تدهور حالة شاب بسبب الإهمال الحكومي للصحة
 

مرحبا شباب، بعرف إنو الموضوع بجوز يكون مكرر بشي قسم بأخوية، بس شو ما كان لازم ينحط بالمنبر الحر، هدا المقال محطوط بجريدة تشرين، و بشرفي عيب على "دولة نضال ومقاومة" إنو يكون فيها هيك مآسي، يعني هلأ العراق وإيران وفلسطين أهم من شعبنا؟؟؟ على عيني العروبة، بس يللي ما بيقدر يداوي حالو ما يوصف أدوية للعالم!!!!!!!!!
هي المقال، اتحسروا على هالبلد. عوووووووووووووووووووووووو وووووووووجة



ولتتجرع اسرته مرارة وحسرة رؤيته على هذه الحال ويقول والد وسيم والغصة تملأ حلقه : بدأت القصة في الساعة الحادية عشرة من مساء 6/8/2006 في تلك الليلة كانت بداية المعاناة الكبيرة ، حيث كان وسيم جالساً مع أخيه الأصغر في المنزل ينتظر عودة أبيه و لكن فجأة سمع صراخاً يعلو في حارته فخرج مسرعاً كي يرى ما الذي يحصل وهو يتكلم على هاتفه الخليوي وهنا فوجئ بشاب يجري مسرعا وخلفه اربعة شبان يطاردونه وقبل ان يعرف سبب الشجار عاجله أحدهم بضربة قوية بمفك على راسه من الخلف ليقع على الارض ظنا منهم ان وسيم مع الشاب الهارب فما كان منهم إلا أن انهالوا عليه بالضرب المبرح بكل أداة لكن الضربة القاضية كانت من قبل شاب أحمق ضربه دون وعي بمفك كبير كي يخرق المفك ظهر وسيم من الجهة العليا تحت الرقبة و بالتحديد عند البصلة السيسائية ثم تبين والقول لوالد وسيم ان سبب الشجار بين الشباب كان قيام احدهم بكسر مرآة سيارة حيث اشتبك شخصان و ما لبث أن تحول الشجار إلى عراك بالسكاكين و المفكات بين عدة أشخاص .

‏
ويضيف ابو وسيم وصلت الى البيت ولم اكن اعلم ما الذي حصل لابني لكنني فوجئت ان الملقى على الارض هو ابني الأوسط وسيم واعتقدت انه توفي وقد حمله أصدقاؤه في الحي في منطقة داريا إلى المستشفى وهو بين الحياة والموت لنبدأ مرحلة جديدة من العذاب والمعاناة حيث لم يقبل أي مشفى استقباله فمستشفى المواساة رفض استقباله بحجة أن حالته ميئوس منها اما في مستشفى المجتهد فقد تم ادخاله قسم الإسعاف ولكن من دون فائدة حيث إن وسيم يحتاج إلى صورة بالرنين المغناطيسي وطبعاً هذه الصورة غير متوفرة فيه .. والغريب في الامر ان وسيم ورغم حالته كان واعياً تماما لكل ما يجري حوله ولكنه كان يعاني من صعوبة كبيرة في التنفس ومع ذلك رفض المستشفى الذي لم يقدم له أي مساعدة طبية او معنوية على الاقل تسليمه الينا عندما علموا أن حالته هي نتيجة مشاجرة « كأن المستشفى يريد أن يطبق القانون حتى لو كان الثمن حياة ابني » . ‏

و يتابع ابو وسيم: هنا لم أعد أحتمل ما يجري فصرخت بأعلى صوتي مخاطباً الاطباء المسؤولين في المشفى : «ابني يحتضر وسوف آخذه بالقوة » وهذا ما حصل فعلاً وبعد عدة محاولات والتنقل بين المشافي العامة والخاصة وصلنا الى أحد المشافي الخاصة الذي قبل استقباله ، و تم وضعه في العناية المركزة ريثما يحضر الشخص المسؤول عن صورة الرنين .. و هنا تجاوزت الساعة الثالثة بعد منتصف الليل وتم وضع وسيم تحت التنفس الاصطناعي وفي الصباح تم تصويره بالرنين المغناطيسي وخرج الطبيب ليقول لنا : إن ولدكم قد كتبت له الحياة و لكن للأسف أن المفك الذي اخترق البصلة السيسائية بعمق 8سم قد أدى إلى ضرب مركز البلع و شلل في القسم الأيمن من جسده إضافة إلى ضرر بالغ في القسم الخاص بالتنفس لذلك لا نستطيع عمل أي شيء وهذا قدره وأضاف الطبيب: باستطاعتكم أخذه إلى المنزل الآن ولكنني رفضت اخذه وهو على هذه الحال و أصريت على إبقائه في المشفى رغم التكاليف الباهظة التي تفوق قدرتنا المادية و بقي وسيم في العناية المركزة 20 يوماً وهو يتنفس تنفساً اصطناعيا وتم وضع أنبوب للتغذية عن طريق الأنف و قسطرة و فتحة في الرقبة كي يتم شفط المفرزات الرغامية من صدره ...

‏
و هنا تململ الدكتور المعالج هـ ­ ب من وجود وسيم في المشفى و طلب منا ‏
إخراجه من المشفى لأنه لا أمل منه بحجة أن غيره بحاجة إلى سريره ولم يقف عند هذا الحد بل عمد الى القول: على مرآى ومسمع من وسيم «خذوه وارموه على الرصيف لا امل منه وشفاؤه محال وحرام صرف الأموال عليه» و هددنا بأنه إن لم نخرجه سوف يلقيه خارجاً أو إنه حتى قد يطلب الشرطة...!وهنا ساءت حالة وسيم النفسية جداً و طلب منا اخراجه فورا من المشفى وطبعا كنا نتفاهم معه بلغة الاشارة وهنا تحت إصرار وسيم وإلحاح الدكتور عدنا به الى المنزل وقد حاولنا جهدنا انا واخوته ووالدته ان نقدم له ما نستطيع من المساعدة حيث كان بحاجة الى منفسة دائمة والى جهاز شفط وأنبوب للتغذية حيث نقوم بتحضير وجبة طعام مطحونة لكون وسيم لا يستطيع مضغ الطعام وعلينا اطعامه عن طريق إبرة « سيرنغ» وبعد مدة خرج أنبوب التغذية من مكانه دون ان نعلم بذلك وأصبح الطعام يدخل إلى رئتيه بدلاً من معدته و بقى على هذه الحال 20 يوما إلى أن أصبح غير قادر على التنفس ما جعلنا نحمله إلى مستشفى الأسد الجامعي الذي رفض استلامه بحجة تأخر وصول إضبارة المريض .. وبسبب سوء المعاملة وعدم الاهتمام الذي لقيناه في المشفى أخذنا وسيم إلى مشفى خاص واجري له ما يلزم حيث تم تركيب جهاز تنفس وأيضاً أنبوب للتغذية من الرقبة مباشرة حيث إن مركز البلع قد تعطل عنده وبعد ذلك عدنا به إلى المنزل وقد أوصى الطبيب بإجراء معالجة فيزيائية ثلاث مرات في الأسبوع وهو على هذه الحال منذ حوالي العام. ‏
وتقول والدة وسيم : حالته اليوم صعبة جدا وانا لا استطيع ان اتمالك نفسي عندما أراه على هذه الحال، فوسيم الذي كان يملأ البيت ضحكا ومرحا وصخبا وكنت اعد العدة لتزويجه أصبح اليوم انساناً عاجزاً غير قادر على الحركة فهو يتغذى عن طريق الأنبوب وقد تم تركيب قناة رغامية تنفسية في رقبته كي تساعد في عملية التنفس ويحتاج كل 20 يوماً إلى تغيير القناة ويحتاج إلى شخص ملازم له بشكل دائم. ‏
كما انه يحتاج الى خمسة وعشرين ألف ليرة شهرياً تكاليف علاجه داخل المنزل فكيف اذا فكرنا في أخذه الى الخارج لعرضه على الاطباء مع أن دخل زوجي لا يتجاوز خمسة عشر ألف ليرة . ‏
وهو عامل في احدى المكتبات في دمشق ...وعندنا اربعة اولاد غير وسيم فقد كان وسيم واخوه يساعدان والدهما في الانفاق على الأسرة لكن الآن أصبح الاول عاجزا عن الحركة والثاني يلازمه ليل نهار ويقوم بتمريضه. ‏
ويتوجه والد وسيم ووالدته بالنداء الى كل الجهات و الخيريين لمد يد العون الى وسيم ومساعدة اسرته على تكاليف علاجه وخاصة أنه يعرض منزله للبيع من أجل تأمين مصاريف علاج ابنه او تأمين مركز علاجي يستقبله لإجراء المعالجة الفيزيائية له او مساعدته للسفر الى الخارج لتلقي العلاج هناك وقد تكون المشافي والاطباء هناك اكثر رحمة وانسانية من مشافينا واطبائنا . ‏
وأخيراً نتوجه بالعتب على مشافينا وأطبائنا الذين تسرعوا بالحكم على حالة الشاب وسيم، وأكبر دليل على ذلك أنه لازال على قيد الحياة ويتنفس بشكل طبيعي دون الحاجة إلى جهاز التنفس فالموت والحياة بيد الله سبحانه وتعالى. ‏
ونأمل أن يكون ما حصل مع وسيم وذويه هو حالة خاصة وحيدة. ‏
وألا تتكرر مع غيره حتى لا نسمع بكارثة ومأساة إنسانية ثانية.. وحتى لا نسجل نقطة سلبية على مشافينا وأطبائنا .. فجميعنا معنيون إن كنا أطباء أو مواطنين عاديين يفترض أن نخفف من معاناة أي إنسان والطبيب أولى بذلك.

لا أعتقد ان تكون حالة خاصة تقريبا الحادثة لها سنة او أكثر بالتالي اعتقد ان حالة وسيم قد تكررة كثيرا

ان ترك هؤلاء الاطباء دون محاسبة هو من سيجعلني واثق ان حالة وسيم قد تكررة
اين هو دور السلطة في إلقاء القبض على المجرمين
واين دور المجتمع في محاسبته للسلطة وذلك لتقصيرها في احقاق الحق وانصاف المظلوم
واين
واين
واين

حبيبي المشافي الخاصة هامما المصاري وبس بيمصولك دمك بعدين بيطلع انو ما في امل منك روح انتحر بس يا محلا المشافي الخاصة قدام المشافي العامة بسشو بدنا بالحكي
عوجة
:clap:

هل دخلها بالنضال والمقاومة؟؟
انا ما شفت هالشي.

هل دخلها بالحكومة, اي و100 اي.
لو في قانون ما كنا سمعنا عن هالقصص بشكل اسبوعي

هيك كتير صح والاهم من القانون بحد ذاتو الاخلاق

والشي الاسوء انو دايما عم يكون الضحية مالو علاقة

طيب برأيك انت شو دخل الحكومة بهل خناقه يلي اجتو للشب من غايب علمو ؟؟؟
يعني هل الحكومة بتحط لكل مواطن شرطي مثلا ؟؟
ما يا اخي بكل بلدان العالم بتصير هل قصص يعني مو بس عنى ...

ليش ما بتحكو انو في قلة وعي مثلا ، او انو يلي ضربو بالمفك بني ادم همجي ماعندو مخ ليفكر شو عم يعمل هوه ؟؟

يعني يا اخي ولله في بعض الحالات الحكومة بتكون بعيده كل البعد عن المسببات

هلق قولتك وقت ويلي قال انا انو مافي حكومة , كان قصدو عن الخناقة اما عن الشي الي صار بعد الخناقة؟
حاول رجاع القصة شوي تاني وشوف اديش حكو عن الخناقة , واديش حكو عن مغامراتون بالمستشفيات الخاصة والعامة

ولله يا صاحبي معلش انا هيك فهمتها ن يا ريت تتكرم و تحكيلي النقطه يلي غابت عني معناها مشان احكي عليها

وشكرا

القانون موجود .....و ما فيه المشكلة ...... بس بدك مين يطبق:sick:

خيو اسمحلي انا رد عليك
باعتبار الشب اسمو على اسمي:cry:
رح عدلك المقال مرة تاني وقرا الشغلات الي معلمي خيو
وبقا قلي شو منستنتج من الموضوع


خيو بشكل عام بالحالات المرضية كل ما تعالج المريض بسرعة كل ما كانت نسبة الشفاء اكبر
هلق بهاي الحالة هون كانت مضروبة البصلة السيسائية ومعد في امل بشفاء الزلمي
بس هادا ما يعني انو واحد مريض او مضروب او صايرلو شي شغلة ما يقدر يفوت عالمستشفى لانو حالتو صعبة!
شو هالمنطق الغبي هادا , انو الواحد ما بيفوت عالمستشفى غير اذا كانت شغلتو بسيطة ومافيا شي
وخيو متل ما قال جاد ( ويلي ) هاي مانا اول حالة بتصير , كل يومين والتالت بتسمع هيك خبر
هادا الي ما استقبلتو المستشفى لانو وضعو خطير كتير.
وهادا الي ما قبلت سيارة الاسعاف تنقلو لانو كان ميت ( وبعدين اخر طلع اساتو عايش!!!)
او لما سيارة الاسعاف ما بتوصل لانو بتنتزع عالطريق قبل

خيو ما بعرف شو بدي احكيلك لاحكيلك , بس شغلات المرض والحوادث ما بيصير يكون فيا تهاون , هاي عالم بين الحياة والموت الي عما يلعبو العالم فيا

تخيل خيو بعيد الشر ( ما رح قول حدي من قرايبينك رح قول واحد شفتو بالطريق عما يموت ) حملتو هيك معك واخدتو عالمستشفى والزلمي عما يموت بين ايدك .. وبعدين بيقولولك بالمستشفى هادا مافي امل منو ما رح نقدر ندخلو؟؟؟ شو بيكون موقفك انتي بهالحالة؟

لأا ولله يا صاحبي اذا هيك قنعتني اذا هي الفكره فمعناها ختلف كل شي ، ولله كلامك صح

بس اخي الناس المصاري بتعمي على قلبها الله وكيلك يا صاحبي

خيو هلق انا بعرف انو حالتي وحالتك احسن بكتير من غير عالم
يعني بيكفي انو عما نقدر نفوت عالنت لحتى نكون بالنسبة لكتير عالم غيرنا عايشين برفاهية

بس خيو اديش نسبة العالم الي عايشي بسوريا تحت خط الفقر ( عفكرة خط الفقر تبع سوريا غير خط الفقر تبع اوروبا , وانا ماني عما احكي عن خط الفقر العالمي , عما احكي عن خط الفقر السوري)

يعني خيو اي عملية صغيري بمستشفى خاص ما بتكلف قلل من 100 الف
يعني متخيل انت شو هادا الرقم؟ يعني هادا شغل 10 تشهر لموظف بيقبض 10 تالاف .. بدون اكل وشرب وبدون حق الادوية

يعني الشغلات الطبية مانا رخيصة بنوب

وبعدين بتروح على شي مشفى حكومي, يعني مع انو المعاملة بتكون هنيك متل معاملة الغنم , بس خيو اد ما كان المريض بس قلو مسوك هاي ابري بتخفف الوجع شوي..
واخر الشي بس تصير هنيك بيقلك لاء خيو روح غير محل ما منستقبل هيك حالات نحنا؟؟؟

خيو خلية لربك
الله يديم الصحة وما تخلي ولا حدي منا يعوز هيك شغلات

والله يلعن ابو المصاري اذا بتخلي حياة الغنى اهم حياة الفقير

أول شي شباب شكرا عالمشاركة بالموضوع، ومشان إنو شو دخل العنوان بالمقال فهي بسيطة، وبظن أنا وضحت هالشي بأول الموضوع، يعني نحنا دولة منرفع شعار المقاومة ونصرة الضعفاء والمظلومين بهالعالم، ودولة بدنا الحقوق ترجع لأصحابها، ودولة عدالة وتنمية، و شغالين بمشروع التطوير والتحديث ،أو التطويث على قولة ياسر العظمة، وكل هالشي بصير بالبلد!!!!!!!!! بعدين يا شباب ببلدنا إن كان في قانون ولا لأ، فهادا ما بيفرق، لأن دائما في ناس كتار فوق القانون، وبالتالي القانون كأنو مو موجود.

مشان العنوان، أنا كنت ضد تغيير العنوان لأن إلو علاقة بالموضوع متل ما شرحت، بس بالآخر ما بهمني إنو تغير ولا لأ؛ لأن الشباب أذكياء وبيلقطوها عالطاير، ومشان العنوان الحالي أنا اتفجأت إنو الشب توفى، بس بجوز توفى بعد ما كتبت الموضوع، المهم الله يرحمو إزا كان متوفي، وأكيد مثواه الجنة، والله يجازي يللي كان السبب.
عوووووووووووووووووووووووو ووووووووووووووووووووووووج ة!!!!!!!!!!!!!!!!!

يعني مو متوفي؟ ولي لكن لنرجع تزبط العنوان مرة تالتة