اليوم عيد ميلادي : أمي بتعايد علي ولا أنا بعايد عليها ....؟
اليوم عيد ميلادي ، و هالمناسبة العظيمه بتصير مره كل سنه مره وحده بس >>>>>> معقول بس مرّه !!!
ما بدّي احكيلكم قصه حياتي كالعاده ، بس رح اذكر مشاهد مختاره : ------ ------ ------ ------ ------ ------ ------ المشهد 1 ( انا متوجها لعند أمي ) : نصر : ماما اليوم عيد ميلادي ، كل عام وانتي بخير ... موووه ماما : وانتا بخير و صـ...... المفروض انا هنّيك مو انتا ! نصر : بالعكس ماما انتي اللي تعبتي مو انا ، انا بهنيكي وبتشكّرك .. << وهاد جواب السؤال اللي طرحتو بالعنوان ، انا بصراحه ما كنت مفكر بهالكفره نهائيا ، بس اجتني بعد ما هنّيت امي " هيك من عند الله اجتني " .. وعجبتني فكرة ان الواحد يعايد على أمّو بعيد ميلادو ( ولو بجيب هديه بكون تووب ) ، شو رأيكم ؟ ------ ------ ------ ------ ------ ------ ------ المشهد 2 ( عم بحكي وانا امي عن ذكريات يوم ميلادي ) : ماما : ولما حملتك الممرضه المصريه قالتلي بلهجة مصّريه : " ايه الولد ده ، ده ئـمـر .... نصر : نياهاهاها ماما ( تكّمل ) : ...... و زي العجّل ما شاء الله ، ده وزنو خمسه كيلو "! نصر : !!!! الله يهدي المصاروه ، ما بكمّلو معروفهم ، بالاخير إلا ما ينّزعوها ! ------ ------ ------ ------ ------ ------ ------ المشهد 3 ( بالنت ) : اول ما فتحت النت لاكتب هالمشهدين ، لقيت انو وصلتني رساله تهنئه من عضو بالمنتدى ، ما بعرفو لا بيعرفني ، علاقتنا مجرد ردود بالمنتدى : كانت بادره كتير حلوه من الشب ، انبسطت فيها كتير ... ومره تانيه بقلّو : كلك ذوق ، عراسي ضعيتك ------ ------ ------ ------ ------ ------ ------ انتهى ... و بفتح الباب لقبول التهاني |
كل سنة وانت سالم
|
اي ريتو كل سنة وانت سالم يارب...
وعقبال مانشوفك هيك هالاد:D |
كل عام وأنت بخير :D
|
كل عام وأنت بألف خير أبو شريك
عقبال ما تتحقق كل أمانيك :D ونفس الحالة : بس فرق الساعات بيناتنا .. الزلمة ساعتو مسبّقة :lol: يعطيك العافية ساتومان :D |
كل سنة وانت سالم - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
وتاني شي كل عام وانتي بخير حبيبة عم تكتبي عربي :p |
اقتباس:
|
|
الله يطول بعمرك ويكترك سعاة وهناء
اما بالنسبة لساتو فهو كير ذوق فلا تستغرب ما في شي غريب joeux anniversaire nacer مو اسمك نصر؟ تالت شيء مو انت اول ةاحد يعيد امو بعيد ميلادو انا دائما اعمل هيك من اليوم للي انولدت فيه لهلا تعرف ليش لانو انا انولدت بنفس يوم ميلاد ماما يعني بدل ما تعمل حفلة راحت للمستشفى تتعدب بسببي:cry::oops: happy birth day to you |
بونفيت :D.......
|
باب التهاني المفتوح لا يتسع
لقُبلة كل عام ووالدتك بك أكثر فرحا وشباب |
انشالله كل سنة وانت سالم وعيد ميلادك الجاية يكون أحلى وأحلى :mimo::mimo::mimo::akh:وانا بكره عيد ميلادي انشالله يعايدوني متل ما عايدوك ولا بغار :da7ook::da7ook::da7ook:
|
عاما سعيدا و عاما مديدا .... :D
و فكرتك عجبتني ... بس ما أضمن رح طبقها :lol: |
كل سنة وانت سالم ابو شريك
ولاتنسو كمان اليوم عيد ميلاد سيريان غي ينعاد عليكون وعقبال المية سنة:D |
القصّة بمشاركتك كتير حلوة وبهنيك عليها!
ومن ثمَّ بعايدك وبتمنالك تعيش بفرح وسعادة وسلام :D. |
كل عام وانت بألف خير...وعقبال المية ..:D
|
اقتباس:
اقتباس:
اقتباس:
اقتباس:
وانتي سالمه يا حبيبه :) اقتباس:
و انتا بالف الف الف خير يا ساتومان .... واحلى ورده لاحلى ساتو :D اقتباس:
بس بونفيت الك ولعيلتك ولكل الاحباب والاصحاب :lol: اقتباس:
صدفه عجيبه غريبه ، اول مره بقابل حدا انولد بنفس يوم ميلاد امو ... نيالك فرحتك فرحتين ;) الله يسلمك ويسعدك انتي والوالده :D اقتباس:
جميله جدا أمنيتك .... شكرا ارسلان ودمت بخير لأحباءك :D اقتباس:
خيو بكرا اذا ما حدا عايدك انا رح شغّل معرفاتي الاحتياطيه وصير عايدلك :o:p اقتباس:
ومشان الفكره ترا تطبيقها منيح ، الام كتير بتفرح فيها ..... انا امي كبرتلي هديه عيد ميلادي هالمره من بعد هالشغله :lol: اقتباس:
اقتباس:
اقتباس:
وانتا بالف خير يا ابو الوديع .... و مره تانيه بحبحهم شوي ..... 100 ما بتوفّي .. بدي شي 200 - 300 عالاقل :o |
الساعة بإيدك هلق يا سيدي 23:00 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون