عندما يصبح للفن رسالة - فيلم Baraka
 

لست بصدد اجراء دعاية لفيلم ما او لمنتج ما
بل بصدد اخباركم باحد اكثر الافلام روعة والاكثر معنى وقيمة في نظري
خصوصا بعد هيمنة الافكار الـ " هوليدية " على كافة اشكال الافلام
وللأسف ... تبقى العلاقة السابقة صحيحة بغض النظر على فكرة الفيلم اوعن المعاني المرادة منه " والتي تم تنسيقها كليا تحت باب افلام الحركة " action ""




ببساطة الفيلم لا يحتوي على سيناريو او على حوار معد مسبقا للتصوير .. وحتى لا يحتوي على ممثلين

في البداية يقوم الفيلم بعرض موجز لبعض الاديان بشكل حيادي ..

فيقوم بعرض اولا احدى الديانات غير السماوية ذات الانتشار المحدود

والتي تدعى
(monkey chant)
ليلقي الضوء على طقوس العبادة فيها


ينتقل بعدها إلى الديانة اليهودية بشكل موجز ،ثم إلى عرض الديانة الاسلامية

حيث يقوم بخصها الجزء الاكبر من المقدمة وينتقل بعدها إلى المسيحية فالبوذية .

مع وضع بعض المشاهد الطبيعية التي تستطيع حملك إلى عالم آخر ،

عالم يبعد عن واقع القتل والدماء والسياسة والغش والخيانة ...

لينتقل بعد ذلك إلى عدة محاور مأثرة
اخشى في حال سردها في مدونتي ان افسد عليكم متعة المشاهدة ... والتحليق
نصيحة لكل من يريد التأمل في العالم ،
لكل من يريد استثمار ساعة وست وثلاثين دقيقة من حياته ... عليك بالبركة .
ملاحظة 1 : الفيلم ليس بحاجة إلى ترجمة لعدم وجود نص كما اسلفت ، اضافة إلى كونه لغته عبارة عن موسيقى قريبة للروح ليست بحاجة إلى مفسر او مترجم وسبب التسمية " بركة " يعود إلى ان الكلمة هذه تعطي المعنى ذاته في اكتر من لغة بما فيها العربية ، وبحسب تعبير المخرج

" The title Baraka is a word that means blessing in many different languages "



ملاحظة 2 :عام 1992 بدأت عملية التقاط مقاطع الفيلم واجزاءه ، وتم تصوير الفيلم في 24 دولة وهذه الصورة توضح الدول التي تم تصوير الفيلم فيها



ملاحظة 3: راودتني رغبة قاتلة في النقاش حول موضوع الفيلم وافكاره مع اشخاص واقعيين مجسدين امامي بلحم ودم ... الا ان الواقع اصبح اكذوبة اكثر من ان يستطيع حمل نماذج تستطيع تذوق المشاهد " الغير مفبركة " والافكار الغير ممضوغة والموضوعة في الفم

ملاحظة 4 : بعد عملية نشر غير منظمة عشوائية يعني قمت فيها شخصيا بين شباب الاخوية :p متأمل اننا نعمل متل جلسة حوار على الفيلم نشارك فيه آرائنا ونحكي على الجوانب الفنية اللي لمسناها بالفيلم وعلى المشاهد المؤثرة اللي مرت بالفيلم او على المشاهد اللي ما فهمناها .


للأمانة ... منقول من مدونتي :p ويقولوا دعاية ما عندي مشكلة :larg:

الله حيو ابو العبد :gem:
كنت متوقع تكون اول مشاركة " فين الرابط ؟! "
لهيك منيح جيتني بالحل السريع قبل ما ابدى اشكي وابكي للفصل اللي صار معي وكيف طار الرابط اللي نزلت منه الفيلم وما عدت اعرف كيف بدي ارجعله:cry:

ابو العبد حضار الفيلم ورجاع خلينا نحكي فيه ونتنائش على قولة اخوتنا اللبنانية :lol:

ميرسي علمساعدة :D

مرسي ابو العيد على الرابط:D
والله يا اب طوني ذوقك راقي جدا بالموسيقى والافلام كمان:D
بس لازم تشتغل بالدعاية :o

نحن بالخدمة ابو طوني رح شوف الفلم مشان نتنائش:p
انا لهلا صرت حضران نصو الي شفتو انو الفلم عميعرض طقوس معينة للديانات يعني مش عبادات متل الصلاة وغيرها
انا مارح احكم هلا بس لكملو بنحكي:D

لا ميرسي على واجب:D
بعدين ابو العبد(بالبون) مش العيد:pos:

انو الفيلم متل ما قال ابو طوني شغلة كبيري
يعني انا أبو طوني بذاتو وزيتاتو وسمناتو هداني الفيلم
موسيقى بتجنن(طبعا لأنو اول شي بهتم في لما بشوف فلم هوي الموسيقى)
الطبيعة الساحر وكمان التصوير الأكتر من رائع
وطبعا مضمون الفيلم هو الأساس
شي رائع
خيو انو النقاش كتير حلو بالفيلم بس بدنا كما حدا يشوفوا لنفوت بنقاش حلو
بس انا كأن إلى مأخذ ع الفيلم
أنو مو أي أحد بيقدر يشوفو الللي لازم يشوفوا لازم يكون بمستوى ثقافي معين
لأنو اذا ما كان ألك معرفة بالعقائد الدينية في مجموعات راح تشوفها ما راح تعرف شو أسم عقيدها او اسمها هي بالتحديد
كان من الممكن أنو نتجاوز المشكلة لو المنتجين يحطو اسم العقيدة والقوم المؤمن بها والبلد كتابة طبعا كل ما بتطلع
وغير هيك الفيلم من الأقلام الأكثر من رائعة اللي شاهدتها بحياتي
ميرسي أبوطوني

أول شي بشكر صاحب الموضوع رغم أنو من زمان حكالي عالفيلم:p بس هيك يعني ذكرني احضرو
بوقتا لأن ما قدرت لاقيه :pos: ومسو علاء نصحنا باليوتيوب وطلع عاليوتيوب في جزء ناقص منو :pos: لهيك بشكر كمان أبو العبد :D

والله ياابو طوني مشان نائشك بالفلم لازم اتطلع على كل الديانات الموجودة و لحتى اقدر ابني فكرة كاملة عن الفلم
وبالنسبة للفلم بشكل عام عن جد شي متعوب علية بضمير والطبيعة الي مصورينا شي فوق الخيال
انا رح دور على اي موضوع يشرح تفاصيل الفلم لحتى اعرف عالاقل اسماء الديانات الموجودة بالفلم
وانا متاكد انو هالفلم رح يغيرلي نظرتي لكتير شغلات
والي رجعة:D

يس هاد هوي

اهلين خيتو المهم يعجبكم :D

منتظرينك خيو :D
اي اي بزيتاتي وسمناتي حبيتا حبيتا :lol:

يا سيدي نفس الملاحظة اللي انا شكلتا ، انه لو كاتب شوي على الدول والمناطق داخل الفيلم كنا شوي استفدنا بشكل اكتر ، يعني وقت طالع جماعة اللي عبصلوا بالاول واللي طلع اسمن بعد عملية البحبشة والنكوشة monkey chant فلو كان كاتب علين كنا فهمنا شو عبيعملوا وكيف منتشرين

برايكم هاد عنصر ضعف بالفيلم ولا بالعكس هاد عنصر احترافي فيه انه عبينقل وتاركلك مجال التامل كونه ما عبيلعب دور " وثائقي " ومانه مقدم تحت هالشكل ؟
قلنالك من قرن انه فيلم بجنن ما سمعتيلي ورحتي سمعتي لعلاء انه فيلم رعب وما بدك ياه :frown:
منتظرين رجعتك ام السوس :gem:
يا دب عندك ياه :frown: انا بزيتاتي وسمناتي حطيتلك ياه :p
ابو سمرة يمكن انت حاطط شي صورة او شي رابط ما طلع عندي
بس بناء على زين بقلك اي هوي هوي هاد هوي :lol:
معك حق باشق انه الفن " يفترض " يكون في اله رسالة
بس بتقدر تتذكر آخر فيلم حضرته بيحمل رسالة مميزة او بأضعف الايمان رسالة راقية ؟!

اهلين بالشبيبة كلها :D

جاري التحميل ...بس احضرو بردلك خبر ابو طوني ... :D

تحية للصديق أبو طوني على اختياره الموفق، ومن خلال رد الصديق باشق وكما تعلم فإن لم يكن للفن رسالة فلا يعتبر فنا في نظري، وهنا أريد فقط التعليق على المعادلة الساذجة التي ذكرت، فهي تخص أفلام معينة من درجة معينة وتسوق أيضا لجمهور معين..وقد لخصتها في قولك "أفلام الحركة"، بالنسبة للأفلام الأخرى فترتكز خصوصا على على وحدة موضوع الفيلم + حوار فعال يدعو للتفكير+ تناسق في اختيار الشخصيات التي تتماشى مع موضوع الفيلم وحواره، ثم تأتي بعد ذلك، La mise en scène أي الخشبة التي تدور فيها الأحداث والتي تحتوي الديكور،الملابس،المؤثرات إلى ما إلى ذلك..وخصوصا و ـ شخصيا ـ ما يهمني وما يلخص كل هذا النسق هو le réalisateur أي director ورؤيته ورسالته التي يريد تمريرها إلى الجمهور ولو كان قليلا..فهناك مخرجون بالرغم من ضعف الإمكانيات أو بساطة خشبة الفيلم أو استعمال ممثلين درجة ثانية أو غير معروفين فإنه يشد انتباه المشاهد لعمق موضوع الفيلم، والعكس صحيح.
وهناك أفلام وهنا أعود لطرحك ـ مع الإعتذار على الإطالة ـ فالفيلم يندرج في إطار ما يسمى ب"الفيلم الوثائقي" وأنا من أشد المعجبين بهذا النمط السينيمائي خصوصا أنه يتطلب وقتا طويلا لإنتاج فيلم واحد مع اختيار دقيق جدا للنوع الموسيقي الذي يرافقه و الذي يأخذ في الغالب مكان الحوار وهذا ما يزيد صعوبة هذا الفن السينيمائي..سأحاول رؤية الفيلم ولي عودة:D

فلم رائع جداً وانا بحب كتيييير هيك شغلات ...:sosweet:
وطبعاً ما احلاه ابو طوني وما يهديني ياه .. اصلاً انا ما شفتو غير منشان يهديني الفلم .. يعني مو ع سواد عيونو:pos::p

:D