|
الظواهري: قتل الاطفال اليهود بصواريخ حماس محرم دينيا
بيت لحم-معا- شن الرجل الثاني في تنظيم القاعدة أيمن الظواهري هجوما عنيفا على حركة حماس، متهما إياها بقتل الأطفال الإسرائيليين من خلال إطلاق الصواريخ التي لا تميز بين أحد " عربي أو مسيحي أو يهودي ". وقال الظواهري في أول مؤتمر صحافي له على الانترنت رد فيه على 94 سؤالا أرسلت إليه عبر البريد الالكتروني:" لماذاا تبرر حماس قتل ما لايجوز قتله في المستعمرات الاسرائيلية بواسطة الصواريخ التي لا تفرق بين طفل وبالغ وبين عربي ويهودي، مع ان الشريعة حرمت قتلهم ". |
يا عمي الراجل هاد حيجنني رسمي
قال شووو حراام!!!!!!!!!! مش غارف هوا وين عايش؟؟ مش شايف ولادو شو سوو ببرجي التجارة العالمي؟؟ قتل المحتل والمستعمر حراام بس قتل المدنيين المسالمين إلي ما عمرهم عرفو معنى السلاح مش حرامم يا عمي والله هاد الراجل فاض ومش ملاقيلو حاجة يسويها وبدو الناس تضلها متزكراه دايما يس هو لو بيفهم كان بينخمد وبيسكت كل الناس ما بتنساه ما بتنسا بشاعة المناظر والإرهاب الإلي بيصنعو هوا والمتزمتين والمتشديين والرجعيين |
اى قتل الاطفال حرام
بس يستنو بيكبرو شويه بعد كده يضربوهن |
يا عمي ماش
قتل الأطفال حراام ولنفترض إنو حراام مع أني عندي رأي تاني بس هوا قبل ما يحكي عن قتل الأطفال يحكي عن نفسو الأولى يحكي عن تنظيمو هوا |
بالنسبة لقتل الأطفال
طبعا حرااام بس بتعرفي وكتيش؟؟ لما يكونو هالأطفال زي أطفالنا وأطفال العراق وأطفال أمريكا إلي فاعدين ببلادهم كافيين خيرهم شرهم بس أولا قتل الاطفال اليهود بيصير عن غير قصد وتانيا أنا شو ذنبي إزا إنت يا يهودي جيت وسرقت أرضي مني هاد لحالها بتعطي الضوء الأخضر للمقاومة وبتزيل كل الخطوط الحمرا إلها |
للأسف نزلت عندنا المقاييس وفقدنا انسانيتنا حتى اننا وصلنا بعقليتنا المتخلفة حتى نصير نحكي بشغلات تعتبر " بديهية "
صرنا نحكي هل قتل الأطفال حلال او حرام ؟ :jakoush: |
اقتباس:
ممكن تفرجيني كيف بدها تركب معك على بعضها وكيف بدك تفبركها ويطلع معك قتل الاطفال حلال ؟!؟!! صار في عندي فضول انا حاولت وما ركبت معي فقلت لحالي ممكن تساعدني انت |
ما بتزبط... قتل الأطفال, أي طفل... مهما كان.. شي مالو أي أساس منطقي و عقلاني بنوب (كل أنواع القتل هيك, بس قتل الأطفال لسى مضاعف هالشي)
|
مزبوط قتل الاطفال حرام ......
بس المفروض يكون الظواهري .... آخر شخص يحكي عن هالشغلة يعني ممكن يخبرنا كم طفل مات بعملية 11 أيلول |
اقتباس:
اقتباس:
ممكن سؤال؟؟ لما يتعرض أي إنسان للخطر مش لازم يدافع عن نفسو؟؟ ولما أكون أنا جالس ببيتي وفجأة ألاقي حد بيعتدي عليا وبيسرق داري مني شو بدك إياني أسوي؟ قتل الأطفال محرررررررم بس ذنب هؤلاء الأطفال القتلى في فلسطين ذنب آباءهم وأهلهم إلي بعتوهم على الموت لما يكون إلك طفل صغير بحطو بنص الشارع وبتسيبو يموت؟؟؟؟ هيك اليهود بيسووا لما بيسكنو في بلد مش إلهم سعيتها بدهم بتحملو عواقب ونتائج الحرب اما قصة النظرة المتخلفة هاد بطلوها لأنو أنا من وسط الحدث وعارف إيش الحلال من الحرام !! |
كل هالكلام يا معلم لا يبرر... الطفل مالو ذنب... مو ذنبو بنوب شو عم ينعمل..
|
اقتباس:
أها يا عيني عليك هيك صح قتل الطفل إلي قاعد في بيتو وبين أهلو في وطنو هاد كلمة حراااااااااام أقل كلمة تقال إلو أما في فلسطين المعايير والمقاييس مختلفة تماما والظواهري فعلا آخر شخص يتكلم عن الإرهاب والقتل لأنو في ذمتو الآف من النفوس البريئة هوا وحزبه العدواني والإرهابي الذي لا دين له تنظبم القاعدة |
يا أستاذ ياس الطفل طبعا مالو ذنب
بس برضو المقاومة الفلسطينية كمان ما إلها ذنب لأنو هاد الطفل بيسكن في مكان مش إلو وزي ما قلتلك لما أنا أرمي إبني في الشارع وأسيب السيارات تدعسو سعيتها أنا بتحمل ذنب قتلو مش السيارة إلي بتدعسو وهاد أبسط مثال على ذلك |
هلأ الحكي مانو عن مين قال... الفكرة اللي بدي احكيها انو قتل الطفل... مهما كان الطفل ليكون... شو ما كان. الطفل مالو ذنب أبدا, و الحكي عن كل اطفال العالم.. يعني اجرام الصهاينة لا يبرر الرد ضد الأبرياء.. لا تزر وازرة وزر أخرى.. مو هيك؟
طيب كمان هالطفل مو ذنبو و الله انو أهلو عايشين بمكان مو الهون.. مزبوط ما ترمي ابنك بالشارع. بس هاد لا يعني انو انت تكون ماشي بالشارع و تشوف ولد مرمي و تروح تدعسو عمدا.. أو حتى مو عمدا... مجرد ما تكترث تغيّر مسارك مشان ما تدعسو..لأنو مرمي بالشارع. مو هيك؟ أما انو الظواهري يحكي... هاي نكتة العام... |
برضو زي ما قلت كمان إنو قتل الاطفال اليهود بغير قصد
بالخطأ يعني ومش بالقصد لأنو برضو إحنا عنا أطفال وبنكره حتى نورجيهم لون الدم |
انا اللي استنتجته من الموضوع هاد
انت عندك مشكلة مع الشخص اللي حكى الحكي وحابب تعارضه بشتى الاشكال والوسائل حتى انه حكى فكرة " بديهية " تعتبر لكن مشكلتك مع الشخص وعدم موضوعيتك دفعت انك تعارضه فقط كونه ما بيعجبك وبالتالي ظهر موضوع هاد . بقول لكم مرة تانية وتالتة وعاشرة كمان : كونوا موضوعين ما بهم اللي عبيحكي المهم الحكي اللي عبينحكى وقت بدك تعارض شخص لسبب ما لازم تفرق بين الشخص والفكرة . |
أصلا الشخص جابريال أول مرة أشوفلو مشاركة
وفش بيني وبينك أي حاجة بالعكس بس القضية أنا عندي رأيي وبطرحو وبنتناقش بدون زعل وأنا لما رديت على كلامك رديت بسؤال وحابب أسمع الإجابة بس خليها لبكرة عشان بدي أقوم أنام هلقيت |
اقتباس:
أعتقد انو غابرييل قصدو عالظواهري |
| الساعة بإيدك هلق يا سيدي 15:37 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون