|
الشتيمة .. المشتوم ... الشاتم
اليوم يا حبيبي يا حلوين بدي احكي عن قصة و صرعة جديدة صايرة يلي هي الشتيمة = المسبة و تعريفها حسب صحيح أبو وليام جملة أو شبه جملة ذات معنى جنسي على الأغلب تصدر من الشاتم و توجه إلى المشتوم لعدد أسباب أولها المزاح ثانيها الحيونة و التعصيب ثالثها الاستفزاز لعمل مشكلة و على الأغلب تكون الشتيمة بعيدة المدى لتصل إلى أفراد العائلة و خصوصا الجنس الأنثوي ( أم ,, أخت ,,,خالة ... ) المهم لح علق على اول سبب المزح شو هالمزح يلي بيخلي الأم أو الأخت يلي هي شي مهم بحياة البني ادم تصير مسببة تنين تطور أنواع المسبات تلاتة و هي الاهم ما عادت المسبات محصور سماعها بين طرفيها السابب و المسبوب بل تصل إلى جميع المارة لسابع حارة دون خوف على شعور المارة من الأطفال و الكبار و كل العالم المهم السؤال شو هالمستقبل المشرق بعد المسبة |
هلا انت بدك تعرف ليش هالمزح وانو مو منيح ولا بدك تسال بالمعنى الاصح شو دواعي السب.....
في ناس مو بايدون بيسبو فشة خلق وفي ناس ترهيب ومنفخة وفي ناس بيسبو لداعي ممكن يكون لاثبات الوجود .... هلا كل انواع المسبات لي بيكون متعرفين عليها الولاد والكبار من وين منشاها ؟؟ اكيد من الوسط المحيط لانو منتشرين بشكل فظيع على الرغم من انو تفسير بعض الكلمات النابية ما الها تفسير معجميا بس في ناس بتسب عالعمياني عالرغم من جهلون لبعض الكلمات وانا منون :oops:... بس سرعان ما اتداركت هالقصة وعم حاول اني بطلها شوي بس مو لدرجة اني يوصل صوتي لسابع حارة متلما حكيت:lol:...... وازا بدك تعرف شو مستقبل المسبة اكيد حيكون عادات مكتسبة سيئة جدا بتعكس على صاحبها عدم الترباية .. :D |
تعا احكيلك هالقصة ...
وقت كنا صغار كانت ماما تضل تقلو لبابا ما تسب قدام الولاد .. لمرة من المرات كانوا رفقاتو لبابا عنا وقاعدين عم يحكوا بيجي حدا بسب قدامي انا .. (ست فضيحة):p .. كان وقتا عمري شي سنتين تلاتي ... مافي تاني يوم كانت ماما عم تطعميني ....قمت قلتلا نفس الكلمة اللي سب فيا هالحدا قبل بيوم :oops: وكانت ابدا مو حلوي .. طبعا ماما انصدمت بحياتا :lol:....ومابعرف قديه ضلت تشرح و باينو طريقة فهمتني انو ما لازم قولا مرة تانيي لهاي الكلمي ...:lol: بعدين شو السبب اللي بخلي الواحد يسب ع ام او اخت الشخص : لان بكون عم يسب ع شرف المشتوم ...:? اللي هوي ع اساس اغلى واثمن ما يملكه المرء:larg: بس بحس انو اغلب العالم بتعتبرا فشة خلق ... او انو و الله انا عصبت لازم اني سب .. او ازا انا سبيت معناتا انا كبرت .. او انو واو شو كول .. مع انو :كـ رأيي الشخصي ابدا ما بستظرفا .. شو ما كانت الاسباب تكون وميغسي مسيو :larg: |
على فكرة مريومة كلامك تاكيد لكلامي بس باسلوب تاني الشي للي بياكد صحة كلامي:larg:
|
اي لاحظت :lol:
|
في ناس كل ما كبرو بمسباتهم ونالو اكتر من عرض اللي ئدامهم مفكرين انو صارو ارقى واكبر
وطبعا العكس تماما هو الصحيح انا بئرف من هدول الناس الحئيئة والاسوا يلي بيتطاولو عالدين والرب يسترجو يحكو متل هيك بكرة وئت بيئابلو ربنا |
ذكرتني باغنية للفنانة المتالقة هيفاء بنت ابي وهبة الي بتقول فيها
نووووتي نوووووتييي :sosweet: |
هي الشتيمة جزء من الثقافة اللي بتختلف من شخص للتاني بس في جزء منها بيكون جزء من الثقافة الشعبية، مشان هيك الطليان ما بيقبلو يقولو عن حدا أنو بيحكي ايطالي منيح غير ما يكون بيعرف الشتائم الايطالية (طبعاً هي الظاهرة بتزيد بشكل كبير كل ما اتجهنا نحو الجنوب) وفي مطعم مشهور بروما اسمو Parolace يعني شتائم، الصحون فيه مكتوب عليها مسبات، والجرسونات بيضلو يسبو والزباين كمان.
وبلبنان كمان طبعاً الشتائم شي عادي وطبيعي خصوصاً اللي من الزنار ونازل خصوصاً بالبقاع، والغريب أنو النسوان بيسبو متل الرجال وبيستعملو نفس الشتائم اللي بتستعمل فيها الإهانة للأم والأخت والزوجة، والأغرب أنو من كل القاموس المعتبر اللي بيستعملو فهني بيستهجنو أي مسبة غريبة على قاموسن متل حمار مثلاً المستخدمة بشكل كبير بالشام مثلاً |
اقتباس:
اخيرا اتجرأت اخيرا انا دي الوقت حا علي صوتي علييييييه :lol: (يعني كمان شي شتيمة من اياهم) |
اقتباس:
اقتباس:
بس من فترة قريبة قررت غير لأنو بشكل عام صرت حس حالي حثالة اقتباس:
:D |
لك تسالي يازلمة شغل شباب .. هي هيك بتصير متل رفع كلفة بين الرفقة
يعني ماحلوة هيك رفيقك وانت وياه مابتسبو بعض وحكيكن رسمي .. انو هيك بتشيل الحواجز او يازلمة مثلا بتكون عبتلعب طرنيب يروح يواحد يطرنب ع شريكو وهو اكال .. او ينزل الشيخ والقص لسه مانزل اي مابينسب هادا ؟؟! |
يعني انا مابعرف بس بحس انه المسبه احيانا فشه خلق ولو هو صحي مادخل الام ولا الاخت بس ..يمكن لان الواحد مو قادر يعمول شي غير يسب ..ومثال الطرنيب اكبر دليل :p
|
مثلا .. شوفو .. صفصف .. بتوقيعا .. نازلة بشرف الحيط مع انو .. وشرف عرضو للحيط انو .. مالو علاقة :p
|
اقتباس:
يعني انا قاصده منها فشه خلق مو اكتر ..وعم سب لان بحس بالريحه النفسيه يعني :lol: |
هي كمان قصة تانية انو المسبات العادية صارت بالية ..
كتل هلأ انت عصبت من شريكك مثلا بشي لعبة الطرنيب مثلا (انو عمنستخدم اللعب لانو هو اكتر الشي فيو هيك تفهيم للقصة ) وانو مثلا ازا غلط شريكك ونبهتو اول مرة ومافهم والتانية نفس الشي فانو ازا تالت مرة قلتلو مثلا ياحمار انتبه يمكن ياخداا عادية مايفهم شي بس لما بتسبو مسبة كبيرة مثلا يا ابن الهيك والهيك انتبه هداك الوقت هو بنتبه انو القصة فيا شي غلط وبدا تزبيط عن طريق هالمسبة اللي كبيرة اللي صارت متل اداة تنبيه :lol: وبالنهاي يعني ازا واحد مثلا سب اخت رفيقو مابكون قاصدا رسمي يعني او انو مو بالمعنى الحرفي للكلمة :p وهون نحن عمنحكي ع الرفقة لانو اكتر المسبات بين بعضن ... و وانو مابتكون ماشي بالشارع وهيك حدا بجي بسبك من الباب للطاقة |
هلق بنسبة ل أديولجية المسبة..........بحس فيها تفريغ لطائة مكبونة........وخاصة اذا كنت الي عم تسبو مو سامعك........وهي بتصير كتير...........بتكون ماشي بسيارة بيطحش عليك واحد........بيكون رح يفوتك بل المنصف...........بعد هل الرعب لازم تفرغ هل الطاقة.........فا بيصدح لسانك بشتايم..........يعني بحسها بتفرغ عن طاقاتنا المخباية
|
*هاموش:
من كام يوم شهدت حادثة شتم شوفيرية.. واحد إلو للتاني إس اختك.. مع العلم انو اخت المشتوم بتكون مرتو للشاتم:o؟؟ هيك يعني.. |
أي اخت اللي مالو أخت على مرت العزابي بئا :x
ولك عمي المسبّة دخيل ربا المسبّة .. ليش نحنا أرقى من الأجانب نازلين fuck و shit على الحياة وليكون متقدمين علينا يعني والله بتفش الخلق قسما بالله يعني وينكون نفسيا نفسيا الواحد بيرتاح متل ما بيرتاح لما بيسمعلو غنّية :metal: ميتال أو بيبيع الدنية بقشرة بصلة مع غنّية لعلي الدّيك :o وبيلعن أخت الأرض بالدبكة ع غنّية لفارس كرم ..... الخ يعني لك خيو ما دخل المظاهر الواحد بيجوز بظاهرو عم يسب ويلعن و يسلخ بأعراض الدنيا بس بيكون من جوا قلبو طاهر ويمكن لأنو قلبو نضيف حابب ينبذ الأشيا الغلط وبيضلو يسب عليها هو يعني رب الغلط منيح؟؟ :? أي يلعن رب الغلط :o يعني أهم شي الأعمال والناتج اللي بيعملو الواحد بحياتو ليفيد اللي حواليه أو يفيد البشرية ككل لحتا نحكم عليه و يحكم عليه رب العالمين :D |
| الساعة بإيدك هلق يا سيدي 21:12 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون