|
زيدان .. ما حبيتها منّك ..
اذا ما شفتو شو عمل زيدان بآخر مبارة لإلو شوفو هون ..  و بحط علامة استفهام كبييييييييييييرة .. ؟ مع أنو زيدان قال انو ماتيراتزي "المنطوح" ما شتم الدين الإسلامي أو عيلتو .. فا ليش زيدان خبطو هيك و الحمدلله ما مات لأنو كان تشرشح بوقتها .. و بتعرفو الضربة ع الصدر بتقتل .. اذا انزعج منو هالقد يضربو بكتفو ......؟؟!! لك يضربو بإيدو مو مشكلة.. بس براسو و بشكل مفاجئ متل ما شايفين!! .. بالنهاية الحمدلله ما انقتل بالعملية ماتيراتزي و شو رأيكم..؟؟ |
ما بدها ليش ....
شرش العروبة دق فيه ههههه ( يعني قد ما بعد .... بيضل اصلو عربي ) |
اقتباس:
|
الضربة كانت خفيفة كتيرر ... وهاد ماتيراتزي متل الولد الصغير زت حالو على الأرض بس مشان زيدان ياخد كرت احمر .... وبعد ما شاف انو زيدان اخد الكرت وطلع برا الملعب قام ولعب وكأنو ما صارلو شي ....
اللعبة مشكوفة منذ البداية يا أحبة |
اقتباس:
هلأ نطحة هالتور كانت خفيفة كتير بتعرف انو أي ضربة على عضلة القلب ممكن تسبب توقف للعضلة و ممكن يموت الانسان نتيجتها يعني الله سترو لماتيراتزي من هالحيوان الهايج |
مؤامرة ليطلع زيدان .. ونجحوا فيها .... مبروك .. بس مو هيك أخلاق كرة القدم ... انك تستفذني حتى أطلع برا المباراة .. خدو المباراة .. بس كنا نودع زيدان بوداع يليق بعظمته الكروية ..
اي واحد منكم يحط حالو محل زيدان رح تكون ردة فعلو نفس الشي اذا مو اكتر |
:D
اقتباس:
|
اقتباس:
أنا بستغرب لما بتكون أنت بتحب لاعب أو منتخب ... ولك يا أخي لو بتحب حجر .. شجرة ..بيجي واحد تاني بيحكي على هالسجرة قصداً بس حتى يعصبك أو ليقلل من شأن هالشجرة ؟؟ يعني شو بدهم ما بعرف .. والمصيبة التانية أنو نصهم ما بيعرف فريق كرةلقدم كم لاعب .. تحياتي ألك يا غالي |
اقتباس:
لك بتحاول تناقشو بأي شي و بأبس شي بتلاقي دغري صار يقلك ايطاليا و ايطاليا و أخدنا الكاس لك هيك واحد شلون بدك تناقشو ؟ |
اقتباس:
الأخلاق هيي أنك تضرب الواحد (قصدي تنطحو ) حتى تكون أخلاقك الرياضية عالية أنا ما عم دافع عن ماتيراتزي لأن هالشي اللي ظهر على التلفزيون واضح و ما بدو شرح و لا دفاع و على فكرة انا مليت من هيك مشاركات و ردود على شعب ما بيفهم و راسو مسكر و دماغو مطلسم أصلا ازا كان عندو دماغ |
آخر ما قالو اللاعب المنطوح "ماتيراتزي" عن الحادثة:
أهنتُ زيدان لأنه متعجرف  اعترف الدولي الإيطالي ماركو ماتيراتزي في حديث إلى صحيفة "لا غازيتا ديللو سبورت" المحلية المتخصصة أنه وجه عبارات إهانة إلى القائد الفرنسي زين الدين زيدان لأنه "متعجرف". وكان زيدان طرد من المباراة النهائية لكأس العالم التي فازت فيها إيطاليا على فرنسا 5-3 بركلات الترجيح بعد تعادلهما في الوقتين الأصلي والإضافي 1-1 الأحد الماضي على الملعب الأولمبي في برلين، وذلك لنطحه ماتيراتزي. ووصف ماتيراتزي الحادثة قائلا: "لقد مسكته من قميصه لثوان معدودة، فاستدار نحوي ونظر إلي بتعال وقال: "إذا كنت تريد فعلا قميصي سأمنحك إياه لاحقا", وصحيح، لقد أجبته موجها إليه الإهانة". وفي سؤال إذا ما كانت الإهانة طالت شقيقة اللاعب الفرنسي حسب ما ذكرت بعض وسائل الإعلام، قال ماتيراتزي: "هذا النوع من الإهانات نسمعه عشرات المرات أثناء وجودنا على أرض الملعب، الأمر الأكيد أنني لم انعته بالإرهابي، إذ لا أعرف أصلا معنى كلمة المسلم الإرهابي". كما أكد ماتيراتزي أنه لم يتناول والدة زيدان أثناء إهانته للاعب الذي اختير أفضل لاعب في المونديال: "لم أتناول والدة زيدان لأنه بالنسبة لي الأم مقدسة". وذكرت صحيفة "كورييري ديللا سيرا" في مقال أن ماتيراتزي فقد والدته وهو في الـ14 من عمره وبالتالي لا يمكن أن يكون قد أهان والدة زيدان. في المقابل، نقلت صحيفة "ذا تايمز" البريطانية عن جيسيكا ريس إحدى أفضل قارئات الشفاه في بريطانيا بأن ماتيراتزي قال لزيدان: "إبن العاهرة الإرهابية" قبل أن يقوم الأخير بنطحه ليطرده الحكم. وقالت الصحيفة البريطانية: "بعد أن قامت ريس برؤية شريط الفيديو بإمعان وبفضل مساعدة مترجم إيطالي توجه ماتيراتزي إلى زيدان بالعبارة التالية: "ابن العاهرة الإرهابية". وأكدت "دايلي مايل" أيضا في عددها الصادر الثلاثاء بأنها استعانت بقارئ شفاه أيضا من دون أن تكشف عن هويته مشيرة إلى أنه توصل إلى الاستنتاج عينه. وكان اختصاصيون برازيليون أكدوا في برنامج "فانتاستيكو" الأحد الماضي أن ضربة الرأس جاءت عقب تلاسن بين اللاعبين وبعد أن جر الإيطالي صانع ألعاب المنتخب الفرنسي من قميصه قبل أن يصف أخته بـ"العاهرة" مرتين ويشتم زيدان نفسه ب"كلمة كبيرة" غير واضحة. المصدر: وكالات |
اقتباس:
:? :? على مين يجد هالكلام يحمد ربه ان الامر توقف ع نطحة مستحقة غيرلي نظرتي فيه هالماتيراتزي حتى العنصرية دخلوها الايطاليين في ماتش نهائي..ما كانت حلوة منهم وبالعكس زادت كبرت قيمة زيدان بكرت احمر او حتى بمليون كرت احمر زيدان يضل زيدان ومش رح يوصلولو:oops: :oops: |
اقتباس:
صدقيني منيح اللي ما مات لأنو ضربة قاتولية ..كان يضربو بإيدو ..يضبرو بكتفو ..ما كان صار هالحكي كلو.. كان ع زيدان أنو يتروا و ما يعمل هيك ..لاعب كبير و اسطورة عيب يعمل هيك مهما كانت الظروف.. اذا صارت معي كنت بخبطو بوكس ..بس انطحو ...!!!؟؟؟!!! كبيرة كتير |
2 ملف مرفق .
اقتباس:
ولو كان فعلا يتروق مثل ما تقول ما كان عمل هشيء من اصله وفي مقابلة نهائية يعني الواحد في هيك لحضة ينسى اسمه وما ينتبه أي اسلوب يستخدم...وبالاخص في نهائية مونديال والاعصاب مشحونة عالاخر لاكن الشيء اللي ما عجبني يمكن في هذا كلو...إن زيدان كان يلعب في فريق من بلده من كم سنة فما كانت حلوة منه الايطالي انه يسبه ...احتراما لهالعشرة القديمة ههههه |
طلع منها ولي
صرتو كلكن دكاترة و بتفهمو كل واحد يلها بلهاه و حاجة تتناولو اخبار زيدان غيركن اولى و افهم انو يتناولها بشكل حضاري ....... و غضبا عن الكل و بشهادة الخبراء نال لقب احسن لاعب و هداف المونديال ما بدنا اكتر من هيك ...و الكاس ينباعو بالعزى فيه الطليان اللي بيكرهو كل عربي مهما كانت جنسيتو روحو لحلحولن شوي.....المناصرين لانو بيحطولكن بجيبتكن او بيطعموكن خبز؟؟؟؟؟؟؟ حاجة بقى و طلعو منها زيزو العربي الوحيد اللي شرف العرب على مدى البعيد سجلو كتييير كبير ما فينا حتى نختصرو اكبر راسيستيين في العالم الطليان ...........سلعة اميركا اكييييييييد شايفين على هالشوفة زيدان سمعتو متل المسك......... و الصياد الطيور و اسير التشرد مشكورين هودي السوريين اللي بعرفن تعيش حومص و حلب على راسي من فاوق هيدا البلد اللي مشيت بالمظاهرات منشان براءة سورية ...هديك الايام السودا الله لا يعيدا علينا زيدان ما بدو حدا يحكي عنو ...... حلو عنو |
اقتباس:
أل الطليان بيكرهو العرب أل لك يا روحي هدول الطليان اللي مو عاجبينك بسنة ال82 لما ربحو كأس العالم بتعرفي لمين هدوه ازا ما بتعرفي أنا بقلك هدوه للشعب الفلسطيني و اللبناني اللي كان عم يعاني من الجيش الاسرائيلي بوقتا يعني هاد شي ما صار قبل و لا بعد وقت ربح زيدان تبعكون كاس العالم تزكر يهديه للشعب العربي شي ؟؟؟؟؟؟ أكيد لأ لأنو هوي نفسو مو عربي هوي بربري زكرولي مرة وحدة بحديث لزيدان قال فيه انو عربي و لا بس نحنا شاطرين نطبل و نزمر عالفاضي و بدون سبب و صدقوني لو كان زيدان بيعرف شو عم تحكو عنو كان نطحكون متل ما نطح ماتيراتزي لأن بيعتبر كلمة عربي اهانة و يمكن أكبر بكتير من الاهانة اللي وجها الو ماتيراتزي (شعب غشيم مو عرفان الله وين حاطو ) |
انا كمان بربرية
كرمال هيك عم بحكي يا قلبي و شو ساوو لما هدوه لفلسطين و لبنان تحررت فلسطين او لبنان صار اوروبي افقر من الفقر زاتو يا ابني انت اللي غشيم و جلدة راسك سميكة عمى عينيك شادي جاردان |
بس ما جاوبتيني على اللي سألتو
|
| الساعة بإيدك هلق يا سيدي 17:50 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون