|
العالم بالارقام (( 2008 ))
المصدر او المرجعية الاساسية لكافة الارقام : الانكارتا آخر نسخة (( 2009 ))
Microsoft ® Encarta ® 2009. © 1993-2008 Microsoft Corporation. All rights reserved. ____________________________________________ هاموش مفعلل : مستعد لّبي طلب اي عضو بالاستفسار على اي دولة كانت او على طريقة حساب اي احصائية مدرجة .. |
سوريا ، syria  المساحة : 185,180 كم مربع (( بمركز 86 عالميا )) عدد السكان ( 2008 ) : 19,747,586 نسمة (( بمركز 55 عالميا ))  معدل النمو : 2,19 (( بمركز 70 عالميا )) هاموش مهم على الفقرة السابقة معدل النمو بيشمل الولادات والوفيات .. وبخصوص الوفيات في عندك من كل 1000 طفل في 27 واحد بفارقوا الحياة وما بيدخلوا بالمعدل وبكل سنة في 667 واحد بموتوا بالمشافي (( تحت الرعاية الطبية )) بحسبة صغيرة وتقديرية اعتمادا على المعدل السابق طلع مع الشباب انه عدد السكان حيكون سنة 2025 : 26,547,725 سنة 2050 : 34,437,235 الكثافة السكانية بتطلع معنا اعتمادا على عدد السكان بعام 2008 هي : 107 نسمة لكل 1 كيلو متر مربع (( اذا جربت تقسم عدد السكان على المساحة حيطلع معك الكثافة واللي هية 106,6 لكن دائما بالاحصائية العامة بيتاخد الرقم التقريبي )) اعتمادا على احصائية صارت عام 2005 طلع ان 50% من الشعب السوري من ابناء الريف و 50% من ابناء القرى اذا اختصرنا السكان اللي فيها ل 100 واحد فيتوزعوا بالشكل التالي : من ناحية القومية (( او العرقية خود اللي بتزبط على مزاجك اكتر )) 90 عرب 10 (( اكراد ، ارمن ، اتراك ، أشوريين ، فلسطينية )) من ناحية الاعتقاد الديني 73 مسلم سني 13 مسلم شيعي (( وبقية الفرق الاسلامية باستثناء السنة )) 10 مسيحية 3 دروز 1 ديانات اخرى وعلى رأسها اليهودية متوسط العمر والاعمار (( يعني شقد متوسط الحياة او تقريبا باي عمر المواطن السوري بموت )) النساء بعمر ال 73,2 الرجال بعمر ال 69.5 وبشكل عام المواطن السوري بسلم الامانة للمولى بعمر 70.9 (( يحرق دينا .. قربت )) (( ومنحتل المرتبة 103 عالميا بهي النقطة )) من الناحية الصحية في طبيب لكل 1,887 بحسب احصائية عام 2006 وفي عناية صحية بتأمنها المشافي (( بيحسبوها من عدد الاسرّة )) : تخت او سرير لكل 667 نسمة بحسب آخر احصائية صارت واللي بترجع لعام 2003 من الناحية العلمية : عدد سنوات التعليم الازامي 9 سنوات عدد المعلمين بالنسبة إلى عدد الطلاب (( النسبة )) استاذ واحد لكل 24 طالب نسبة المتعلمين (( الحاصلين على محو الامية )) 66.1 من النساء 90.6 من الذكور وبالنسبة للسكان بشكل عام : 78.4 من السوريين يجيدون القراءة والكتابة ، محتلين المرتبة 125 عالميا بهاد المجال بيسوى اني نبه على انه الرقم السابق معتمد من عام 2005 عدد افراد الجيش : 307,600 بحسب احصائية 2004 عدد الموظفين لدى الحكومة : 7,908,105 اجتهاد شخصي : بناء على نسبة بين الموظفين وعدد السكان الاجمالي .. طلع معي 40 % من الشعب السوري موظف لدى الحكومة .. بلا تعليق التقنية : كل 1000 سوري ، 278 بيمتلك راديو بحسب احصائية عام 2007 كل 1000 سوري ، 125 بيمتلك تلفون بحسب احصائية 2005 كل 1000 سوري ، 61 بيمتلك تلفزيون بحسب احصائية 2000 عدد مضيفي الانترنت (( internet host )) لكل 10,000 هوي 0,1 بحسب احصائية 2003 (( شعللها )) كل 1000 سوري ، 20 شخص متابعين للجرايد بحسب احصائية 1996 كل 1000 سوري ، 36 شخص بيمتلك سيارة بحسب احصائية 2004 |
في حقائق عم أتفاجئ فيها يعني متوسط عمر النساء ... يالطييييف، طيب إذا ممكن دولة بولندا يلي عم نتسمم فيها خبرنا شو فيه احصائيات إذا ممكن .:D
عالهامش : لك وين هالغيبة ؟:larg: |
اقتباس:
بصراحة انا كنت بالاساس عبدور على رقم معين واللي هوي معدل دخل الفرد بس بالاحصائية نفسها مش مذكور هاد الشي .. بعتقد كان الرقم بدنا نتفاجئ فيه كتير شو ما كان يكون يا اما بدنا نحسه كتير كبير يا اما كتير قليل :sick: ففضلوا الشباب يصدموني بانهم ما يحطوا من اصله :o ____________ جامعة وخبر يا ابن العم ما عبفضى احك راسي ، وبيني وبينك عبفكر استئجرلي شي واحد يشتغل عندي حكاك :larg: |
بولندا ، poland  المساحة : 321,684 كم مربع (( بالمرتبة رقم 68 عالميا )) عدد السكان : 38,500,696 (( بالمركز ال 33 عالميا ))  معدل الولادة : -0,04 (( اشارة الناقص بتدل على تناقص عدد الافراد )) من كل 1000 ولادة يحدث 7 حالات وفاة للطفل وبحسب احصائية عام 2002 ، 179 شخص بيتوفوا تحت العناية الطبية (( في المشافي )) (( بالمرتبة رقم 154 عالميا )) بسبب المعدل السلبي للولادات متوقع تناقص عدد سكان بولندا لحتى يصل بعام : 2025 : 37,349,696 2050 : 32,084,570 اعتمادا على المساحة وعدد السكان واخد النسبة بيناتهم بيطلع معنا الكثافة السكانية : 127 نسمة لكل كيلو متر مربع (( بالترتيب رقم 63 على مستوى العالم )) اذا نسبنا عدد السكان للنسبة المئوية بيطلع معنا هدول ال 100 : من ناحية التموضع الجغرافي : 62 شخص من اهل المدن 38 من اهل الريف (( بالمرتبة 76 من ناحية نسبة اهل المدن من نسبة السكان الكلية ، بالمساواة مع كوستا ريكو ، كوريا الشمالية )) من الناحية العرقية : 97.6 بولندي 1.3 الماني 0.6 اوكراني 0.5 بيلاروسي اللغات الاكثر انتشارا : بولوني (( اللغة المعتمدة رسميا )) ، انكليزي ، الماني ، روسي الاعتقاد الديني : 92 روم كاثوليك 3 اورثوذوكس 2 لاديني 3 اخرى معدل حياة الفرد : النساء : 79.7 الرجل : 71.3 وبمعدل اجمالي 75.4 وبالمرتبة 54 عالميا المتعلمين (( الحاصلين على شهادة محو الامية )) بحسب عام 2005 نسبة النساء = نسبة الرجال = النسبة الكلية (( منطقيا يعني )) = 99.8 (( اوه ماي الله )) عدد سنوات التعليم الالزامي 9 نسبة المعلمين للطلاب : معلم واحد لكل 13 طالب دستور البلاد : تم التعامل به بتاريخ 17\10\1997 عدد افراد الجيش : 141,500 (( بحسب احصائية 2004 )) عدد فرص العمل (( العاملون بشكل عام )) : 17.191.701 (( بحسب احصائية 2006 )) التقنية : كل 1000 بولندي ، 522 بيمتلك راديو بحسب احصائية عام 1997 كل 1000 بولندي ، 309 بيمتلك تلفون بحسب احصائية 2005 كل 1000 بولندي ، 401 بيمتلك تلفزيون بحسب احصائية 2000 عدد مضيفي الانترنت (( internet host )) لكل 10,000 هوي 204 بحسب احصائية 2003 كل 1000 بولندي ، 102 شخص متابعين للجرايد بحسب احصائية 2000 كل 1000 بولندي ، 345 شخص بيمتلك سيارة بحسب احصائية 2003 _________________________________ :larg: |
موضوع حلو جداً :D
بهالإنكارتا ما بيذكرو شي عن الحغرافيا الاقتصادية ؟ أنو هالبلد بتعتمد بشو باقتصادها على صناعة السيارات مثلاً أو الزراعة وهيك ... |
مثبت ...
شوفلنا الاردن غابي :lol:بيطلعلا شي رقم بهالعجقه ؟! |
اقتباس:
الشباب كاتبين على اهم البلدان اللي بصدر لها منتجاتها ، واهم البلدان اللي بتستورد منها منتجاتها وحاكيين شغلات اقتصادية بحتة بحاجة لانسان مختص حتى يترجمها متل ال GDP اللي ما عرفت شو بيقصدوا فيها .. اذا كنتي بتقصدي المهن اللي بيعتمدوها العالم واللي بيشتغلوا فيها فهنن ما كتير مفصلين بهي الامور وحاطين عناوين كتير عريضة يعني على سوريا كاتبين انه بحسب احصائية 2002 43 % من السكان بيشتغلوا بمجال الخدمات .. اي اقعدي فقسي على ربهم شو بيقصدوا بكلمة خدمات :lol: على هامش سؤالك انتبهت على شغلة ماني كاتبها بدي كبرها مشان الكل يشوفها : بحسب احصائية 2003 معدل البطالة في سوريا 12,3 % اقتباس:
ومشان الاردن .. بشفلك ياها بكرا .. باتعبار هلق ما عبشوف قدامي وما عبعرف طريق تختي من وين :lol: :D |
الأردن ، jordan  المساحة : 89,556 كم مربع (( بمركز 109 عالميا )) عدد السكان : 6,198,677 نسمة (( بمركز 102 عالميا ))  معدل النمو : 2,34 معدل النمو بيشمل الولادات والوفيات .. وبخصوص الوفيات في عندك من كل 1000 طفل في 15,6 طفل بفارقوا الحياة وما بيدخلوا بالمعدل (( وبهي النقطة ترتيب الاردن 119 عالميا )) وبكل سنة في 588 واحد بموتوا بالمشافي (( تحت الرعاية الطبية )) بحسب احصائية 2003 بالاعتماد على عدد السكان بال 2008 وعلى معدل النمو متوقع يصل عدد السكان بعام : 2025 : 8,651,714 2050 : 11,772,789 الكثافة السكانية : 67 شخص لكل كيلومتر مربع (( بالمركز 104 عالميا )) للغات المنتشرة مرتبة بحسب الاهمية في الاردن : العربية (( اللغة الرسمية )) ، الانجليزي ومنتشرة جدا بين المواطنين الاردنيين اذا اختصرنا السكان اللي فيها ل 100 واحد فيتوزعوا بالشكل التالي : التوزع الطبقي 79 من اهل المدن (( وبالمرتبة رقم 37 عالميا بهي النقطة )) 21 من اهل الريف (( الرقمين السابقين بيرجعوا لاحصائية ال 2005 )) من ناحية القومية او العرقية 98 عرب 1 آشوريين 1 ارمن من ناحية الاعتقاد الديني 93 مسلمين (( ويعتبر الدين الاسلامي الديانة الرسمية للدولة ومعظم المسلمين الأردنيين من الطائفة السنية )) 4 مسيحية 2 لا دينيي 1 ديانات اخرى متوسط العمر والاعمار (( احصائية 2005 )) النساء بعمر ال 81,3 الرجال بعمر ال 76,2 وبشكل عام المواطن الاردني متوسط عمره 78,7 (( بالمرتبة 27 على مستوى العالم )) من الناحية الصحية في طبيب لكل 403 بحسب احصائية 2004 وفي عناية صحية بتأمنها المشافي (( بيحسبوها من عدد الاسرّة )) : تخت او سرير لكل 588 نسمة بحسب آخر احصائية صارت واللي بترجع لعام 2003 من الناحية العلمية : عدد سنوات التعليم الالزامي 10 سنوات عدد المعلمين بالنسبة إلى عدد الطلاب (( النسبة )) معلم واحد لكل 20 طالب (( بحسب احصائية العام الدراسي 2002 - 2003 )) نسبة المتعلمين (( الحاصلين على شهادة محو الامية بحسب احصائية 2005)) 87,9 من النساء 96,5 من الذكور والاردن بتحتل المرتبة 89 عالميا بعدل اجمالي 92,4 دستور المملكة: تم وضعه في 8\1\1952 ـ وتم تعديله في ـ 1974 ـ 1976 ـ 1984 عدد افراد الجيش : 100,500 بحسب احصائية 2004 عدد وظائف العمل : 1,873,216 بحسب احصائية 2006 نسبة البطالة : 12,4 بحسب احصائية 2004 الدول الاساسية اللي بتصدر الاردن منتجاتها الها (( بالترتيب حسب الاهمية )) : العراق ، الولايات المتحدة ، الهند ، سعودية ، اسرائيل الدول الاساسية اللي بتستورد منها منتجاتها : العراق ، المانيا ، الولايات المتحدة ، الصين ، فرنسا التقنية : كل 1000 اردني ، 271 بيمتلك راديو بحسب احصائية 1997 كل 1000 اردني ، 119 بيمتلك تلفون بحسب احصائية 2004 كل 1000 اردني ، 120 بيمتلك تلفزيون بحسب احصائية 2000 عدد مضيفي الانترنت (( internet host )) لكل 10,000 هوي 5,7 بحسب احصائية 2003 كل 1000 اردني ، 75 شخص متابعين للجرايد بحسب احصائية 1998 كل 1000 اردني ، 106 شخص بيمتلك سيارة بحسب احصائية 2004 |
اقتباس:
اقتباس:
ليك كيف طالع العلم البولوني :lol: خط أحمر بس |
مانهم مفصلين بس كاتبين .. خدمات .. صناعات يدوية :sick:
______________________________________ مشان مشروع الابيض ما عبيين على صفحة الاخوية وخطرلي اعمل له على الفوتوشوب اطار اسود بس القصة بدها تاكل وقت على كل علم .. مشي لنا ياها كرمال طاهر :deal: |
اقتباس:
يعني النت ببولونيا صار شغلة كتير بديهية و بسيطة و اساسية بالبيت بنفس الوقت ... ايييييييييييييه كيف انقلبت بولونيا خلال مدة قصيرة كتير... |
موضوع رائع جداً . :D |
حلو كتير كتير كتير ... بس في شغلة ما كتير خرطت مشطي ...
اقتباس:
لأنو الولاد مثلا اكيد مارح يكون عندن تلفزيون .. او سيارة وينن هدول جماعة الانكارتا ؟؟ بعتلي ياهن لحتى بهدلن ... :lol: بس عنجد موضوع مرتب ... خيو بدي اعرف عن كرواتيا .. والمانيا .. والامارات ... وللا ما بيحقلي غير دولة وحدة ؟؟ مشكور ..اب طوني... :gem: :sly: |
بللا شفلنا اسرائيل
|
انو موضوع كتير رهيب ابو طوني كالعادة كل موضوع احسن واهم من التاني ....
بس انو من ايمتى صاير سكان الاردن 6,198,677 :? والله كترانين ...:shock: |
انو عن جد انا التانية كل ما عم بقرأ بهل المعلومات للبلاد اللي حاطتهن هيك عم بصير فيني
متل هل السمايلي :o .. هلأ ابو طوني.. شفلنا استراليا بماعيتك يعني اذا مافيها سئلة.. و موضوع عن جد شغلة.. متابعتك.. :D |
انو يعطيك العافية جابي .. :D
عندي هيك كم استفسار مبدئيا .. اقتباس:
انو اوك انت كتبت .. تحت انو عرب واكراد واتراك وكزا .. بس انو العدد المذكور فوق هنن عدد المواطنين السوريين اللي ولا عدد السكان انو مع الكل ؟ ! لانو العدد كتير قليل صراحة وفلجني .! اقتباس:
يعني مثلا لو بدن يكتبو عن الاقتصاد بهي الحالة .. لح يكون ال GDP .. هون معبر عن ناتج الاجمالي المحلي .. للسلع والخدمات الموجودة بالسوق .. واللي بتنتج محليا .. وبكون خلال فترة ما معينة على مدار السنة .. بيعطيك رقم ما معين .. عن كامل وشامل الانتاج .. المحلي داخل هي البلد .. عكلن انت شوف شو الموضوع ... وببين معك اكيد مفروض .. متابع معك .. :D ** هاموش ما تنسانلي حصتي من البلدان .. بس خلينا نبلش بقطر حاليا ... :p |
اقتباس:
اقتباس:
(( لسع ما صفحت عنك وعن الكفرية اللي عملتها )) :p اقتباس:
ومشان الاحصائية بحسب ما مفسرين على مبادئ الاحصاء اللي اتبعوها وبحسب ما فهم عمك ابو الغاب على الشرح اللي حاطينه هنن عاملين العملية هي على كافة فئات المجتمع حتى يستفيد منها الشركات الكبيرة بشكل خاص يعني انا وانت ما بهمني كام تلفزيون في بالبلد وكام راديو بس الشركات الكبيرة اللي بدها تصمم اعلان وبهمها توجهه لفئة معينة فبتتجه لاقرب وسيلة بتستخدمها هي الفئة وبالتالي بصير الاختيار بطريقة الاعلان على الراديو او على التلفزيون .. كمثال عما نحكي .. طبعا المثال ما بيمشي عنا .. لان اكبر شركة بسوريا واصغر شركة بتروح عند عمو فواز جابر ب 5 آلاف بصمم لك احلى اعلان ولا شرائح مستخدمين ولا ضراب السخن :lol: لكن مدى دقة هي الاحصائية ونفعها .. بسألك اول انكاراتاتي بشوفه بطريقي :lol: ومية هلا بيومين :o اقتباس:
اقتباس:
شايف كيف هال ملاعين عملوها من ورا ضهرك :lol: اهلين مرة تانية :D اقتباس:
مفعلل : ليش عبحس حالي موظف بالديوان ما بعرف :larg: اقتباس:
اقتباس:
بس بعتقد انهم قاصدين بالاكراد والارمن .. القومية .. فبحسب ما بعتقد قاصدين المواطنين اقتباس:
مشان مشروع اني غرقت بشبر مي بهي القصة .. هي الارقام بين ايديك خبرني شو بصير معك (( مع تظليل )) :deal: Economy Gross domestic product (GDP, in U.S.$) $33.4 billion (2006) GDP per capita (U.S.$) $1,721.30 (2006) National budget (U.S.$) Total revenue $17,470 million (1999) Total expenditure $17,470 million (1999) اقتباس:
|
كرواتيا ، Croatia  المساحة : 56,510 كم مربع (( بمركز 123 عالميا )) عدد السكان : 4,491,543 نسمة (( بمركز 118 عالميا ))  معدل النمو : - 0,4 معدل النمو بيشمل الولادات والوفيات .. وبخصوص الوفيات في عندك من كل 1000 طفل في 7 اطفال بفارقوا الحياة وما بيدخلوا بالمعدل (( بالمرتبة 158 عالميا )) بالاعتماد على عدد السكان بال 2008 وعلى معدل النمو السالب متوقع يتناقص عدد السكان ويصير بعام : 2025 : 4,374,007 2050 : 3,864,201 الكثافة السكانية : 80 شخص لكل كيلومتر مربع (( بالمرتبة 90 وفق الترتيب العالمي )) اذا اختصرنا السكان اللي فيها ل 100 واحد فيتوزعوا بالشكل التالي : التوزع الطبقي (( احصائية 2005 )) 60 من اهل المدن (( وبالمرتبة رقم 83 عالميا بهي النقطة )) 40 من اهل الريف من ناحية القومية او العرقية (( احصائية 2001 )) 90 كرواتيين 5 صرب 5 قوميات اخرى الغات المنتشرة في كرواتيا : 96 الغة الكرواتية 4 لغات اخرى من ناحية الاعتقاد الديني : 89 روم كاثوليك 6 اورثوذوكس 2 مسلمين 2 لا دينيي 3 ديانات اخرى متوسط العمر والاعمار : النساء بعمر ال 79 الرجال بعمر ال 71,5 والمتوسط للمواطن الكرواتي 75,1 (( بالمرتبة 59 على مستوى العالم )) من الناحية الصحية في طبيب لكل 495 بحسب احصائية عام 2006 وفي عناية صحية بتأمنها المشافي (( بيحسبوها من عدد الاسرّة )) : تخت او سرير لكل 183 نسمة بحسب احصائية 2006 من الناحية العلمية : عدد سنوات التعليم الالزامي 8 سنوات عدد المعلمين بالنسبة إلى عدد الطلاب (( النسبة )) معلم واحد لكل 18 طالب (( بحسب احصائية العام الدراسي 2002 - 2003 )) نسبة المتعلمين (( الحاصلين على محو الامية بحسب احصائية 2005)) 98,1 من النساء 99,5 من الذكور والمعدل الاجمالي 98.7 عدد افراد الجيش : 20,800 بحسب احصائية 2006 عدد وظائف العمل : 1,949,339 بحسب احصائية 2006 نسبة البطالة : 12,4 بحسب احصائية 2004 الدول الاساسية اللي بتصدر كرواتييا منتجاتها الها (( بالترتيب حسب الاهمية )) : ايطاليا ، المانيا ، البوسنى ، سلوفينيا ، استراليا الدول الاساسية اللي بتستورد منها منتجاتها : المانيا ، ايطاليا ، سلوفينيا ، روسيا ، اوستراليا التقنية : كل 1000 كرواتي ، 337 بيمتلك راديو بحسب احصائية عام 1997 كل 1000 كرواتي ، 425 بيمتلك تلفون بحسب احصائية 2005 كل 1000 كرواتي ، 280 بيمتلك تلفزيون بحسب احصائية 2000 عدد مضيفي الانترنت (( internet host )) لكل 10,000 هوي 68 بحسب احصائية 2003 كل 1000 كرواتي ، 113 شخص متابعين للجرايد بحسب احصائية 1996 كل 1000 كرواتي ، 370 شخص بيمتلك سيارة بحسب احصائية 2004 |
المانيا ، Germany  المساحة : 356,970 كم مربع (( بمركز 62عالميا )) عدد السكان : 82,369,548 نسمة (( بمركز 14عالميا ))  الكثافة السكانية : 236 شخص لكل كيلومتر مربع (( بالمرتبة 33 وفق الترتيب العالمي )) معدل النمو : - 0,4 معدل النمو بيشمل الولادات والوفيات .. وبخصوص الوفيات : من كل 1000 طفل في 4 اطفال بفارقوا الحياة وما بيدخلوا بالمعدل (( بالمرتبة 182 عالميا )) بالاعتماد على عدد السكان بال 2008 وعلى معدل النمو السالب متوقع يتناقص عدد السكان ويصير بعام : 2025 :80,637,451 2050 : 3,864,201 الغات المنتشرة في المانيا : اللغة الالمانية (( الرسمية )) ، الانكليزي ، الروسي اذا اختصرنا السكان اللي فيها لـ 100 واحد فيتوزعوا بالشكل التالي : التوزع الطبقي (( احصائية 2005 )) 88 من اهل المدن (( وبالمرتبة رقم 24 عالميا بهي النقطة )) 22 من اهل الريف من ناحية القومية او العرقية (( احصائية 2001 )) 91.5 المان 2,3 اتراك 0,7 ايطاليان 0,4 يونانيين 0,4 بولونيين 4,7 اخرى من ناحية الاعتقاد الديني : 37 بروتستانت 35 روم كاثوليك 4 اسلام 17 لا دينيين 7 ديانات اخرى متوسط العمر والاعمار : النساء بعمر ال 82.3 الرجال بعمر ال 76.1 والمتوسط للمواطن الالماني 79.1 (( بالمرتبة 24 على مستوى العالم )) من الناحية الصحية في طبيب لكل 291 بحسب احصائية عام 2006 وفي عناية صحية بتأمنها المشافي : تخت او سرير لكل 112 نسمة بحسب احصائية 2002 من الناحية العلمية : عدد سنوات التعليم الالزامي 13 سنة عدد المعلمين بالنسبة إلى عدد الطلاب (( النسبة )) معلم واحد لكل 14 طالب (( بحسب احصائية العام الدراسي 2002 - 2003 )) نسبة المتعلمين (( الحاصلين على محو الامية بحسب احصائية 1995 )) المعدل الاجمالي 99 (( بالمرتبة 36 عالميا )) الدستور : تم وضع ما يدعى بالقانون الاساسي في 23\5\1949 اصبح دستور لالمانيا المتحدة في 3\10\1990 عدد افراد الجيش : 284,500 بحسب احصائية 2006 عدد وظائف العمل : 41,018,272 بحسب احصائية 2006 نسبة البطالة : 9.8 بحسب احصائية 2004 الدول الاساسية اللي بتصدر المانيا منتجاتها الها (( بالترتيب حسب الاهمية )) : فرنسا ، الولايات المتحدة ، كونغو ، ايطاليا ، هولندا اهم المواد والمنتجات الصادرة : السيارات ، المعدات الوتجهيزات الكهربائية ، الحديد ، الالات الالكترونية ، الثياب الدول الاساسية اللي بتستورد منها منتجاتها : فرنسا ، المانيا ، هولندا ، الكونغو ، ايطاليا التقنية : كل 1000 الماني ، 948 بيمتلك راديو بحسب احصائية عام 1997 كل 1000 الماني ، 668 بيمتلك تلفون بحسب احصائية 2005 كل 1000 الماني ، 587 بيمتلك تلفزيون بحسب احصائية 2000 عدد مضيفي الانترنت (( internet host )) لكل 10,000 هوي 315 بحسب احصائية 2003 كل 1000 الماني ، 305 شخص متابعين للجرايد بحسب احصائية 1998 كل 1000 الماني ، 580 شخص بيمتلك سيارة بحسب احصائية 2004 |
اقتباس:
سلامات .. :D |
دخلك شفلنا فرنسا بطريقك وخصوصي المجال التقني يسلمولي
|
اقتباس:
انتِ بتامري ام السوس :gem: |
اقتباس:
او بجوز شي ابادة جماعية رح تصيب الشعب الالماني |
حقك علينا سوريانا
الرقم الصح هوي : 73,607,121 القصة صارت لان عبعمل نسخ للدباجة من شي مشاركة (( مشان ما ارجع اكتبها من اول لجديد )) وعبغير الارقام بس .. والرقم هاد مرق بالعبطة معي واذا بتنتبه هاد الرقم هوي الرقم تبع كرواتيا :o.. زرعها بدقني هي المرة :lol: |
اي هيك انت عيني
كمل مسيرتك .... روح شايفلك |
وين صارت فرنسا غابي :adal:
|
و استراليا كمان.. يعني والله تكسرت رجلينا و نحنا واقفين ع الدور..
|
الامارات العربية المتحدة ، United Arab Emirates (UAE)  المساحة : 83,600 كم مربع (( بالمرتبة 113 عالميا )) عدد السكان : 4,621,399 نسمة (( بمركز 115 عالميا ))  معدل النمو : 3,83 بالنسبة للوفيات من كل 1000 طفل حديث الولادة في 13 طفل بفارقوا الحياة وما بيدخلوا بالمعدل (( وبهي النقطة ترتيب الامارات 132)) بالاعتماد على عدد السكان بال 2008 وعلى معدل النمو متوقع يصل عدد السكان بعام : 2025 : 7,063,346 2050 : 8,018,904 الكثافة السكانية : 55 شخص لكل كيلومتر مربع وبتحتل المرتبة 116 من حيث الكثافة للغات المنتشرة مرتبة بحسب الاهمية في الامارت : العربية (( اللغة الرسمية )) ، الانكليزية ، الفارسية ، الهندية ، اذا اختصرنا السكان اللي فيها ل 100 واحد فيتوزعوا بالشكل التالي : التوزع الطبقي 86 من اهل المدن (( وبالمرتبة رقم 28 عالميا بهي النقطة بالتعادل مع الدنمارك ونيوزلندا )) 15 من اهل الريف (( الرقمين السابقين بيرجعوا لاحصائية ال 2005 )) من الناحية القومية او العرقية 19 عرب اماراتية الاصل 23 عرب من مخلتف الجنسيات 50 من جنوب آسيا (( الهند ـ باكستان ـ بنغلادش ـ سيريلانكا )) 8 مغربين (( يتضمن ال 8 بقية الجنسيات والعروق الشرق آسياوية )) ملاحظة : 25% من المتواجدون على ارض الامارات يحملون الجنسية الاماراتية من ناحية الاعتقاد الديني 67 مسلمين (( بغالبية سنية )) 11 مسيحيين 8 هندوس 2 بهائية 3 ديانات اخرى متوسط العمر والاعمار النساء بعمر ال 78,6 الرجال بعمر ال 73,3 وبشكل عام المتوسط 75,9 (( بالمرتبة 49 على مستوى العالم )) من الناحية الصحية في طبيب لكل 401 بحسب احصائية عام 2004 العناية الصحية المؤمن من المشافي : سرير لكل 445 مواطن بحسب احصائية 2002 من الناحية العلمية : عدد سنوات التعليم الالزامي 9 سنوات عدد المعلمين بالنسبة إلى عدد الطلاب (( النسبة )) معلم واحد لكل 15 طالب (( بحسب احصائية العام الدراسي 2002 - 2003 )) نسبة المتعلمين (( الحاصلين على محو الامية بحسب احصائية 2005)) من النساء : 82,8 من الرجال : 76,9 والمعدل الاجمالي 78,9 تم وضع الدستور في : 2\12\1971 وتم جعله دستور دائم للبلاد في عام 1996 عدد افراد الجيش : 50,000 بحسب احصائية 2004 عدد وظائف العمل : 2,664,251 بحسب احصائية 2006 نسبة البطالة : 2,3 بحسب احصائية 2004 الدول الاساسية اللي بتصدر الامارات منتجاتها الها : يابان ، كوريا الجنوبية ، عمان ، تايلاند ، ايران الدول الاساسية اللي بتستورد منها منتجاتها : اليابان ، الولايات المتحدة ، المانيا ، الصين ، كونغو التقنية : كل 1000 اماراتي ، 335 بيمتلك راديو بحسب احصائية عام 1997 كل 1000 اماراتي ، 273 بيمتلك تلفون بحسب احصائية 2005 كل 1000 اماراتي ، 318 بيمتلك تلفزيون بحسب احصائية 2000 عدد مضيفي الانترنت (( internet host )) لكل 10,000 هوي 139 بحسب احصائية 2003 كل 1000 اماراتي ، 170 شخص متابعين للجرايد بحسب احصائية 1996 كل 1000 اماراتي ، 103 شخص بيمتلك سيارة بحسب احصائية 1997 |
لك انشالله هيك يا رب ..
آمين خيو شفلنا الولايات المتحدة الحمصية شو كاتبين عنها ؟ فعلول: عم يطلع معك ها ما اشبك شي:p .. اي ميس يو :oops: |
اوستراليا ، Australia  المساحة : 7,682,300 كم مربع (( بمركز السادس عالميا )) عدد السكان : 20,600,856 نسمة (( بمركز 35 عالميا ))  معدل النمو : 0.80 بالنسبة للوفيات من كل 1000 طفل حديث الولادة في خمسة اطفال بفارقوا الحياة وما بيدخلوا بالمعدل (( وبهي النقطة ترتيب استراليا 175)) بالاعتماد على عدد السكان بال 2008 وعلى معدل النمو متوقع يصل عدد السكان بعام : 2025 : 23,022,980 2050 : 24,175,783 الكثافة السكانية : 2,7 شخص لكل كيلومتر مربع _ يعني اذا اعبرنا كل كنغر بني آدم وكام مدري كام الف كنغورو في باستراليا بيبقى في مساحات شاسعة وكثافة قليلة جدا _ وبتحتل المرتبة 190 من حيث الكثافة (( من اصل 192 دولة داخلة بالاحصائية بحيث مافي بعدها غير ناميبيا " Namibia " بكثافة 2,5 ومانغوليا " Mongolia " ب 1,9 )) للغات المنتشرة مرتبة بحسب الاهمية في استراليا : الانجليزية (( الرسمية )) ، اللغات الاصلية (( قبل ما حدا بعوفني دين سما رب الآلهة اللي خلقتني على كلمة (( الغات الاصلية ))هاي الفقرة متل ما هية جاي بالانكارتا : Languages English (official), indigenous languages اذا اختصرنا السكان اللي فيها ل 100 واحد فيتوزعوا بالشكل التالي : التوزع الطبقي 93 من اهل المدن (( وبالمرتبة رقم 8 عالميا بهي النقطة بالتكافؤ مع الآراغواي وآيسلاند )) 7 من اهل الريف (( الرقمين السابقين بيرجعوا لاحصائية ال 2005 )) من الناحية القومية او العرقية 91 من العرق الأبيض 7 من العرق الاصفر (( او الآسيوي )) 2 من العرق الاصلي وبقية الاقليات من ناحية الاعتقاد الديني 29 روم كاثوليك 22 مسيحيين آنجليكان 14 بروتستانت 15 طوائف مسيحية اخرى 14 لا دينيين 6 ديانات اخرى متوسط العمر والاعمار النساء بعمر ال 83,8 الرجال بعمر ال 77,9 وبشكل عام المتوسط 80,7 (( بالمرتبة 8 على مستوى العالم بالتساوي مع السويد وسويسرا )) من الناحية الصحية في طبيب لكل 401 بحسب احصائية عام 2004 العناية الصحية المؤمن من المشافي : سرير لكل 135 مواطن من الناحية العلمية : عدد سنوات التعليم الالزامي 11 سنوات عدد المعلمين بالنسبة إلى عدد الطلاب (( النسبة )) معلم واحد لكل 17 طالب (( بحسب احصائية العام الدراسي 1997 )) نسبة المتعلمين (( الحاصلين على محو الامية بحسب احصائية 2005)) 100% (( اوه ماي سعدو )) من الشعب الاسترالي !!!!!!!!!!!!!!!!!!!!!!!!!!!! تم وضع الدستور في : 9\7\1990 وتم التعامل به بشكل رسمي ومعتمد في 1\1\1991 عدد افراد الجيش : 52,872 بحسب احصائية 2004 عدد وظائف العمل : 10,527,217 بحسب احصائية 2006 نسبة البطالة : 5,4 بحسب احصائية 2004 الدول الاساسية اللي بتصدر استراليا منتجاتها الها : يابان ، الولايات المتحدة ، كوريا الجنوبية ، الصين ، نيوزيلندا الدول الاساسية اللي بتستورد منها منتجاتها : الولايات المتحدة ، يابان ، الصين ، المانيا ، جمهورية كونغو المتحدة التقنية : كل 1000 استرالي ، 1,931 بيمتلك راديو بحسب احصائية عام 2000 كل 1000 استرالي ، 564 بيمتلك تلفون بحسب احصائية 2005 كل 1000 استرالي ، 764 بيمتلك تلفزيون بحسب احصائية 2000 عدد مضيفي الانترنت (( internet host )) لكل 10,000 هوي 1,428 بحسب احصائية 2003 كل 1000 استرالي ، 297 شخص متابعين للجرايد بحسب احصائية 1996 كل 1000 استرالي ، 601 شخص بيمتلك سيارة بحسب احصائية 1997 |
اقتباس:
اقتباس:
اقتباس:
|
اقتباس:
انو 100% من الشعب الاسترالي حاصل على محو الامية.. و الاعتقادات الدينية كمان.. لك روح يسلم ايديك و يديمك ذخر النا يا باشا.. :D اقتباس:
|
حلوو جدا ومتابعة جدا...
تابع والى الامام دخلك شفلنا بلد المحبوب شوبيطلع عنو معلومات:p |
اقتباس:
نزل ضغطي .. لحقوني بالمي والملح شو عاملك انا حتى تقوليلي باشا ؟! :x ليش حتى تشتميني بالطريقة هي ؟! ما بتعرفي انه كلمة باشا كانت تطلق على الشخص اللي بحط الملك رجله عليه ؟! يعني باشاه = با شاه = موطئ قدم الملك روحي سعدو يغفرلك :p اقتباس:
وصحيح اني على علاقة مباشرة مع سعدو وصحيح باني وباني وباني .. بس هاد كان زمان هلق ما عاد عندي هالـ صفات ففين هاد بلد المحبوب بلا صغرى :sly: |
اقتباس:
الف حمد لسعدو..:o اقتباس:
اقتباس:
|
لك أبو طوني أيش صار بفرنسا , الصبايا صارلهم سنه وتلات شهور عالدور ! ! :lol: |
| الساعة بإيدك هلق يا سيدي 11:16 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
