أخوية - مرحبا يا اخوات الأخوية

احمم
داعيكم معلاوي
عمري بين الثلاتين واربعين وبلا احراج
مزوج بس بزوّرب اذا صحلي لانو عادة قديمة وما قدرت بطلها حتى بعد ما تزوجت وصار عندي ولاد
ثقافتي متواضعة باعتبار انو كنت بالجامعة بالزمانات
لبناني منذ اكثر من عشر سنوات _هيك مسجل بالهوية واخراج القيد
لا من الشمال ولا من الجنوب - من النص تقريبا

ومش من جماعة 14 أذار ولا 8 اذار بس بحب الحق لو على قطع الرقبة
الي فترة مسجل ب أخوية وما عم شارك
لانو كنت عم راجع المواضيع لاعرف حالي مع مين بدي احكي ومين بدي صاحب ومين بدي عادي ومين بدي اتجاهل
قول كلكم خير وبركة بس في واحد بالحرب السادسة فالق دين رب الزملاء والقراء والزوار وما عندو شغلة عملة الا موضوع واحد يكرره كل مرة بعنوان مختلف وبالنهاية مش عارف هو شو بدو

ليكو شباب وشابات :yahoo:
ما حدا يسألني مسيحي ماروني او روم او اقليات او مسلم سني او شيعي
مش انو كافر وملحد لا بس مش راكبة معي على سن واحد
لانو ممكن كون مع الستات والصبايا روم اورتودكس على شيعي
باعتبار هدول الطايفتين عنا فيهم حكوجية ومثقفين وشعراء وزعران ونسونجية وقباضايات
وممكن كون مسيحي ماروني اذا تيست معي او سكرت
وممكن كون مسلم سني اذا بدي اسطلها وعند
وممكن كون كافر ملحد اذا كنت عم ناقش واحد حاملي السماوات بالعرض وعاملي فيها مفتي

ف
الله يوفقكم ما حدا يحرجني وخلينا حباب وصحاب وأخوية

هواياتي
طق الحنك والمطالعة والكمبيوتر ومن هيداك .. من وقت لوقت

وهالقد منيح