|
النعّي وماهيته
النعي : وهو عدم قدرة الشخص الناعي على التأقلم والتعايش مع الوضع القائم والموجود . فا يلجأ إلى النعي . كـ وسيلة علاجية أسبابه : تكمن بوجود هوة عميقة بين الأنا كـ أنا وعدم إستيعاب فكرة الضعف المتأصلة بـ سما ربو . والنعي ياأصدئاء هو الشيئ الفريد و الوحيد المبدعين فيه . وحياتك . وو حيات غلاوتك عندي . فا تعالو معنا ياأصدئائي في رحلة حول العالم لتشريح هذه الحالة وبكل موضوعية وتجرد . بركدن بنحس عـ دمنا . وبنصير خلئ وعالم . انو هيك كم تساؤل عـ كم اشارات تعجب عـ كم كلاشينكوف موجه عـ خلئتك .. ليش ؟ لأنك تنح . أو يجوز يكون مركز الإحساس هادا يلي بتلائي . بلـ الفص الأيمن أو الأيسر . مافارئا . نقرض مابعرف .. يعني هلأ لما بتنطج سؤال .. عن تخبيصاتك ياباشا ؟ ليش هون .. وهون بلذات بتصير مبندئ بـ اللوفكة والكزب وأكل الهوا .. ليش لـ تنزل كم تمساح عـ كم نمر من السما . ليش لتتهرب من ئصة انك فاشل .. فكرت شي مرة بـ شي يسما التأقلم مع نفسك ولـ مصلحة نفسك بلآخر يا آفة . ليش لـ حتى تحسسني انو كل الدنيي وائفة بوش أحلامك وطموحاتك . وحياتك مسال للإضهاد والتعذيب وغواتنامو وهلئتصص . وانتي ياحرام .. ئدام هلـ حرب الضروس فعلاً المشنة عـ ربك .. ما فيك تآتي بحركة . ليش لـ تسردلي ئصة حياتك .. وو مع كل تخبيصة .. بتكون لحئتا بـ مية عزر و عزر .. وانو الخلايء ناطرتك عل دعسة . ياحرام ليش لـ تنعي .. وتشلف زبالتك ونتانتك . عـ الزمن والدهر .. وانتي أبو الئرف وأبو الزبالة . وأبو أبوك على أبو لي عبدك . لك ليش مابتتأقلم مع عيبك يانتن . وشو كمان .. أي . آلـ ياأالله ماحدا عم يفهمني . مين هاد لي بدو يفهمك . ولك مين فاضيلك أساسأ . بعرفك كبير .. وحياة مرت عمي .. بس الـ مشكلة يانتن . انك لك تماشيت مع كزبك . بينك وبين حالك .. عمتحس انو هلمهاترات ليـ عم تطلع معك . مزبوطة وبـ إعتبار انك كبير. والفهمنة متأصلي بـ دمك . و تئبر ئلبي ريتك . فا اجباري بدك تتفهمن وتعلك . وتحكي سياسة واقتصاد و هلم جرا . وخود عاد .. تعا ئيمني .. انا.. ومن هون يعني . مابدي حاسبك .. ولا بدي تئول انا غلطت هون وهون . بعمرك شفت حرامي بئول عن حالو حرامي .. هئ . بس لاتنعي داخل ع نانتك . أنا . وفتت بلحالة زيادة عن الزوم .. فا وجعني راسي بسّ انو انتي متصور شي بلبل .. طالع علجبل بعد الدعكة الوراثية . فعلاً . متل ماقال قائل : كدر كدر . حزن عميق وليك طلّع فيي مو هلأ تروح تتأريف ... شنو . بعرفك . نفسك بتلعي رأساً . سلام . اورفوار بونجور بنسوار اوكي . دونت كير |
خرسنتنا :lol:
مو مشان شي.. بس مشان نص الحكي ما فهمتو :lol: |
شو هاد عمي؟؟؟
مافهمت شي:cry: اول مرة بتصير معي بالعادة افهما عالطاير يسلمو |
حلوين الحكيات كتير يسلمو
وبرأي السبب بهدا ابو التخبيصات الكبيرة الي ممكن كون متلو انو نحنا ما تعودنا نتحمل مسؤولية افعالنا ودائما الحئ عالاخرين و الناس فهمتنا غلط والدنيا ضدنا وحظنا بئرف ومنعرفو ..... |
اقتباس:
أريحلك |
اقتباس:
وبظنا آخر مرة . ولكم فرناندا |
كلام معبر و أفكار مترايطه.. لكن تم التعتيم على الناحية الإيجابية بالموضوع بالفقرة الثالثه.. فهل تمت هذه العملية بقصد صاحب الموضع أم دون قصده..
و ياهلا :larg: |
اقتباس:
ولكم ياورد :D |
اقتباس:
و انه اليوم الموعود . تقرقبونا بـ العمليات القادمة . :D |
هلق هالتساؤلات المخبصة انا ما بشفلا غير سارتر يرد عليها :
بالنسبة للسخافات اللي منعتبرها احلام وقدر وقصص ومغامرات : بيقول سارتر برواية الغثيان:((كي يصبح الحدث الأكثر سخافة مغامرة , ما علينا إلا ان نرويه.هذا ما يخدم الناس الإنسان هو دوما راو للقصص يعيش محاطا بقصصه وبقصص الأخرين يرى كل ما يحصل له من خلالها ويسعى ليعيش حياته كلها كما لو انه يرويها لكن يجب الاختيار : ان يعيش او يروي )) نعستوا ما هيك :p |
النعي وما أدراك ما النعي
كلام كبير ومعبر منك أبو رصاصة :D |
اقتباس:
ومن عندي بئلك .. مشّي |
اقتباس:
تؤبشيني ياام السوس . ومنلّو الكبر . هذه منغصات حياتية . استحليت أطرشها . وشو لسا وميرسي لـ طلتك . :D |
نحن شعب
عنا قدام اقل شغلة منمسك الربابة و مننعي |
اقتباس:
:o :ss: |
عالوتر شريك:D
|
اصلا نحنا هاد الي شاطرين فيه النعي ..والنعي والنعي
والسق والنق ... الظروف ضدنا ..كل شي ضدنا .. الدنيا ضدنا .. بنستسلم وبنقعد نضرب كف بكف وبنصفن بالهوا ...مو شاطرين بشي غير بالنعي .. ومنيح الي طلعنا شاطرين بشي :fthink: |
انا مشي شفت الكلاشينكوف ما عاد عرفت كمل قراية
:cry::cry::cry: |
| الساعة بإيدك هلق يا سيدي 00:00 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون