رمضان شو بيعنيلك؟
:D
السلام عليكم ورحمة الله وبركاته.. بما انو رمضان عالابواب وقرب كتيييييير :yahoo: فا حبيت افتح هالموضوع.. شو بيعنيلك رمضان؟ بمعنى اخر رمضان شو بالنسبة الك؟ هل في اشيا معينة بتتمنى ورح تحاول تعملها بالشهر الكريم؟ وهل عادة كنت تتمنى تعمل اشيا وعلى الاغلب ما كانت تصير..:oops: بتمنى كل احلامنا وكل امانينا والاعمال اللي منتمنى نأديها نعملها ان شاء الله برمضان..ورمضان كريم عالجميع وكل سنة وانتو سالمين وان شاء الله هالشهر المبارك يكون فاتحة خير وصفحة جديدة احلى وانقى بحياتنا :D |
اوكي رح بلش انا واحكي عن رمضان بالنسبة الي..
رمضان هو مش مجرد شهر صوم عن الاكل رمضان اغلى واروع من هيك بكتييييير رمضان شهر صوم عن المعاصي عن كل الاعمال السيئة اللي كنا نعملها.. رمضان شهر بيعلم الانسان معنى الصبر معنى الاحساس باخوه الانسان رمضان شهر بيعلم الانسان متعة كبت المتعة والشهوة.. رمضان شهر عبادة صوم صلاة واقتراب من الناس كل الناس.. رمضان شهر محبة واحترام.. رمضان شهر المساواة والتساوي بين الغني والفقير ..الجوعان والشبعان باختصار رمضان شهر كريم ومبارك! اما الاشيا اللي نفسي اعملها ورح احاول بكل جهد اعملها فهي ختم القرآن الكريم.. اما ازا في اشيا مرات كان نفسي اعملها وما قدرت فأي نعم رح اعترف انو كان نفسي اعمل اشيا برمضان السابق وما عملتها لانو كنت متكاسلة:oops: وكل عام وانتم بخير :D |
رمضان شهر فضيل كل شي حلو بصير فيه
رمضان مو مجرد صوم وكمان ربط للسان :lol: يعني بخف النم والغيبه |
اقتباس:
اقتباس:
اقتباس:
اية كل سنة بقول راح اختم القراءن ... ولا رمضان ختمتوة ....بس هالسنة مصممة:gem: اقتباس:
امييين ورمضان كريم :D |
اقتباس:
معك حق رمضان شهر بنربط فيه اللسان :lol: "اللهم اني صائم" هالجملة كتير بحبها وكتير بتنقال برمضان كل ما انسان بيجي بدو يعمل عمل سيء او حتى بدو يرد على اهانة بفكر مرتين قبل ما يغلط و يقول او يعمل.. تحياتي :D |
اقتباس:
تحياتي ورمضان كريم :D |
اللهم اني صائم ييييييييييه شو بتنحكى برمضان والله احلى جمله وبتخف الاغاني وبيكتر سماع القران وبتزيد الجمعات
لك احلى شهر شهر رمضان |
تغيير كل شي بالحياة
بالفعل احلى شهور السنة |
اقتباس:
خلو رمضان فرصة لنرتقي بانفسنا و كمان فرصة للتغييييييييير و يسلموووو مروة عالموضوع الحلو:D:D |
blanco و cuty
شكرا عالمرور الحلو ورمضان كريم :D |
رمضان هوه شهر الرحمن ، انا بهل شر بحس حالي بصير انسان تاني الحمد لله
رمضان بيعنيلي اهلي و اخواتي ... و اعدتي معهم اكتر من اي شهر تاني رمضان بيعنيلي شهر ممكن انو ربي ممكن برحمتو يغفرلي زنوبي يلي بحسها كتيره رمضان هوه الشهر يلي بتمنى دائما عيشو بسوريا بس للاسف مابحسن رمضان عندي كمان الشام و حواري الشام و الشام القديمه رمضان اذان المغرب بالجامع الاموي ، ومدفع الافطار رمضان شهر ببساطه مافي كلمه بتوصفو وشكرا على هل موضوع |
اقتباس:
|
رمضان حكمة الاهية خارقة لتكسير روتين الأيام
|
رمضان شهر الخير والنفوس الطاهرة شهر نقااااء
بحس بالدفئ فيو وبحس اني ببلدي ولو اني بعيدة عنو وبحس انو الناس قلوبها على بعض احلى شهر بالسنة بنتظروا من العالم للعام ورمضان كريم علينا وعليكم وشكرا عالموضوع ياكتكوتة |
رمضان فرصة لتحسين حالنا و نفسنا من جوا و تحسين علاقتنا مع الله
و هو احلى شهر بالسنة و لازم انو نستغل كل دقيقة منو و نستفيد منا رمضان شهر المغفرة و الرحمة رمضان كريم لكل العرب :D |
اقتباس:
ورمضان كريم :D |
اقتباس:
رمضان كريم :D |
اقتباس:
رمضان كريم :D |
الساعة بإيدك هلق يا سيدي 04:51 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون