|
بابا/ ماما... كيف بيجو الولاد؟
هلأ هاد السؤال يمكن من أكتر الأسئلة اللي تبلكم الآباء و الأمهات لما بيسألوه الولاد الصغار... و عادة يكون سبب لبكة و الواحد ما بيعرف كيف يرد و يصير أخضر على أحمر على بنفتحي
جودو علينا لنشوف و اخترعو قصص ممكن تنحكى لولادكون بالمستقبل لما راح يسألوكون هالسؤال... مشان تكونو جاهزين مو مشان شي.. بدنا المصلحة العامة :lol:..بالنهاي يجوز نعمل استفتاء أحشش قصة :larg: ملاحظة: القصة الحقيقية لكيف يجو الولاد :p و مثيلاتها مو مقبولات... القصد من الموضوع التسلية و الضحك عالسحبات المحتملة ليس أكثر :pos: سلامات |
هلق أنا لما كنت اسأل امي لما كنت زغير . كانت تقلي ازا بدو الله منجيب ولد.
فكنت اتخيل انو امي وابي بيقعدو يترجو الله لحتى امي يكبر بطنها. بعدين طورت الفكرة بس صارت امي معي متل مريم العذراء من كتر تطويري الاهبل :p. اما بالنسبة شو بدي قول لولادي :?. يعني حاسس حكاية امي مقبولة ولا شو رأيكون :?.. ميرسي ياسين ع الموضوع .. حبيتك كتير برا المنبر :p. |
هلأ البابا ما الو دخل .. البابا لفت المصاري :pos:
والماما كل اربع خمس سنين بتجيب ولد هيك فجأه ( نظرية النشوء التلقائي :lol:) |
بسيطة قصة قديمة وتقليدية
العصفور بيجيبن وبيحطن على الباب ونحن منفتح مناخدهن شلون ;) |
اقتباس:
ومشان الموضوع ما بتخيل رح يسالو ... لانو الجيل الجاي رح يتعلم ببطن امو كل شي ..:larg: |
يوم اللي بدنا نجيب ولد
كنا نرش سكر تحت السجادة بالليل و بس نفيئ الصبح نلائي الولد تحتها :melody: ® |
أنا بصراحة رح قول لأبني الحقيقة من أولها وبدون تهرب .. بدي علمو بالتفصيل وبالشرح وبالأمثلة كمان ... خليه يتعلم ويكون عندو خبرة! :deal:
|
:p اي اي ملعوب ها هالموضوع ..
هلا انا على حسب ما ازكر يعني ... انو كان ينحاكلي .. او ينضحك عليي بالاحرى .. :pos: روح لعند الحجي .. مرحدا حجي ... اهلين .. شو بدك .. بابا انا كيف اجيت ... طبعا ردة الفعل الاولى بتكون عليك انو ... كل البشرية اللي فهمانة الوضع :frown: بتضحك عليك .. انو انت بتطلع فين .. الك قلب تقدح كل واحد فين النصيب :jakoush: انو ليش عم تضحكو ... عم احكي نكتة انا ولا عم اسال .. :frown: بعدين بعد الاصرار والضحك المتتالي والتقفيل المستمر سواء من خوالي كان او من اخي او من مين ما كان ... بيصلك جواب مبهم .. بفوتوك فيو ب 100 حيط .. بقلولك انو .. هنن بس يتزوجو لحالن الله بيبعتلن ولد .. هيك متل .. يعني المباركة ... بيبعتلن ياها .. بعد العرس :p طيب انو فهمنا .. اول ولد هيك ... التاني كيف اجا .. قال اي خلص .. بما انو ... اول واحد اجا .. وصار جوا .. بقا بصير جوا متل منبع ... ايمت ما بدا الام .. بتطالع ولد .. وبتبظو :o هي العلم الحديث .. مو متل العلم هلا .. :p بس انا ببالي .. فكرة تانية ... انو ازا اجا مثلا هيك هادا الفصعون بدو يسال ... اول شي بدي اضحك عليه طبعا :clap: شو مفكر لكن .. بدي رد حقي ... شه شو شايفني .. :gem: بعدين ... بعد هيك بأنجل عليه شوي .. بقلو تعا لقلك تعال ... يا زلمة شو بدك بوجعة هالراس .. خليك انت هلا ... بهمك ... طبعا ما لح يرضى .. بدو يحنتر ... الابن سر ابيه :pos:بدو يردا يعني ... انو ليش عم نضحك .. بقا بخترعلو ... قصة انو .. هدية من الله ... هيك ... وبعدين بيصير الموضوع ... حسب رغبة امو .. ايمتا ما بدا .. بتطلعلا شي واحد هيك خلنج ... يصف جنبو .. :larg: العما ما يقلي .. كزاب .. قلي طلعلي واحد لشوف .. ساعتا شو بدي ساوي :p بطلع بلطشلي شي ولد من الشارع ... بكون ملعون ابو افطاسو ... ههههه بقلو ليكو .. بس لسا .. لساتو وصخ .. طالع من بطن امو .. حديث :p حاجة يا روحو عنا ... العما هفففف هههههه بس حلوة الفكرة حشيشة ... زكرتني بلحظة الحنترة .. اللي صارت معي :pos: |
انا لما سألت أمي ها السؤال قالتلي
أنو البنت بس تلبس فستان أبيض البنت بصير ببطنها بيبي بعد اشهر وقالتلي كمان انو اذا الوحدة لبست فستان ابيض بدون ما تكون عروس مابيكبر بطنها لازم يكون في عريس كرمال يأيم الطرحة عن وجه العروس كيف ها القصة شغلة ما وبتخيل انو زابطة القصة اذا قلتها لولادي بالمستقبل وبتخيل كلام Roaa منطقي وواقعي جدا لأنو اطفال المرحلة الأبتدائية الأن بيعرفوا كيف بتجي الأولاد |
اقتباس:
مالك سئلة ابدا:pos: |
اقتباس:
|
كان فى مره ولد صغير سأل باباه انا جيت ازاى
عشان الاب يهرب من الاجابه قام قاله انا جبت شوية سكر وحطيتهم تحت السجاده تانى يوم شلت السجاده لاقيتك فالولد بعد الكلام ده عرف ان الموضوع سهل اوى فقرر يبقى أب وجاب سكر وحطه تحت لسجاده وتانى يوم بيشيل السجاده لقى صرصار قاله بس لو ماكنتش ابنى |
اقتباس:
اوعى مني ... بتعرف .. اشيا عن المره ما بتنحكي هون :pلانو في شباب لما ماما بتقلا قبل ما تطلع عالمدرسه يا بنت انتبهي عحالك ما تمشي لحالك.. وهكذا بتقلا ماما ما تخافي اذا حدا بدو بوسه بقلو من خدي اي بس غيرها لا .. عملتلي يأس من الجيل الجايه ...:pos: الله يرحم ايامنا :frown: |
ياس يا رجل ما عرفتك وانت برا المنبر :o
|
الموضو كبير لازمه صفنة مع سيكارة وفنجان قهوة
|
اقتباس:
|
أنا امي كانت تقلي انو بس يتزوجو الزلمة و المرا بيتفقو انو يجيبو ولد و بيتمنو ، بعدين المرا بتصير حامل ، بعدين بيقومو بيشمموها شغلة بتقوم بتعطس و بيجي الولد :oops:
|
انا كنت مفكر انو لما بدها المرأة تجيب ولد ..بتجيب على خاطرها يعني .. بطنها بكبر وبتجيب ..
بس انا من زمان عندي انترنت .. وكنت ادخل اتعلم عن طريقة ... يعني اتعلمت بدري .. الحمدلله .. بالصوت والصورة .. :shisha: ابني .. !! .. بجوز يجي متعلم . |
| الساعة بإيدك هلق يا سيدي 01:11 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
