|
أبناء العجز
وبعدين يعني ..
ما بكفي هيك .. ما بكفي فقر .. ما بكفي عنصرية .. ما بكفي فساد .. ما بكفي استعمار .. ما بكفي قيود .. ما بكفي تمييز .. ما بكفي طبقية .. ما بكفي مظاهر .. ما بكفي طمع .. ما بكفي ذل .. ما بكفي كراهية ... ما بكفي .. شو بدكم أكتر من هيك ينعمل فيكم .. ؟؟؟ بدنا نضل نفكر بمنطق الخوف .. بدنا نضل نفكر بمنطق الانانية .. ما منقدر نقول بس .. ما منقدر نقول هاد حقي .. اذا نحنا هيك .. عمين بدنا نرمي مسؤولية زمنا .. ؟؟؟ يا جماعة شوية حضارة .. شوية ثقافة .. شوية كبرياء .. شوية حرية .. شوية رفض .. شوية تمرد .. شوية جنون .. بس شوي .. وعيش ..  |
نيالك شو ذهنك صافي
أفكارك بحاجة لثقافة مجتمع بس وين هي الثقافة:shock: :shock: |
اقتباس:
بس ما في .. |
و لك نيرفانا هادا الحكي من عندك ولا لاطشتي من شئ منتدى
بس على كل الاحوال هادا اول موضوع شوفو اليوم وله معنى واما بالنسبة لمطالبك فلا تعزبي حالك لانه ماحدا حابب يواجه الواقع او بالاحرى ماحدا فاضي يناقش هيك مواضيع على النت يعني بالمشرمحي لاحياة لمن تنادي |
اقتباس:
قولتك ضلني مع ابو حشيشة لانو لا أذن لمن يسمع .. |
وأهم شي شوية أحترام .........
|
اقتباس:
وأقول لك برافو تابعي لعلك تستطيعين ايقاظ من راح منا بسبات طويل لعلك توقظين فينا أمل وحلم ضائع تحياتي لك:D :D |
نحنا مقصرين كتير .. مقصرين أولا وأخيرا بحق انفسنا ..
لانو كان بإمكانا ومازال انو نصنع حياة افضل .. خلي يكون النا دور بهالدنيا غير أكل وشرب ونوم ومدري شو .. شكرا الك بلايد وعمار .. |
اقتباس:
شكرا كتييير نيرفانا على الموضوع اللي كتيييير حلو بس بدي اقولك انه ليش نحنا ما عنا هالاشياء اللي عم تقوليها هلا لما يكون الرجل كل همه من وين بده يجيب المصاري لحتى يصرف على بيته وعلى دراسته وعلى متطلباته وعم يسعى ليكسب شويه هالمصاري ياللي بده يعيش فيها ويعيش اسرته ما ببقى عنده وقت ليفكر بالاشياء اللي عم تقوليها واللي معه مصاري عم يصرفها على الاشياء شهواته وملذاته وما بده شي يعكنن عليه او ينكد عليه بصير ما عنده وقت ليفكر ويصحى على اللي عم يصير حوليه بعدين ياللي بيطلع بره وبشوف كيف الغرب عايشين بنسى بلده وبعتبر حاله انه هو احسن من اهل بلده وما بيفكر انه يرجع لانه مو من مستواه انه يعيش بهيك حياه اكيد مو الكل بس كتيير في ناس هيك واللي بفكر بتغاضى عن كل هالامور و يعترض على ياللي بسير من اول كلمه عم يحكيها بروح بخبر كان ....... واشياء كتييير ما بتنتهي لو بدي احكيها فكيف حبيبتي بده يسير عنا حضاره وثقافه وكبرياء ............. ؟؟؟؟؟؟ وتحياااااااااتي |
اقتباس:
|
اقتباس:
بس كل المجتمعات مرت باللي عم بنمر فيه مع اختلافات طبعا .. بس دائما كان في ناس تعمل تغيير .. بتعرفي الثورة أو الرفض أو التغيير اللي بيجي من المقهور بحقق نتائج افضل .. لانو بكون مليان غضب .. |
اقتباس:
بس مافي شي بمجتمعنا هلا اسمه ثوره او غضب واذا بدنا نعمل هيك لازم الثوره تقوم بوقت واحد من كل العالم مو بس من فئه او حزب واحد لحتى نتغير بس اللي بنقدر نعمله نحنا انه كل واحد فينا يحاول يغير نفسه ويربي ابناءه ويربي اسرته على الاسس الصحيحه ما نبقى بس نقلد التقليد الاعمى اللي تربينا عليه يعني رح يكون تغييير فردي بس احسن من لا شيء اكيد انه التغير رح يجي متاخر بس ان تاتي متاخرا افضل من ان لا تاتي ابدا :D :D :D |
الثورة ما بتعمل شي
والدم ما بيسقي شي والنار ما بتحرق الطغيان كل هالمفردات راح تضل قاصرة وراح تضل الكلمات الكبيرة يللي بنحملها اكتر من طاقتها لانو لو صارت مية ثورة راح نرجع لنرجع لنفس القفص السبب واضح لاتبعدوا لاتروحوا لبعيد اتطلعوا باخوية بالزوايا بالغرف الصغيرة بالمواضيع المنسية والمواضيع الولعانة راح تشوف وحش كبير جوعان كل ماولدت ثورة من جديد راح ياكل اولادها هالوحشش اسمو الدين والتعصب الديني الثورة والدم والنار ما بيعملو شي قدامو يوم يللي بنقتلو وبنخنقو وبنقبرو بيصير فيينا نحكي عن ثورة بدكن تقول عني اني ضد الاديان قولوا ما بتفرق وهي بورية حشيش شعلناها |
على قولة حسون
_________ صار بدها revolution ________ هلق بينط واحد وبيقول .. لـ تعمل ثورة عـ النظام لازم يكون في نظام .. يا سيدي في نظام .. نظام فوضوي نظام ديكتاتوري نظام مو منظم .. المهم بنخلق نظام وبنمل عليه ثورة |
اقتباس:
ليش هون باخويه كل موضوع عم بتحول للدين واختلاف الاديان سبب ضعفنه مو اختلاف الاديان لانها موجوده منذ بدء الخليقه ولكن السبب هو الجبن والخيانه والخوف على المناصب والانانيه والتقليد الاعمى للغرب ............. يعني مو شرط يكون اختلاف الاديان متل ما بتقول هو سبب تخلفنا |
اقتباس:
نحن نتكلم عن ثقافتنا الرديئة عن موت انسايتنا موت ضميرنا الحضارة الزائفة التي نعيشها عن تجحيشنا بالعربي القح عن العادات الرديئة التي اكتسبناها وتركنا عادتنا الجميلة الأخرى وبعدين ماصفي بها الدنيا غير التعصب الديني عندما يكتسب الانسان الأنسانية أولا ثم ثقافة المجتمع يسمو فوق الأمور الأخرى |
اقتباس:
بس بدي اسألك سؤال ولناخد مثال بسيط العراق مو هلق ع اساس عم يأسسوا دولة من جديد؟؟ ليش دائما التقسيمات عم تصير ع اساس الدين؟؟ مو لانو الشعور بالفارق الديني مسيطر علينا تمام كعرب؟؟؟ ليش ما بتتقاسم المناصب متل كل دول العالم المحترم ع اساس الاحزاب؟؟ ليش الحكي دايما هو ع اساس شيعي او سني او كردي؟؟ اتطلعي ع غير بلدان عربية شو بتلاقي؟؟؟ بتلاقي شي غير الدين هو يللي عم يجمع ناس ويفرق ناس؟؟ بعدين اخوية مانها عينة عن المجتمع؟؟؟ بقا ما بدنا نهرب من واقعنا واذا بتحبي بعطيكي مثال تاني بس ما بدي اقلب القصة لنقاش عن بلد محدد |
اقتباس:
تبع هدول الأجانب يلي أنت عم تحكي عليهم أي دول العالم المحترمة التي تقصدها وبدنا ثقافة وعمل وجهد وانسانية حتى نلحق بهاالركب السائر فاالدين مااله علاقة عندما تكون ثقافتنا عالية ومتفتحة تصغر الأختلافات الأخرى بل أنها قد تثري:( :( |
| الساعة بإيدك هلق يا سيدي 02:29 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون