|
صبااااااااايا ديرو بالكن
وقعت حادثتا خطف منفصلتين الأسبوع الماضي لفتاة بالحادثة الأولى وفتاتين بالحادثة الثانية .
وفي التفاصيل التي حصلت عليها سيريانيوز من مصادر خاصة أن أحد سائقي سيارات التاكسي العمومي من مدينة دمشق استغل صعود فتاة معه في الصباح الباكر من مدينة حرستا طالبة منه التوجه لعملها في شارع الحمراء إلاّ أنه انحرف عن الطريق مبتعداً في الطريق القديم الواصل بين دمشق وحمص , مهدداً إياها بالقتل كما حاول الاعتداء عليها , إلاّ أنها رفضت مقاومة طلبه فاكتفى بسرقة جهازها الجوال وتركها بالقرب من بلدة حسياء بحوالي خمسة كيلو متر . الفتاة لجأت إلى مخفر حسياء حيث تم تسليمها لذويها والبحث عن السائق بعد أن تعرفت على رقم فانوس سيارته. وفي حادثة منفصلة قام شابان من محافظة إدلب باستدراج فتاتين من أهالي القرية ذاتها ( أحسم ) إلى حديقة وادي الذهب في مدينة حمص حيث قاما بوضع المخدر ضمن مشروب الكولا , وأخذهن إلى شقة في الحي ذاته ( وادي الذهب ) حيث قاما بتعرية الفتاتين وتصويرهن على الجوال فيديو وصور وهن عاريات , وبعد ثلاث ساعات من وجود الفتاتين في الشقة قام الشابين بتركهن , وعمدا بعد ذلك إلى نشر الصور على الانترنيت للتشهير بالفتاتين , كما وزعا أشرطة سي دي تحوي على عروض عارية للفتاتين . سيريانيوز :larg: |
لك الهقصص عجيبه والله....بالاردن في كتير من هالحركات...بس شو بنعمل ...؟ ما في حل غير التكاسي ...!!
بس القصه ... انو استدرجو البنتين من ادلب لحمص وشربوهن كولا ؟؟؟ يعني كانو على معرفه مسبقه لحتى قبلو يطلعو مع الشباب ويروحو ع حمص ويشربو كولا!!!!!!!!!! |
قصص كتير بتصير مع شوفيرية التكسي .. عن جد أوبة ناس ماعندها شي بحياتها غير تضايق العالم .. عنا إبن جيراننا قبل فترة خطفوا شوفير تكسي وطالب أهلوا بفدية 5 مليون ليرة لعلمون أنو أبوه غني كتير .. وصارت قصة عويصة كتير بسببوا ..
ناهيك عن ذلك شوفيرية التكسي يللي بيهلكوك بأسئلتهون البايخة كلما بتطلع معهم .. ولك شي بدو يحكي بالسياسة وشي بدو يحكي بالدين وشي بدو يحكي بالبنات .. عن جد ناس فاضية وماعندها شي .. صدقوني كرهت إركب تكسي بسببهم .. |
الله الحامي يا reemi
بس اانا من باب الاحتياط ما بطلع بتكسي او ببعت حدا بتكسي بدون ما احفظ يا رقم الفانوس يا رقم السيارة:D |
اقتباس:
 |
اقتباس:
يعني .... بهنيك على هالذاكرة اللي عندك أنا اذا حدا سألني عن رقم موبايلي .... بدي اصفن شوي لاذكرو :sick: |
اقتباس:
بس وحياتك مو كلو ذاكرة ليش الرب لكن بعتلنا النبي موبايل:o يا سيدي مال عليي يمين يو م اللي صارت شغلة فتح الاسلام وجند الشام وبطيخ مبسمر :x كنت كل ما شفت سيارة غريبة (حاكم عنا بتبين دغري من شكلا ) كنت سجل رقما تحسباً على قولة هداك (والله نسيت شو اسمو ) انتبهي بلكي صار شي :o |
أم الريم لا تخافي على حالك بتطلعي قد عشر شوفيري
:lol::o |
أنا شاطرة بالقتال.....:gem:
بس مع هيك لازم الواحد يدير باله.. شكرااا..على التحذير...:D |
منيح اللي خلقني الله شب مو بنت
يعني علي الحلال اذا شي شوفير بدو يلعب بديلو عيارو كف من عمكم ابو اللول بيكون خالص |
| الساعة بإيدك هلق يا سيدي 07:36 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون