|
لسواد عيوننا
ابو النور جاي من بعيد و يصيح أبو سارة .. ابو سارة يجاوب ابو سارة .. خير ؟؟ اليوم جبتلك خبر رائع ... شوقتني .. احكي اليوم التجار قرروا تنزيل الاسعار 1% دعما للمواطن و خصوصا أثناء الشهر الفضيل ! صدق ؟؟! هذا أحلى خبر .. بس شلون جتي الفكرة ببالهم ؟ ما اعرف بالضبط .. بس نزل كل شي بالسوق 1% ... ابو سارة راح ليتحرى ... و رجع ... ابو الأنوار طلعت الشغلة مو مثل ما توقعنا ! شلون بقا ؟ يا سيدي ... لأنه اليورو بدا ينزل و الدولار بدا يصعد .. و صار ركود اقتصادي في المانيا و اسبانيا ! و تعرف سوقنا عالمي ... اذا صعد الدولار 1% تزيد الاسعار 10% اي و ما ننسى اعتماد الاوربين علينا بكثير امور .. ما تشوف شلون البضائع العربية من تصل الى اوربا .. يصير قتال عليها ! طبعا حتى هم ما يشتروا الا السلع العربية و لا تنسى هم دائما يقرون الكتب الاستراتيجية للكتب و المحللين العرب ... ! و انطلاقا من حب العرب لمشاعر الغرب حتى ما تزيد عدهم البطالة بسبب غلاء اسعار البضائع و المطبوعات العربية و ما ننسى حقوق النشر و الترجمة ... قرر اتحاد التجار العرب ... تنزيل 5% من كل شي من اجل (زراق) عيون اوربا ... وتنزيل 1% بسوقنا ! اي هلا فهمت ... يعني مو لسواد عيون المواطن العربي و الشهر الفضيل .. ؟؟ لا يروح فكرك بعيد ! اصلا التجار العرب في بالهم مشروع تصدير المواطن العربي الى اوربا .. لان الاوربيين يحتاجون صناع قرار ستراتيجيين ! و لذلك لازم يظل ينزل سعر المواطن العربي .. و يتصدر الى اوربا ! بس انا مو معك بهي النقطة .. اذا سافر المواطن العربي .. التجار العرب شلون رح يفتكوا بالمواطنين العرب و يشلحوهن اواعيهن دائما و أبدا ؟؟! انا بقلك .. كل ما يقل سعر المواطن العربي ... رح يزيد عدد اللي يسافرون الى اوربا و اللي يصل اوربا رح يظل يشتغل صبح و ليل و صبح وليل .. مو بس حتى يعيش بس حتى يعيشوا اهلوا و اخوانه ببلادنا ... يعني التعب رح يرجع الى العالم العربي و (ديركيت) الى جيوب التاجر .. الله يرحمك يا شاهبندر تجار حلب و يخلي ترابك ... ! ابو النور .. مو التجار سبب كدنا المستمر وتقدمنا ؟؟ اي .... (مع تنهيدة) بحياة الغوالي .. ما يستاهلوا من ابو النور بوسة ؟؟!! ابو النور حاول يشق تيابو .. بس استحى من الناس اللي بالشارع. |
حلوة و ع الوجع بنعومة وابتسامة .. الف تحية :D |
اقتباس:
وبيقولو خططنا الاقتصادية فاشلة .. حلو ..:D |
فعلاً ... مو لسواد عيوننا
|
همّ يبكي وهمّ يضحك ، التجار العرب بيعرفو بنظريات الاقتصاد وبيعرفو العلاقة بين السعر وبين الكميات المعروضة والمطلوبة :lol: هاد المضحك أما المبكي هو استغلالهم للمواطن العربي الغلبان :sick:
|
قولتك هادا يلي بيقولو عنو
المجتمع الاستهلاكي يلي بينقال مجتمع الاستــهلاك = هلاك |
بدهن بوسة تاخدهن من بين عيونهم :pos:
|
هاد اسمو "اقتصاد السوء الاجتماعي"
بس السياسيين يصيروا تجار, منقول للوطن: تصبح على خير! |
اقتباس:
انو ع الوجع اب سارة... بس متل ماقلتلك مبارح هي موهبك لازمها تنية لانو متل ماعم شوفك ع الماسنجرعم تبدع كتير... |
| الساعة بإيدك هلق يا سيدي 07:29 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون