هوب هوب
 

اليوم كنت بالشغل وأذ بيجي واحد مسطرة(هايشي) :shock: بدو يتفهمن علي شغل هو ذكي فسألني أل أنتو بسوريا عندون كتير أرهابيين ما أمت قلتلو من شان ما أفتح نقاش مع الهوايش (مابعرف) أم بعد شوي سألني أنت بسوريا عندكم(ببسي) :? قمت ألتلو (أي عنا ببسي) وفكرت حالي خلصت منو وأذا بطلع ما خلصت بيرجع بيسألني :cry:
أنتو بسوريا يمكن ما عندكون أغاني شعبية هيك الكل بيعرفوا وبيغنوا لأنكون من دول العالم الثالث هون كنت رح أوم أخبطو كف جيب أخرتو بس ما حبيت أتقلع من الشغل

الفكرة من كل هالعلاك المصدي :shock: أنو حبيت كل واحد بيعرف هيك غناي حلوة من هل الأغاني ألي كنا نغينيون بالرحلات يحطا هون منو منسمعا ومنو منتذكر أيام الهوب هوب والركبة بأخر مقعد والدربكة وهيك الصيحات الحلوة

وأنا رح بلش..... ونشاء الله هيك منتسلا :D :D

وتجري السنون وتجري السنون وأنا بحبك كالمجنون
-بيت غرفتان غرفة للبنات وغرفة للبنون فيه المطبخ نفسه الصالون والحمام على البلكون
وتجري السنون وتجري السنون وأنا بحبك كالمجنون
-نفطر كل يوم خبزاً و زيتون ونتعشا خبزاً وزيتون ونتغدا بحبنا المجنون
وتجري السنون وتجري السنون وأنا بحبك كالمجنون
-يكبر الأولاد وتكبر الهموم يكبر الأولاد وتجري السنون وتبقي نظيفة نظيفة جدا جداً جيوب البنطلون
وتجري السنون وتجري السنون وأنا بحبك كالمجنون