للكبار والبالغين فقط ( الثقافه الجنسيه الجزء الاول ) هل تؤيد
 

الي بدو يشارك اهلا وسهلا ويلي مابدو يحلق من هون مو ناقصنا ولاد

للكبار والبالغين فقط ( الثقافه الجنسيه الجزء الاول )


هل نحن في حاجة إلى ثقافة جنسية؟
قد يكون هذا هو السؤال المهم .. حيث إن إدراك وجود المشكلة هو نصف الحل بينما تجاهلها يمكن أن يؤدي إلى تفاقمها بصورة لا يصلح معها أي حل عند اكتشافها في توقيت متأخر …

فما بالنا ونحن نحوم حول الحمى.. و لانناقش الأمور المتعلقة بالصلة الزوجية و كأنها سر و لا يسمح حتى بالاقتراب لمعرفة ما إذا ما كان هناك مشكلة أم لا ومن المفروض أن الاب أو الأم أن تقولها لأولادها ما أن يبلغوا سن 13 سنه

بس أذا شافها ع نت أو دري فيها من صديق بتدخل في نطاق "العيب" و"قلة الادب

يعني اذا البنت أو الولد بلغو شلون برأيكون نشرحلهم شو يعني سيكس عفواً جنس

وسؤال يطرح نفسه ايضاً هل أهلكم تكلموا معكم بخصوص هذا الامر ؟

وكيف تكلموا بحياء أم بمكاشفه وتدرجوا معكم بالحديث

أم لم يتكلموا معكم أبداً

الموضوع مفتوح لكل من تجاوز سن 13 سنه فقط

عمو عمو عمو


عمو مسطول انا تجاوزت ال 13
فيني احكي ولا لأ :oops:

جد شباب يعني صار في فضائيان ونت وشغلات وبلاوي ولازم الاهل يوعوا بنات والشباب من الصغر


يعني ممكن رفقوا رفيقتها تعطيها شي فلم من يلي بالي بالك ... الله وكيلكم الافلام عم تنباع علناً بالشام ع البسطات والملات وخلافوا

احكي حسون خود راحتك بس دير بالك شفر الكلام حاكم ممكن نجرح مشاعر بعض المشرفين الاتقياء ولا تجيب سريت الفرشايه :o
هع هع ومن ثم سيكس

عاش المنبر والمنبريون :larg:

ياريت هل موضوع ما يتحول من ثقافة حنسية الى ثقافة شوارع ..

بس الظاهر هيك رح يصير ..

على أمل تسجيل متابعة ..

بس بالاول بدي اقوللك شكرا مسطول على طرح الموضوع بهالطريقة ... وان شاء الله الموضوع يضل هيك بحدود الأدب

شوف أخي ... احنا بالوطن العربي، الثقافة الجنسية عندنا معدوووومة
يعني الناس بتعاملو مع الموضوع كانه سرررررر خطير ممنوع الحكي عنه ... لابالبيت ولا بالمدرسة ولا بأي مكان بيخطر ببالك.

متل ما انت قلت، المفروض الاهل يوعوا الشب أو البنت ع بكير ... لانو ممكن يتعلموا الموضوع بطريقة غلط من رفقاتن او من النت ....
بس اكيد بالتدريج ... يعني مو يدجوا المعلومات كلها مرة وحدة.
وبرأيي ... اصلا لازم يحكوا عن الجنس بمناهج المدرسة ... مافيها شي اذا شرحه الاستاذ، وصار نقاش بين الطلبة مع الاستاذ
أو على الاقل .... يصير في تواصل بين المدرسة والأهل ... بحيث المرشد الاجتماعي اللي بالمدرسة يعلم الاهل كيف يتواصلوا مع الشب او البنت وكيف يفتحوا الموضوع معاهن وايمتى .


انا بتذكر لما كنت 16 سنة ، ماما فتحت الموضوع معي ....
انا قلتلا : مامااااااااااااااااااااااااااااااااااااااا ...... مافي داعي .... بعرف :frown:
وبجد كنت متضايقة لانو ماعرفت منها ... عرفت من رفيقتي
كان نفسي اقولللا ...... بكيييييييييييييييييييييييير :frown:



عموما...مهما حكينا...ما اعتقد انو التفكير العربي رح يتغير ... وانو ممكن مستقبلا يصير الحديث مفتوح اكتر
شوف نسبة التصويت !!! 62.5 لم يصارحوني :frown: ... شايف بالله !!!

والله هيدا موضوع .............. تسلم اول شي
تاني شي لإنو ما في ثقافة جنسية عم يصير مقياس الرجولة عند الرجل مرتبط بأمور اخر ما ترتبط به هو الرجولة ..مثلا الدم المرافق لغشاء البكارة يعني إذا الرجل اللي ما عنده ثقافة جنسية ما شفت دم بيفكر حالو مو رجال أو بيفكر انو المرأة قد مارست الجنس قبل ان تمارسه معه يعني للأسف لإنعدام الثقافة الجنسية لم يعي هذا الرجل أن الدم المرافق للفض له كمية قليلة جدا ناتجة عن تمزق غشاء رقيق جدا وليست ناتجة عن " فحل "
ثانيا انواع الغشاء التي لا يرافق فضها نزول دماء المبتلية صاحبة هذا النوع من الأغشية يصبح حقا على زوجها إتهامها بالزنا ...
ومع ذلك استغرب التكتم الشديد على الموضوع .......

اسف طلع الرد لحالو بدون ما أقصد لهيك رح كمل ...........
انا برأيي لازم يصير نقاشات بالمدرسة حول الموضوع ومن اول ما يفوت الطفل على المدرسة لإنو إذا بدنا نحكي فيها بسن المراهقة بيكون ما في اعتياد عن الطلاب عن الموضوع وبيكون بعض منهم بلش يفوت بمرحلة البلوغ واللي ما فات بالمرحلة بيكون صديقه حكالو عن كلشي لهيك رح نفوت بشغلة يمكن ينحكى عنها الخجل عند الطلاب لأنو اصلا اخدين فكرة مسبقة عن الجنس ...........
هيدي ارائي ناطر اراء الجميع بإحترام

مع أنو توقعت يصارحوني ... بس ما حدا كان فاضي ... !!!

الثقافة الجنسية صارت لازمة جدا حتى لا يكون أحد منا في مستغلا بسبب الجهل الجنسي وهو مصيبة