دويره حمرا في الصوره اللي تحت
تضغط عليه و راح يطلع لك ال Plug-in اللي انت مضيفه في الريل ...
طبعا ان كانك من النوع اللي يوافق على كل شئ و يسوي ابديت مابين الفينه و الاخرى فانشالله انك تبي تلقى ال plug-in موجود
و ان مالقيته عاد اضغط على Add/Remove Devices و خليهم يحطون لك ال plug-in و بكذا تبي تقدر تزين سيديات الى الليل ...
طيب نقول عندك ال Easy CD Creator Plug - in زي ماعندي .. فخلاص ماعاد بقى لك شئ
الحين تخلي الريل مفتوح زي ماهو طالع في الصوره و تبدا تجر الملفات و تنطلها في البراحه اللي موفرينها لك
يعني بس جر الملف اللي تبي و حط و تبي تشوف الشريط الاخضر يمتلي و يتعبى
الين تملى سيديك و همن تقوله Burn CD و اذا تبي نصيحه مني لا ضغطت على Burn CD صك كل شئ و خل الرايتر ياخذ راحته
مانبي برامج تاثر عليه بلاه حساس و ممكن يخرب عليك شوي من الاغاني او الملفات
:gem: :gem: :gem: :gem: