|
علاقة البطالة بشرب ( المتة )
علاقة البطالة بشرب ( المتة ) الاربعاء 26/9/2007 خولة غازي ليس خافياً على أحد نسب البطالة المتفاوتة بين الريف والمدينة , حيث إنها تنخفض في المدينة لصالح الريف , الذي هجر شبابه الأرض مؤقتاً بسبب العلم حتى الدرجات العليا ... وبانتظار الوظيفة والراتب المضمون لدى القطاع العام طال انتظارهم الذي لم يبدده سوى ( كاسة المتة ) , ولايحلو الشراب إلا ضمن مجموعة من هواة الانتظار وتبديد طول الوقت ... لذا ارتبط شرب المتة ( بالتنبلة ) , ورغم ان هذا الشيء سوف يزعج هواة ( قرقعة المتة ) , إلا أن طول مدة شربها ووجود مجموعة الأصدقاء مع صحن بزر (العشاق ) سوف تمتد الجلسة إلى أن تحل كل القضايا وهم في مكانهم , لم يتحركوا ... رغم أن هذه النبتة ( المتة ) , التي جلبها أجدادنا ( فرحاً ) بعدما عبروا البحار للوصول إلى أمريكا اللاتينية , وظنوا انها أهم من إنجاز كريستوف كولومبس الذي ( تخيل ) أنه وصل إلى الهند , بينما كان قد وصل إلى أمريكا ... وهذا ماحدث مع أجدادنا الذين اعتقدوا انهم جلبوا شراب السعادة , أو لنقل »عشبة الخلود ) التي بحث عنها جلجامش لإنقاذ صديقه انكيدو ... إلا أن الواقع كان غير ذلك فهم لم يجلبوا السعادة ولم يكتشفوا عشبة الخلود ... بل هم جلبوا »التسلية) فقط لاأكثر ... لتمضية الوقت ... غالبية المهاجرين يوردون لبلادهم الأعمال النافعة , وهم ظنوا انهم فعلوا ذلك ... قد يكون مانقوله هو نوعاً من تعليق الأخطاء على مشجب الأولين ... إلا ان الواقع يفرض أن نستنتج ونخمن ... إذ لايمكن أن نلقي اللوم على البطالة لأية جهة ... حيث إن الجميع يتبرأ منها , أو يعتقدون أنهم يعملون ليل نهار لتأمين فرص العمل ... إن المسؤول بكل تأكيد عن البطالة هي»المتة ) ... فلولاها لكانت فرص العمل تبحث هي عن الشباب العاطلين ... وفي موقع الأخوية كتب أحد المعلقين رداً على تغزل العديد من الشباب بشرب المتة : »المتة رمز التخلف في مجتمعنا السوري .... عندما تزول المتة يزول الظلام .................... طوبى لمن شرب النسكافيه في عصر تسود فيه المتة ) وفي موقع زيدل كتب مغترب : »انا أشرب المتة بفترة الصيف (بسورية ) وأجد فائدة للمتة في الجمعة و اللمة الحلوة بين الاهل والاصحاب عندما يجلسون 10 ساعات يشربو ها) . إذاً كما قلنا كل الحق على المتة ...!!!!! - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
بس يللي لفتني اقتباس جريدة الثورة لكلام حشت نشت بهالموضوع  - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
شو مشان شو قراهون بهالرد؟ صرلو تلت سنين؟ يلعفش ليش هيك حاسس انو :? ما بعرف شو حاسس بس احسس غريب؟ لا يكون كاتب المقال شي عضو بالاخوية مثلا او لا يكون ابو نهلة شخصيا هوي الكاتب الموضوع وتشهد بموضوعو بجملة كاتبة ايامات زمان شيه والله عجبة:shock: |
شو دخل البطالة بالمتة ..
أنا عندي شغلي الحمدلله ، بس عندي كمان كاسة المتة كل يوم ضرورية .. |
اقتباس:
|
اقتباس:
|
اقتباس:
|
البطالة مو من المتة
بس هي عادة العرب بيدوروا على اتفه الاسباب ليعلأوا عليها فشلون المتة اكيد مشروب لوقت الفضا والتسلاية لانو المشروب الوحيد اللي بيطول مو متل الشاي او القهوة او اي مشروب تاني............ وهاد رأي الشخصي:D:p |
الموضوع اخد زيادة عن حدو
والشغلة كلها كيفيةو ما الها علاقة لا ببطالة ولا بطيخ يعني متلا متل كاسة الشاي وفنجان القهوة والكولا يعني شي عادي جداً بس الحلو بالموضوع متل ما قال ماد انو اخدين من الاخوية عبارة للتأكيد عالموضوع :yahoo: |
اقتباس:
شو قليلة الأخوية بفكرك :larg: |
منيح اذا عرفنا سبب البطالة والتخلف هيك بهالبساطة
العمى وطلع الحق على المتة مع اني مو من شريبين المتة بس اكيد ظلموها |
رغم كل المشروبات و من بيناتون المتة اللي بشربها كل يوم تقريباً واللي ع فكرة بتحسسني بالهدوء ( هدوء الأعصاب ) بعد المطابشة و الأخد والرد وأكل الهوا اللي بالشغل و تعبو .... مازلت و الحمدلله في تقدم مستمر :D
|
1 ملف مرفق .
وهي شريب متة على الاصول
|
المتة وما أدراك ما المتة وهل سمعت بفوائد المتة............ ولك يازلمة المتة هي المتة ...شبنا:lol:
وين شباب طرطوس يردو |
انوو هلا بما اني عم اشرب مته ..
رح اتراجع دراسيا .. وعمليا .. ضعتي ... يا دلوعه :cry: |
ايوااااا ..هلاء أنا عرفت سبب تأخرناو و تخلفنا
ولك لحقتونا على هالكاسة اللي عمنقرقع فيها و نسيتو الحرامية و المرتشين و المتنفعين و المتسلقين و المنافقين عجبي |
شباب كذب هي أنا درست البكالوريا و انا عما اشرب متة
و ليكني جبت 205 و لح أعمل دبلوم بكالوريا و انا و الجوزة |
المتة يأخوان دواء لكل أنسان تروي العطشان وتذهب الهذيان وتداوي الهيمان وتبعد عنك مخاطر الأدمان و.....
|
| الساعة بإيدك هلق يا سيدي 06:59 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون