|
هلّا خرستم
شهور مضت وغزة تحت الحصار , والجيران والأشقاء والعالم أدى دور المشاهد المثالي فهو لم يتدخل في سياق هذه المسرحية ولا المخرج والمؤلف سمح له بالتدخل . فكان يضحك إذا أمره المخرج وتدمع عيونه إذا شاء المؤلف.
لقد أدّوا الدور على أكمل وجه . ثم يأتي الفصل الأخير والذي كان متوقعا جدا وخصوصا بعد صمود أهل غزة تحت الحصار وضد الجوع والبرد. وهنا جاء دور المشاهدين للتحرك فهاجت الصالة وماجت وعلا الصراخ والعويل على الدماء التي تسقي الأرض منهم من صرخ لأنه يخاف منظر الدم , ومنهم من صرخ من هول المنظر لكن القليلين صرخوا لأن أخاهم يُظلم لأن جارهم يذبح بلا ذنبٍ سوى أنه أبى أن يعيش بذلٍّ. ثم جاء الأمر بالتعرّي , أمر المخرج أن نتعرى تماما, تعرينا ثم نادينا : أيها الأحمق متى كانت العين تكسر المخرز. أيها المجنون أتظن أن ألعابك ستدمر تلك الجيوش الجرارة. نَسوا أو تناسوا أو أُريد لهم أن ينسوا بأن شعوب الدول التي تسمى عربية لم تكن أقوى من المستعمر حين أخرجته ذليلا من ديارها . ثم نسوا أو تناسوا مرة أخرى أن الدم رخيص جدا إذا وهب للأرض والوطن وأن أهلهم من قديم الزمان لما قاموا ضد المستعمر كما قام أهل غزة اليوم ليس كرها للذل والظلم فقط إنما حتى يعيشوا هم أولئك المتناسون ليعيشوا بكرامة ويعيشوا أحرار, يبدو أنهم أيضا نسوا معنى الحرية والكرامة. ثم حان موعد الخروج من المسرح. ولكن كيف وهم عُريان وسوءاتهم ظاهرة للشعوب خارج المسرح ؟.. ليس لهم سوى ماتبقى من أموال ألصقوها ببعضها لتستر ما فُضحوا به ثم نادوا في الناس أننا ما سكتنا تبرعنا ومازلنا فتبرعوا معنا وما سترت . ولن تستر.... نقد على هامش المسرحية: أيها السادة يبدو أن معظمنا نسي أن فلسطين محتلة وان المعركة بين أهل غزة واسرائيل هي معركة بين محتل وأصحاب أرض. فالوقوف على الحياد هو وقوف خنوع وهو فعل منكر فاحذروا. أما الصراخ والهياج الذي تناديتم به بين بعضكم فإنما كان زوبعة في فنجان فقد رميتم حملكم على مجلس الأمن وأنتم تعرفون أن هناك من يرفع الحمل عن كاهلكم وأن هناك لكم حبيب يستعمل الفيتو دائما عندما يتعلق الأمر بإسرائيل. تفاخرتم بتبرعاتكم وأموال ترسلوها إلى أهلنا في غزة ونسيتم أنهم وصلوا إلى ما هم فيه لأنهم رفضوا الذّل فلا تتبعوا صدقاتكم منَّة تفقدها طيبتها وحسنها لكنكم فعلتم وتفاخرتم وتباهيتم بما تصدقتم... وإنما كانت صدقاتكم كما ذكرنا لستر عوراتكم المكشوفة . كل هذا متوقع منكم فذّلكم وخنوعكم ليس بالأمر الجديد. وأنا أطلبها منكم باسم الكثيرين من الشعوب " قولوها صراحة أفضل من عملية استهبالكم لنا " بذلك نعرف من معنا ومن علينا . الأكثر قهرا من ذلك كله أن يطبل بعض الناس لانجازاتكم الغرّاء وتبرعاتكم المغموسة بالذل ويتفاخروا بها ... ونسوا أن حق أهل غزة وحق فلسطين أكبر من أموالكم مجموعة ومضروبة بألف ألف مرة. ونسوا أن دم شهيد واحد سقى أرض وطنه أشرف منهم جميعا. ونسوا أن أهل فلسطين أبوا الذل من الغريب فلن يقبلوه من القريب أبوا إلا الموت كبارا وأشرافا فلا تقتلوهم ذلا . ونسوا قول الشاعر : لا يسلم الشرف الرفيع من الردى ........... حتى يراق على جوانبه الدم أو عفوكم لم ينسوه إنما جعلوا الشرف فقط بين أرجل نسائهم. فصولوا وجولوا في شرفكم واتركوا أهل فلسطين يحمون ما تبقى من شرفنا |
دعهم يتكلمون اعذارهم اقبح من ذنوبهم
كشفوا انفسهم بانفسهم واظهروا حقدهم وخيانتهم باكاذيبهم وليتهم يتقنون الكذب احجار للعب نتعق بصوت اسيادها ولا تعي حتى مصلحتها الحقيقية |
اقتباس:
|
اقتباس:
|
أفكار قويّة ورائعة وفي المكان والوقت المناسبين!
متّعنا فيك على طول... بس بدون حزن على أخوتنا في فلسطين! بتمنّالن السّلام والحريّة... وبرجو أنّو العالم يستفيق ويقول كلمة الحق. :D. |
اقتباس:
انو نحنا نسينا كمان أهل غزة وبلشنا نتضارب ببعض ما يهمنا اليوم غزة وأهلها. ولنتوقف مزايدات على بعض ونلتفت الى الأهم:D |
اقتباس:
ولهم الله ولهم التاريخ يحاسبهم. :D |
اقتباس:
ولن يفيق العالم قبل أن نفيق نحن يا صديقي :D |
شالوم
ما شلومخ؟ شوية فيديو على اليوتيوب لأجل النظر إلى الجانب الأخر من IDF وخلينا نكون أكثر واقعيين وننظر من خلال العقل بالنظرة الصحيحة. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ليترائوت :D |
عفوا ما فهمت هدفك من اظهار فيديوهات لجدنديات اسرائيليات؟
شو مطلوب نشفق عليهن ما شفت حضرتك اطفال مقتولين ومجروحين ما شفت فلسطينيات غريقات في الدم والجوع الرعب والالم والحزن وبيد الجيش الاسرائيلي اذا كنت تدعونا للشفقة عليهم فاعلم ان كامل جيش اسرائيل بنظرنا رجال ونساء هم مجرد ارهابيين يستحقون الاعدام مين جابرهم يشاركو بهالفضاعات |
اقتباس:
|
اقتباس:
بدّك نقول أنّو إسرائيل مسكينة يا حرام... طيّب رأيك تقسيم الأرض بين غزّة والضفّة عادل؟! الاستيلاء على أراضي من هون ومن هون عادل؟ المجازر اللي عم تقوم فيها أمر واقعي وعقلاني؟! عدم تنفيذها لقرارات مجلس الأمن وخريانة عالأمم المتحدة ومو سائلة عحدا طبيعي وصحيح؟! خيّو أنا ما بشوف حماس بريئة وبصراحة أنا بعتبرها حركة عنصريّة إرهابيّة متلها متل إسرائيل ما في فرق! بس إسرائيل مانها حمل... هي مغتصب ودولة فاسدة (عالصعيد الخارجي) وعنصريّة (عالصعيد الداخلي) ومن هيك الله يخليك... بلا استعراضات، أطفال غزّة عم تندبح!!! :D. سام جاييك بس لروح عالمحطّة أعمل بطاقة الرجعة عروما :yahoo:! لا تروح انطرني ما رح أتأخر. :D. |
اقتباس:
تتكلم بلسانها .. إنها ليفني ... |
اقتباس:
|
اقتباس:
|
اقتباس:
المطلوب فهم الواقع اكثر والابتعاد عن الاجندة الايرانية بالمنطقة ليترائوت :D |
اقتباس:
المفاجأت أنشاء الله قريبة . ولو دمرت اسرائيل قطاع غزة فأن المقاومة ستولد في اليوم الثاني من جديد أما بالنسبة لقصة أنك عم تحكي عبري وتدافع عن اسرائيل تحت مسمى يلي بيحملوه هنن أشرف منك ب100 مرة . فبعتقد أنو موحلوة بحئك تضحك عليك الشباب ماهيك . صح ؟ . أي صح :D |
اقتباس:
يعني جايبلي كم فلم اياحي لمجندات اسرائيل وعم تقلي نفكر بواقعية لك وينا الواقعية الي عم تتكلم عنا ..!! بعيد عنك محسوبك حمار كبير وما بيفهمها ع طاير مستني من واحد متلك فهمان ووعاي وفاهم الواقعية هي انو يفهمني ياها تودارابا :gem: |
اقتباس:
سيدي الكريم دير بالك على عروق رقبتك ما يطقو وانت عم تكتب هالمشاركة الدالة على عصبيتك وعدم تقبلك الجمال الاسرائيلي وهذا الشي اذا دل رح يدل على محاربتك لكل شي جميل وحلو، والظاهر انك خبير بالافلام الاباحية كونك حكمت بسرعة متناهية بان الافلام اباحية، طبعا لكل انسان نظرة خاصة للاشياء واسمحلي اقول لك ان نظرتك كانت اباحية بدليل اعترافك بان الافلام اباحية. سيدي الكريم الواقعية لما تبعد عن مخك وقشرة مخك التعصب وتبعد عن استخدام السب والشتم سلاح مواجهة إلا اذا نفد منك سلاح التفو تفو او الحذاء (القندرة) الواقعية يا سيدي الكريم الحرب الها ضحايا على الطرفيين والاثنين لازم يكونوا على قدر المسؤولية والتحمل ويا سيدي حتى اذا راح ضحايا من الشعب هذه حرب، خود مثال حرب لبنان او حرب العراق انها الحروب يا سيدي الكريم ولكل حرب في الاخير نتائج ووفقا لكل الحروب اللي صارت انها بتصير منشان تحريك الوضع للسلم بعد وضع راكد بغض النظر عن العواطف والمشاعر الانسانية السياسة يا سيدي مافيها عواطف الافلام صورة عن ما يحتوي هذا الجيش من عناصر نسائية ورؤية جديدة للواقع ليترائوت:D |
اقتباس:
قد أوافقك في بعض النواحي وقد اخالفك لكن بأي شكل لا يحق أن تشبه حماس لاسرائيل. |
اقتباس:
ثم انك لا تستطيع أن تحاور من موقع ضعيف اذا أردت الحوار فعليك أن تحاور وانت قوي صامد لا ضعيف مهزوم خائف متنازل... اقتباس:
صديقي منذ زمن بعيد في هذا المنتدى على الأقل نحارب ما يسمى بالمؤامرة ونرفض استخدامها في تمرير أمور لا نرغب بها . فأرجو عدم استخدامها:D |
اقتباس:
في فرق بين ضحايا حرب وبين شي اسمو ابادة الابادة لما بتجمع مجموعة من الناس بمنزل وبتقصفهم الابادة لما بتهجر قرى بكاملها وبتدمر بيوتها الابادة لما بتحذر أهل غزة وبتطلب منهم الخروج منها وانت مسكر عليهم المعابر ز [اي منطق انت عم تحكي؟ اقتباس:
اقتباس:
بجوز حضرتك مثقف كتير وبتعرف عبري لكن نحنا على قد حالنا لذلك بلا استعراض العضلات هاد وحكينا بلغة المنتدى يلي عم تكتب فيه |
اقتباس:
حماس... الإخوان... وكل حزب ودولة قائمة على فكر ديني (بما يتضمن إسرائيل) بعتبرن منظمات عنصريّة تمييزيّة متشدّدة، ودول بعمرها ما رح تصير بشر، لأن لساتها عم تميز بين إنسان وآخر عأساس الدين! وإذا أنتِ تفكيرك على هالنسق فهالمجموعة بتناسبك جداً! بغضّ النظر عن أي شيء آخر! بصراحة أنا ماني متعود أكتب بهدوء هيك، بس شفت صديقي سام وصفحتو هي وتذكرت أنو مرّة من المرّات قلي أنت بس تعصّب ما بتشوف قدّامك... ولأنّي بحبّك يا "الصمت الناطق" قلت يا ولد شوف قدامك عالأقل كرمالها مو كرمال حدا تاني! هاد اللي عندي حالياً حول كلمتينك أعلاه! :D. اقتباس:
اقتباس:
:D. |
اني لو يديع ما اتا لوتسيه اخشاف ..;)
اقتباس:
لك خيو صدقني انا لما كتبت الرد كنت عم شيش واشرب قهوة وما حدا ادي بدني .. يعني نفساويا ما في ادي . اقتباس:
اقتباس:
اقتباس:
سي يو بعدين شن ان مشغول دخلت خطفة وطالع .. فــ حبيت مسي عليك اتا جيفر .. ليلا توف |
اقتباس:
شو رأيك اليهود ما بيحقلون شقفة أرض بالجولان كمان ؟؟ شي غريب عن جد :shock: |
اقتباس:
عمّ أحكي عن اليهود اللي كانوا عايشين بفلسطين مو عن يهود الشّتات وبظنّ لازم تعرف شو الفرق بيناتن! أنا قلت وبكل وضوح أنّو هنّ متلن متل غيرن الدّين مانو اعتبار لأي تمييز بس أضفت كمان إذا ألك عيون أنّو قيام دولة متل إسرائيل وبهالطريقة خلانا نكره نفكّر بأيّ حقّ ألهن... وأنا ما زلت ضدّ قيام هالدّولة! فأمّا عن الجولان يا سيّد أيهم فهو أرض سوريّة ومعروف عالعام والخاصّ وبلالك ضرب الوطنيّات لأن السوري شبعان منها للانفزار! فعلاً شي غريب قراءاتكن بهالأخويّة :D. |
اقتباس:
عزيزي سام انت لم تتجن ولم تدعي على الاشقاء المعتدلين وهو واجب علينا ان نوضح لهم اخطاءهم ونتقبل انتقاداتهم ان كانت منطقية وموضوعية ان يكونوا اشقاءنا واخوتنا فالفلسطيون كدلك فلنواصل قول الحق ولو كان مرا اقتباس:
سيدي الكريم الجهاد من اجل الارض والعرض متاصل في شخصية كل انسان شريف وليس اختراعا ايرانيا وتستطيع التاكد من اي شعب احتلت ارضه يوما ما على حد علمي ما في شعب واحد استرجع حريته بالحوار فقط واقول لكل دعاة السلام ان رغم تنازلهم عن جزء كبير من ارضهم التي هي حقهم قولولي اين هي الدولة الفلسطينية التي وعدوكم بها ما اخد بالقوة لا يسترد الا بالقوة اقتباس:
تحياتي لك قرصان صراحة صدمني اعتبارك ان حماس ارهابية متل اسرائيل انا شخصيا ضد اطلاق صواريخ وان كانت ضعيفة على مدنيين والعمليات الاستشهادية كمان برفضها ان لمدنيين او لعسكر مو خوف على جيش اسرائيل بس احتراما لحياة المستشهد وانقهرت لما شفت حماس وفتح بيتقاتلوا بالسلاح بس بتفهم حق الفلسطينين في الدفاع عن انفسهم وحياتهم وحقهم في العيش الكريم وفي استرجاع كل اراضيهم وبقلك انت قلي كيف برايك ممكن تتعامل مع اشخاص عملاء يحاربوا الوطن ويقفوا جنب العدو؟؟؟ بالنسبة لليهود الفلسطينين اللي عندهم فكر صهيوني بعد قيام الدولة الفلسطينية لازم تكون لهم حقوقهم كاملة بس يتعاقبوا بشدة ادا اشتمت منهم خيانة كون حماس حركة اسلامية ما معناها انها عنصرية |
اقتباس:
لا حبيب اما ما عم اضرب وطنيات ولا شي بس انت اللي عم تحكي متل شي سياسي اوربي خايف من جماعات الضغط اليهودية لنفرض انك عم تحكي عن يهود فلسطين , مين قال انو هدول الن حق بقطعة ارض , هدول متلن متل المسيحيين والمسلمين الن حق يعيشوا كفلسطينيين بس , مو نعطي لكل طائفة شقفة تعمل عليها دولة, و بغض النظر عن طريقة قيام هالدولة , فالشي جريمة بعدين الضحية حطيتو مع الجلاد بميزان واحد , والاتنين طلعوا ارهابيين , يعني حماس ارهابية ومعظم اهل قطاع غزة متل ما بتعرف انتخبوهم , يعني معناها هدول اللي عم يموتوا ارهابيين بيستاهلوا ماهيك بينفهم من كلامك؟؟ لك اذا نحني اللي على اساس منعرف حقائق الصراع اكتر من غيرنا عم نحكي هيك , شو خلينا للاوربيين لكن ؟ بتعرف هي مشكلة بعض العلمانيين, بتلاقي كرهن لاي شي يحمل شعار اسلامي بيغطي على اي موقف ممكن ياخدوا , وهي برايي قمة الاقصائية والتطرف من الجهة التانية تلت ارباع اللي متعاطفين مع غزة مانن اسلاميين ولا حتى يمكن بتعجبن حماس من اي ناحية , بس ما حدا قال ارهابية وخاصة هلق وهني لساتن عم يندبحوا يوميا |
اقتباس:
ربما نختلف و أحياناً نتوافق وماعهدته منك صاحب كلمة لها وزنها فاجأتني برأيك ويبقى رأيك وهذا منبر حر وانت حر في اعتناقك مبدأ ما .. لن أدخل معك لا بسياسة ولا بدين لأنهما داء وعلة .. وكان ردة فعلي نتيجة ماكتبت كوني سمعتها من تلك البلهاء ليفني نفس الكلام (عذراً ) فقلت لكَ ماقلت لكن اتهام أي مقاومة وتحت أي اسم كانت مادامت دفاعاً عن حقها بأن تدافع عن أرضها فهو حقٌ مشروع ومكتسب وليس ارهاباً .. والذي يحدث الآن على أرض غزة أصابنا بالعجزويكفي أن شعوب العالم بأسره علم أن وكر الارهاب في اسرائيل .. واذا أنت لاتريد أن تقاوم بكلمة حق على الأقل فدع حماس تطبق مبدأ الدفاع عن النفس والأرض .. والذي يؤخذ بالقوة لا يسترد إلا بالقوة . هذا رأي المتواضع على قدر مفهومي .. لذلك شوف قدامك ولك َ احترامي والاختلاف في الرأي حوار مودة . لكَ مودتي . |
اقتباس:
لما بعتبر حماس وإسرائيل إرهابيين أنا ما عم قارن يا أغلى صديقة بين محتلّ ومقاومة، وللأسف أنت وأيهم والصمت الناطق لحقتو تأويلكن هاد يلي مو موجود أساساً بمشاركاتي السّابقة!!! أنا أوضحت ليش بعتبرها هيك... لأن أي حزب أو دولة أو منظمة أو جماعة قائمة على إيديولوجيّة دينيّة بتميّز البشر بين كافر وغير كافر، بين مؤمن وذمّي، بين أصيل وغير أصيل هي باختصار فكر متزمّت عنصري متشدّد ما بيسعى إلا إلى صراع وما بيشوف باختلاف الآخر إلا العداء!!! وبدل ما نأسس هيك أحزاب ومنظمات خلونا ننادي ببلد اسمو فلسطين وبالهويّة الفلسطينيّة البعيدة عن كل دين وانتماء... بس للأسف رح أحكي عبثاً لأن مع العرب مستحيل هالأمر! وبالنسبة لليهود فالأخ أيهم فهمني غلط لما قلت ألن حق بشقفة أرض... أنا ما كنت أعني أي تقسيم بس كنت أعني متل ما المسلمين عم يطبقوا ضمن الدولة والشرائع شريعتن الإسلاميّة فاليهود كمان بيحقلن هالشي... المسيحيين لأ لأنن بالأساس ما عندن فكر يصهر الدولة بالدين... ! وبما أنّو الإسلام بيرفضوا أي حكم آخر ضمن قالب الدولة الواحدة فاليهود نفس الموضوع والحل الأمثل كان بترسيخ أعمدة العلمانيّة بمفهوم شرقي جديد يختلف شوي عن المفهوم الغربي وبظن هيك فيني أنا كمسلم أو كمسيحي أو كيهودي أو كبوذي كون فلسطيني لا أكتر بتعاملي مع بقية الأفراد ومع المجتمع ومؤسساتو! وتحيّة لكل مقاومة شريفة ما بتميّز بين هاد وهداك... وما بتشوف غير فلسطين وطن بيجمع كل أبناء فلسطين. اقتباس:
ما بدّي عيد اللي كتبتو لهدى بس بظن موقفي جداً واضح... أنا مع المقاومة وإذا في مقاومة مسلحة، من برا يمكن بعترض، بس من جواتي بوافق لأن الأرض ما رح تتحرر إلا بالدم. بس أنا ضد أي منظمة تحاول تفرض إيديولوجيتها على البقيّة بحجة المقاومة البريئة بينما إيديها أوسخ منهن ما في!!! واللي صار بغزّة أكبر دليل على إرهابيّة حماس... وبرغم كل شي، شيء مؤلم فعلاً مقتل الأبرياء على إيد دولة ما بتعرف من حقوق الإنسان إلا أسفلها! أصلاً حرام تسمّى إسرائيل دولة بكل شيء عم تعملوا فينا... وأخيراً شوفي قدّامك أو وراكِ، قصدي على مشاركتك يلي ما كانت تعبّر عن اختلاف بالرأي بل عن تهجم واتّهام وحكم لا أكثر ولا أقلّ! وبتمنّى تاني مرّة أنو تحاوري الطرف الآخر قبل ما تتهمي. :D. |
اقتباس:
شيئ سأفعله سوف أتعلم منك.. ماأفتقده وان كنت تظن أنني اتبعت اسلوب العرب في التخوين والاتهام فأنا حذوتُ حذوكَ كلنا عرب ونشبه بعضنا .. لنا لغة واحدة أشكرك على اسلوبك اللطيف |
اقتباس:
أنا لما قلت أسلوبك... إلخ، كنت عم أحكي عن مشاركتك فوق بس!!! ولما تفوتي تقولي لواحد أنت بتتكلم بلسان فلان أو علتان أو قزّ القرط... فهاد واضح شو يعني!!! فأمّا أنّو تعلقي من جديد على طريقة حواري فهالشي يا صديقتي بيعود إلك وما عاد فيني أحكي شي جديد... للأسف! عم تقولي أنتِ حذوتِ حذوي... بس أنا وضحت ليش حاطط حماس بهالخانة ومصرّ على هالأمر لأن أي إيديولوجيّة تمييزيّة وعنصريّة هي إيديولوجيّة ساقطة! وللأسف لساكِ ما عم تحاوريني بالنقاط التي طرحتها، مجرد عم تعلقي بأسلوب استهزائي على كلامي! وأخيراً بشكرك عَ كل شي... :D. |
أنا أوضحت ليش بعتبرها هيك... لأن أي حزب أو دولة أو منظمة أو جماعة قائمة على إيديولوجيّة دينيّة بتميّز البشر بين كافر وغير كافر، بين مؤمن وذمّي، بين أصيل وغير أصيل هي باختصار فكر متزمّت عنصري متشدّد ما بيسعى إلا إلى صراع وما بيشوف باختلاف الآخر إلا العداء!!!
وبدل ما نأسس هيك أحزاب ومنظمات خلونا ننادي ببلد اسمو فلسطين وبالهويّة الفلسطينيّة البعيدة عن كل دين وانتماء... بس للأسف رح أحكي عبثاً لأن مع العرب مستحيل هالأمر! واضح انك مقتنع تمام الاقتناع بهدا الراي يعني خلص ما بقي غير اني احترم رايك واختلف معاه الراي وليس انت تبقى صديق عزيز وغالي مهما اختلفنا بس حبيت وضحلك نقطة اراها مهمة ان الدين بالنسبة للمسلم هو مصدر الطاقة الاساسية ومنه نستمد القوة والشجاعة والاقدام على الموت دون خوف وهدا هو السبب الاساسي اللي يخلي كل مسلم يريد القتال في سبيل الوطن يرجع الى الله ويقوي ايمانه وللمرة الالف بحب اقلك ان الاسلام الحقيقي بعيد كل البعد عن التطرف وتقليل احترام غير المسلمين وهدا الشيء ما بيمنع ان في من غير المسلمين الابطال اللي حررو بلدانهم من غير هالطاقة :D |
اقتباس:
|
اقتباس:
يا أنا حمارة يا في شي مو كتير زابط إنت صحيح عم تحكي بنصف منطق بس يا عم هدول اخوانك يالي عما يتقتلوا إلا إدا كنت إسرائيلي أو يهودي فهن بتفرق كتير :frown: |
اقتباس:
|
| الساعة بإيدك هلق يا سيدي 06:36 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
