|
يوميات سعدوي مسعّد رب عيشته
المشهد الأول
المكان : الزريبة ( المنزل ) الزمان : ناح تنعش أو تنعش إلا عشرا ضهرا اليومية : استيقظت صباحا ونظرت إلى سطلي المقدس فرأيت الشيش طاووق فيه قد تكدس فعلمت ان زوجتي ام عبدو ستقدم لنا على الغذاء أطيب طبخة فسارعت بإرسال ابني الكديش الصغير ليشتري لي نصية او بطحة وعاد الكديشو فارغ اليدين آكلا سبة على طوله وعرضه من ابو رنديلة السمان شتم فيها امه واخته وبقية سلالة الوالدين فنزلت عند أبو رنديلة السمان لأشتري بنفسي بطحة الريان وقلتو له : يا ابا رنديلة يا ابن الستمية سرلنكية عاملي على ابني الكديش زلمة وزلومية ؟ فاعتذر جدا جزيلا وبرر لي فعلتهوووو بأعتقاده ان ابني الصغير بطلبه يمارس البندقة على ربهووو فشكرت حسن نيته واوصيته الا يتوانى في المرة السابقة عن ضربه كفين على خلقته يلعن بها سلسفون سلاف الذي جابه وفي الظهيرة وبعد أكل الشيش واستقامة اشعة الشمس وبعد ان فعل العرق فعلته واندفس محسوبكن دفس ظهر لي في المنام سعدو جالسا على سرب من الحمام لم افهم ما سبب ظهوره يومها خصوصا انه كان يحمل لافتة لم استطع قراءة كلماتها حينها وبعد جهد جهيد في القراءة أعيت عمكن ابو طوني اللي ضعفان نظره وعميان وجدت انه قد كتب عليها :" يا غبي طول عمرا البطة احسن وأرخص من الريان " ومنذ ذاليكا اليوم اعلنت المقاطعة لعرق الريان بكافة اشكاله التعبوية محجر سادة وربعية ونصية ويا دار ما دخلك شر ----------------------------------------------------------------------------------------- اليتبع مانه شي اكيد ... بتحدد هلشي بحسب سعر لتر المازوت وبقية المشروبات الكحولية . |
شو مشان الحشيش الي عم يوصل لحلب مضروب ؟!
انتحار وجرايم و هلوسات ليلية ! |
اقتباس:
افهم من هيك هاي مرتك التانية اب طوني؟ :? ع كل حال ع سعدو سعر المازوت بنزل مشان اليتبع يتبع :lol: |
اقتباس:
اقتباس:
|
سعدو يحرسك شو ظريف ومهدوم
بس الحقيقة بتهلك ضحك عفاك خيي بو توني وميرسي :D اذا أكيد اليتبع حتى ننطر :larg: |
:o
وقل لمتبعي سعدو .. قد سعندتكم اليوم .. ولي في سعدنتكم اشكالا والواني .. فمنكم من يشرب رياني .. ومنكم من يشرب البطة .. لكن الريان شغل حمصتي .. وحمصتي هي مدينتي المقدسة اللتي ما انزلت قبلها قط .. او كلب .. |
هون المعبد السعدوي يعني؟
مشان ناوي اهتدي يعني بس عندي سؤال العرق اذا كان شغل محلي يعني عمايل ايديا وحيات عنيا صاحبة خالدا مخلدا بالفرن تاع سعدو يعني لا زم يابطة يا ريان طيب الميماس شو وضعو:larg: |
بلا بطة
بلا ميماس ما في اطيب من الريان يلي بيسقي العطشان ويبل الريق النشفان وبهي سعدو كتير غلطان:jakoush: بانتطار اليتبع كمان |
لاتوه ولا تحتار
مع عرق البطة كل شفة بنطّة |
مين مات .؟ :?
|
اقتباس:
|
:frown:شو المغزى يعني من الموضوع خليتني تابع الئصة للاخير من شان عرئ ومرئ وبطة وريانة :oفكرت في آكشن:pos: بس على كل حال شكلك مهضوم ونهفة بس قصتك ماقدرت لائيلها اول من اخر :shock:
كل الزنبئ لعيونك :Dوانتظار رواياتك اليومية:p |
مرة تانية اكتفي بالنبيت و ما بدها ظهور سعدوي :lol:
|
اقتباس:
قال بطة مابطة نشالله هيك شي لبطة ع بطنك انت وسعدو تبعك اب الطون |
شو بدك بالحكي ..الريان عليه كل ضرب ع الدماغ ..بخلي مو سعدو بس يطلعلك وابو لسعدو كمان ...;)
متابعين خيو |
المكان : قن الجيج ( باص الجامعة )
الزمان : الخامسة وربع بعض الظهيرة بحسب توقيت عفرين المركزي اليومية : مع انتهاء الدوام في الكلية الجامعية يتوجب علي العودة إلى البيت والحياة الطبيعية وبما انني - ابو طونياه بشحمة ادنيه - 99% من وقته مأفلس وطفران اجد نفسي اهاب صعود التكاسي لأعيش ابد الدهر في عتبات الباص بين تدفيش هاد والقرف من ريحة هداك العرقان دفعت إلى السائق 10 ليرات سورية وأنا مدرك بأن ثمن البطاقة 8 ليرات والباقي .. هع هع لا تحلم يرجعلك البقية وكلعادة ما خجلني ابن الحرام واكل الليرتين عليّ لكن حدث امر غريب اثناء تسليمي للبطاقة شعرت بحدوث تبادل شحنات بيني وبينه وانتقال للطاقة ابتعدت عن السائق وانا محتار من امري فمن كان ذاك صاحب القدرة المماثلة عجبي !! هل يعقل ان يكون السائق هو نفسه شيخي مصون لايص !! ااتقدم إليه وأسئله عن اسمه ام ابقى على حالتي محتار وحايص ؟ خوفا من ان اقع في موقف محرج في سؤاله واذا طلع مانه لايص شبعرفني شو نوع السبة اللي بدها اتطن على باله ؟ كلا يا ابو طونياه كلا بالتأكيد سعدو اوحى اليك بأنه لايص وبأن احاسيسك بمحلا هاكوذا حدثت نفسي مشجعا نفسي واتتني فكرة خنفشارية لمعرفة هوية الزلمة " واللي بالمناسبة بيشبه كتير اللي بيطلع بعدنان ولينا .. دبسي " اقتربت من السائق المنرفز حينها نتيجة طحش احد التكاسي عليه ودمدمت بصوت خافت " يا أيها الذين آمنوا " فاجابنا دون تفكير : " لك حلّو عن ربنا " أيعقل انه هو ام انها مجرد صدفة !! تجربة اخرى لاقطع الشك باليقين والزق الطينة بالحيط .. وان ما لزقت فمنكون ما خسرنا شي غير اننا عبينا الحيط طين همست بالقرب من اذنه : " شن gليلة شن gليلة " فصرخ فجقة : " الله يعينا على هليلة " ودون ادراك مني التفت وجعرت بأعلى صوت لي واااااااااااااااااااااااا اا لايص وبقدرة عجائبية يتمتع بها دون غيره عرف اسمي وصرخ بدوره وااااااااااااااااااااا كابي واتفقنا بعد انتهاء الدوام على الالتقاء في مقهى انترنت لشن حرب مقدسة على احد الكفار الكثر في المواقع والشبكة الا ان شيخنا طلع خرفان ونسي موعدنا كالعادة انا سمعت بأن الزلمة خرف والولاد عما اتدقله على التنكة لكنني اعزرتها بأنها اشاعات مماثلة للتي اطلقت على توم وجيري والسنافر وسنان وبقية الشباب الطيبة والبقية بحياتكن هاموش : مع ان المازوت واقف سعره عالـ 20 هلق .. يعني مافي شي بيفتح النفس .. بس انه تسجعنا على اصوات المسجعات والمسجعين ... سعدو يلزقكم بلي فيه النصيب |
انو و التقيت بشيخك العظيم(لايص) :gem:
بس انو سعدو رضيان عليه للايص هاد؟ انو شو هالشيخ الكحتوت؟ كمل يا معلم كمل :D ____ ع الهامش: اقتباس:
|
اقتباس:
مانك سمعانة بـ" الضرورة الشعرية " احسبيها معي ترا رارا ترارار ترارارا شفتي كيف .. دبسي ازبط من عبسي :larg: ويا هلا بالشبيبز الطيبز |
| الساعة بإيدك هلق يا سيدي 23:02 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون