|
الفرق بين ابن المسؤول وابن المواطن
ابن المسؤول بيروح عالمدرسة بسيارة الشبح تبعيت البابا وبتجا تاخدو باآخر الدوام
أما ابن المواطن العادي فبيجي مشي عالمدرسة أو على البسكليت بهالبرد وبيرجع متل ما إجا ابن المسؤول كل تيابو من عند ماجيلان واستيفانيل وبنتون وكلو ماركات ابن المواطن كل اتيابو أجنبية بس من البالة طبعا ابن المسؤول كل رفقاتو بحبو والكادر التدريسي وبدن بس رضا ابن المواطن عندو اذا كترت رفيقين تلاتة ويا ويلو اذا غلط شي غلطة بالمدرسة ابن المسؤول متعود عالخرجية مو أقل من 500ليرة باليوم ابن المواطن خرجية 500 بس كل سنة مرة وبالصدفة كمان ابن المسؤول بيجا عالجامعة بسيارة الفرع يلي فارزلياها البابا وطبعا ما بحب يصفا غير عند باب الكلية ابن المواطن بيطلع بجحش البلدية (أي الباص الداخلي ) أو بياخد سربيس وبياكلو شي 100 رفسة ونطحة ولبطة وما يوصل طبعا هاد إذا كان الجو صحو أما إذا كان مطر فيا عفو الله ابن المسؤول مفطوم عالكابتشينو والنسكافيه والمالبورو والشوكولامو وهدول الشغلات ابن المواطن يعني إذا ضربلو كاسة متة الصبح بكون منيح والدخان شرق أو حمرا طويلة (الطول الفاخر) ابن المسؤول أي معاملو الو بتمشي متل المي بالنزلة ابن المواطن بتطلعلو قرون إذا بدو يطلع أي ورقة من جهاتنا الرسمية (هه) ابن المسؤول جوالو آخر موديل وشريحتو خط وأكيد ببلش ب0933او 0944 يعني عأساس جايبو من لما كان حقو 60000 ليرة ابن المواطن معو بيبي نوكيا يا دوب شامم ريحة التغطية والبطارية ما عنتشحن ومعو 8 وحدات للتعليم هي إذا ما كان بفترة السماح ومقضيا على الcall me ابن المسؤول بيسهر بالنايت كلاب (عو عو) أو بيطلع بيعملو كسدورة بالسيارة مع زميلتو يعني البوي فريند الأوبن ماين و الكووووول كتير ابن المواطن بلم الفريق تبعو وبيفتوا تركس للصبح مع تقرقع المتة القاطعة ابن المسؤول ما بيسمع غير وائل كفوري وتامر حسني والميتال وهيك شغلات طبعا لأنو إذا سمع غير هيك بتعضل دانو ابن المواطن بحب علي الديك إو وفيق حبيب يعني الطرب الشعبيوما فارقا معا حدا ومستعد يضرب موال لعلي الديك بنص المدرج يلا بكفي لهون لأنو هي الفروق إذا بعد للصبح ما بتخلص كتبتا على أنغام مارسيل خليفة (أنا يوسف يا أبي ) عندما مر النسيم وداعب شعري غارو وثارو وعذرا من ابناء المسؤولين من ابن المواطن :larg::larg: |
اي والله يا شريك ما ينعدووو تسلم ايديك
|
شوزنبي أنا اذا بابا مانو مسؤللللللللللللللل:cry:
|
وانا كمان متلك شريك
بس احمد الله انو ابوك مو مسئول انو ابوك مواطن وعايش بشرفو وكرامتو :D |
بس عالقليلة ابن المواطن والمواطن بينامو مرتاحين وايدن نضيفة ..........
|
والله يا حبيب مارح ينام مرتاح لنو الهم بيكون راكبو ركب
قال مرتاح قال تأكد لو صرلو ما بيقصر يا حبيب النفس أمارة بالسوء |
شو مشان ابن المسؤول يعني
|
أنا بابا مسؤول ""مدير مدرسة""وما حدا قدي:sick:.......بس ترى عندي ضفرو بالدنيا;)
|
الله يخليلكيا
|
اقتباس:
|
شكرا جدا جزيلا... وانشالله كل آبائكن بصيروا مدراااااء مدارس:p:p
|
الله لا يقدرر انا مو صدق انو ابوي يطلع تقاااعد
|
| الساعة بإيدك هلق يا سيدي 22:51 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون