|
أمواج مشرفنا العظيم ياس
هادا ياجماعة .. اليوم مناسبة شبه قومية وطنية :? والعطلة رسمية بدنا نبارك لمشرفنا العظيم ياس :larg: من فترة ترشحت مدونتو - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - " أمواج اسبانية في فرات الشام " لجائزة ال bobs الألمانية :ss: واليوم تم اختيارها من ضمن أفضل 11 مدونة عربية " ضمن أكتر من 8000 مدونة مرشحة " :clap: يخزي العين .. دقوا الخشب وصلو عالنبي ..:pos: بدنا همتكن شبيبة المهلة شهر للتصويت . العشرة الأوائل رح يتنافسوا عجائزتين جائزة لجنة التحكيم وجائزة التصويت الشعبي وطبعا طبعا ياس عميل حسابك العزيمة على مناسف بالرقة والجوائز توزع مناصفة للجميع :o :p هي الروابط ياجماعة همتكن :D - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - الخبر منشورا على موقع المدون السوري ______________ - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - صفحة المسابقة, و فيها عرض الـ 11 مدونة عربية المختارة _________________ - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - صفحة التصويت الشعبي , اسم المدونه : أمواج اسبانية في فرات الشام بتلاقوها بقسم Best Weblog Arabic عالدبكة .. وعرب عرررب:yahoo::yahoo: وهلأ بدنا ياس يوصفلنا شعورو ويوافينا بالتفاصيل :gem: |
مبروك أبو اليوس
و ع قبال المركز الأول :gem: |
صوتنا
 |
مبروك مبروك
مبرووووووووووك
|
ان شاء الله ألف مبرووك وعقبال النجاح الأكبر
|
وهي صوتنا
الف الف مبروك |
صوتنا لمشرفنا اللي بيستاهـل الجائـزة اكيــد :gem:
|
هي صوتنا .. لك احلى ابو مارال
خبرونا اذا دخلنا عنوان ايميل تاني ما بيطلعلنا نصوت مرة تانية؟؟؟؟ حاولت بس ما بعرف اجتني رسالة انو لقد قمت بالتصويت :shock::cry::cry: |
مبروك ياس مبروك :gem:
وهي كمان صوت اقتباس:
|
وهي كمان صوت ....:gem:
الف مبروك وان شالله المركز الاول ...:D |
مبروك للفكر والحرية مبروك ياس :D
لك صوتي. |
ألف مبروك ،
أنـا سبق و قريت جزء من هالمدونة ، شي كتير رائع .. بهنيك على الإبداع .. و الله يوفقك يارب .. :D |
هلا لرجعت من صندوق الاقتراع...
عطيت صوتي للأمواج الفراتيّة المغتربة! :D. |
انو صوتت ..وبكرا برجع بصوت من المكتب .. :gem:
فيفا اميغوووو :gem: |
شكرا للغالية أوبس على الموضوع.. و شكرا للجميع على التهنئة :D
الحقيقة انو... لسى ما فقت يعني... انو مدونتي من ضمن أفضل 11 مدونة على مستوى كل المدونات المكتوبة باللغة العربية!!! يعني من ضمن الآلاف من المدونات ... شي يشرفني طبعا هالترشيح (اللي هو بحد ذاتو فوز ما كنت حتى استرجي أحلم فيه) لهالجائزة المهمة جدا.. و العالمية حابب اشكر كل من تابعني و ساندني.. و مانون قلال.. و أغلبون موجودين بهالمنتدى... و بالأخص شخص بيعرف حالو منيح... يعني.. سامحونا عالرد المجعلك بس لسى ما فقت من الصدمة بصراحة (و طبعا صدمة حلوة.. الله يكتّر الصدمات هيك :lol:) هلأ بعد الترشيح في جائزتين, جائزة لجنة التحكيم, و جائزة التصويت الشعبي.. فانو ازا جاي ع بالكون تصوتولنا فعندكون هالرابط - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - بتنقو "أمواج اسبانية في فرات الشام" من بين الـ best weblog arabic و تحت بتلاقو خانات اسم و ايميل و لازم توافقو ع انكون قرأتو الخط الصغير, و تعبو خانة تبعيت نسخ أرقام من صورة.. (هاي عملنا دعاية انتخابية ببلاش)... شكرا كتير لهالمنتدى... و لأهلو و لروادو... هون بدينا.. و هون رح نظل.. مهما كترو الترشيحات و الجوائز.... مجرد وجود حدا يقرالي بأخوية هاي جائزة كبيرة لألي شكرا لكل اللي من أرسل التهاني ...مرة أخرى تحياتي :akh: |
في شغلتين كمان...
من ضمن أفضل 11 مدونة عربية على الاطلاق في مدونتين سوريات.. و هاد انجاز عظيم للتدوين السوري رغم كل العقبات و الحجب و التضييق الأمني... و له معاني بتمنى يفهمها... من يجب أن يفهمها... + بيشرفني, و جدا... انو المدونتين السوريات اللي ترشحو كأفضل مدونات عربية هنن لشخصين من المنطقة الشرقية, أنا العبد الفقير لله رقاوي.. و زميلنا و صديقنا عقبة مشوّح من الميادين.. كمان هون لازم يأخذ العبرة من يجب أن يأخذها :pos: |
طيب ليش الموضوع بالسقيفة مافهمت؟؟؟:shock:
المفروض الصالون او التشريفات.. |
صحيح قبل ما انسى.. في سحب أجهزة خليوي متطورة و شغلات تانية شغل معلوماتية (بتلاقوهون بصفحة المسابقة الرئيسية) للناس اللي يصوتو للمدونات, لذلك وقت تصوتو حطو ايميلات بتشيكو عليها بالعادة.. لأنو ما بتعرفو ازا بتطس
:D |
| الساعة بإيدك هلق يا سيدي 01:01 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون