|
نظرية المؤامرة!
- لك يا أخي شبك انت؟ ليش هيك خايف؟
- شلون يعني مابدي خاف؟ - طيب من شو خايف؟ - خايف؟ خايف من القمة! - عندك فوبيا مرتفعات؟ - لك لااااااء, القمة القمّة ! شبك! - آه, إيه فهمت عليك, طيب من شو خايف؟ - خايف يطلعو بشي قرار مصيري في ظل الأوضاع الراهنة, ما انت عارف انو الأمة عم تمر بمنعطف تاريخي هام في حياتها, و أنو استحقاق الكرامة والحرية والنضال الوحدوي الاشتراكي قرّب كتير! يعني إذا ما كنا قد الموقف, وعلى مستوى القضية, وإذا ما وقفنا نحن الجماهير صفا واحدا خلف القيادات الحكيمة يلي مجتمعة كلها بالقمة, فسلام عليى الأمة وعلى نضالها التاريخي, رح نخسر كل المنجزات يلي حققناها بوجه الاستعمار والامبريالية والصهيونية العالمية! - الامبريالية؟ الصهيونية العالمية؟ بالله دخلك شو يعني أمبريالية وصهيونية عالمية؟ - معئول ما بتعرف, لك هدول هنن أعداءنا, هنن يلي بدون يقوضو مسيرتنا ونضالنا ويحطمو منجزاتنا! - فهمانك, بس يعني مين هنن؟ - لك شبك, عم ألّك الامبريالية والصهيونية العالمية! - والله فهمت, بس مين هنن يعني؟ يعني وينون؟ - وينون؟ هدول منتشرين بكل الدنية, بكل العالم, مهمتهم الوحيدة مواجهة نضال الشعوب الكادحة يلي متلنا وسرقة انجازاتها وتقويض مسيرات التقدم والتطور! - لك والله فهمت, بس يعني مين هنن؟ شو هنن؟ منظمة, دولة, عصابة, حكومة! لك شو هنن! - عم قلك هدول الامبريالية والصهيونية العالمية, عم يتآمروا على الأمة العربية وعلى أحلامنا الاشتراكية وعلى ... - لك فهمت والله فهمت, عم أسألك مين هنن!!! - آه, إيه, يعني انو هوه, بتعرف شو, أ،ا مستعجل وعندي موعد, بدي روح تابع النضال ضد الامبريالية والصهيونية العالمية! - إيه مع السلامة! (يا حرام, مو عرفان انو الامبريالية تبعيتو مو موجودة غير بمخو!) |
:D حلو ...
قولتك كل اللي بيحكو وببعبعو بيكونو مو عارفين الله وين حاطن |
يعني أنا عم حاكيك عن تجربة, جربت انت شي مرة تسأل حدا من الشباب شو يعني امبريالية وصهيونية عالمية؟ يا سيدي رح تتفاجئ انو رح يكون الجواب تماما متل ماني كاتب!
أنا كمان انفلجت لما اسمعت الجواب! |
كمان تثبيت ... :D
|
اقتباس:
|
اقتباس:
|
مشاركهالموضوع
(يا حرام, مو عرفان انو الامبريالية ...
تبعيتو مو موجودة غير بمخو!)..:shock: |
| الساعة بإيدك هلق يا سيدي 18:53 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون